نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الثلاثاء 5/3/2013 ONTV حلقة يوتيوب كاملة
ريم ماجد: اللي يستجري يضرب جنازة ده أكيد مش سوي
بنمسي على حضراتكوا وحلقة جديدة من بلدنا بالمصري.. هنختمها بسؤال ورد غطاه شرحه يطول.. اللي بيجرى لنا على ايد الشرطة في زمن الاخوان ما خفي منه وما ظهر يكونش حالة نفسية مستعصية واحنا مش داريانين؟! والاجابة هتكون على عهدة اخصائيين نفسيين وشهود من اهل الاتنين: الشرطة والاخوان.. ولان الموضوع دة شرحه يطول زي ما قلنا.. فهنكتفي باقل قدر ممكن من اهم واخر اخبار بلدنا.. وهنبداها بمجرد عينة بينة على ان اللي بيجرى لنا على ايد الداخلية في زمن الاخوان لا يمكن يكون الا حالة نفسية.. لان اللي يستجري يضرب جنازة وطز في حرمة الموت وفي هيبة الحزن وجلاله بدل المرة اتنين وتلاتة، غير انه جبروت وافترا بما يخالف شرع الله اكيد.. وبالمخالفة للقانون اكيد.. بس غير كدة وكدة هل ممكن نكون قدام تصرف سوي باي شكل من الاشكال؟!!!
بلدنا بالمصري: قتلوا الشافعي وضربوا جنازته .. فجر
بنمسي على حضراتكوا وحلقة جديدة من بلدنا بالمصري.. هنختمها بسؤال ورد غطاه شرحه يطول.. اللي بيجرى لنا على ايد الشرطة في زمن الاخوان ما خفي منه وما ظهر يكونش حالة نفسية مستعصية واحنا مش داريانين؟! والاجابة هتكون على عهدة اخصائيين نفسيين وشهود من اهل الاتنين: الشرطة والاخوان.. ولان الموضوع دة شرحه يطول زي ما قلنا.. فهنكتفي باقل قدر ممكن من اهم واخر اخبار بلدنا.. وهنبداها بمجرد عينة بينة على ان اللي بيجرى لنا على ايد الداخلية في زمن الاخوان لا يمكن يكون الا حالة نفسية.. لان اللي يستجري يضرب جنازة وطز في حرمة الموت وفي هيبة الحزن وجلاله بدل المرة اتنين وتلاتة، غير انه جبروت وافترا بما يخالف شرع الله اكيد.. وبالمخالفة للقانون اكيد.. بس غير كدة وكدة هل ممكن نكون قدام تصرف سوي باي شكل من الاشكال؟!!!
شهبندر: شاهدت العديد من الأطفال داخل سيارات الأمن
أثناء سير الجنازة فاجأتنا الشرطة بقنابل الغاز عند ميدان سيمون بوليفار
تجمع قوات الشرطة كان يضم عديد من المدنيين
شاهدت العديد من الأطفال داخل سيارات الأمن المركزي
بلدنا بالمصري: مين بقى دول اللي فوق مديرية أمن بورسعيد
بلدنا: وزير الداخلية خاف يحضر جنازة الشهيد أبو العز
اكيد فيه فرق بين لما تكون الشرطة ضد الشعب ولما تكون معاه وفي خدمته وبتحميه وبتفديه بروحها.. دة اللي عمله النهاردة الشهيد محمود ابو العز ظابط الشرطة اللي دفع حياته بطلق ناري من مجهول في كمين متحرك في منطقة مصر القديمة وهو بيحاول يوقف عربيته بعد ما وصلته اخبارية بان فيه محاولة للاستيلاء على بنك من البنوك في المنطقة.. محمود ابو العز مش شهيد للشرطة، محمود ابو العز واللي زيه شهداء الشعب اللي بيدفعوا عمرهم فداه.. الف رحمة ونور تنزل عليه.. عزاءنا فيه لمصر كلها وربنا يصبر اهله وحبايبه ويهون عليهم وجع الفراق وعزاءهم انه بطل وشهيد للواجب اللي ما قصرش فيه.. الغريب في الموضوع ان وزير الداخلية غاب عن جنازة الشهيد، اللي فسره البعض بخوفه من امكانية انه يتعرض للهجوم من ضباط وأفراد الشرطة اللي جددوا مطالبهم بالتسليح، سوء اثناء الجنازة او قدام قسم مصر القديمة بعد ما قفلوه واضربوا عن العمل لحد ما ييجي حق الشهيد واكدوا ان القوة المرافقة للملازم الشهيد اتعطلت أسلحتهم أثناء التعامل مع المتهمين اللي قتلوه وانهم ما تمكنوش من القبض على المتهمين لانهم انشغلوا بمحاولة إسعافه ونقله للمستشفى قبل استشهاده
بلدنا بالمصري: السجن ثلاث سنوات لقناص العيون
اخيراً وبعد اكتر من سنة وشوية على واقعة "جدع يا باشا" الشهيرة والمريعة واللي راح فيها نور عيون زينة الشباب.. حكمت المحكمة النهاردة بالسجن تلات سنين على الظابط الشهير بقناص العيون.. اللي هو بالتاكيد لا جدع ولا باشا ولا يعرف ريحة الجدعنة لا من قريب ولا من بعيد
نصر الله: 3 سنوات لقناص العيون حد أدنى للعقوبة
هدى نصر الله: المحامية بالمبادرة المصرية لحقوق الإنسان
هدى نصر الله: قناص العيون ولا جدع ولا باشا
الصدفة لعبت دور كبير جدا في كشف قناص العيون
الحبس 3 سنوات يعتبر الحد الأدنى للعقوبة وفقاً للقانون
بلدنا: تضارب من الرئاسة حول تكليف الجيش بتأمين بورسعيد
من امبارح للنهاردة والتصريحات الرسمية متضاربة حوالين سحب الشرطة نهائياً من بورسعيد قبل النطق بالحكم في قضية مذبحة بورسعيد يوم السبت اللي جاي وتولي الجيش مسؤولية تامين المحافظة بالكامل.. تصريحات مستشار الرئيس للشؤون القانونية محمد فؤاد جادالله امبارح لوكالة الاناضول التركية بتاكد على الاتي
بلدنا بالمصري: 185 مصاب في بورسعيد بينهم إصابة بطلق ناري
حول الأوضاع في بورسعيد .. معنا على الهاتف مراسلنا محمد الخولي
بلدنا بالمصري: إضراب في ٣ قطاعات أمن مركزي بالمنصورة
اما في المنصورة وعلى عهدة موقع الاهرام الالكتروني دخلت ٣ قطاعات للامن المركزي في اضراب عن العمل، بالتزامن مع اخبار عن اختفاء قوات الامن المركزي من محيط مديرية الامن في المنصورة
أمين شرطة -أحمد جابر: معدناش ننزل في مواجهة الشعب تاني
اما في المنصورة وعلى عهدة موقع الاهرام الالكتروني دخلت ٣ قطاعات للامن المركزي في اضراب عن العمل، بالتزامن مع اخبار عن اختفاء قوات الامن المركزي من محيط مديرية الامن في المنصورة
معنا على الهاتف
أمين شرطة -أحمد جابر
بلدنا بالمصري: هشام قنديل بيقول ده مش عصيان مدني
في عز المعمعة اللي احنا فيها ديه كلها بقة.. وفي رجعته من زيارته للعراق، وقف رئيس الوزرا الدكتور هشام قنديل وعمل مؤتمر صحفي في المطار ولما جاب سيرة اللي حاصل في المحافظات اللي رفعت راية العصيان.. كانوا هم دول الكلمتين اللي ربنا قدروا عليهم.
بلدنا بالمصري: الشرطة بتطالبنا بحمايتها من البلطجية
اما في المنصورة وعلى عهدة موقع الاهرام الالكتروني دخلت ٣ قطاعات للامن المركزي في اضراب عن العمل، بالتزامن مع اخبار عن اختفاء قوات الامن المركزي من محيط مديرية الامن في المنصورة
معنا على الهاتف
عمرو إمام
النقيب/ عمرو النجار
محفوظ: كلية الشرطة تمارس العزل لغرس صفة الاستعداء
محفوظ: كلية الشرطة تمارس العزل والتهميش لغرس صفة الاستعداء
حسين: الإخوان منغلقين تعتبر الغير إخواني طبقة دنيا
حسين: الإخوان جماعة منغلقة على ذاتها تعتبر أن غير الإخواني طبقة دنيا
محفوظ: بدائرة القمع وزير الداخلية مقموع من شخص أعلى منه
محفوظ: بدائرة القمع وزير الداخلية نفسه مقموع من شخص أعلى منه
بلدنا: افترا الشرطة والإخوان .. بأمارة إيه؟ وحله إيه؟
هو سؤال ورد غطاه: الافترا اللي بتفتريه فينا الشرطة في الشوارع وفي الميادين وفي الاقسام وفي السجون، وايدها الطرشة اللي بتنزل ترف علينا زي القضا المستعجل منين ما نتحط تحت ضرسها.. والجبروت اللي بقى بزيادة في زمن الاخوان.. يكونوش في جزء منهم على الاقل، اعراض لحالة نفسية مستعصية واحنا مش داريانين؟!!! ولو هي فعلاً اعراض لحالة نفسية مستعصية: اولاً بامارة ايه؟! وثانياً: ديه اعراض زايلة بعون الله ولا عاهات مستديمة لا قدر الله؟! هنستعين على اجابة سؤالاتنا بضيوفنا النهاردة
د/ احمد حسين: اخصائي الطب النفسي وعضو مجلس نقابة الاطباء وعضو حركة اطباء بلا حقوق
وشهادة الشهود من اهلها او من اللي كانوا من اهلها: سواء من الشرطة او من جماعة الاخوان المسلمين
العقيد دكتور/ محمد محفوظ: عضو مجموعة ضباط لكن شرفاء
اسامة درة: الكاتب والمدون وصاحب كتاب "من داخل الاخوان اتكلم" ثم كتاب " من الاخوان الى ميدان التحرير".. وهو شخصياً بيعرف نفسه على مدونته كالاتي: كاتب/ اخواني سابق/ مصري حالي
بلدنا بالمصري: ادخلي أوضتي يا أمي
ادخلي أوضتي يا أمي وافتحي دولابي القديم ..واكسري القفل الحديد ... هتلاقي تحت هدومي في الرف اللي فوق ..علبة فيها شال أبيض جديد .. إقلعي الإسود ..إقلعي لبس الحداد .. وكفاية حزن خلاص كده .. قولي لكل الأمهات .. أنا إبني جابلي هديتي .. ومستحيل ينساني يوم العيد .. أنا موتي يا أما كان شرف ... على يوم نزولي ما تندميش .. دي الجنة مافيهاش كدابين ... ولا حتى مفتي أو شاويش .. يقولوا مين مات بلطجي ... ومين على درجة شهيد .. برضاكي فوزت بجنتي .. أنا تحت أقدامك بعيش
