برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى حلقة الاثنين 28 يناير 2013 على قناة ONTV يوتيوب كاملة
ريم ماجد: في ذكرى جمعة الغضب، لسه غراب البين قاعد
بنمسي على حضراتكوا في يوم تاني في ليلة تانية، لسة فيها غراب البين مش عايز يفارقنا..وزي ما يوم ٢٥ كان صورة طبق الاصل ويمكن اسوا من يوم ٢٥ يناير ٢٠١١.. النهاردة وكانه جمعة الغضب من تاني ويمكن اسوا.. زي المسيرات ماخرجت يوم جمعة الغضب من الجوامع سلمية وفي امانة الله فما نابها الا الضرب والسحل والدهس والموت.. زي ما خرجت مسيرة النهاردة من السيدة زينب سلمية وفي امانة الله فنابها اللي مايختلفش ومايقلش ابداً عن اللي حصل يوم جمعة الغضب وربنا بس يكفينا شر الموت
ريم ماجد: قتلوا طفل ملوش في الاشتباكات برصاص حي
النهاردة اصلاً باين من اوله، وش الفجر دفعنا شهيد جديد، كالعادة في عز شبابه، او يعني بمعنى اصح وحسب القانون، طفل، بما انه ما كملش ١٨ سنة.. سمير اشرف سمير عنده يا دوب ١٧ سنة، حسب معظم شهود العيان لا كان مشتبك ولا يحزنون، كان معدي في منطقة الاشتباكات في محيط ميدان التحرير.. خد رصاصة في الصدر وعلى ما وصل مستشفى الهلال ما كملش خمس دقايق وراح فيها.. حسب التقرير المبدئي سبب الوفاة: هبوط حاد في الدورة الدموية إثر تعرضه لنزيف حاد، بسبب إصابته بطلق ناري في الصدر".. وطبعاً وكالعادة لا يمكن هنعرف الطلقة ديه جت له من اي ناحية وميري ولا مش ميري.. وفي كل الحالات الداخلية بتاكد على ضبط النفس وعدم استخدام اي ذخيرة، لا حية ولا خرطوش.. بس احنا هنعمل اللي علينا وهنسال الاسئلة المعتادة
بلدنا بالمصري: اصابات رجال الشرطة من نيران صديقة
أ. عمرو إمام - محامي بمركز هشام مبارك .. سمير طفل راح ضحية لبلطجة الداخلية. وإصابات رجال الشرطة من نيران صديقة بسبب كثافة إطلاق النيران. والتقرير المبدئي يؤكد إصابة سمير بطلق في رقبته وفي انتظار الطب الشرعي
مراسل أون تي في: مدرعة دهست أثنين في مظاهرة سلمية
محمد حداد - مراسل أون تي في: الأمن تعامل بعنف مع المسيرة شتتها وفرق المشاركين فيها. ونقل المصابين بعد دهس المدرعة لهم الي مستشفى القصر العيني. وهناك شائعات عن إصابة أحمد حرارة بطلقات خرطوش.
الأمن تعامل بعنف مع مسيرة السيدة زينب السلمية
محمد حداد - مراسل أون تي في: الأمن تعامل بعنف مع المسيرة شتتها وفرق المشاركين فيها. ونقل المصابين بعد دهس المدرعة لهم الي مستشفى القصر العيني. و هناك أشخاص بملابس مدنية يطلقون النيران مع الشرطة على المتظاهرين.
بلدنا بالمصري: د. أحمد حرارة يروي تفاصيل إصابته بخرطوش
أنباء عن إصابة د. أحمد حرارة بطلقات خرطوش. ومعنا على الهاتف د. أحمد حرارة .. أصبت بجرح سطحي في رأسي ببلية خرطوش. وأن الأمن أعد لنا كماشة لحصارنا في شوارع جانبية
قطع الطرق بالاسكندرية في إحياء ذكرى جمعة الغضب
وائل ثابت - مراسل أون تي في بالأسكندرية يروي الأحداث هناك في ذكري جمعة الغضب 28 يناير وهناك قطع للطرق في عدة مناطق. والقوى السياسية دعت لمسيرتين لإحياء ذكرى جمعة الغضب.
آلاف السوايسة في الشارع مع الدقائق الأولى لحظر التجول
سيد نون - مراسل جريدة الشروق بالسويس: آلاف السوايسة في الشارع مع الدقائق الأولى لتطبيق حظر التجول. ولا يوجد أي تعرض للمسيرات الليلية بالسويس. وكان قد صرح مدير أمن السويس أنه سيكون هناك تعاون مع قوات الجيش لتطبيق حظر التجول.
المحلة تطالب بفرض حظر التجوال تضامناً مع أهالي القنال
عادل درة - مراسل اليوم السابع بالغربية: مسيرات حاشدة من الشباب والألتراس لمنزل الشهيد أحمد كمال الذي استشهد في ثورة الغضب منذ عامين تهتف للشهيد ويهتفون يسقط مرسي ويسقط المرشد وجماعة الغخوان المسلمين وبالمحلة يطالبون الرئيس مرسي بفرض حظر التجوال بالمحلة تضامناً مع أهالي محافظات القتال.
بلدنا بالمصري: بيان شعب بورسعيد بإسقاط شرعية محمد مرسي
بيان أصدره تكتل شباب بورسعيد حيث أعلن البيان أن شعب بورسعيد إسقاط شرعية محمد مرسي وأنه لم يعد رئيساً للبلاد ويدعو جموع الشعب المصري في كل المحافظات بالتضامن والانضمام لشعب بورسعيد.
الألاف بشوارع بورسعيد احتجاجاً على قرار حظر التجوال
محسن عشري - مراسل أون تي في ببورسعيد :أهالي بورسعيد ينزلون في الشوارع بالألاف احتجاجاً على قرار حظر التجوال
وأن هناك بيان أصدره تكتل شباب بورسعيد حيث أعلن البيان أن شعب بورسعيد إسقاط شرعية محمد مرسي وأنه لم يعد رئيساً للبلاد ويدعو جموع الشعب المصري في كل المحافظات بالتضامن والانضمام لشعب بورسعيد.
بلدنا بالمصري: أسباب تأجيل قافلة التضامن مع بورسعيد
بيان بخصوص قافلة التضامن مع شعب بورسعيد .. أعلن التيار الشعبي تأجيل قافلة القوى الشعبية والوطنية التي كانت مقرراً لها السفر إلى مدينة بورسعيد صباح غد الثلاثاء 29 يناير إلى موعد لاحق لهذه الأسباب ..
بلدنا بالمصري: قناة السويس بخير وحركة الملاحة طبيعية
في عز كل دة، ولحد دلوقتي والحمد لله ويارب دايماً، قناة السويس لسة في امان وحركة الملاحة ماشية بشكل طبيعي
ريم ماجد: شهادات السويس وبورسعيد صوت وصورة
كل ما الايام بتعدي وتفوت، كل ما اللي حصل واللي بيحصل ما بيظهر ويبان ولو بالتدريج وواحدة واحدة.. وكله لحد دلوقتي على عهدة الاهالي اللي عاشوا الماساة او شافوها بعينيهم ومش ناويين يكتموا الشهادة.. واحنا ما علينا الا اننا نوفر البراح اللازم للشهادات ديه عشان تشوف النور زي ما هي وزي ما توصلنا بالظبط، اللهم الا بس لو فيه كلمة كدة ولا كدة خرجت في لحظة غضب وما يصحش تسمعوها.. او فيه مشاهد دموية ومش هنعلق عليها خالص.. ولا هنقول مين اللي عليه الحق ومين اللي معاه.. لكن الشهادات ديه بالصوت والصورة بمصادرها، موجودة عندنا لوقت عوزة لما تتفتح تحقيقات بجد وبحق وحقيقي ويبقى فيه ارادة حقيقية ونية خالصة ان الحقيقة تبان وكل حي او ميت ياخد حقه وكل حي اجرم في حق الشعب دة ياخد جزاءه بالعدل
طفل يتحدى الأمن .. الأمل من لحم القلوب منحوت
هنطلع فاصل ونرجع نكمل بقية مواجع بلدنا، بس واحنا في السكة للفاصل، هنسيبكوا مع كام دقيقة مافيش غيرهم، احنا شفنا فيهم طاقة نور وامارة تعيننا على اننا نمسك في الامل في بكرة بادينا وسناننا، من غير ما نغمض عينينا عن الماساة اللي ممكن تكون ورا كل دة. واحنا مدركين تماماً انه مش بالضرورة الكل يشوف فيها اللي احنا شفناه، بالعكس.. ويمكن احنا بنتلكك في عرض اي بصيص امل، بس برده ما هانش علينا ربنا يبعت لنا امارة زي ديه في يوم زي دة ونبخل بيها عليكوا.. بس وانتوا بتتفرجوا خلوا في عقل بالكوا الكلمتين دول للخال عبد الرحمن الابنودي: حذارى م الموت بأقولهالكم بعلو الصوت. اليأس دبل الورود ولعبة الخايبين. أما الأمل فده من لحم القلوب منحوت. لا توقفه سجانين ولا بياعِين الدين!!
الجدع عارف نفسه، الدور والباقي على الجبان اللي عامل فيها جدع او مش داريان يا ولداه انه جبان
ريم ماجد: الجدع عارف نفسه والدور والباقي على الجبان
هنسيبكوا مع كام دقيقة مافيش غيرهم، احنا شفنا فيهم طاقة نور وامارة تعيننا على اننا نمسك في الامل في بكرة بادينا وسناننا، من غير ما نغمض عينينا عن الماساة اللي ممكن تكون ورا كل دة. واحنا مدركين تماماً انه مش بالضرورة الكل يشوف فيها اللي احنا شفناه، بالعكس.. ويمكن احنا بنتلكك في عرض اي بصيص امل، بس برده ما هانش علينا ربنا يبعت لنا امارة زي ديه في يوم زي دة ونبخل بيها عليكوا.. بس وانتوا بتتفرجوا خلوا في عقل بالكوا الكلمتين دول للخال عبد الرحمن الابنودي: حذارى م الموت بأقولهالكم بعلو الصوت. اليأس دبل الورود ولعبة الخايبين. أما الأمل فده من لحم القلوب منحوت. لا توقفه سجانين ولا بياعِين الدين!!
الجدع عارف نفسه، الدور والباقي على الجبان اللي عامل فيها جدع او مش داريان يا ولداه انه جبان
مين بيعاقب الشعب .. وازاي .. واشمعنى مدن القناة
مين اللي عايز يعاقب الشعب.. مدخل كويس لمحاولة فهم اللي بيحصل ومين المستفيد او مين ولا مين.. يمكن فيه اتفاق على ان فعلاً الشعب بيتعاقب لكن يمكن يكون الخلاف حوالين مظاهر العقاب ومين اللي بيعاقب.. بلاش جبهة الانقاذ وبلاش التيار الشعبي وبلاش اراء وتحليلات سياسية مؤقتاً: اهالي المحافظات التلاتة اللي اتفرضت عليها حالة الطوارئ وحظر التجول اعتبروا القرارات ديه عقاب جماعي ليهم فوق المعاناة اللي هم بيعانوها من جراء الاحداث.. فايه مظاهر عقاب الشعب
- مظاهر العقاب ومين اللي عايز يعاقب الشعب بعد سنتين من ثورته؟!
- ليه مدن القناة بالتحديد على الرغم من ان اللي بيحصل في اسكندرية وحتى هنا في القاهرة اسوا منها في الاسماعيلية مثلاً؟! هل دة لحماية قناة السويس حتى ولو على حساب اهل المدن التلاتة ولا بصوا العصفورة واتلهوا فيها على ما نفرط في قناة السويس مقابل الصكوك؟
قرارات الرئيس امبارح نفهمها ازاي فيما يخص وضع الجيش؟! هل مقدمة لعودة الجيش للمشهد السياسي ولا مقدمة لمواجهة جديدة بين الجيش والشعب؟!
- الداخلية المرة ديه جلاد برده ولا يمكن ضحية؟! ولو ضحية ضحية الشعب ولا ضحية قياداتها ولا النظام؟!
- تقييم لأداء السلطة والمعارضة وعلاقتهم بالشارع.
جبهة الإنقاذ رفضت حوار مرسي .. وحجتهم معاهم
بعيد عن الميدان، السياسة واخدة حدها.. ومش عارفة ليه جت على بالي تويتاية دلوقتي، صاحبها او صاحبتها كان بيقول: لو الاخوان بطلوا نهضة والجبهة بطلت انقاذ البلد هتبقى زي الفل.. والله اعلم.. رئيس الجمهورية بعد ما اعلن امبارح حالة الطوارئ وحظر التجول وشكر رجال الشرطة وميز بين المواطنين الشرفاء وغيرهم من المواطنين اللي يستاهلوا كل اللي يجرالهم، دعا تاني او تالت يمكن لحوار وطني ووجه الدعوة لاحزاب بعينها وشخصيات عامة من اللي سماهم رموز المعارضة.. فرفضت جبهة الانقاذ المشاركة في الحوار.. وحجتها او حجتها معاها
بلدنا بالمصري: الحرية والعدالة منظمين دورة بلاي ستيشن
في عز اللي إحنا فيه الحرية والعدالة منظمين دورة بلاي ستيشن .. هما لو يبطلوا نهضة بقى.
عريضة انتهاكات للرئيس مرسي في زيارته لألمانيا
الحاجة الأخيرة الي عايزة اقولهالكم عشان إحنا فضيحتنا بقت بجلاجل. زي ما حضراتكم عارفين إن د. محمد مرسي رئيس الجمهورية هيقوم بزيارة لألمانيا يوم الاربعاء القادم. وعلى هامش الزيارة دي منظمة العفو الدولية طرحت عريضة فيها بعض المطالب وطلبت من الشعب الالماني إنه يوقع عليها لتوجيهها إلى المستشارة الالمانية للتنديد بما تعرض له الشعب المصري من انتهاكات لحقوق الإنسان من عنف واستخدام مفرط للقوة على يد قوات الشرطة والجيش.
بلدنا بالمصري: افتكروا حالنا ووصلنا ازاي لجمعة الغضب
هنحاول على قد ما نقدر نفك طلاسم المشهد لعل وعسى نعرف بس فين راسنا وفين رجلينا.. بس واحنا خارجين هنقف ونفتكر يوم بيوم ولحظة بلحظة اللي كنا فيه زي الايام ديه من سنتين فاتوا من يوم ٢٥ ولحد زي النهاردة وزي دلوقتي بالدقيقة، واحنا اللي بتنا فيه لسة بنصبح عليه وعلى الاسوأ منه كمان
بلدنا بالمصري: مين اللي بيعاقب الشعب المصري .. وازاي؟
في تويتة من تويتاتك الاخيرة بتتساءل عن مين اللي عايز يعاقب الشعب.. مدخل كويس لمحاولة فهم اللي بيحصل ومين المستفيد او مين ولا مين.. يمكن فيه اتفاق على ان فعلاً الشعب بيتعاقب لكن يمكن يكون الخلاف حوالين مظاهر العقاب ومين اللي بيعاقب.. بلاش جبهة الانقاذ وبلاش التيار الشعبي وبلاش اراء وتحليلات سياسية مؤقتاً: اهالي المحافظات التلاتة اللي اتفرضت عليها حالة الطوارئ وحظر التجول اعتبروا القرارات ديه عقاب جماعي ليهم فوق المعاناة اللي هم بيعانوها من جراء الاحداث.. فايه مظاهر عقاب الشعب اولاً من وجهة نظرك؟!
بلدنا بالمصري: سنتين ثورة .. الداخلية جلاد أم ضحية
الداخلية المرة ديه جلاد برده ولا يمكن ضحية؟! ولو ضحية ضحية الشعب ولا ضحية قياداتها ولا النظام؟!
