نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الاحد 13يناير 2013 تقديم شريهان ابو حسن من قناة ONTV يوتيوب كاملة
من جديد: رد قيمة هدايا مبارك لمؤسسة الأهرام
إحنا حيكون لينا قراءة اكتر في ملف إعادة المحاكمة بعد ما نخلص من أخبارنا، ولسه احنا مع مبارك واخباره والنهاردة وافق المستشار مصطفي الحسيني، المحامي العام لنيابات الأموال العامة العليا، علي الطلب المقدم من فريد الديب محامي الرئيس السابق حسني مبارك وأسرته، بسداد مبلغ 18 مليون جنيه، قيمة هدايا حصل عليها الرئيس السابق وأفراد أسرته من مؤسسة الأهرام .. معانا محمود المملوك الصحفي بجريدة اليوم السابع .
ضبط 4 من المتهمين بالأعتداء على معتصمي الاتحادية
وزارة الداخلية اعلنت النهاردة عن ضبط عدد من مرتكبي واقعة الأعتداء على معتصمي الاتحادية والهجوم عليهم اللي حصل امبارح زي ما حضراتكوا عارفين كان الهجوم حصل امبارح بألقاء مجهولين قنابل حارقة على خيام المتظاهرين وأطلقوا الرصاص المطاطي على المتظاهرين وقوات الأمن، مما أدي إلى إصابة ما لا يقل عن 15 شخصًا، والنهاردة تمكنت اجهزة الامن من ضبط 4 من المتهمين ياترى مين هما وتحقيقات النيابة وصلت لأية .. معانا مع عمر حسانين مساعد رئيس تحرير جريدة المصري اليوم .
من جديد: النقض تقضي بإعادة محاكمة رموز النظام السابق
العودة إلى المربع صفر ده نقدر نلخص بيه الحكم اللي اصدرته النهاردة محكمة النقض واللي أمرت بإعادة محاكمة مبارك وولاده وحبيب العادلي ومساعدينه بعد ما قبلت المحكمة الطعون المقدمة من مبارك والعادلي على الأحكام الصادرة ضدهما بالسجن المؤبد في قضايا قتل المتظاهرين..كمان المحكمة قضت بقبول طعون النيابة العامة على أحكام البراءة اللي حصل عليها مساعدي حبيب العادلي الستة وحكم براءة الرئيس السابق ونجليه علاء وجمال ورجل الأعمال حسين سالم في قضايا تصدير الغاز واستغلال النفوذ.. وأمرت بإعادة محاكمتهم جميعا مرة أخرى امام دائرة جديدة ..
من جديد: مبارك بعد حكم محكمة النقض بإعادة المحاكمات
ايه المفروض ما يحدث الان بعد حكم محكمة النقض بإعادة محاكمة مبارك .. معنا الدكتور شوقي السيد الفقيه القانوني والدستوري .
من جديد: حمامة زاجل تحمل رسالة وميكروفيلم
عثر حارس أمن، بإحدى الشركات بشبرا الخيمة، الأحد، على «حمامة» من النوع «الزاجل»، تحمل رسالة و«ميكروفيلم»، بقدميها، تم التحفظ على «الحمامة»، والمضبوطات، وإرسالها إلى المعمل الجنائي لفحص الرسالة، وتفريغ الميكروفيلم، وتحرير محضر بالواقعه رقم «302»، إداري قسم ثان شبرا، وتولت النيابة التحقيق.
وزير الداخلية يؤكد دور الداخلية هي حماية المنشات
النهاردة وزير الداخلية قام بجولة حوالين الطريق الدائري، لاتفقد فيها الحالة الامنية، وأكد في تصريحات ليه على حماية المظاهرات، لكنه شدد على ان برضوة دور الداخلية حماية المنشآت ، هل كدة ممكن ده يكون سبب في تفريق اي مظاهرة بالقوة ، عموما خلونا نشوف وزير الداخلي قال ايه.
من جديد: 63 % من المواطنين يؤيدون أداء الرئيس
هناك إستطلاع رأي جديد على من يوافقون ومؤيدون على أداء الرئيس محمد مرسي .. معانا الدكتور ماجد عثمان رئيس مركز أبحاث بصيرة .
من جديد: مؤتمر للرئيس مرسي ورئيس مجلس الإتحاد الأوروبي
النهاردة الدكتور محمد مرسي رئيس الجمهورية عقد مؤتمر صحفي مشترك مع رئيس مجلس الإتحاد الأوربي وأكد ان مصر ملتزمة بتمام بناء مؤسساتها التشريعية والدستورية ... ودا عقب المباحاث اللي تمت ما بين الطرفين بخصوص تقديم مساعدات مالية لمصر..وشرح الاستعدادات المصرية للانتخابات اللي جاية.
من جديد: مؤتمر الجبهة الدستورية بشأن ضمانة الانتخابات
زي ما شوفنا في التقرير كان فيه حرص من الجانب الأوروبي والجانب المصري على التأكيد على أهمية استكمال المؤسسات التشريعية، من خلال اتوافق الوطني، نفس الموضوع تقريبا كان محور النقاش في المؤتمر اللي عقدته الجبهة الدستورية المصرية، المؤتمر ناقش ضمانات العملية الإنتخابية وده في حضور عدد كبير من السياسيين والاكاديميين وممثلي الأحزاب السياسية.
من جديد: مؤتمر لطلاب جامعة النيل بشأن مشروع زويل
النهاردة عدد من طلاب وباحثي واساتذة جامعة النيل عقدوا مؤتمر صحفي بمقر نقابة الصحفيين اتكلموا فيه عن الحكم الصادر بأحقيتهم في تسلم مبنى واحد فقط من المباني والأراضي اللي تم تخصيصها لمشروع مدين زويل العلمية
بين قبول ورفض أدلة جديدة في قضية مبارك - محسن بهنسي
معانا محسن بهنسي عضو لجنة تقصي الحقائق المشكلة من الرئيس والحديث عن قبول ورفض أدلة جديدة في قضية مبارك
قضية مبارك تعود للمربع رقم صفر .. في من جديد
من جديد أهلا بحضراتكوا ومن جديد بنرجع لنقطة الصفر.. قضية الرئيس السابق حسني مبارك وحبيب العادلي فى قتل المتظاهرين في أحداث الثورة كأن لم تكن بعد إلغاء محكمة النقض للحكم على مبارك والعادلي .. حكم النهاردة جاء واحنا على بعد أيام من 25 يناير الثاني بعد الثورة.. و26 يناير اللي حيصدر في الحكم في قضية شهداء الألتراس.
وبعيدا عن الحديثن دولا .. لما نرجع تاني لقضية مبارك، باختصار القضية هتتعاد من الأول خالص من جديد وكل اللي عنده أدله جديدة يقدمها وتبدأ المرافعات من أول وجديد وهنفضل نتابع من تانى مبارك وهو داخل القفص وجاي بالطيارة وراجع مستشفي السجن فى انتظار حكم جديد على مبارك والعادلي هيكون يا إما بتأييد الحكم أو تخفيفه حسب أوراق القضية والأدلة اللى هيقدمها دفاع مبارك وأدلة الأدعاء ومحامي الشهداء أو يطلع براءة هو كمان .. نفهم أكتر موقف الطرفين واستعداداتهم مع ضيوفنا إنهاردة .. محمد لاشيين محامي أهالي الشهداء والمصابين، ويسري عبد الرازق رئيس هيئة المحامين المتطوعين للدفاع عن مبارك.
من جديد: قائمة انتخابية موحدة لجبهة الإنقاذ
من جديد أهلا بحضراتكوا، خلاص جبهة الإنقاذ الوطني حسمت امرها وحتخوض الانتخابات موحدة وبتنسيق بين احزابها، والنهاردة كان فيه اجتماع مهم بخصوص خوض انتخابات مجلس الشعب الجاية.. ومن المفترض ان فيه لجنة لادارة العملية الانتخابية والمتحدث باسم اللجنة هو الدكتور محمود العلايلي، اللي مشرفنا النهاردة واللي عندنا ليه اسئلة كتيرة حوالين زاي حيتم اختيار لمرشحين والاترتيبهم، بمعنى تاني هيواجهوا ازاي المشاكل اللي حتطلعلهم في الطريق للانتخابات.
نحاول نفهم إيه اللى بيحصل داخل جبهة الأنقاذ ورؤية عامة عن الانتخابات المقبلة لو أجريت فى الوقت القريب من ضيفنا انهارده الدكتور محمود العلايلي سكرتير عام مساعد حزب المصريين الأحرار والمتحدث الإعلامي للجنة انتخابات جبهة الإنقاذ .. أهلاً بيك وسهلا يا دكتور ...
