نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاربعاء 2 يناير 2013 تقديم ريم ماجد على قناة ONTV حلقة يوتيوب كاملة
ريم ماجد: الحرية حقنا وواجبنا ندافع عنها
يسعد مساكم وحلقة جديدة من بلدنا بالمصري.. هيكون فيها نصيب كبير لحرية الصحافة والاعلام.. حيث انه وجب بقة ومابدهاش وان الاوان لكل من كان قلبه على كلمة حرة وعلى الحقيقة مهما كانت مرة انه يقف ويدافع وبعزم ما اداه ربنا وبكل الوسائل المهنية والمشروعة للدفاع عن حقنا جميعاً كمواطنين قبل الصحفيين والاعلاميين في التعبير وفي المعرفة.. من حقنا نعرف وما فيش حاجة تستخبى ولا تتزور ولا تتشوه.. ومن حقنا ومن واجبنا نجري ورا الحقيقة على قد ما نقدر وندور عليها بمنكاش ونخليها تشوف النور.. ومن حقنا نكتب ونتكلم ونعبر عن راينا من غير لف ودوران وبالفم المليان وبقلب جامد واحنا حاسين بالامان ومطمنين على حياتنا وعلى سلامتنا وعلى اكل عيشنا وعلى حريتنا وعلى سمعتنا وعلى اعراضنا.. وما فيش سيوف متسلطة على رقابينا من اول القتل ولحد الوصمة بالخيانة او العمالة او الكفر او قلة الحيا وقلة الادب مروراً بالحبس والمرمطة والرمية في السجون.. من حقنا نكون احرار ومن واجبنا ندافع عن حريتنا وعن حقنا في صحافة حرة واعلام حر ومستقل عن اي سلطة و اي جاه.. عن سلطة الدولة وجبروتها وعن جاه راس المال وحساباته.. وبناءاً عليه وابتداءاً من النهاردة ومن هنا ورايح احنا كمحطة وكبرنامج وكفريق عمل، احنا جزء من حملة متواصلة للدفاع عن حرية الصحافة والإعلام.. وفضح حملات التحريض اللي بتستهدفنا.. ومحاولة للتفكير بصوت عالي في حلول ووسائل بديلة لحماية حقنا وحقكم في المعرفة وفي حرية الراي والتعبير.. واحنا مش لوحدنا.. احنا ايدينا في ايد صحفيين واعلاميين وكتاب مقالات واصحاب راي في الجرايد وفي قنوات فضائية وبرامج حوارية تانية زي حالاتنا كدة.. والله المستعان..
هنحاول نفهم حكاية اليهود المصريين في بلدنا بالمصري
اما الختام، فهيكون على حس دعوة الدكتور عصام العريان للاسرائيليين من اصل مصري بالرجوع لمصر من باب انها اولى بيهم.. بس على حس الدعوة اللي هنتلكك بيها عشان نفتح صفحة مطوية ومكفي عليها ماجور في تاريخنا.. صفحة اليهود المصريين.. هنقرا فيها على قد ما نقدر.. وهنحاول نفهم اولاً ليه الصفحة ديه مطوية ومين اللي كان ليه مصلحة في طيها طول السنين ديه؟! ايه الافكار والمفاهيم والحكايات والروايات المغلوطة عنهم ومين اللي روجها وازاي اتوظفت؟! والاهم من كدة ايه اللي حول اليهودي المصري من حقيقة وطنية وتاريخية لحقيقة تاريخية تانية وهي انتفاء وجوده تماماً سواء من الوطن او من تاريخه؟! ليه رحل وامتى وراح فين؟! وايه علاقة اليهودي المصري دة بالمرسل اليه وبعلم الوصول دعوة الدكتور عصام العريان بالعودة؟!!!! كل ديه اسئلة هنستعين عليها في فقرتنا الاخيرة بالدكتور خالد فهمي استاذ التاريخ في الجامعة الامريكية..
مطالبين بأن نكون جنوداً في سبيل الحرية .. كارم محمود
اما اخر اخبار بلدنا، فهنبداها بالاسطوانة المشروخة وموال الاتهامات والبلاغات اللي بقت يوماتي على الله.. بجد ماعادش فيه يوم بيعدي ويفوت كدة من غير بلاغ ضد ولا تحقيق مع صحفي او اعلامي او جرنال او محطة.. الدور النهاردة على الكاتب الصحفي عبد الحليم قنديل، رئيس تحرير جريدة صوت الامة.. والاعلامي والزميل العزيز باسم يوسف، تاني.. والاتهامات ما بين اهانة رئيس الجمهورية وتكدير الامن والسلم العام وازدراء الاديان وكلهم اخر صيحة في عالم الاتهامات اللي نازلة ترف على الصحافة والاعلام، اشي من احاد الناس من المواطنين الشرفاء او من مؤسسة الرئاسة ورئيس الجمهورية بذات نفسهم..
ديه مجرد عينة من اللي صار واللي كان واللي لسة بيحصل للصحافة والاعلام في بلدنا ويمكن ما خفي لسة اعظم.. عشان كدة بنقول خلاص بقة وجب وما بدهاش.. في فقرتنا اللي جاية بعد اخر اخبار بلدنا هيكون لنا كلام يطول شرحه في الموضوع دة مع الكاتب الصحفي الاستاذ سعد هجرس والاستاذ عبد الله خليل المحامي والخبير الدولي في حقوق الانسان
معنا على الهاتف
أ/ كارم محمود - سكرتير عام نقابة الصحفيين
بلدنا: اتهام عبدالحليم قنديل وباسم يوسف بإهانة الرئيس
اما اخر اخبار بلدنا، فهنبداها بالاسطوانة المشروخة وموال الاتهامات والبلاغات اللي بقت يوماتي على الله.. بجد ماعادش فيه يوم بيعدي ويفوت كدة من غير بلاغ ضد ولا تحقيق مع صحفي او اعلامي او جرنال او محطة.. الدور النهاردة على الكاتب الصحفي عبد الحليم قنديل، رئيس تحرير جريدة صوت الامة.. والاعلامي والزميل العزيز باسم يوسف، تاني.. والاتهامات ما بين اهانة رئيس الجمهورية وتكدير الامن والسلم العام وازدراء الاديان وكلهم اخر صيحة في عالم الاتهامات اللي نازلة ترف على الصحافة والاعلام، اشي من احاد الناس من المواطنين الشرفاء او من مؤسسة الرئاسة ورئيس الجمهورية بذات نفسهم..
ديه مجرد عينة من اللي صار واللي كان واللي لسة بيحصل للصحافة والاعلام في بلدنا ويمكن ما خفي لسة اعظم.. عشان كدة بنقول خلاص بقة وجب وما بدهاش.. في فقرتنا اللي جاية بعد اخر اخبار بلدنا هيكون لنا كلام يطول شرحه في الموضوع دة مع الكاتب الصحفي الاستاذ سعد هجرس والاستاذ عبد الله خليل المحامي والخبير الدولي في حقوق الانسان
بلدنا بالمصري: المخلوع شاف ثورة التحرير على قناة مشفرة
لجنة تقصي الحقائق اللي تم تشكيلها بقرار جمهوري باسم لجنة جمع المعلومات والادلة وتقصي الحقائق في احداث الثورة منويوم ٢٥ يناير ٢٠١١ لحد يوم ٣٠ يونيو ٢٠١٢.. عرضت النهاردة تقريرها النهائي على رئيس الجمهورية.. وحسب البيان الصادر من الرئاسة
الخطيب: السيارة الدبلوماسية اللي دهست الثوار داخلية
لجنة تقصي الحقائق اللي تم تشكيلها بقرار جمهوري باسم لجنة جمع المعلومات والادلة وتقصي الحقائق في احداث الثورة منويوم ٢٥ يناير ٢٠١١ لحد يوم ٣٠ يونيو ٢٠١٢.. عرضت النهاردة تقريرها النهائي على رئيس الجمهورية.. وحسب البيان الصادر من الرئاسة
معنا على الهاتف
تقادم الخطيب - عضو لجنة تقصي الحقائق
بلدنا بالمصري: مهند سمير بيتحسن وربنا يتمله الشفا
كل اللي حصل قبل الرئيس ما يستلم السلطة واللي حصل في عهده وتحت سمعه وبصره وتحت بلكونة قصره كوم تاني خالص ومصير الحقايق هتظهر وتبان برده.. اخر الجرايم في عهد الرئيس المنتخب، محاولة اغتيال مهند سمير، اللي ان شاء الله ناب اللي عملها هيطلع على شونة بعون الله وبدعواتنا
معنا على الهاتف
تامر جمعة - محامي مهند سمير
أحمد فاروق: تحسن حالة مهند رسالة من الله للقصاص العادل
معنا على الهاتف
د. أحمد فاروق - متحدث باسم أطباء التحرير
بلدنا بالمصري: مجهولون يعتدون على عبدالرحمن عز
اما عن الناشط عبد الرحمن عز، المتقدمة فيه بلاغات للنائب العام لسة ما اتحركتش لحد النهاردة بتتهمه بالمشاركة في حرق حزب الوفد والتحريض على النشطاء في الاتحادية والتحريض على قتل الحسيني ابو ضيف، فتم الاعتداء عليه امبارح من مجهولين لحد دلوقتي والحواديت والروايات حوالين الاعتداء عليه فيها قولان وفيها كلام مؤكد.. المؤكد انه تم الاعتداء عليه بعد خروجه من مستشفى احمد ماهر اللي بيتعالج فيها مهند.. اما كان رايح ليه وايه اللي وداه هناك هو وواحد تاني بيقال انه الحارس الشخصي لشيخ حازم ابو اسماعيل ففيها قولان.. هو بيقول انه كان رايح يزوره ويطمن عليه ومافيش اي حاجة تثبت العكس.. لكن المؤكد ان الزيارة اياً كان سببها ماكانش مرحب بيها ابداً.. والمؤكد انه بعد الاعتداء عليه اتنقل لمستشفى الهلال وخرج منها الفجر وكان مصاب بسحجات وكدمات وكسر في دراعه اليمين. النيابة بدات التحقيقات النهاردة
نورالدين: السيارة المضبوطة من الداخلية لصديق مهند
معنا على الهاتف
إسلام نور الدين - ناشط سياسي
بلدنا بالمصري - فوزي: تم رفع جهاز التنفس عن مهند
معنا على الهاتف
د. محمد فوزي - مدير مستشفى أحمد ماهر
بلدنا: اشتباكات ألتراس الأهلي والمصري في بورسعيد
في بورسعيد.. اتسبب جرافيتي على غير العادة في اشتباكات اطرافها طلبة في المدينة الجامعية ومجموعة من الاهالي ومجموعة من اعضاء التراس وجمهور النادي المصري.. مين مع مين ومين على مين وليه دة كله.. دة اللي هنعرفه من
مراسل أون تي في - محسن العشري
بلدنا: القضاة يبحثون سبل التصعيد لمواجهة النائب العام
اخر تطورات ازمة النائب العام اللي لسة مش باين لها اي حل في الافق.. انه في الوقت اللي النائب العام المستشار طلعت عبد الله بيمارس مهامه بشكل كبيعي وبيستعرض مع مساعديه خطة العمل بالنيابة خلال العام القضائي الحالي، وكيفية تطويره والنهوض بمسيرة الأداء، دليل على انه ماعندوش اي نية للتخلي عن منصبه، في نفس الوقت اعضاء النيابة العامة بيجتمعوا في اجتماع مغلق في نادي القضاة لبحث سبل التصعيد في مقابل عدم استجابة النائب العام لمناشدة المحلس الاعلى للقضاء ونادي القضاة بالتخلي عن منصبه بعد ما انتهت المهلة من يوم السبت اللي فات..
بلدنا بالمصري: تظاهر سواقين التاكسي ضد خداع المالية
مش بعيد ابداً عن مجلس الشورى.. قدامه على طول وفي شارع القصر العيني اتظاهر اصحاب التاكسي الابيض احتجاجاً على اللي وصفوه بتضررهم من المشروع القومي للتاكسي واتهموا وزارة المالية بالخداع
بلدنا بالمصري: محمود بشير .. وللثورة مفقودين أيضاً
الثورة اللي احنا عملناها ولسة مكملين، زي ماليها شهدا وليها مصابين.. ليها كمان مفقودين من اول يوم ولحد احداث الاتحادية.. والله اعلم باحوالهم والله اعلم ان كانوا على وش الدنيا ولا احياء عند ربهم يرزقون.. اما اهاليهم فربنا يتولاهم ويقدرهم ويقدرنا نلاقيهم.. محمود بشير واحد منهم.. خرج يسارك في احداث محمد محمود السنة اللي فاتت ولم يعد
الخير في قلوب حالة .. دور ع الناس في بلدنا بالمصري
لكن قبل الفاصل خلونا نرجع ندور عالناس زي زمان وعلى الخير اللي في قلوب الناس.. دورنا عليه فلقيناه في قلوب ناس عادية جداً وبسطة جداً وشبه كل الناس غيرش بس انهم عاملين حابة
بلدنا: حرية الرأي والإعلام .. حقنا وإزاي ندافع عنه
كل المواجع اللي اتقلبت عليناىفي التقرير دة، ديه مجرد عينة من اللي عشناه وشفناه واتكوينا بناره في ٢٠١٢ ولسة!!! لسة ما خفي كان اعظم ولسة اللي جاي العن واضل سبيلا، والبركة في دستور، بعد ثورة خرجت تزعق باعلى صوتها على الحرية، وعلى اخر الزمن بدل ما يكفل حرية الراي والتعبير والصحافة والاعلام ويضمنها ويحميها، كتر الف خيره وخير اللي كتبوه واللي وافقوا عليه، بدل ما تبقى الحرية هي المكفولة بالدستور، اصبح تقييدها وانتهاكها والاعتداء عليها هم اللي مكفولين بالدستور وبالقوانين اللي هتصدر حالاً على حسه.. ايه الصرفة وايه العمل.. دة اللي هنناقشة النهاردة مع ضيوفنا
بلدنا: اليهود، إزاي عاشوا في مصر وليه خرجوا منها
هنقلب في صفحات مطوية من تاريخنا سهواً أو عمداً ومع سبق الاصرار .. عن سيرة اليهود المصريين ازاي عاشوا في بلدهم وازاي هاجروا منها وليه وراحوا فين خلق الله دول في بلاد الله.. وايه الفرق بين اللي خرج من مصر واختار يعيش في اسرائيل وبين اللي خرج من مصر واختار يعيش في اي حتة تانية في الدنيا الا اسرائيل
رب ضارة نافعة.. ويمكن المنفعة الوحيدة من ورا دعوة الدكتور عصام العريان اللي بقت اشهر من نار على علم، للاسرائيليين من اصل مصري بالرجوع لمصر على اساس ان الرك على الاصل، هي اننا نرجع لصفحة اليهود المصريين المطوية في تاريخنا.. ونعيد قراءتها او نقراها يمكن لاول مرة.. وهنستعين على المهمة ديه بضيفنا النهاردة
الدكتور/ خالد فهمي: استاذ التاريخ في الجامعة الامريكية
