نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الثلاثاء 1 يناير 2013 يوتيوب كاملة
بلدنا بالمصري: مهند سمير بيتحسن .. ربنا يتمم الشفا
يسعد مساكم واول حلقة من بلدنا بالمصري في السنة الجديدة.. امبارح اترجينا ربنا انها تكون ارحم بينا واحن علينا من اللي قبلها.. وشكلها كدة مش هتخيب رجانا وناوية تصالحنا وتجبر بخاطرنا بعد اللي عملته فينا السنة اللي فاتت لحد اخر نفس فيها.. السنة اللي فاتت فارقتنا واحنا قلبنا مفطور على مهند وبندعيله يقوم بالسلامة ويشد حيله ويقف على رجليه ويبص بعين قوية في عين اللي صابه.. ورغم القهرة بس كنا متعشمين خير وعشمنا في ربنا كبير.. قامت السنة الجديدة خطت العتبة ومعاها البشارة.. ربنا بس يتمم شفاه على خير
تامر جمعة: المتهم في قضية مهند لم يعترف على نفسه
معنا على الهاتف أ/ تامر جمعة - محامي مهند سمير
بلدنا بالمصري: مهند سمير فتح عينه وابتسم لوالدته
معنا على الهتف ةالدة مهند سمير - السيدة/ هبة عبد القادر
بلدنا بالمصري - فتوح: استهداف رموز النشطاء ليس عشوائي
بيان أطباء التحرير عن محاولة إغتيال مهند سمير وتطابقها مع محاولات اغتيال النشطاء
معنا على الهاتف
د. محمد فتوح
بلدنا بالمصري: كريم الشاعر يروي تفاصيل اختطافه
بس الحقيقة ان الثوار مش بس بقوا عرضة للاغتيال.. ولا كانوا بس عرضة للاعتقال والرمي في السجون والمحاكمات العسكرية والتعذيب على كل شكل ولون.. لا هم كمان كانوا ومازالوا عرضة للخطف في غمضة عين ولا من شاف ولا من دري وما حدش يعرف لهم طريق جرة.. لحد ما يظهروا او يفضلوا في عداد المفقودين.. ولنا في كريم الشاعر عضو حركة كفاية والصحفي في جريدة الوطن اخر عينة بينة.. كريم كان من ضمن معتصمين الاتحادية.. اختفى فجاة يوم ٢٢ ديسمبر قبل ما يظهر ويبان اخيراً اول امبارح ويحكي الحكاية كلها قدام النيابة وفي مؤتمر صحفي النهاردة قدام قصر الاتحادية.. المؤتمر كان المفروض معاده امبارح واتاجل للنهاردة بعد اصابة مهند اللي كان لها نصيب كبير في المؤتمر بالاضافة لعرض لحالات الاختطاف اللي اتعرض لها الثوار مؤخراً والاجراءات القانونيه اللي هيتم إتخاذها في مواجهة اللي وصفوه بالهجمة الإرهابيه
بلدنا بالمصري - فوزي: جبهة الإنقاذ لن تشارك في الحوار
من اخر اخبار بلدنا، ان الحوار الوطني.. ما احنا فايتنكم في الكلام ان فيه حوار وطني شغال اليومين دول، بامارة حتى ما جلسة النهاردة هي الجلسة السادسة.. وبامارة كمان ما المستشار محمود مكي نائب رئيس الجمهورية المستقيل، اكد أنه لا يزال يعمل في مؤسسة الرئاسة بشكل تطوعي "مؤقت" بتكليف من الرئيس لإدارة الحوار الوطني فقط.. المهم ان المشاركين في الحوار الوطني وفي جلسة النهاردة تحديداً اقترحوا بعض التعديلات على قانون انتخابات مجلس الشعب للنظر في تضمينها مشروع القانون اللي هيتعرض على مجلس الشورى
معنا على الهاتف
أ/ أحمد فوزي - عضو جبهة الإنقاذ الوطني
بلدنا: ملامح مشروع قانون الانتخابات البرلمانية
من اخر اخبار بلدنا، ان الحوار الوطني.. ما احنا فايتنكم في الكلام ان فيه حوار وطني شغال اليومين دول، بامارة حتى ما جلسة النهاردة هي الجلسة السادسة.. وبامارة كمان ما المستشار محمود مكي نائب رئيس الجمهورية المستقيل، اكد أنه لا يزال يعمل في مؤسسة الرئاسة بشكل تطوعي "مؤقت" بتكليف من الرئيس لإدارة الحوار الوطني فقط.. المهم ان المشاركين في الحوار الوطني وفي جلسة النهاردة تحديداً اقترحوا بعض التعديلات على قانون انتخابات مجلس الشعب للنظر في تضمينها مشروع القانون اللي هيتعرض على مجلس الشورى
معنا على الهاتف
د. عمرو هاشم ربيع
بلدنا: رسمياً .. الرئيس والحكومة ضد طلبة جامعة النيل
من ضمن اخبار بلدنا اللي ليها العجب النهاردة، ان احنا والله ما عدنا عارفين جامعة النيل هتلاقيها منين ولا منين.. بعد الحكم الصادر لصالح طلابها من محكمة القضاء الاداري، الدكتور زويل ومدينة زويل اعلنوا انهم ملتزمين باحكام القضاء وانهم مش طرف في النزاع وبعدين طعنوا على الحكم قدام المحكمة الادارية العليا.. قامت المحكمة اجلت النظر في كل الطعون بعد ما هيئة قضايا الدولة طعنت كمان النهاردة على الحكم كوكيل عن رئيس الجمهورية وعن الحكومة برئيسها بوزراءها المعنيين، فبقى رئيس الجمهورية طرف في النزاع مع طلبة جامعة النيل.. واللهم ما لا اعتراض بس اللهم ثبت العقل
معنا على الهاتف
أ/ حسام بهجت
بلدنا بالمصري: أهالي القرصاية بيتحاكموا عسكري ليه
لو كنتوا نسيتوا جزيرة القرصاية واهالي جزيرة القرصاية اللي منهم اللي اتقتل ومنهم اللي بيتحاكم عسكري، عشان من بختهم ان العركة على حتة الارض اللي عايشين عليها وبيزرعوها وبياكلوا من خيرها اباً عن جد وبحكم المحكمة، مع القوات المسلحة شخصياً.. فلسة فيه ناس فرادى ومجموعات ما بينسوش وشغالين بايديهم وسنانهم
بلدنا بالمصري: ٢٠١٣ .. أمل مصر ونهارها اللي جاي
احنا هنكتفي بهذا القدر من اخبار بلدنا بعد الفاصل: شوية سياسة على قد ما قسم وشويتين شعر معتبرين على حس الشاعر المصراوي ابن البلد المجدع: جمال بخيت
لكن مسك الختام قبل الفاصل هيكون على حس ولاد قلب البلد ديه وضناها.. وشمسها اللي طالعة ونهارها اللي جاي
قصيدة نعي الجنيه .. جمال بخيت في بلدنا بالمصري
مات الجنية
و ألف رحمة ونور عليه
فقيد بنوك القاهرة
أخو ريال
والد دراهم والبرايز والشلن
وجد فلس
ونسيب لعائلة الدينار
التحقيقات ف المركزي بتقول
دي موته ربنا
والشائعات بتقول : غلط
دا انتحار
الأمر جد ما فيش هزار
مات الجنيه
وألف رحمة ونور عليه
كان الفقيد
راجل شديد
وكان زمان بيجيب دهب
ويشيل حديد
و في اخر العمر المديد
سموه : حمام
لأنه كان بيطير أوام
لكن سقط
من غير وداع
من غير كلام
مات الجنيه
وألف رحمة ونور عليه
ننعيه إليكم بينما
نتمني للسيد دولار
طول البقاء والانتشار
ف جميع بوتيكات البلد
ف جميع محلات اللعب
وف كل أسواق الخضار
ننعي الجنيه
لكل من يهفو إليه
من الجماعة المفلسين
والمفلسات
والف رحمة ونور عليه
ولا عزاء للمليمات
قصيدة صلاح جاهينا .. جمال بخيت في بلدنا بالمصري
مسحراتى يا طيبين
مسحراتى ما اعرفش مين
يوزن ف قلبى صلاح جاهين
ما اعرفش زيه
حكمة وبساطة
ما اعرفش زيه
طفل وعجوز
جاب كل حاجة على بلاطة
وما يجوز أو لا يجوز
شال اكتئابه.. داخل جنابه
وزع شبابه ع اللى يعوز
طفل المشاعر وياما ربى
ولا مرة خبى عشق البنات
هو المربرب من المربى
وهو ألطف الكائنات
يقول يا أهلا لو المعارك
هيه اللى طلبت التضحيات
لازم بنارها هانستبارك
ونغنى حى على الثبات
عجبى يا دنيا.. على نن عينا
تبنى الحواجز بينا وبينا
وتحرمينا وتاخدى منا
أجمل ما فينا.. صلاح جاهينا
■ ■ ■
الثورة قامت غنى لها «صورة»
وسلاحنا غنى والله زمان
إدانا حكمة وقت الضرورة
وادانا ضحكة فيها الأمان
الحلم طالع من أرض صابرة
تتمنى مرة نظرة حنان
وهو عايز تمثال وأوبرا
على ترعة سارحة بين الغيطان
عجبى يا دنيا.. على نن عينا
تبنى الحواجز بينا وبينا
وتحرمينا وتاخدى منا
أجمل ما فينا.. صلاح جاهينا
■ ■ ■
أبويا وابنى.. خالى وخلى
ليلته الكبيرة.. إبداع محلى
والإنسانية ف أربع سطور
وياه بتوصل إلى التجلى
عايز تصاحب روحه وطيشها
على اسم مصر ابنى وعلى
عايز تعيش ابتسامته عيشها
وخلى بالك من زوز.. خلى
عجبى يا دنيا.. على نن عينا
تبنى الحواجز بينا وبينا
وتحرمينا وتاخدى منا
أجمل ما فينا.. صلاح جاهين
قصيدة يا قلب عمار .. جمال بخيت في بلدنا بالمصري
يا قلب عمار الشريعى - يا رحلة الضوء الجميل - من أول النور ما ابتدا - لحد باب المستحيل.
دقدق معانا بريشة العمر الطويل - بحر النغم. بيقول: يا نيل - مش راضى منك بالقليل.
تعالى نسهر كلنا - ونغنى غنوة حنينة - دايبة ف نور شمس الأصيل - ياقلب عمار الشريعى.
يا رحلة الضوء الجميل - يا قلب مغرم بالوجود - ما بين مقام العشق ومقام الخلود.
فى السهرة عمار مبتسم - وفى حضنه عود - مشى بالمحبة من البياتى للصبا - وراح على نهاوند.
يحضن بدرها - العتمة خافت صوته يفضح سرها - اترسقت فى القعدة نغمات "الحجاز".
صحيت عصافير الهوى - ونقرت فوق القزاز - آه من جمال الاهتزاز - لما الصبا رفرفوا.
وشعللوا فينا الجواز واللاجواز - اللحن صب ف عمرنا حب الحياة - ووصل فى شجنه لمنتهاه.
وضحكنا لما الصبح تاه - ضحكنا لما القلب طب - وعشان نعدى من المطب - أخترنا عمار الدليل.
وصل قلوبنا للحياة - ودل الصبايا على السبيل.
مسحراتي - مسلم مسيحي .. جمال بخيت في بلدنا بالمصري
قصيدة مسحراتي - مسلم مسيحي .. جمال بخيت في بلدنا بالمصري
قصيدة كراملة .. جمال بخيت في بلدنا بالمصري
قرب يارزق.. كرامة لله
إن شالله.. حتة كراملة
وطن جميل.. والدين لله
لا تقول لى مذهب ولا ملة
باحب عمر بن الخطاب
وباحب نيلسون مانديلا
كرامة لله.. كراملة
كراملة.. ف البق تحلى
ف الأرض نسعى ونصلى
واللى يحب يحب.. يحب
واللى يعوز يغطس ويقب
واللى يعوز يلبس قبقاب
أو بنطلون.. ولا فانلة
باحب عمر ابن الخطاب
وباحب نيلسون مانديلا
ياصاحبى عيش ولا تستنى
حريتك هية الجنة
بحس الشاعر جمال بخيت نستقبل ٢٠١٣ في بلدنا بالمصري
ضيفنا العزيز اللي مخطي عتبتنا خطوة عزيزة واحنا لسة يادوب بنخطي عتبة سنة جديدة بنترجاها تكون احن وارحم من اللي قبلها، كل اللي كتبه كان: إما تحريض علي الثورة, أو تبشير بيها أو استعجال ليها، أو علي الأقل تسجيل أمين ليوميات حياة المصريين في تاريخنا المعاصر كما فعل الجبرتي في عجائب الأخبار.. دة على حد قوله هو شخصياً في مقدمة ديوانه الاخير "دين ابوهم"
جمال بخيت
قصيدة حس التلاوة .. جمال بخيت في بلدنا بالمصري
قصيدة دين أبوهم اسمه ايه .. جمال بخيت في بلدنا بالمصري
دين أبونا يا مسلمين
في يقيني
أعز دين
كلمة النور الأمين
كلمة الحق المبين
حكمة يكتبها الإله
فوق جبين الطيبين
دين أبونا يا محمد
انت سره
ومبتداه
انت إحساسه ومداه
دقة عارفينها في قلوبنا
لما نخشع للإله
لما نطلب يوم رضاه
لما نركع
لما نسجد
لما نفرح بالحياة
دين أبونا إبراهيم
رش جمر النار حنين
ع الخرايط والأماكن
اتولدنا طوافين
ذاكرين
دين أبويا لو مسيحي
رحمة لاجل العالمين
نصرة لاجل المظلومين
كلمة الحب اللي بايس
الصليب جوه الكنايس
ندهة الأجراس لمريم
والآمان للمجدلية
رحمة ليكوا
ورحمة ليا
المسيح شايل آلامنا
لاجل يهدينا السلامة
خد أيمن
خد أيسر
العبادة مهيش كلام
عيش بإسم الإنسانية
وانسى نية
تدفعك للإنتقام
دين أبويا دين إلهي
أينما كان اتجاهي
حتى لو كان دين يهودي
احنا مش ضد اليهود
موسى في القرآن وليد
يحضنه نيل الخلود
بين إيديه
تسعى عصاته
حيه
وجدودنا شهود
سحرة آمنوا برب موسى
انقسم له بحر عاتي والجبل عرف السجود
رجعت الحية عصاية
حضنت التوراة وصايا
إوعى تقتل
إوعى تسرق
إوعى تزني
إوعى تقبل بالخضوع
بحر خير الكون يواتي
لما نفرد له القلوع
والجحيم ياكل سنينكم
لو فقير فيكم يجوع
الوصايا هي هي
أرتضيها زي ما هي
في ضميري وفوق شفاهي
دين أبويا دين إلهي
أينما كان اتجاهي
حتى لو كان مش إلهي
المجوسي يترعب من النار ويعبد
الإله اللي فـِ خياله
ليه حرامه وليه حلاله
تسمعه فـِ معبد دعاء
تلهمه رعشة رجاء
للبقر ناس يعبدوه
ويدينوله بالولاء
مش غباء
تعرفوا في البقرة إيه بيقدسوه ؟
العطاء
دين أبويا
أي دين
فيه عصاه أو مخطئين
بس فـِ نهاية المطاف
فيه ملايكه ومؤمنين
ولرضا للصالحين
والهنا للصابرين
فيه مالاذ للعابدين الشاكرين
المشتاقين رغم الضياع
لليقين
دين أبويا
أي دين
اللي انا بقى معرفوش
الوحوش
الكروش
اللي لو طالوا رقابينا
بينهشوا مبيرحموش
دين أبوهم إسمه إيه ؟
اللي داسوا فوق رؤوسنا بالبيادة
اللي مشيوا بالببلاد للبلادة
اللي فتاويهم فساد للعقل
يقضي على العبادة
اللي مسحوا من الآيات معنى الشهادة
دين أبوهم اسمه إيه؟
لوثوا الدم فـِ عروقنا
سدوا عين الشمس فوقنا
سرقوا ضوئنا
صادروا نيلنا
ودفـّعونا تمن وضوئنا
دين أبوهم اسمه إيه؟
اللي باع وطن بحاله
خضرته وصفرة رماله
نسوته وشهوة رجاله
بهجته ودمه وعياله
خطوته وسنين نضاله
ثورته ضد احتلاله
دين أبوهم اسمه إيه؟
مين إلهه ؟
مين رسوله ؟
فين كتابه ؟
فيه ملايكه وللا غابوا ؟
فيه شياطين وللا تابوا ؟
لما شافوا التابعين
شرهم زاد عن جهنم شر لا يمكن حسابه
دين أبوهم اسمه إيه؟
حتى فرعون اللي صَدَق
انه من نسل الإله
واللي قال إنه الإله
كان بيبني الأهرامات للممات قبل الحياة
كان له بعث ويوم حساب
كان له دولة
حضور
إدارة
كان منارة ترشد الكون للحضارة
كان له جيش فارض وجوده
كان محارب بين جنود
واما يتجاوز حدوده
كان له رب يغرقه وينقذ يهوده
حتى فرعون اللي صَدَق
انه من نسل الإله
واللي قال انه الإله
كان له كهنة في العلوم
يقروا فـِ كتاب الكواكب
يرصدوا سير النجوم
يفتحوا له سكك بيبان
في سراديب الزمان
ويقولولو ازاي يدوم
حنطوه
خلدوه
