نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الاحد 16 ديسمبر 2012 تقديم شريهان ابو حسن من قناة ONTV يوتيوب كاملة
من جديد: إنتهاء تجمعات أنصار أبو إسماعيل أمام قسم الدقي
السلام والتحية على حضراتكو واهلا بيكو معانا ... انتهت المرحلة الأولى من الإستفتاء على الدستور الجديد واللي كانت بتضم 10 محافظات ووفقا للنتائج غير الرسمية فنسبة الموافقة على الدستور الجدي حوالي 57 % ... ودي طبعا النتائج غير الرسمية لأن اللجنة العليا من المفترض انها تعلن النتائج النهائية والرسمية بعد انتهاء المرحلة التانية واللي حتكون يوم السبت اللي جاي وبتضم باقي المحافظات ... بالتأكيد النسبة دي بتعبر عن حاجات كتيرة جدا وبتقدم دليل واضح وملموس وبالصندوق على حالة الإنقسام الشديد بين الناخبين لأن زي ما حضراتكو شايفيين النسب متقاربة ... بين اللي أيدوا الدستور واللي رفضوه في العشر محافظات ...وبتدل أيضا على حجم المعارضة للدستور الجديد ... وبتثير تخوف كتير حذر منه في المرحلة اللي جاية لأنها بالتأكيد هتشحد حالة كبيرة من الحشد سواء من المؤيدين او المعارضية للدستور ... خصوصا مع تدني تدني نسبة المشاركة بشكل كبير مقارنة باللي ليهم حق التصويت على الدستور.
وفي وسط زحمة الاستفتاء زي ما شفنا اللي حصل امبارح عند حزب الوفد من اقتحام وترويع، واللي اتسبب فيها زي ما قال حزب الوفد انصار الشيخ حازم صلاح أبواسماعيل، اللي من ناحيته نفى أي علاقة ليه بالأحداث.
ومع تصاعد الأحداث، نلاقي كلام عن توجه الشيخ حازم لقسم الدقي اللي قدم فيه قيادات الوفد بلاغ ضده ونلاقي كلام منتشر عن التهديد بمحاصرة القسم، ونخبط بالكلام بتاع هيبة الدولة عرض الحائط لما شخص ايا من كان يعلن ذهابه لقسم الدقي وهناك أنباء تتحدث عن محاصرة القسم ونلاقي كل ما تفعله الداخلية هو الدفع بقوات الأمن المركزي عشان تأمين القسم.
يا ترى ايه الوضع هناك دلوقتي ده اللي حنعرفه من بهجت أبو ضيف الصحفي باليوم السابع.
من جديد: إجتماع نقابة الصحفيين بشأن أحداث حزب الوفد
الصراحة بعد محاصرة مدينة الإنتاج والهجوم على حزب الوفد، ومحاولة الهجوم على صحف زي الوطن وصحف تانية كتير دفعت نقابة الصحفيين لعقد اجتماع عاجل، يا ترى وصلو لايه من قرارات ده اللي حنعرفه من
حامد مختار: أهنئ الشعب المصري بعملية الاستفتاء
حامد مختار عضو أمانة المحليات بحزب الحرية والعدالة: أهني الشعب المصري بعملية الاستفتاء
مختار: حزب الحرية والعدالة لا يعنيه نتيجة الاستفتاء
حامد مختار عضو أمانة المحليات بحزب الحرية والعدالة: حزب الحرية والعدالة لا يعنيه نتيجة الاستفتاء
طارق العوضي: الإخوان المسلمين زوروا استفتاء الدستور
طارق العوضي منسق غرفة عمليات جبهة الإنقاذ: الإخوان المسلمين زوروا استفتاء الدستور
حامد مختار: الاستفتاء تم تحت إشراف قضائي كامل
حامد مختار عضو أمانة المحليات بحزب الحرية والعدالة: الاستفتاء تم تحت إشراف قضائي كامل
ماذا تعكس نتيجة المرحلة الأولى من استفتاء الدستور
من جديد اهلا بحضراتكو ... وسط حالة من الإنقسام والاستقطاب الشديد، انتهت امبارح الجولة الاولى من الاستفتاء على دستور مصر، ويمكن الملفت في الجولة الاولى غير محاولات التزوير اللى رصدتها منظمات المجتمع المدني ، هو ارتفاع نسبة الاقبال على التصويت، وكمان ارتفاع نسب من صوتوا بلا اللـي تجاوزت 40% وفقا للمؤشرات الأولية، بالتأكيد كل طرف من الأطراف حيقرا النتيجة بصورة مختلفة زي مثلا جبهة الإنقاذ حتكون شايفة ان ارتفاع نسبة الرافضين للدستور بيأكد انهم مش قلة مندسة او أقلية ديكتاتورية زي ما بيروج انصار التيار الاسلامي، وبتعكس كمان تراجع في شعبية الاخوان المسلمين بعد كل انتخابات .. زي ما برضوة الإخوان حيبقوا شايفين ان الفوز حتى لو كان بنسبة بسيطة فهو فوز وفي النهاية بتكون النتيجة يا نعم يا لا والمرحلة الاولى قالوا نعم بغض النظر عن حجم الرفض.
احنا النهاردة هنستعرض مع حضرتكو ، قراة في نتائج الاستفتاء امبارح ، واية الدلاله او الدروس المستفادة من المرحلة الأولى ، وهل المرحلة الثانية هتكون استنساخ منها ، ولا مختلفة عنها، وهل التجاوزات اللي رصدتها المنظمات تشوب عملية الاستفتاء بالبطلان ولا لا ؟ .. بنرحب بضيوفنا الاستاذ طارق العوضي منسق غرفة عمليات جبهة الإنقاذ .. والاستاذ حامد مختار عضو أمانة المحليات بحزب الحرية والعدالة
قراءة رقمية في مؤشرات المرحلة الأولى من الاستفتاء
من جديد اهلا بحضراتكو ... مرة تانية بنتكلم عن استفتاء الامس وابرز ملاحظاته، وهيفضل السؤال الابرز هو : يا ترى بعد ارتفاع النسب المعارضة للدستور، هل هيؤثر دا على مشروعيه، لأن زي ما بيقول البعض ومنهم الدكتور أبو الغار، أن نسبة الموافقة بـ 56% غير كافية لإصدار أى دستور .. هل نفهم من دا ان الدستور الجاي مطعون في شرعيته خاصة وأن النهاردة اتقدم أول طعن أمام مجلس الدولة للمطالبة بإلغاء نتيجة الإستفتاء ووقف المرحلة الثانية للإقتراع .. كل دي تساؤلات مطروحة على ضيوفنا الكرام وقرأة في مؤشرات المرحلة الأولى من الاستفتاء، بنرحب بضيوفنا الكرام الكاتب الصحفي الاستاذ محمود مسلم مدير تحرير جريدة الوطن، والدكتور ماجد عثمان مدير مركز بصيرة .. اهلا بكم في من جديد .
