برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الاربعاء 21 نوفمبر 2012 من قناة ONTV يوتيوب كاملة
مؤتمر صحفي لهيلاري كلينتون وكامل عمرو حول غزة
مؤتمر صحفي لهيلاري كلينتون وكامل عمرو حول غزة , حيث تؤكد هيلاري كلينتون في كلمتها أن واشنطن ترحب بإتفاق التهدئة بين غزة وإسرائيل , يجب التركيز على جهود السلام بعد إتفاق التهدئة .
ONTube: إشتباكات شارع منصور
نبدا من شارع منصور ومحيط وزارة الداخلية .. وفيديو للاشتباكات اللي وقعت عصر أمس بين المتظاهرين وقوات الامن.
المشهد اللي هتشوفوه دلوقتي .. زيه زي المشاهد اللي شفناها اليومين اللي فاتو .. اللي هما مش احياء لذكرى .. وانما تجسيد لهذه الذكرى بشكل واقعي. وللاسف بلغ عدد مصابي اشتباكات أمس واليوم 41 مصاب .. وتم القبض على 118 شخص .. بتهمة اثارة الشغب.
ONTube: تفريق متظاهري محمد محمود
اشتباكات المتظاهرين وقوات الأمن مازالت مستمرة حتى الان على فترات متقطعة .. فى محيط شارع محمد محمود .. والشوارع المتفرعة منه .. والمؤدية إلى شارع باب اللوق.
وتقدم المتظاهرون إلى داخل شارع محمد محمود بالقرب من المدرسة الفرنسية .. حيث تتواجد قوات الأمن بكثافة داخلها .. وقام المتظاهرين برشقهم بالحجارة .. فردت قوات الأمن بالحجارة ايضا الي جانب عدد من القنابل المسيلة للدموع .. مما أدى إلى سقوط بعض الإصابات فى صفوف المتظاهرين.
الفيديو التالي قام بتصويره احد المواطنين اثناء الاشتباكات بالامس .. وبيظهر فيه المتظاهرين وهما بيهتفوا ضد نظام الرئيس محمد مرسي.
ONTube: شهادة صديق جابر جيكا
اما بخصوص (جابر صلاح) او (جيكا) كما كان يطلق عليه اصدقائه .. فأخبار كتير بنشر عنه من قبل مستخدمي المواقع الإجتماعية .. ولكن لم يتم تأكيد غير إن حالته شديدة الخطورة. دعواتكوا جميعا إن ربنا يلطف بيه ويقومه بالسلامة.
اللي حنشوفه دلوقتي هو فيديو لاحد اصدقاء جابر .. وهو بيتكلم عنه وعن حالته وازاي تم اصابته.
ONTube: إطلاق النار على متظاهري الضفة
من مصر نروح لفلسطين المحتلة .. ومتابعة لمستجدات الوضع في قطاع غزة. وصلت حصيلة شهداء القصف الاسرائيلي الغاشم لاكثر من 140 شهيد حتى الان .. ومئات المصابين.
فشلت مساعي التهدئة .. اللي كان من المفترض انها تبدأ الساعة 12 مساء أمس .. بوقف اطلاق النار من الجانبين.
لكن اسرائيل مستمره في القصف .. ومازال المواطن الفلسطيني بيحاول يصمد امام طائرات و قذائف العدو.
الفيديو اللي جاي من رام الله بالضفة الغربية .. وبنشوف فيه العديد من الشباب الفلسطيني اللي خرجوا في مظاهرات غاضبة ضد القصف على غزة .. لكن القوات الاسرائيلية كالعادة لا تغير منهجها الغاشم .. فقامت باطلاق الرصاص المطاطي والغاز المسيل للدموع في اتجاه المتظاهرين .. لتفريق مسيراتهم الاحتجاجية.
ONTube: إنفجار حافلة في تل أبيب
نروح لداخل تل ابيب .. اللي وقع فيها انفجار صباح اليوم .. استهدف أوتوبيس ركاب فى شارع شاؤول بالقرب من مجمع وزارة الدفاع.
وأوضح مسئول منظمة (نجمة داود الحمراء) للاسعاف.. أن الانفجار أسفر عن 27 إصابة .. 5 منها ما بين متوسطة وخطيرة .. و2 فى حالة شديدة الخطورة .. وجارى معاجلة بعض الحالات فى مكان الحادث.
وبتقدر الشرطة الإسرائيلية وخبراء المتفجرات .. أن الانفجار ناتج عن شخص قام بوضع عبوة ناسفة داخل الأوتوبيس .. ثم غادر المكان. وقد ذكرت مصادر أمنية أخرى أن التفجير ناتج عن حزام ناسف.
الفيديو اللي جاي التقط بعد انفجار الاوتوبيس .. وبيظهر فيه عربيات الاسعاف والشرطة و هي متواجده في محيط الانفجار لنقل المصابين الاسرائيليين.
ONTube: إنجلترا تتضامن مع غزة
مازلنا بنتابع ما يحدث في غزة .. وموجة الغضب والتضامن اللي بتجتاح العالم بسبب القصف الإسرائيلي الغاشم على القطاع.
الفيديو اللي جاي من مدينة (لييدز) بإنجلترا .. وبنشوف فيه مئات المؤيدين لفلسطين من عرب واجانب و هم بيهتفوا (تحيا غزة) .. في احد الميادين الرئيسية بالمدينة. ياريت حكومات البلاد الغربية تقتدي بشعوبها .. وتاخذ موقف تجاه ما يحدث في قطاع غزة.
ONTube: إشتباكات في نيروبي
من غزة نروح لبعض الشئون الافريقية .. وفيديو للمواجهات اللي وقعت بين كينيين وصوماليين أو (كينيين من أصول صومالية) فى العاصمة الكينية نيروبى .. وده كان بعد وقوع انفجار.
فيوم الأحد الماضي إنفجرت قنبلة وضعت فى أوتوبيس بحى (ايستلى) فى نيروبى .. اللى غالبية سكانه من الصوماليين والكينيين من أصل صومالى. وأدى الإنفجار إلى سقوط سبع قتلى .. وإصابة 30 آخرين بجروح.
الفيديو التالي بنشوف فيه جانب من الاشتباكات اللي وقعت بعد الإنفجار .. واللي أصيب فيها عدة أشخاص بجروح. وتدخلت قوات الشرطة لمحاولة إحتواء الموقف .. فأطلقت النيران فى الهواء واستخدمت الغاز المسيل للدموع .. لمحاولة تفريق الحشود.
ONTube: خطوة إيجابية لجامعة النيل
ازمة جامعة النيل .. واللي متابعينها بقالنا اكتر من تلات شهور. أخيرا صدر حكم لصالح الجامعة .. لكن للأسف ملحقناش نفرح بيه وطلعت أخبار متضاربة عن اهمية الحكم أو هل هينفذ ولا لأ .. وحتى لو كان فعلا لصالح الطلبة.
نروح نشوف فيديو للحظة النطق بـالحكم .. ونرجع نتكلم مع الدكتور رفيق الجندي الأستاذ بجامعة النيل .. عشان نحاول نفهم منه الوضع إيه حاليا.
ONTube: من محمد محمود إلى غزة .. البحث عن حلول
أول امبارح دعت حركات سياسية ونشطاء إلى عدة مسيرات تنتهي عند شارع محمد محمود .. احياءا للذكرى السنوية الأولى. الاف المواطنين شاركوا في المسيرات .. وفجأة بدأت الاشتباكات بينهم وبين قوات الأمن .. و يومها شفنا من خلال أون تيوب بث مباشر من هناك .. والمشاهد حسستنا اكننا رجعنا سنة لورا. وللأسف الاشتباكات دي مازالت مستمرة حتى هذه اللحظة.
النهارده الصبح سمعنا أخبار عن حريق مكتب قناة الجزيرة مباشر مصر .. وخبر أخر عن اقتحام المتظاهرين مدرسة الليسيه .. اللي كانت قوات الأمن .. زي ماهو واضح في المقطع اللي هتشوفوه دلوقتي .. متخذاها كنقطة تمركز .. وبتضرب منها على المتظاهرين. هيكون معانا مراسل وكالة اونا الاخبارية كريم فريد .. اللي كان موجود هناك وصور المشاهد اللي هتشوفوها دلوقتي .. لوقت الاقتحام.
زي ماحضراتكم عارفين .. إمبارح كان المفروض إن فيه هدنة تبدأ من الساعة 12 ليلا .. وده اللي كان أكدوا الرئيس محمد مرسي. ايه اللي حصل من امبارح بليل لحد دلوقتي .. طبعا الإجابة معروفة .. إنما هنلقي نظره أقرب على الأجواء هناك. هيكون معانا من غزة الناشطة الفلسطينية جنين اليازوري
