برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الاربعاء 7 نوفمبر 2012 من قناة ONTV يوتيوب كاملة
ONTube: وقفة ضباط الشرطة الملتحين
اول فيديو معنا من مصر.. وبالتحديد من قدام قصر الاتحادية بمصر الجديدة .. وبيظهر فيه ضباط الشرطة الملتحين اثناء الوقفة الاحتجاجة اللي قاموا بيها إمبارح الظهر.
ضباط وأمناء الشرطة الملتحين .. اللي أحيلوا للاحتياط بناء على قرار وزير الداخلية السابق اللواء (محمد إبراهيم) .. تظاهروا أمام قصر الاتحادية بالزى الرسمى .. للمطالبة بعودتهم لعملهم مرة تانية .. بعد ما قضت محكمة (القضاء الإدارى).. بإلغاء قرار الوزير السابق وعودتهم للعمل.
ورفع المتظاهرين لافتات مكتوب عليها (أين وزارة الداخلية من احترام وتنفيذ الأحكام القضائية) و (نريدها شرطة تطبق القانون ولا تطبق الأهواء الشخصية .. نريد العودة لعملنا مستندين لأحكام قضائنا ومتمسكين بسنة نبينا).
وبنشوف في الفيديو التالي كمان بعض الضباط وهم بيشرحوا الموقف الحالي .. وسبب تنظيمهم للوقفة الاحتجاجية.
ONTube: إعتراضاً على غلق المحلات المبكر
مازلنا في مصر .. وفيديو تاني بس من شارع عبد العزيز في منطقة الموسكي بوسط القاهرة .. بنشوف فيه مسيرة احتجاجية نظمها البعض احتجاج على قرار اغلاق المحلات التجارية. اتحركت المسيرة من باب الشعرية فى طريقها إلى مجلس الوزراء .. لعقد مؤتمر صحفى للإعلان عن رفض قرار الحكومة بإغلاق المحلات التجارية ليلاً. والفيديو التالي هو للحظة مرورها من شارع عبد العزيز .. باعتباره احد اشهر الشوارع اللي بيضم عدد كبير من المحلات تجارية.
شارك فى المسيرة عدد من الحركات السياسية .. منهم الجبهة الحرة للتغيير السلمى وشباب من أجل العدالة والحرية .. و6 إبريل والجبهة الديمقراطية .. وحزب الدستور والتيار الشعبى.
وردد المشاركين فى المسيرة هتافات كتير منها (آدى الصورة واضحة صريحة والتجار بقوا سريحة) و(يلى نجحت فى الانتخابات مش هنقفل المحلات).
ONTube: عملية من عمليات الجيش الحر
من مصر نروح لسوريا. أعلنت (كتيبة أسود الإسلام) .. التابعة للواء (أحرار حوران) بالجيش السورى الحر .. أنها قامت صباح اليوم باستهداف مبنى القصر الجمهورى ومبنى رئاسة مجلس الوزراء .. ومطار المزة العسكرى بدمشق بقذائف هاون.
وأوضحت الكتيبة فى بيان ليها على صفحتها بموقع فيس بوك .. إنه تم إصابة كل من مبنى رئاسة مجلس الوزراء .. ومطار المزة العسكرى .. إصابات مباشرة .. أدت إلى اشتعال الحرائق فى المبنيين. لكنها أشارت إلى إخفاقها في إصابة القصر الجمهوري إصابة مباشرة .. بسبب خطأ فى الإحداثيات.
وتداول مستخدمي يوتيوب الفيديو اللي حنعرضه على حضرتكم دلوقتي .. واللي بيظهر فيه عناصر لواء احرار حوران .. اثناء قيامهم بعملية القصف صباح اليوم.
عملية من عمليات الجيش الحر
الي تونس .. وفيديو من العاصمة لوقفة احتجاجية (سلمية) نظمها السلفيين .. تعتبر رد فعل عما إعتبروه (تمييزا بين التونسيين على أساس ديني). وبيظهر في الفيديو مقر وزارة العدل .. اللي تجمهر أمامه مجموعات من عائلات وأصدقاء السلفيين المقبوض عليهم .. على خلفيّة أحداث (العبدليّة) وأحداث السفارة الأمريكية.
إلتزمت الوقفة الإحتجاجيّة على طابعها (السّلمي والتنظيمي) .. وأشرف عليها كلّ من (اللجان التنظيميّة التابعة للمحتجين) ومجموعة من لجان حماية الثورة .. اللي كانت مشاركة ايضا في هذه الوقفة.
وندّد المحتجين بطريقة تعامل القضاء مع قضايا السّلفيين .. وطالبوا بإطلاق سراح (الأسرى) كما اطلقوا عليهم .. زي ما حصل مع النقابيين واليساريين والعلمانيين .. خلال إحتجاجات سيدي بوزيد وقفصة ( حسب ما جاء على لسانهم). وكمان طالبوا الحكومة بالإلتزام بالديمقراطية والتخلي عما أسموه بال(كذبوقراطيّة) في تعاملها مع السلفيين.
ONTube: إطلاق مسيل للدموع داخل المنازل
الي البحرين. بعد التفجيرات اللي اعلنت عنها وزارة الداخلية البحرينية من ايام قليلة .. مازالت الاحوال متوترة في المملكة. وكمان بعد ما السلطات قررت حظر التجمعات والمظاهرات .. زادت حالة الاحتقان بين طرفي النزاع (الدولة والمعارضين) .. وكل طرف منهم بقة بيعلن ان الطرف الاخر هو اللي بتصرفاته بيوصل الخلاف في بعض الاحيان الي مرحلة العنف والدموية.
وبيزيد أكتر من حالة الإحتقان .. إستمرار قوات الأمن في إلقاء القنابل المسيلة للدموع وقنابل الغاز بشكل عشوائي .. داخل منازل القري اللي بيقتنها المعارضين .. التصرف اللي بعد شهور ادي الي وفاة العديد من البحرينيين .. مصابين بإختناق بسبب استنشاقهم لهذه الغازات.
الفيديو اللي جاي متصور داخل منزل أحد المواطنين .. وبنشوف فيه عبوات فارغة للقنابل الخانقة اللي بنتكلم عنها .. و أثار الأدخنة .. وضحية جديدة أصيبت بإختناق.
ONTube: الإحتفال بفوز أوباما
بعد حالة الترقب اللي شهدتها الولايات المتحدة الامريكية والعالم كله امبارح .. ومتابعة الجميع لنتيجة سباق الرئاسة الأمريكي .. فاز الرئيس رقم 44 للولايات المتحدة ومرشح الحزب الديموقراطي باراك اوباما بمدة جديدة .. بعد تغلبه علي منافسه الجمهوري ميت رومني.
وضمن اوباما حسم السباق الرئاسي .. بعد حصوله على 303 صوت في المجمع الانتخابي حتي الان .. مقابل 206 أصوات لرومني.
الفيديو التالي للحظات مابعد ظهور النتيجة .. وبنشوف فيه انصار اوباما والحزب الديموقراطي وهم بيحتفلوا بانتصار مرشحهم.
ONTube: الدفاع الجوي بالنظر
اخر فيديو في فقرتنا الإخبارية .. هو فيديو تداوله العديد من المستخدمين .. وكان عليه تعليقات كتير .. وهو الحقيقة مثير للجدل.
الفيديو عبارة عن لقاء مع وزير الدفاع السوداني .. الفريق اول عبد الرحيم محمد حسين .. و بيظهر فيه وهو بيعلق على احداث ضرب المصنع السوداني من قبل طائرات اسرائيلية .. وبيؤكد إن وزارة الدفاع السودانية وضعت خطة "تضمن عدم سهولة تنفيذ مهمة أخرى من هذا النوع" .. كما جاء على لسانه. والخطة ببساطة هي إنهم هيعملوا خط مراقبة بالنظر .. عشان لو حد شاف أي طائرات .. يبلغ عنها وبعدين يتم التعامل معها في الحال.
جدل كبير موجود على الفيديو ده. ناس بتسخر من كلام وزير الدفاع بأن الخطة المحكمة هي المراقبة بالنظر .. و ناس تانية شايفة إنه لا داعي للسخرية لأن فعلا فيه اسلوب للدفاع الجوي بيعتمد علي المراقبة بالعين المجردة ميفهموش غير المتخصصين.
ONTube: جولة في أخبار تويتر وفيسبوك اليوم 07/11/2012
ده كان أخر فيديو معانا .. قبل مانروح لفاصل .. هنروح لهاجر محمود عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير هاجر إيه الجديد عندك؟
ONTube: رفع التوعية عن مشكلة القمامة
دايما لما مجموعة انتاج فني او شباب بيقوموا بمبادرة ممكن تساعد في تحسين الاحوال في بلدنا .. او تنشر سلوك كويس .. او تحاول انها تخلي الناس تتخلى عن عادة سيئة .. ماينفعش إننا مانعرضهاش .. لعل وعسى تعلم الناس حاجة مفيدة.
الفيديو اللي جاي صوره مجموعة من الشباب على شكل فيلم قصير او اعلان توعية .. في محاولة منهم لتوعية الناس بضرورة الحد من كم الزبالة اللي موجود في شوارع بلدنا. فقرروا انهم يبتكروا فكرة محتلفة في تنفيذ الفيديو .. عشان يرسخوا في عقل كل متفرج قيمة وجمال ان وانت ماشي في الشارع متلاقيش زبالة حواليك .. وضرورة إننا نحافظ على نظافة بلدنا بنفسنا.
ONTube: صوت جديد للمطر
الفيديو اللي جاي هو لفرقة موسيقية .. قاموا بتنفيذ إعلان لإحدى شركات السيارات بطرية مختلفة ومبهرة. لأنهم نفذوا كل الأصوات اللي ممكن تسمعها وإنت راكب العربية.
لكن مش ده بس المبهر في الفيديو .. الجديد ان الأصوات دي .. نفذوها او قلدوها بالظبط .. منغير مايستخدموا أي الة موسيقية.
ONTube: العلاقة بين الشرق والغرب
في احدى مقالاتها كتبت "أتطلّع دوماً لأوّل يوم دراسيّ في الجامعة التي أدّرس بها في مدينة تامبا في ولاية فلوريدا الأمريكيّة. تضم هذه الجامعة حوالي الأربعين ألف طالب وطالبة وبها كلية متخصصة للطلاب الأكثر تفوقاً حيث أدرّس. دائماً ما أبدأ مع طلابي المتفوقين بسؤالهم عن أول ما يخطر ببالهم عند سماعهم كلمة (عرب)"
سمر دهمش مؤلفة كتاب بين الشرق والغرب عالم أخر .. هتكون معانا حالا على سكايب ..
