نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاربعاء 7 نوفمبر 2012 من قناة ONTV يوتيوب كاملة
من جديد: أطفالنا بيتقتلوا في المدارس مش بيتعلموا
اية اللي بيحصل في المدارس سؤال بيرددوا البعض بعد ما كل يوم بنسمع عن كارثة جديدة واسلوب جديد في طريقة تعامل المدرسين مع الطلاب ووقائع اخرى جديدة ومن ضمن هذه الوقائع .. اللي حصل في احدى المدارس الخاصة بأشمون بالمنوفية .. تلميذ بالصف الأول الابتدائي وقع على كتلة خرسانية اصابته بنزيف داخل وكسور في الجمجمة ادت لوفاته على الفور ... دا غير المدرس اللي قطع الرباط الصليبي لتلميذ بالفيوم ..وطبعا حادث قص شعر طفلة الأقصر اغتصاب مدرس لتلميذة باسوان، وإجبار تلميذ على مسح حذاء معلمة بالإسكندرية ..
من جديد: دور وزارة التربية والتعليم في مشاكل التعليم
طب وزارة التربية والتعليم تعمل ايه في الكوارث المتلاحقة في المدارس .. معانا مصطفى سالم مدير مكتب أون تي في بالصعيد
من جديد: حازم أبو إسماعيل يدعو لجمعة تطبيق الشريعة
كل ما يوم الجمعة بيقرب وبتزيد الاستعدادات عشان مليونية تطبيق الشريعة .. زاد الحشد للمليونية من جانب التيارات والأحزاب السياسية الإسلامية للمطالبة بتطبيق الشريعة الإسلامية ... وعقدوا النهاردة مؤتمر صحفي بدار أخبار اليوم للاعلان عن تفاصيل المليونية والدعوة اليها.. أخر المنضمين والداعمين للمليونية هو الشيخ حازم صلاح أبواسماعيل اللي دعا المصريين للنزول الجمعة القادمة لنصرة الشريعة الإسلامية ومطالب المليونية.
من جديد: الإخوان لن يشاركوا في جمعة تطبيق الشريعة
الغريبة بقى ان النهاردة جماعة الإخوان المسلمين اصدرت بيان صحفي اكدت فيه ان الجماعة لن تشارك في المظاهرات الجمعة اللي جاية بدعوى انه تم التوافق فى الجمعية التأسيسية لوضع الدستور على إضافة نص فى الدستور يشرح معنى عبارة "مبادئ الشريعة الإسلامية" وهذا النص تمت صياغته من قبل هيئة كبار العلماء فى الأزهر الشريف، وبالتالى فالجماعة شايفه انه تحقق الهدف المطلوب ذكره فى الدستور.
من جديد: إطلاق المبادرة الوطنية للمشاركة الشعبية
اما لجنة المشاركة الشعبية للدستور فاطلقت المبادرة الوطنية للمشاركة الشعبية وعقدت مؤتمر صحفي بنقابة الصحفيين حضرة عدد من الشحصيات والقوى السياسية هجموا فيه الجمعية التأسيسية بتشكيلها الحالي وطالبوا القوى المدنية الموجود بالجمعية التأسيسية بالانسحاب من الجمعية .
من جديد: مسيرة لدعم مسلمي بورما .. الجمع
من ناحية تانية عدد من الأحزاب والقوى السياسية المدنية أعلنوا النهاردة في مؤتمر صحفي عقدوه بمقر حزب المصريين الأحرار .. اعلنوا عن مشاركتهم في مسيرة يوم الجمعة اللي جاية من مسجد خالد بن الوليد بالكيت كات بعد صلاة الجمعة والتحرك تجاه سفارة ميانمار بالزمالك لدعم مسلمي ميانمار والتنديد بجرائم الإبادة والتنكيل الطائفى والتهجير اللي بيتعرضوا ليها في ميانمار
من جديد: بدء محاكمة فاروق حسني بتهم التربح
النهاردة محكمة جنايات الجيزة بدأت اولى جلسات محاكمة فاروق حسني وزير الثقافة الأسبق لأتهامه في قضية الكسب غير المشروع وتحقيق ثروات طائلة عن طريق استغلال نفوذه ومنصبه كوزير فى عصر النظام السابق، وتحقيق كسب غير مشروع قدره 9 ملايين جنيه خلال فترة عمله كموظف عام ومطالبته برد مبلغ 18 مليون جنيه قيمة الثروة .. المحكمة حجزت القضية للنطق بالحكم في جلسة 3 ديسمبر.
الصندوق الأسود للمرحلة الانتقالية .. د. علي السلمي
من جديد اهلا بحضراتكوا .. لقاءنا النهاردة هو لقاء خاص جدا ، لقاء مع شخصية سياسية كبيرة بالتأكيد إحنا محتاجين نسمع لرأيها عن اللي احنا فيه واللي احنا رايحينه .. ضيفنا جمع ما بين العمل في الحكومة والعمل في المعارضة .. ضيفنا احد حاملي مفاتيح الصندوق الأسود للمرحلة الانتقالية .. ضيفنا هو الدكتور علي السلمي نائب رئيس مجلس الوزراء الأسبق.. في وسط حالة الجدل والاستقطاب الشديدة اللي فيها مصر واللي زادت حتى بعد الانتخابات الرئاسية .. محتاجين رأي دكتور السلمي وشايف احنا ريحين على فين .. وهل حيبقى عندنا دستور بيعبرعن أحلام المصريين .. وهل بعد الدستور حيكون عندنا مجلس شعب بيعبر عننا .. وهل خايف من أخونة الدولة.. بنرحب بحضرتك في من جديد.
