نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاربعاء 4اكتوبر 2012 يوتيوب كاملة
بلدنا بالمصري: الرئاسة تبحث تقريري منظمة العفو الدولية
يسعد مساكم وحلقة جديدة من بلدنا بالمصري.. هيكون مسك ختامها مع ستات مصر الجدعان وبنات المحروسة اصحاب الحق في عيشة حرة كريمة وهنية في بلد شايلينها على راسهم من فوق وفي نن عينينهم ومن حقهم وان الاوان ان البلد ديه تليق هي كمان بمقامهم..
اما البداية فهتكون بشرة خير ومن مكان ما انتهينا امبارح.. وبالتحديد من تقارير منظمة العفو الدولية اللي صدرت امبارح عن انتهاكات الجيش والشرطة اثناء المرحلة الانتقالية وتحت حكم العسكر واللي ناقشنا في حلقتنا امبارح خطوطهم العريضة ونتايجهم واهم توصياتهم وعلى راسها من فوق معرفة الحقيقة والمحاسبة وحبر الضرر
الجديد بقة وبشرة الخير ان الرياسة ما كدبتش خبر واعلنت النهاردة الاتي: على لسان المتحدث الرسمي باسمها
معنا على الهاتف أ/ محمد لطفي - الباحث في منظمة العفو الدولية
بلدنا بالمصري: والدة الضابط محمد وديع تضرب عن الطعام
ديه بشرة الخير والخبر الحلو.. اما الخبر المر فهو ان امبارح بس تم اخطار اهل الظابط محمد طارق الوديع ومحاميه بانه تم التصديق على الحكم الصادر ضده بالسجن سنة ونص مع النفاذ واللي كان صدر ضده من شهرين من المحكمة العسكرية في اسكندرية في قضيتين هم قضية الاعتصام ونزول ميدان التحرير والقضية التانية المعروفة بحيازة اجهزة اتصال مخالفة ونشر معلومات على تويتر.. فما كان من والدته النهاردة الا انها اعلنت اضرابها عن الطعام اثناء وقفة لاهالي الظباط المتهمين بالاشتراك في الثورة في قضايا مختلفة من اول ٨ ابريل ل٢٠ نوفمبر
بلدنا بالمصري: تطورات اعتصام طلبة وطالبات أسيوط
وبما اننا لسة في الصعيد، فخلونا نطمن على اخر تطورات اعتصام طلبة وطالبات جامعة اسيوط
معنا على الهاتف
ألاء محمود - المتحدثة بأسم معتصمي جامعة أسيوط
بلدنا: طلاب جامعة القاهرة يرفضون اللائحة الطلابية
من حرم جامعة اسيوط لقبة جامعة القاهرة، النهاردة اعلنت عدد من الحركات الطلابية رفضها للايحة الطلابية اللي اعدها اتحاد طلاب مصر واللي وصفوها بانها اتكتبت بعيد عن عينيهم ولا من شاف ولا من دري، دة غير انهم اصلاً مش معترفين باتحاد طلاب مصر اللي تم انتخابه وفقاً للايحة ٧٩ الشهيرة بلايحة امن الدولة على حد قولهم
بلدنا بالمصري: اشتباكات الأمن وسائقي الميكروباص
اضراب سواقين الميكروباص والسرفيس عن العمل مازال مستمر لكن قلب النهاردة بغم بعد الاشتباكات اللي حصلت ما بين مجموعة من السواقين وقوات الامن المركزي قدام مرور الدراسة والقبض على عدد منهم
بلدنا بالمصري: قبول استقالة سامي مهران من الشورى
رئيس مجلس الشورى، الدكتور احمد فهمي قبل النهاردة استقالة الامين العام لمجلس الشعب سامي مهران اللي اتقدم بيها امبارح بعد احالته لمحكمة الجنايات بتهمة الكسب غير المشروع.. لكن النهاردة كمان اتقدم حوالي ٤٢ من العاملين في مجلس الشعب ببلاغ للنائب العام ضد سامي مهران الامين العام السابق لمجلس الشعب وضد الدكتور سعد الكتاتني رئيس مجلس الشعب المنحل
معنا على الهاتف
أ/ أحمد خاطر - رئيس افئتلاف العام للعاملين بمجلس العب
بلدنا بالمصري: حبسوا طفلين بتهمة ازدراء الأديان
اما الخير اللي جاي دة فلو صح.. تبقى ديه اول مرة يمكن في الدنيا كلها يتم القبض على اطفال وحبسهم بتهمة ازدراء الاديان.. الحكاية لو صحيحة فمكانها عزبة ماركو في بني سويف.. والاطفال هم نبيل ناجي ١٠ عنده ١٠ سنين ومينا نادي اصغر منه بسنة عنده ٩ سنين.. ابحكاية بجد وبحق وحقيقي ولا لا ولو بجد نبيل ومينا عملوا ايه وايه اللي بيحصل بالظبط دة اللي هنحاول نفهمه من اكتر من مصدر
معنا على الهاتف
أ/ أحمد المصيلحي - المستشار القانوني للائتلاف المصري لحقوق الطفل
بلدنا بالمصري: ندوة لدراسة ميثاق العمل الإعلامي
ميثاق العمل الاعلامي بين الحرية المطلقة والقواعد المنظمة، دة عنوان الجلسة اللي نظمها النادي الاعلامي للمعهد المصري الدانمركي للحوار، لمناقشة ورطة الصحفيين والاعلاميين المصريين في الوقت الحالي ما بين شقي رحى الاتنين امر من بعض: المدعو الانفلات الاعلامي من ناحية وتقييد حرية الراي والتعبير من الناحية التانية.. مع ان فيه بلاد كتير في الدنيا حسمت المعضلة ديه بقواعد وضوابط ما تمسش شعرة لحرية الراي والتعبير.. لكن الظاهر والله اعلم اننا مصرين نخترع العجلة والنتيجة اننا يا اما محلك سر يا اما بيتدحدر بينا الحال
بلدنا: المترو يقطع الكهرباء عن الركاب داخل القطار
نما الي علمنا أن في أزمة في مترو الأنفاق .. هنعرف التفاصيل من
م. علي حسين - رئيس هيئة المترو
أ/ حسين متولي - مدير مركز الشفافية
أعاكس اه أتحرش لا .. فيجو- DJ في بلدنا بالمصري
قبل الفاصل مصر ... جابت ستات لازم يعيشوا بكرامة يا بهوات
بلدنا بالمصري: لن ننسى مديحة .. شهيدة مترو الأنفاق
يمكن ناس كتير ناسياها .. والحقيقة أننا لازم ماننساش أن عندنا شهيدة ماتت في المترو ... لن ننسى مديحة .. شهيدة مترو الأنفاق
مصر جابت ستات لازم يعيشوا بكرامة .. في بلدنا بالمصري
مصر ولادة بصحيح.. ويا زين ما خلفت من ستات جدعان وبنات بلد يساووا تقلهم دهب وياقوت ومرجان.. قطع الايد اللي تتمد عليهم او تمس شعرة منهم.. وقطع اللسان اللي يطول عليهم بكلمة كدة ولا كدة.. و ما عاش ولا كان اللي ييجي عليهم او على حقهم في عيشة حرة كريمة في البلد ديه تليق بمقامهم.. وقال على راي المثل: صاحب الحق عينه قوية وصاحبة الحق عينها اقوى.. والعينات بينات على اعتبار ما كان وما سيكون بكرة وبعده ولحد اخر يوم في عمرهن.. فاسمحوا لي ارحب بمجموعة معتبرة من صاحبات واصحاب الحق والعين القوية
الدكتورة/ اماني الطويل: مدية برنامج المراة في مركز الاهرام للدراسات السياسية والاستراتيجية
دينا حسين: من مبادرة نفسي واحدة من المبادرات ضد التحرش والعنف ضد المراة
فتحي فريد: منسق حركة فؤادة ووتش
