نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاربعاء 19/6/2013 ONTV حلقة يوتيوب كاملة
سحر الشعر وسحر المغنى في بلدنا بالمصري الليلة
يسعد مساكم وحلقة جديدة من بلدنا بالمصري هيكون ختامها مسك على حس تلاتة من المغرمين اللي عاشقين تراب البلد ديه وياما اتغنوا بحلوها ومرها بسحر الشعر وسحر المغنى... مسك الختام هيكون على حس الشاعر من ضهر شاعر امين حداد.. والشاعر من ضهر شاعر من ضهر شاعر وشاعر احمد حداد.. والقصد هنا فؤاد حداد وصلاح جاهين حيث ان احمد حداد ما كفاهوش يبقى ابن امين حداد وحفيد فؤاد حداد.. لأ يبقى حفيد صلاح جاهين كمان، فبدل ما الاصل يمد لجد واحد يمد لجدين واللهم لا حسد.... اما حازم شاهين اللي هو من اصل سيد درويش، فهيغني من كلماتهم والكلمات اللي تحلاله وتحلالهم.. وربنا يحلي الليلة ديه على حسهم.. قولوا انشالله
بلدنا بالمصري: الجماعة الإسلامية بالأقصر تأمر أنصارها بالإنصراف من أمام مبنى المحافظة
بلدنا بالمصري: الجماعة الإسلامية بالأقصر تأمر أنصارها بالإنصراف من أمام المحافظة حقناً للدماء المصري
بلدنا بالمصري: المحافظات تنتفض لليوم الثالث رفضاً لمحافظي مرسي
اخر اخبار بلدنا هتبقى النهاردة حاجة كدة على قد ما اوسم عشان يكون عندنا براح كفاية نشعر فيه ونغني براحتنا وعلى رواقة.. فخلونا نقول يا هادي يارب ونبدأ من المحافظات اللي لساها واقفة على رجل لليوم التالت على التوالي بسبب حركة المحافظين اياها.
بلدنا بالمصري: محافظة كفر الشيخ تستنكر حرق سيارة سعد الحسيني
ديوان محافظة كفر الشيخ بجلالة قده اصدر النهاردة البيان التالي، بمناسبة عربية المهندس سعد الحسيني ما اتحرقت امبارح قدام بيته في مدينة المحلة الكبرى
بلدنا بالمصري: هي عربية سعد الحسيني كان فيها قنابل غاز؟
اولاً محافظة كفر الشيخ ديه بتاعة اهالي كفر الشيخ كلهم بغض النظر هم اخوان ولا تمرد ولا ملايكة من السما ولا عفاريت من تحت الارض.. وبالتأكيد ديوان عام المحافظة دة مش بتاع المحافظ اياً كان اسمه واياً كان حزبه.. وبالتالي ما ينفعش ديوان عام المحافظة يدخل نفسه في خصومة سياسية ولا يتكلم عن انحطاط وتدني اي فصيل سياسي ولا ينفع يوصف مجموعة من المواطنين بالبلطجية جزافاً كددة ومن غير دليل ومن غير تحقيق ولا يحزنون.. الحاجة التانية ان البيان الحقيقة ماجابش اي سيرة ولا حس ولا خبر عن طراطيش الكلام اللي واخدة حدها من امبارح عن ان عربية سيادة المحافظ اللي اتحرقت والفاعل لسة مجهول، كان فيها قنابل مسيلة للدموع!!!
بلدنا بالمصري: اتهام ابن سعد الحسيني بتهديد ناشط سياسي بالقتل
اما اللي زاد وغطى، فبلاغ ضد ابن المهندس سعد الحسيني بيتهمه بتهديد ناشط سياسي بالقتل وتسليمه لاهله جثة هامدة
ومعنا عبر الهاتف كريم حورس منسق عام شباب المحلة الثائر:
بلدنا بالمصري: بيان المحافظة هو هو بيان الحرية والعدالة .. يعني إيه !!
الظريف اوي بقة لانه بالمفتشر كدة وعلى عينك يا تاجر ان مضمون بيان ديوان عام محافظة كفر الشيخ تقريباً صورة طبق الاصل من بيان حزب الحرية والعدالة وتقريباً بنفس المفردات بنفس الاتهامات جزافاً
عزيزي فلان .. أحمد حداد ـ بلدنا بالمصري
عادل ضرة: اكتشفنا وجود قنابل غاز داخل سيارة سعد الحسيني أثناء احتراقها
ومعنا عبر الهاتف عادل ضرة مراسل اليوم السابع بالغربية: ميليشيات الإخوان أطلقوا خرطوش على المعتصمين أمس قبل حرق سيارة سعد الحسيني بالغربية. اكتشفنا وجود قنابل غاز داخل سيارة سعد الحسيني أثناء احتراقها
بلدنا بالمصري: الإنقاذ لأشتون: مشاكل مصر شأن داخلي ونرفض تدخلكم
ومعنا عبر الهاتف منير فخري عبدالنور أمين عام جبهة الإنقاذ: الإنقاذ تدعوا لسلمية التظاهر ولم تستخدم العنف أبداً. ندين أي أعمال عنف ونتبرأ منها ونرفض اتهامات الإخوان. طالبنا مرسي بلم الشمل وحل المشكلات لكننا فشلنا. اللقاء كان بروتوكولي وتمنت أن تكون
بلدنا بالمصري: وزير السياحة يؤجل استقالته ويمهل قنديل لإقالة محافظ الأقصر
اما وزير السياحة الدكتور هشام زعزوع فقرر تاجيل استقالته ومش مفهوم لسة اجلها لحد امتى ولا لحد ما ايه بالظبط يحصل خاصةً وان الكلام عن انه ادى مهلة لرئيس الوزرا لاقالة محافظ الاقصر كمان مش مؤكد
ومعنا عبر الهاتف رشا العزايزي المتحدث باسم وزارة السياحة: هشام زعزوع تقدم باستقالته لكنه مستمر في عمله لحين البت في الإستقالة التي لم تقبل. زعزوع لن يذهب إلى مكتبه في الوزارة غداً ولكنه يمارس مهامه حتى البت في الإستقالة
بلدنا بالمصري: الأزهر الشريف يرد على تكفير الخارجين عن مرسي
رداً على خطابات الكراهية والتكفير والتحريض على العنف على دخلة ٣٠ يونية.. اصدر الازهر الشريف البيان التالي
ومعنا عبر الهاتف د. محمد مهنا مستشار شيخ الأزهر: التعبير عن الرأي أيا كان مظهره لا يعتبر خروجاً عن الملة. العنف والخروج المسلح على الحاكم معصية كبيرة
إلهامي الزيات: تلقينا ردود أفعال عالمية تستهجن تعيين محافظ الأقصر الجديد ومنع الباليه والأوبرا
ومعنا عبر الهاتف إلهامي الزيات رئيس اتحاد الغرف السياحية: تلقينا ردود أفعال عالمية تستهجن تعيين محافظ الأقصر الجديد ومنع الباليه والأوبرا. نتمسك بالوزير هشام زعزوع ونرفض بقاء محافظ الأقصر
بلدنا بالمصري: وطي بوس جزمة الضابط .. نظام مرسي هو مبارك
طب بالنسبة بقة للي بيزعلوا اوي وبياخدوها على نفسهم لما حد بس يفتح بقه ويقول اي حاجة معناها ان النظام الحالي فولة واتقسمت نصين من اللي قبله وكانك يا ابوزيد ما غزيت..لو عايزين عينة ودليل على ان حاميها لسة بيهين وبيبهدل وبيمرمط وبيعذب ومافيش مانع ابداً لو بالغصب الواحد يوطي يبوس على جزمته.. اتفضلوا
الأساطير حقيقة .. أمين حداد ـ بلدنا بالمصري
راجعين .. حازم شاهين ـ بلدنا بالمصري
ست البنات .. أحمد حداد ـ بلدنا بالمصري
نجل محافظ كفر الشيخ: كريم حورس هو من اشغل النار في سيارة والدي
ومعنا عبر الهاتف محمد سعد الحسيني نجل محافظ كفر الشيخ: كريم حورس هو جارنا وقريبنا من بعيد وهو بالأمس كان معه مجموعة جاءو منزلنا وحرقوا سيارة ابي واتعدوا على المنزل بالملتوف ومجموعة من الجيران شاهدين عليه وكل ماقلاه كذب
على حس وألحان حازم شاهين وشعر آل حداد .. في بلدنا بالمصري
واحنا على دخلة ٣٠ يونية والبشاير هلة وطلة علينا من بيوت وشوارع وميادين المحروسة.. وجب نشعر فيها ونغني لها وندندن.. وهنا الهيه مش ضمير الغايب ولا حاجة ديه ضمير الحاضرة اللي عمرها ما غابت ولا هتغيب وربنا يديم علينا شمسها طالعة ووردها طارح.... عايزنها عايدة على بلدنا خير وبركة.. عايزنها عايدة على الثورة يبقى زيادة الخير خيرين.. والثورة وبلدنا مالهمش بركة الا بعض اصلاً ومالهمش غير ضمير واحد مافيش غيره هو ضمير اهلهم وناسهم... هنشعر فيهم ونغني لهم على حس ضيوفنا النهاردة
الشاعر/ أمين حداد
الشاعر/ احمد الحداد
المطرب/ حازم شاهين
ليست هناك تعليقات:
إرسال تعليق