نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون السبت 15/6/2013 من قناة ONTV يوتيوب كاملة
يوسف الحسيني: مرسي يلعب ماتش اعتزاله في الصالة المغطاة .. وكده يقدر يعتزل بشرف
السادة المحترمون: الداخلية الإيرانية تعلن فوز حسن روحانى بمنصب رئاسة الجمهورية الإسلامية الإيرانية
الداخلية الإيرانية أعلنت النهاردة بشكل رسمي فوز المرشح الإصلاحى حسن روحانى بمنصب رئاسة الجمهورية الإسلامية الإيرانية خلفا للرئيس الإيراني محمود أحمدي نجاد
زى ما أكلمنا معاكم فى حلقه الأربعاء الماضى ، أن فوزى مرشح إصلاحى أو محافظ فى انتخابات الرئاسة الايرانية مش هيفرق كتير ، لأن فى النهاية سيكون الرئيس أى رئيس هو ظل أيه الله على خامينئى المرشد الأعلى للثورة الايرانية والذى يتحكم فى كل مقدرات الدولة الايرانية فهو القائد العام للقوات المسلحة وهو الذى يحدد شكل السياسة الخارجية - دولة الفقية بمعنى الكلمه ويحلم الإخوان فى مصر فى تبنى هذا النموذج السياسى لكن مش هيقدروا لأن أيامهم معدوده فى الحكم.
السادة المحترمون: صفوت حجازي يكفر معارضين مرسي ويعتبر أن المعارض لحكم الإخوان معارض للإسلام
الغريب كمان فى صفوت حجازى اللى أعلن أنه بيورد أسلحة منذ عام "منذ تولى مرسى الرئاسة" لسوريا ، أكد أن مرسى خط أحمر وأن الصراع فى مصر هو بين اسلام أو لا إسلام !
صفوت حجازى كفر المعارضين لمرسى فى جملة واحدة واعتبر ان المعارضين لحكم الإخوان وفشلهم فى ادارة البلاد هو معارضه للإسلام ، استغفر الله العظيم يارب ، من هو غير إخوان وضد مرسى فى نظر صفوت حجازى ونظر كهنة المقطم فهو خارج عن الإسلام ، لأ وصفوت بيكلم بأريحية وبيقول أن 30يونيو هيكون يوم عادى ، لأ مش هيكون يوم عادى ولن يمر مرور الكرام ياسيد صفوت فهو بداية جديدة لموجة ثالثة من الثورة المصرية للتخلثص من الاستبداد والفاشية الإخوانية التى تاجرت بالإسلام وبألام وأحلام المصريين.
السادة المحترمون: صفوت حجازي يؤكد أنه يرسل سلاح لسوريا منذ تولي مرسي الرئاسة
عموما الأخ صفوت حجازى اللى بيتهم الإعلام المصرى أنهم سحرة فرعون وبيطالب مرسى بعدم التساهل فيمن يهاجمة فى الإعلام ، أكد أنهم بيرسلوا سلاح نوعى لسوريا لدعم الثورة هناك منذ عام ويدعو لتشكيل ألوية وكتائب مسلحة لدعم السوريين !
أولا سيبك من أن مرسى أعلنعها صراحة فى لقائه مع فلاديمير بوتين الرئيس الروسى أن موقف القاهرة هو نفس موقف روسيا فيما يتعلق بالأزمة السورية واللى هو "عدم رحيل جزار سوريا بشار الأسد، لكن الكلام اللى بيقولة صفوت حجازى خطير ، هو قال أنهم بيرسلوا السلاح لسوريا منذ عام ، وده يخلينا نسأل جبتوا السلاح منين ياصفوت وبتودوه ازاى ، وفين الدولة والأجهزة الأمنية ، هل السلاح ده جاى من غزة ولا منين بالضبط ، وبعدين انت بتقول أنكم بقالكم سنة بتبعتوا السلاح لسوريا ، لية سنة !!؟ ده معناه أنكم بتبعتوا السلاح منذ تولى مرسى الحكم ، وهل مرسى على دراية بده ولا لأ ، فى النهاية في حاجة اسمها أمن قومى مصرى ، وفى قوات مسلحة مصرية هى المنوط بها الدفاع عن مصر وارسال أى اسلحة لاى جهة تراها تخدم على الأمن القومى المصرى ، صفوت حجازى كمان عاوز يشكل ألوية وكتائب ، ياترى هتشكلها من مين ياصفوت - مصر فى عصر مرسى والإخوان كما لو كانت قندهار أو بيشاور، من موقعى هنا أن بقدم بلاغ للنائب العام على الهواء للتحقيق مع صفوت حجازى فيما أكده هو بنفسه أنه يورد السلاح منذ عام لسوريا محتاجين نعرف جاب السلاح منين وبيوديه ازاى.
السادة المحترمون: حازم أبو إسماعيل يهدد باستخدام الرصاص الحي ضد المتظاهرين في 30 يونيو
من صفوت حجازى نروح لحازم صلاح أبواسماعيل "الذى استبعد من انتخابات الرئاسة بعد التأـكد من أن والدته تحمل الجنسية الأمريكية" ، أبواسماعيل خلاص قرر يناور مع الإرهابى عاصم عبدالماجد بلغة التهديد الصريح والمبطن للى من وجهة نظرهم بيهددوا شرعية مرسى اللى شرعيته انتهت فى الاساس ، خاصة اللى نازلين 30 يونيو ، أبواسماعيل اللى ادروش زيادة بعد ما تم استبعاده من سباق انتخابات الرئاسة وبعد ما ثبت أنه لا يقول الصدق فيما يتعلق بجنسية والدته، خرج من يومين وهدد وقال ما من ثورة الا وتحسم بالقوة وأن قدر الله غلاب وأن 30 6 سيكون رصاص حى لحسم الأمور
السادة المحترمون: الشيخ حافظ سلامة يؤكد ضرورة رحيل مرسي وتسليم السلطة لمجلس رئاسي
عموما ، الشيخ حافظ سلامة قائد المقاومة الشعبية فى السويس ابان العدوان الثلاثى على مصر وفى حرب يونيو 67 خرج امبارح بعد خطبة الجمعة وأكد على اللى قاله الجمعة قبل الماضية وهى ضرورة رحيل مرسى وتسليم السلطة لمجلس رئاسى
الشيخ حافظ سلامة اللى مفيش أى حد فيكى يامصر يقدر يزايد عليه ، واللى كان له دور هائل فى السويس خلال الثورة بيؤكد أن الدكتور مرسى عليه الرحسل وتسليم السلطة لمجلس رئاسى يتولى شئون البلاد ، لية ؟ حتى ننقذ مصر بدلا من اراقة الدماء ، ده مش كلامى ده كلام الشيخ حافظ سلامة ، اللى أكد كمان للدكتور مرسى : عليك أنت تنسحب كما انسحب من كان من قبلك ، وعى مرسى التنحى لمجلس رئاسى.
السادة المحترمون: سيدة مصرية تجمع توقيعات حملة تمرد وتؤكد سقوط شرعية مرسي
عموما ، سيدات مصر هن أمل مصر ، السيدات هم اللى هيقودوا قطار التغيير والحرية للتخلص من حكم الإخوان واستبداد وفاشية محمد مرسى العياط ، سيده مصرية بتجمع توقيعات حملة تمرد وشايفه أن مرسى شرعيته انتهت وليس له علاقه بالثورة ويكفى أن فى عهده قتل أكثر من 100 شهيد
أم على فى غيرها مئات وألاف فى محافظات وقرى مصر ، فى منها ملايين من المصريين شايفين أن شرعية مرسى انتهت ، شايفين ان مرسى عهده لم يشهد الا اعتقال للثوار وسقوط أكثر من 100 شهيد ، شايفين ان مرسى كل هدفه هو تمكين جماعته من مفاصل الدولة المصرية ، شعب مصر فاق يادكتور مرسى ، شعب مصر فاق يادكتور بديع شعب مصر فاق ياخيرت ، شعب مصر فاق وكلمته هيقولها فى الميادين وأمام الاتحادية فى 30 يونيو ، ومش هيروحوا الا بعد ما يطمنوا على مستقبلهم ومستقبل أولادهم ، مستقبل لكل المصريين لا لجماعة بعينها ولا لأفراد بعينهم ، مستقبل هيسود فيه العدل والكرامة والمساواه والرخاء ، مستقبل نرجع لمصر فيه مجدها وعزها واحترامها بين الشعوب.
السادة المحترمون: باسم عودة وسط هتافات "إرحلوا خربتوا البلد" .. مافيش عيش والأنبوبة بـ 20 جنيه
الإخوان فى الجماعة أو فى الوزارة أو فى الرئاسة أصبحوا مكروهين وملاحقين بالهتافات من قبل الشعب المصرى الناقم على حكمهم ، باسم عودة وزير الفيس بوك الذى لا يكن ولا يمل من الحديث عن انجازاته الوهمية والتى أصبحت طوابير السولار والبنزين وأزمة رغيف العيش وأنبوبة البوتاجاز شىء عادى فى عهده ، باسم عوده ما بقاش بيروح مكان الا ويواجه بالهتاف ، وهتاف واحد فقط "ارحلوا خربتوا البلد"
ارحلوا خربتوا البلد ، الست بتقوله ده العيش اللى بتاكله الناس ! ، شفت العيش يادكتور باسم ، شفت شعبيتكم وصلت لفين ، الناس بتقولكم تانى ارحلوا خربتوا البلد ، ومطلبها واحد اسقاط حكم المرشد .
السادة الحترمون: مسيرات بالألاف في قرية ميت بدر حلاوة تطالب برحيل مرسي
شعبية الإخوان اللى أصبحت فى الحضيض فى كل محافظات ومدن مصر ، وصلت كمان للقرى المصرية ، تظاهرات ومسيرات بالألاف ضد مرسى والإخوان وبيحشدوا ليوم 30 يونيو - خلونا نشوف تظاهرة امبارح الجمعة فى قرية ميت بدر حلاوة احدى قرى مركز سمنود غربية
ده مش فى القاهرة ولا فى الاسكندرية ولا بورسعيد ، ده فى قرية ، وده مؤشر مهم وخطير جدا ، ان اللى جاى فى 30 يونيو هيكون ثورة شعب وغضب حقيقية ضد حكم الإخوان والدكتور مرسى ، زمان كنا بنقول أن شعبية الإخوان متركزة فى القرى ، وده مش حقيقى ، لما قرية يخرج فيها كل هذا العدد يهتفوا ضد الإخوان ويحشدوا ل30 يونيو معناه أن وجود جماعة الإخوان المتأسلمين على المحك.
السادة المحترمون: مظاهرات أهالي بورسعيد "قالوا مرسي بتاع الدين غرق كل بلدنا فى طين"
أيضا أمس الجمعة فى بورسعيد ، ثوار بورسعيد بدأوا التحضير لتظاهرات 30 يونيو ، المظاهرات جابت المدينة الباسلة يحشدون أهالى بورسعيد ليوم 30 يونيو ، قالوا مرسي بتاع الدين غرق كل بلدنا فى طين -- نشوف
السادة المحترمون: مرسي يلوح بيده لمعارضين له يطالبونه بالرحيل
على أى حال ، امبارح الجمعة 14 يونيو كان يوم غريب ومثير ، يوم تقدر تقول عليه شهد 3 أحداث مهمين جدا ولهم دلالات مهمة ، خلينا نبدأها بالدكتور محمد مرسى العياط ، اللى نزل صلى امبارح فى مسجد الحمد فى التجمع الخامس وكان لابس كاجوال ، الدكتور مرسى خرج من المسجد والناس حييته وهو لوحلهم بإيده محبوب جدا الدكتور مرسى - نشوف
الملفت كمان للنظر
السادة المحترمون: يوسف الحسيني يطرد مرسي ويخرج له الكارت الأحمر
عموما ، 30 6 هيكون تظاهرات سلمية ، لا هنخاف من تهديد عاصم عبدالماجد ولا تهديدات حازم ابواسماعيل ولا أى حد ، احنا نازلين نستعيد مصر ، نازلين نستعيد الثورة ، نازلين ومعانا الحق نازلين ومش خايفين يادكتور مرسى ، هننزل كنا والملايين كلها فى كل ميادين مصر وأمام الاتحادية هيرفعوا علم مصر وهيرفعوا كمان كارت أحمر زى ده ، كل واحد هيكون معاه صفارة وكارت أحمر والمطلب واحد هيكون الرحيل - ارحلوا عن حكم مصر واتركوا مصر للمصريين
السادة المحترمون: كلام وكلام .. وزير الثقافة يكذب لكي يتجمل !!
حمدى حسن
خالد
محمد هشام
العريان رجع من الساحل الشمالى
باكينام
باكينام
وليد
"حر رغم أنف سجانك"
خبر مضروب: التحقيق مع صفوت حجازي حول تصريحاته بتوريد السلاح لسوريا
النيابة العامة تستدعى صفوت حجازى للتحقيق معه فى البلاغ المقدم ضده بعد تصريحاته أنه يورد السلاح إلى سوريا منذ عام
الفنان إيمان البحر درويش مع يوسف الحسيني أيها السادة المحترمون
السلام عليكم ورحمة الله وبركاته أيها السادة المحترمون والسيدات المحترمات خلونا نرحب بضيفنا في هذه الفقرة وهو الفنان إيمان البحر درويش
حلمي النمنم الكاتب والصحفي ضيف يوسف الحسيني .. في السادة المحترمون
السلام عليكم ورحمة الله وبركاته أيها السادة المحترمون والسيدات المحترمات ضيفنا في هذه الفقرة هو حلمي النمنم الكاتب والصحفي حيث قال أن مبارك هو من أدخل الاخوان لعبة السياسة لضرب القوى المدنية ، هناك فصل كامل في مذكرات حسن البنا تم حذفه لأنه يدين الجماعة
وثائق بريطانية تؤكد وجود تعامل رسمي بين البنا والمخابرات الانجليزية ، حسن البنا من الوثائق مثبت تعامله أيضاً مع المخابرات الأمريكية والألمانية ، من رسخ هتاف "مات الملك عاش الملك" هو حسن البنا ، حسن البنا كان مناصرا للملكية ، مؤسس جماعة الاخوان كان يسير في فلك الملكية ، سيد قطب وصف محمد نجيب وجمال عبدالناصر بأنهما من الأنبياء ، ثورة يوليو كانت في البداية انقلاب ثم أطلق عليها الاخوان ثورة مباركة ، سيد قطب والإخوان رحبوا بإلغاء نظام عبدالناصر دستور 1923 ، في ٢٠٠٥ عصام العريان اعلن دعمه لجمال مبارك على قناة الجزيرة ، قضية سلسبيل في التسعينات كشفت مخطط الاخوان للسيطرة على مصر ، مرسي تعهد للأمريكان بعدم إطلاق صواريخ من غزة على إسرائيل.
السادة المحترمون: السبت 15 يونيو 2013
ليست هناك تعليقات:
إرسال تعليق