نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون الاربعاء 27/3/2013 من قناة ONTV يوتيوب كاملة
السادة المحترمون: علماء النفس يناقشون لغز صباع الريس
الصراحة اكتشفنا اننا مش لوحدنا اننا مش بس موضوع الصوباع ، ده حتى الدكتور علاء الاسواني، وهو عاصري اللمون الأشهر.. خلال انتخابات الاعادة بين مرسي وشفيق واللي قال ان علماء النفس حيحاولوا انهم يوصلوا للغز الصوباع .
نبيل نعيم: اللي كان بيحصل للإخوان أيام عبد الناصر كان لعب عيال
زي ما الريس قولنا في اول البرنامج بيبحث عن العدو الخارجي، الاخوان في الداخل بيحاولوا يصدروا عدو داخلي او يحاولوا يذكروا الناس بالفترات اللي بيقولوا انهم كانوا مطحونين فيها وهي ايام عبد الناصر، لكن وزي ما قالنا امبارح الشيخ نبيل نعيم زعيم تنظيم الجهاد ان اللي كان بيحصلهم، لعب عيال .
الحسيني للعريان: عبد الناصر مات ومش هيخش الانتخابات .. خايف منه ليه ؟
والغريب اننا كل شوية نلاقي قيادات زي الدكتور العريان ما تبقاش منشغلة بحال البلد اللي يغم ولا وضع الاقتصاد اللي منهار ولا اي حاجة واللي يهمه بس الضرب في عبد الناصر، رغم ان عبد الناصر مات يا دكتور العريان من حوالي 42 سنة او 43 سنة، وبالتالي يا دكتور عصام .. عبد الناصر مش حيخش انتخابات، عشان تبقى خايف منه وعبد الناصر بنفسه هو اللي بسببه الدكتور اتعلم بسبب خير الارض اللي اخدها والده في عهد عبد الناصر، واحنا هنا بالتأكيد مش في حاجة للدفاع عن عبد الناصر لان بالتأكيد ليه اخطاء كتيرة جدا ومش محتاجين نذكرها لانه ملف واتقفل لكننا بنلاقي ديما الاخوان عندهم حرص للاشارة لعهد عبد الناصر لما حتى الدكتور مرسي لما قال خطابه الشهير بتاع الستينات وما داراك ما الستينات، سيبونا من ده وخلونا نرجع تاني للدكتور عصام العريان اللي كل فترة يطلع بهجوم على عبد الناصر .
عصام العريان: مصادر الأخبار تأتى عن طريق بائعو البطاطا
طبعا زي محضراتكوا اكيد عارفين الهدف الرئيسي من كلام الرئيس عن الصوابع هو الاشارة للايادي الخارجية وتصدير العدو الخارجي للمشهد السياسي، وللداخل عشان من وجهة نظره على مايبدو انه بكدة حيوحد الدنيا وراه لما يقعد يتكلم عن العدو الخارجي وامريكا وغيرها رغم ان الإخوان هما اللي علطول بيقعدوا مع امريكا وغيرها وغير اللي بيحصل من اتفاقات تحت الترابيزة في اتفاقات في الغرف المغلقة وفي الاخر يتم حد ارنب الاتهامات على المعارضة بانها ممولة وبتروح الحارة المزنوقة، عموما زي ما باقول لحضراتكوا الاخوان هما اللي بيقعدوا مع امريكا وده حتى باعتررافهم النهاردة لما أعلنوا ان
الدكتور محمد سعد الكتاتني رئيس حزب الحرية والعدالة التقى النهاردة السفيرة الامريكية بالقاهرة آن باترسون، والسفير البريطاني جيمس وات.
وتطرق اللقاء مع السفيرة الامريكية إلي الاعتداءات الإجرامية في المقطم وكذلك إلى قانون العمل الأهلي الذي يناقش حالياً في مجلس الشورى.
ولغاية دلوقتي محدش طلع نفى ان السفيرة الامريكية التقت بالمرشد الاسبوع اللي ولا قالنا انتوا كدابين.. عموما لقاءات امريكا والاخوان مش بس دلوقتي ولا كانت في في الفترة الاخيرة لا ديه اللقاءات كانت من زمان خالص وباعتراف الدكتور العريان ، هوة ما كانشي بيتكلم عن اللقاء لكنه اكد بلسانه ان كان فيه لقاءات من التمانينات مع امريكا .
الدكتور العريان قال ايه : ذات مرة أو بتعبير شباب الفيس (ذات مومنت ) وانا فى مكتبى بنقابة أطباء مصر فى الثمانينيات حضر لمقابلتى سكرتير بالسفارة اﻷمريكية يحمل مجلة ( روز اليوسف )
ويقول :أعلم انهم يأتون بأخبارهم احيانا من عند بتاع البتاتا( البطاطا)، لكن شغلى ان اتأكد منك.ضحكت للتعبير الموحى جدا وقرأت الخبر وطبعا كان كاذبا.
كلام الدكتور الكتاني مش جاي للاعتراف بالعلاقة مع امريكا لكنه جاي للتعقيب على الاشاعات اللي طلعت مالصبح عن تعيين الدكتور البلتاجي في منصب رئيس المخابرات وهو الخبر اللي اكيد مش صح.
الدكتور العريان علق وقال ايه بقة.. ﻻ يزال بائعو البطاطا مصدر أغلب وأكثر اﻷخبار، ليس فقط ولكن أيضا الوثائق التى تنهال علينا كل صباح ، ولم يعد اﻷمر يقتصر على المجلة العريقة وجورنالها اليومى رغم المعاناة الشديدة التى تفرض استعادة ثقة القارئ ، لكنه انتشر إلى جرائد يومية أخرى ، فقدت توازنها النفسى بعد أن فقدت المصداقية والمهنية وأشياء أخرى كثيرة.
ليست هناك مشكلة لان هذه اﻷوراق تعود مرة الى أخرى إلى المصدر اﻷصلى ؛بائعى البطاطا. هنيئا لهم .
السادة المحترمون: مرسي في قطر .. والصباع حاضر معاه
والريس ما اكتفاش بكدة لا ده كمان لما قعد ما الجالية كمان في قطر كان الصباع حاضر في خطاب الرئيس .
السادة المحترمون: سيد قطب هو من أخرج التنظيمات الإرهابية في مصر والعالم كله
الدكتور العريان قال ايه بقة بتاريخ 21 مارس .. أن عبدالناصر بدأ عهده بقتل اثنين من العمال (خميس والبقرى) بمحاكمة صورية. وأنهى عهده بقتل ونحر أقرب الناس إليه رفيق عمره عامر، بمحاكمة عرفية ثورية، وبين ذلك قتل القاضى (عودة)،والشيخ (فرغلى)، والمفكر(قطب)، ونسي ان سيد قطب ياما حرض ضد مجلس قيادة الثورة في مقالاته وبسبب كتاباته خرجت كل التنظيمات الارهابية في مصر والعالم كله .
السادة المحترمون: العريان يكتب عبد الناصر كان فاشل فكريآ
وبعدها بيوم بتاريخ 22 مارس يعنى تانى يوم من هجومه الأول استمر فى هجومه على عبدالناصر واتهمه انه كان معندوش "برنامج فكرى واضح" وأنه فشل فى كل
مشاريعه وأن عبدالناصر قسم العرب، وده على اساس ان برنامج الاخوان واضح او حتى عملوا حاجة عدلة لغاية دلوقتي سواء من ساعة حكم مرسي او حتى لما حصلوا على الاغلبية في مجلس الشعب وبعدها في مجلس الشورى معلوش اي حاجة باختصار ايها السادة المحترمون، الاخوان لا يجيدون إلا الكلام والمعارضة حتى وهما في الهجوم
وحتى العشيرة بتوع الإخوان بيحبوا يوجبوا برضوة وبالمرة يهجموا على عبد الناصر .
السادة المحترمون: مرسي والصباع في القمة العربية
مش عارفين واحنا اهوه معاكم وديه الحلقة العاشرة من برنامجنا ايه سير الصوابع في خطابات الرئيس واللي اتكررت لغاية دلوقتي 3 مرات خلال اقل من أسبوع ، المرة الأولنية كانت في اجتماع خاص بالمرأة والتانية، امبارح في خطبته العظيمة بالقمة العربية .
كابتن أحمد حسن نجم الزمالك ومنتخب مصر .. فى السادة المحترمون
كابتن أحمد حسن نجم الزمالك ومنتخب مصر .. فى السادة المحترمون مع يوسف الحسيني .
ليست هناك تعليقات:
إرسال تعليق