نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الثلاثاء 5 فبراير 2013 من قناة ONTV يوتيوب كاملة
من جديد: محاولة إنتحار أمام مقر وزارة الكهرباء
السلام والتحية على حضراتكو واهلا بيكو معانا ... المصريين على وشك الإنفجار ... المصريين تحملوا كتير ومبقوش قادرين يتحملوا تاني اكتر من كدا ... من جديد عادت محاولات الإنتحار واشعال بعض المواطنين النيران في نفسهم بسبب الغلاء وسوء المعيشة والبطالة ... مشهد بدأ بالبوعزيزي في تونس واللي كان احد اهم الأسباب في اندلاع ثورة تونس وثورات الربيع العربي ... واتكرر المشهد كتير في مصر خصوصا أمام مجلس الوزراء في الأيام الأخيرة قبل اندلاع ثورة 25 يناير وسقوط نظام مبارك وحكومته ... من جديد بيتعاد المشهد تاني والنهاردة أحد المواطنين حاول الانتحار واشعال النار في نفسه امام مقر وزارة الكهرباء بعد ما تم رفض توظيفه في الوزارة .... لكن الحمد لله أحد أفراد الأمن لحقه وطفى النار بعد ما اصيب هما الاتنين باصابات متفرقة في جسمهم .. معانا هشام عمر عبد الحليم الصحفي بالمصري اليوم .
د. المهدي: محاولة إنتحار موظف وزارة الكهرباء .. لحظة يأس
ياترى فيه اية ومشهد زي دا بيدل على اية ... معانا الدكتور محمد المهدي أستاذ الطب النفسي .
من جديد: مرسي يستقبل الرئيس الإيراني أحمدي نجاد
النهاردة الدكتور محمد مرسي رئيس الجمهورية استقبل النهاردة وفود الدول الإسلامية للمشاركة في مؤتمر القمة الإسلامية المقرر ليها بكرة .. وكان من ضمن اللي استقبلهم الدكتور مرسي وفد ايراني بيترأسة محمود أحمدي نجاد رئيس ايران .. ودي تعتبر اول زيارة بيقوم بيها رئيس ايراني لمصر منذ عام 1979 .
من جديد: مرسي إستقبل الرئيس الإيراني ونسي وعده لسوريا
الصراحة مش عارفة ايه نتيجة استقبال الدكتور مرسي للرئيس الايراني وتاثير ده على المعارضة السورية اللي كان اكتر من مرة وعدها انه مش حيستقبل الرئيس الايراني قبل ما يغير موقفه من النظام السوري لكن وعود الدكتور مرسي الظاهر انها حتتنسي زي ما وعوده للمواطنين المصريين في حاجات كتيرة اتنست.
عمر حسانين: الطب الشرعي يؤكد وفاة الجندي بحادثة سيارة
أخبار التحقيقات وتقرير الطب الشرعي ايه للشهيد محمد الجندي هنعرفها من عمر حسانين مساعد رئيس تحرير المصري اليوم .
رشق مديرية الأمن بالحجارة بعد تشييع جثمان الجندي
من ناحية تانية مدينة طنطا كانت شهدت امبارح احداث عنف بين المتظاهرين ومشيعي جثمان محمد الجندي من جانب وقوات الأمن من جانب آخر ...والنهاردة المدينة بتشهد عزاء محمد بحضور عدد من الشخصيات السياسية ... ياترى الوضع عامل اية ومين حضر العزا دلوقتي .. معانا عمر حسانين مساعد رئيس تحرير المصري اليوم .
من جديد: مسيرة نسائية تحت شعار رجالة مصر متتعراش
ومن ضمن الحاجات اللي كانت مؤثرة جدا بغض النظر عن اللي اتقال بعدها هو مشهد سحل حمادة صابر واحنا هنا مش بصدد محاكمة حمادة عن اللي قاله اول مرة ولا تاني مرة احنا هنا بصدد مناقشة ازمة كبيرة وهي ان انسان مصري اتهان المشهد ده دفع عدد من الحركات النسائية مسيرة احتجاجية من ميدان طلعت حرب حتى دار القضاء العالي تحت شعار رجالة مصر متتعراش اعتراضا على الواقعة واعتراضا على عمليات الأعتداء على المتظاهرين ..
من جديد: والدة محمد الجندي بعد تشييع جثمان إبنها
من ضمن الحاجات اللي كان علطول الرئيس مرسي اتعهد بيها انه يرجحع حقوق الشهدا مش انهم يزيدوا، كل يوم ونلاقي كلام يتقال عن انهم بلطجية زي ما اتقال على محمد الجندي واللي لحد دلوقتي مش عارفين اذا كان مات نتيجة التعذيب اللي حصله ولا نتيجة حادثة .. كل اللي الناس عارفاه انه اختفى وفجأة زملاءه لقوه في المستشفى في حالة صحية متدهور تسببت في وفاته ... كلام اتقال عن تعذيبه من قبل الشرطة زي ما والدته جت عندنا وقالت كدة وكلام بيتقال عن ان اصيب بعد تعرضه لحادث عربية زي ما قال المسعفين اللي نقلوه لمستشىف الهلال في اقوالهم قدام النيابة العامة .
من جديد: قنديل يؤكد التصدي لظاهرة التحرش الجنسي
غير رجال مصر اللي بيتعروا على ايدين الامن ستات مصر كمان بقت حالات التحرش علني وعيني عينك وبقت حالة عامة في ميدان التحرير وخلال الايام اللي فاتت ابتدت تظهر روايات كتير من البنات اللي اتعرضوا لحوادث تحرش والنهاردة السفير علاء الحديدى، المتحدث باسم مجلس الوزراء، صرح بأن الدكتور هشام قنديل، رئيس مجلس الوزراء، أكد على أهمية التصدى لظاهرة التحرش الجنسى التى تتعرض لها نساء مصر، وأن الفترة القادمة ستشهد اتخاذ إجراءات قانونية فعالة ضد من يرتكبون هذه الأفعال.
من جديد: مؤتمر النقابات المهنية وعام ثالث من الثورة
النهاردة النقابات المهنية عقدت مؤتمر صحفي بعنوان النقابات المهنية وعام ثالث من الثورة ودعا اتحاد النقابات المهنية اعضاءه المشاركة في مليونية الجمعة القادمة والأعتصام بميدان التحرير للتأكيد على مطالب الثورة وتحقيق مكتسباتها وكالعادة حنطلع فاصل وبعد الفاصل حنسأل هل يجوز اننا ندخل وسائل الاعلام الاجنبية في صراعات ومكاسب سياسية داخلية.
محاولة إدخال وسائل الإعلام العالمية في الصراع المصري
من جديد اهلا بحضراتكوا ... هل هناك محاولات لإدخال وسائل الاعلام العالمية في الصرعات الداخلية ؟ .. اجابة السؤال ده هتكون محور حلقتنا النهاردة .. جريدة الحرية والعدالة التابعة لجماعة الإخوان المسلمين وحزبها السياسي، نشرت خبر مفادها ان قناة البي بي سي ، عملت استطلاع رأي أو استفتاء عن شعبية جبهة الإنقاذ الوطني ، وهو الامر اللى نفته القناة جملة وتفصيلاً .. وقالت القناة في بيان اصدرته امبارح ان سؤال التصويت الكتروني المطروح هو عن مطالب جبهة الإنقاذ مش عن شعبية الجبهة... لحد كدا وانتهي البيان، لكن الشاهد أو السؤال في الموضوع ده : هل الاخوان أو اعلام الاخوان يسعي لاستخدام اسماء وسائل الاعلام الكبيرة في حربه ضد منافسيه وهل يجوز اداخل وسائل الاعلام الاجنبية في صراع سياسي داخلي أو محاولة لكسب تأييد وهمي .. بنرحب بضيفنا الكاتب الصحفي جمال فهمي وكيل نقابة الصحفيين .. اهلا بيك في من جديد ..
من جديد: إكتشاف فيرس جديد لشلل الاطفال من أصل باكستاني
من جديد اهلا بحضراتكوا .. من يومين وزارة الصحة قالت انها اكتشفت فيرس جديد لشلل الاطفال من اصل باكستاني، وده بعد تحليلها لعينات الصرف الصحي في منطقة الهجانه ودار السلام .. الوزارة قالت كمان انها بتقوم بحملات تطعيمية احترازية لسكان المناطق دي ، دا بالاضافة لحملة قومية تانية غالبا هتكون في ابريل الجاي .. السؤال دلوقتي : هل الفيرس الجديد ده يعني عودة شلل الأطفال اللى اختفى من مصر من سنوات فاتت .. وايه هي الاجراءات اللى كل ام مفروض تقزم بها علشان تحمي أطفالها من الفيرس ده .. وهل اصلا هذا الفيرس الجديد يمثل خطورة ولا موضوع بسيط مش محتاخ الخوف والقلق .. دي التساؤلات اللى هنطرحها على ضيفنا الدكتور ابراهيم موسى مدير برنامج التطعيمات بوزارة الصحة .. اهلا بيك معانا في من جديد
ليست هناك تعليقات:
إرسال تعليق