نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الخميس 14 فبراير 2013 من قناة ONTV يوتيوب كاملة
من جديد: القوات المسلحة تعتذر عن مقتل بائع البطاطا
السلام والتحية على حضراتكوا اهلا بيكو معانا، والنهاردة اتحسم كتير من التفاصيل الخاصة بقضية الطفل عمر صلاح بياع البطاطا اللي مات في محيط السفارة الامريكية، بعد البيان اللي صدر من المتحدث الرسمي باسم القوات المسلحة، واللي أعلن فيه اعتذار القوات المسلحة عن مقتل الطفل الفقيد بطريق الخطأ وأكد تعهد القوات المسلحة بإتخاذ كافة الإجراءات القانونية ضد المتسبب ، بيان القوات المسلحة أكد مسئولية أحد أفراد قوة التأمين التابعة للقوات المسلحة بمحيط السفارة الأمريكية عن مقتل الطفل بطريق الخطأ خلال قيامه بإجراءات التفتيش على السلاح المتبعة أثناء أعمال تبديل الخدمات.
البيان اكد ان الواقعة المشار إليها لم يكن لها أى أبعاد عدائية أو إشتباكات، ووقعت عن غير عمد ونتيجة لوجود الطفل بموقع الحدث .
البيان شدد على إصرار القوات المسلحة على إستمرار التحقيقات ومحاسبة المسئول قانونياً تأكيداً منها على مبدأ الثواب والعقاب، رغم مبادرات أسرة الطفل الفقيد للتنازل عن الحق المدنى يقيناً منهم بأن القتل لم يكن متعمداً، وأن فقيدهم كان محل حب وود من قبل جميع أفراد قوة التأمين.
البيان اكد كمان انه تم تحويل المتسبب إلى النيابة العسكرية لإستكمال التحقيقات اللازمة، وكمان اكد ان القوات المسلحة قامت بتحمل مسئولياتها وواجباتها الأخلاقية والإنسانية الكاملة تجاه أسرة الفقيد . .. هل كدة الملف انتهى ولا لأ ده اللي حنعرفه من غادة شهبندر عضو مجلس المنظمة المصرية لحقوق الإنسان.
مؤتمر المركز المصري للحقوق الاقتصادية والاجتماعية
النهاردة المركز المصري للحقوق الاقتصادية والاجتماعية نظم مؤتمر صحفي تحت عنوان الانتهاكات في عهد مرسي وخاصة بالنسبة للعمال تفاصيل اكتر حوالين الانتهاكات وايه طبيعتها.
من جديد: تعيين إبن الرئيس في وزارة الطيران
في عهد الرئيس مرسي برضوة امبارح بالليل اتنشر خبر على موقع المصري اليوم مفاده انه تم تعيين ابنه عمر خريج كلية التجارة دفعة 2012 بتقدير جيد، في وزارة الطيران، والنهاردة وزير الطيران اكد ان الموضوع ما فيهوش كوسة ولا حاجة وان الولد اتقدم في اعلان عادي جدا واتقبل مع 9 غيره، عشان هو كويس في الانجليزي والكمبيوتر السؤال اللي بيطرح نفسه امال طوابير الخريجين اللي موجودة ليه ما اتعينتشي هي كمان طالما الوظيفة محتاجة انجليزي وكمبيوتر، وابن الريس لسه متخرج ما بقالهوش كام شهر هل كل اللي سبقوه في التخرج ومعاهم انجليزي وكميوتر اتعينوا ولا عشان هو ابن الريس، وليه حملة الماجستير والدكتوراه ما اتعينوش طالما فيه وظايف.
من جديد: مؤتمر لـ د. هشام قنديل حول إنجازات حكومته
من ناحية تانية النهاردة الدكتور هشام قنديل عقد مؤتمر صحفي اتكلم فيه عن انجازات حكومته في الفترة الاخيرة وايه المشروعات اللي حتعملها الحكومة في الفترة اللي جاية عشان توفير فرص العمل ، الصراحة حديث الدكتور قنديل عن الانجازات ومشاريع مستقبلية ده بيأكد ان الحكومة مستمرة ان الكلام عن تغيرها على ما يبدو انه فض مجالس، عموما تعالوا نشوف انجازات الحكومة ايه من وجهة نظر الدكتور قنديل.
من جديد: إحالة بلاغ ضد د . محمد البرادعي والتحقيق معه
هناك خبر باحالة البرادعي للتحقيق .. معنا عمر حسانين مساعد رئيس تحرير المصري اليوم
من جديد: وزير الداخلية يلتقي 25 من أفراد وأمناء الشرطة
لسه بنتكلم عن الداخلية ، والمرة دي عن ازمة امناء الشرطة المعتصمين ، فيه كلام ان وزير الداخلية اجتمع مع 25 من امناء الشرطة لبحث مطالبهم .. يا ترى وصلوا لايه ده اللي حنعرفه من عمر حسانين مساعد رئيس تحرير المصري اليوم
من جديد: زكريا عزمى يغادر مديرية أمن القاهرة
وعن اخلاء سبيل زكريا عزمي .. معنا عمر حسانين مساعد رئيس تحرير المصري اليوم
من جديد: إستمرار التحقيقات في قضية محمد الجندي
وعن تقرير محمد الجندي .. معنا عمر حسانين مساعد رئيس تحرير المصري اليوم
من جديد: كلمة الشيخ أبو إسلام عن عيد الحب " الفلانتين "
اخر حاجة معانا ومش حنعلق عليها هو كلمة الشيخ ابو اسلام عن الفلانتين كل سنة وحضراتكوا طيبين واللي نسيوا يحتفلوا يحمدوا ربنا واللي احتفلوا بنهديهم الكلمتين دولا ومعندناش تعقيب. وبعدها فاصل ونرجع ونناقش مليونية بكرة.
من جديد: مناوشات ومصادمات داخل محكمة جنوب القاهرة
معنا مصطفى الجندي القيادي بجبهة الإنقاذ حيث يرصد لنا مناوشات ومصادمات داخل محكمة جنوب القاهرة .
من جديد: من قتل شعبان إبراهيم حسن؟ ومن يدفع الثمن؟
من جديد أهلاً بحضراتكوا .. المادة التاسعة من الدستور المصري الجديد بتتنص على ان كل مواطن يقبض عليه أو يحبس أو تقيد حريته بأي قيد تجب معاملته بما يحفظ عليه كرامة الإنسان، ولا يجوز إيذاؤه بدنيا أو معنويا، كما لا يجوز حجزه أو حبسه في غير الأماكن الخاضعة للقوانين الصادرة بتنظيم السجون
وكل قول يثبت أنه صدر من مواطن تحت وطأة شئ مما تقدم أو التهديد بشئ منه يهدر ولا يعول عليه ، ده نص المادة هل بيتحقق منها حاجة .. طبعا لا والدليل حسن شعبان إبراهيم وده أحد المتظاهرين اللى تم القبض عليه فى أحداث الأسبوع الماضي باسكندرية، تم رفض الافراج عنه رغم ان عنده السكر والقلب ومش كدة وبس تم رفض ادخال الادوية ليه بدعوى ان مافيش تلاجة في مكان حجزه وبالتالي حسن ما اخدشي ادويته فمات في عهد الرئيس مرسي لانه ما اخدشي دواه وما تمش معاملته المعاملة اللي تحفظ كرامته كانسان، لبنرحب بالاستاذة سلوى بشير محامية اسرة حسن نشوف قصة حسن من اولها لاخرها.
من جديد: مصر بين مليونيتي ضد العنف وكش ملك
من جديد اهلا بحضراتكوا .. مصر بين مليونيتين بكرة ، اتعودنا في كل اسبوع ان فيه مليونية واحدة بعنوان واحد .. بكرة فيه مليونيتين واحدة دعا اليها القوى الاسلامية وعلى رأسهم جماعة الاخوان وعنونها "ضد العنف" وهتكون في المكان المعهود قدام جامعة القاهرة ، والتانية دعا اليها حركات ثورية وقوى حزبية وعنوانها هو"كش ملك "، وهتكون في ميدان التحرير واحتمال تتحرك لقصر الاتحادية .. ايه مطلب كل مليونية من دول ، وهيكون لمين الغلبة بما اننا في عصر المليونيات، وهل متوقع يحصل عنف او اشتباكات بين الطرفين، خاصة وان المسافة قريبة، كمان دي اول مرة يكون فيه حشد للجانبين في نفس التوقيت .. بنرحب بضيوفنا الاستاذ عمرو الحضري المتحدث الإعلامي باسم اتحاد شباب الثورة، والاستاذ سمير العركي القيادي بالجماعة الإسلامية
ليست هناك تعليقات:
إرسال تعليق