نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الاربعاء 13 فبراير 2013 من قناة ONTV يوتيوب كاملة
من جديد: الوضع الأمني بالجبل الأصفر لن يتجدد
السلام والتحية على حضراتكوا أهلا بيكو معانا، امبارح احنا كنا ناقشنا معاكو الوضع في منطقة الجبل الأصفر بالمرج، واللي بتشهد سيطرة بلطجية على القرية وبسبب المصادمات مع اهالي القرية راح ضحيتها طفلة صغيرة واتصاب كمان اكتر من شخص واحنا بناقش الحلقة كانت مصادر في وزارة الداخلية اتصلت بزمايلنا في الاعداد ووعدوا بان حيتم اتخاذ اللازم لاعادة الامن للقرية، واحنا لغاية قبل الهوا بشوية اتصلنا باهل القرية واكدولنا انه محدش جه ولا حصل اي تغيير من ساعة امبارح، واحنا حاولنا نتواصل مع وزارة الداخلية ما بيردوش، لعل المانع الخير.
من جديد: الطب الشرعي ينفي تعذيب محمد الجندي
النهاردة الطب الشرعي قال كلمته في قضية الناشط السياسي محمد الجندي ، تقرير الطبيب الشرعي بيتكون من 20 صفحة، بتضمن الأسباب والمعلومات الخاصة بالفحص الدقيق، لكل منطقة بالجسم، بعد تصوير المجنى عليه فوتوغرافيا لإثبات الإصابات كاملة، كمان تم فحص الملابس بالأشعة فوق البنفسجية، التقرير باختصار أكد ان الجندي اتوفي نتيجة اصطدامه بسيارة ومفيش اثار تعذيب ولا حاجة زي ما اتقال ان الشرطة متورطة في تعذيبة مما ادى لوفاته .. تفاصيل اكتر عن ترير الطب الشرعي حنعرفه من الدكتور إحسان كميل جورجي مدير مصلحة الطب الشرعي .
هل مات محمد الجندي بحادثة سيارة ؟ - د. أيمن فودة
معنا الدكتور أيمن فودة كبير الأطباء الشرعيين السابق .. تعليقاً على تقرير الطب الشرعي الذي نفى تعذيب الشهيد محمد الجندي .
هبه ياسين: التيار الشعبي سيطعن في تقرير الطب الشرعي
يا تري التيار الشعبي رده ايه على تقرير الطب الشرعي الذي نفى تعذيب الشهيد محمد الجندي .. معنا هبه ياسين المتحدث بإسم التيار الشعبي .
من جديد: مقتل الطفل عمر صلاح بائع البطاطا
من قضية محمد الجندي نروح لقضية تانية، وهي عمر صلاح طفل عمره 13 سنة ... وفقا للروايات اللي بيتداولها نشطاء على الفيس بوك وتوتير عمر اتقتل برصاص الداخلية في 3 فبراير يعني من حوالي 10 ايام في احداث محاولات اقتحام فندق سميراميس ... عمر كان واقف في ميدان التحرير بيبيع بطاطا عشان يأكل أمه واخواته التلاتة والداخلية يوم وفاته قالت انه مات بطريق الغلط، بس عمر قبل ما يموت كان اتكلم وقال نفسه يحقق ايه في حياته اللي انتهت يوم 3 فبراير.
غادة شهبندر: عمر صلاح إتقتل .. والشرطة بتكدب علينا
معنا غادة شهبندر عضو مجلس إدارة المنظمة المصرية لحقوق الإنسان تعليقاً على مقتل عمر صلاح طفل عمره 13 سنة وهو بائع بطاطا .
عمر حسانين: عمر صلاح إتقتل على يد القوات المسلحة
معنا عمر حسانين مساعد رئيس تحرير المصري اليوم .. تعليقاً على مقتل عمر صلاح طفل عمره 13 سنة وهو بائع بطاطا .
من جديد: الإفراج عن الشيخ محمود شعبان بكفالة 5 ألاف جنيه
نروح بقة للقضية اللي كانت حديث الفضائيات خلال الأيام اللي فاتت وهي التصريحات المنسوبة للشيخ محمود شعبان وفتواه بخصوص اهدار دم قيادات جبهة الإنقاذ الوطنى، النهردة النيابة بدأت التحقيقات مع الشيخ محمود شعبان وقررت في نهاية التحقيقات الافراج عنه بكفالة 5 آلاف جنيه .. معنا عمر حسانين مساعد رئيس تحرير المصري اليوم .
من جديد: ملثمون يحاولون سرقة سيارة رئيس البنك المركزي
.. معنا عمر حسانين مساعد رئيس تحرير المصري اليوم .. علشان نعرف تفاصيل حادثة سرقة سيارة رئيس البنك المركزي .
من جديد: تشييع جنازة فنان الكاريكاتير رمسيس زخاري
النهاردة تم تشُيّع جنازة فنان الكاريكاتير رمسيس، من كنيسة قصر الدوبارة بالتحرير، وسط حضور كبير من المثقفين والمهتمين بالفن التشكيلى والكاريكاتير، وحضور ضعيف للمشاهير فى عالم الفن.
الفرق بين مجلس حقوق الانسان في عهد مرسي وعهد مبارك ؟
من جديد اهلا بحضراتكوا ... سؤال صريح ومباشر : هو المجلس القومي لحقوق الانسان حاله أوتشكيله أوادائه دلوقتي أفضل .. ولا في عهد مبارك كان افضل ؟.. السؤال ده بيطرح بمناسبة موافقة مجلس الشورى على تعيين 8 اعضاء جدد بدل الثمانية اللى قدموا استقالتهم اجتجاجا على اخونة المجلس .. ويمكن السبب كمان هو ان التشكيل الجديد مفيش فيه عضو واحد ممثل منظمات المجتمع المدني، دا غير ان غالبية أعضاؤه من الاخوان والمقربين اليهم دا غير كمان انه اللي هيراقب الانتخابات الجاية وحيدي تصاريح مراقبة للمنظمات الحقوقية ... في حين بقا المجلس ايام مبارك، صحيح مكنش حد بيسمع له، لكن كان فيه على الأقل شخصيات مشهود لها بالحياد ولها تاريخ زي بطرس غالي، محمد فايق، أحمد كمال ابو المجد منى ذو الفقار، فؤاد عبد المنعم رياض ، دا غير الشخصيات اللى ممثلة لمنظمات المجتمع المدني .. بنرحب بضيفنا الاستاذ جمال عيد مدير الشبكة العربية لمعلومات حقوق الانسان .. اهلا بيك معانا
جمال عيد: المجلس القومي لحقوق الإنسان شغلته كوافير
الاستاذ جمال عيد مدير الشبكة العربية لمعلومات حقوق الانسان: المجلس القومي لحقوق الإنسان شغلته كوافير
من جديد: أسباب تأجيل جولة الحوار الوطني
من جديد اهلا بحضراتكوا .. المفروض كان النهاردة تستكمل جلسات الحوار اللى دعت اليها مؤسسة الرئاسة، والمفروض كانت جلسة النهاردة تحدد مصير حكومة قنديل اللى الشارع والقوى السياسية متمسكين باقالتها، والرئاسة متمسكه ببقائها .. لكن فوجئنا ببيان عن مؤسسة الرئاسة بتأجيل جلسة الحوار للاسبوع الجاي ، وسبب التأجيل مش واضح ، الرئاسة بتقول ان الاحزاب هي اللى طلبت التأجيل لمشاركة أكبر عدد من القوى السياسية في الحوار الجاي ، في حين قوى تانية شايفة ان الرائسة بتماطل لأنها مش عايزة تقيل الحكومة اللى الغالبية مجمع على اقالتها .. وفي النهاية يبقا السؤال : هل مؤسسة الرئاسة بتراهن على الوقت لنزع فتيل او لإمتصاص غضب المعارضة .. ولا هل القوى المقاطعة للحوار بتفكر تغيير موقفها وتشارك في الحوار .. تفاصيل أكتر عن جلسات الحوار وقدرتها في ازالة حالة الاحتقان السياسي بنرحب بضيوفنا الاستاذ حازم منير الكاتب الصحفي ، والاستاذ حامد مختار عضو امانة الاعلام بحزب الحرية والعدالة .. اهلا بيكم في من جديد
ليست هناك تعليقات:
إرسال تعليق