نشاهد اليوم
برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى حلقة الاربعاء 9 يناير 2013 تقديم ريم ماجد على قناة ONTV يوتيوب كاملة
السريحة الأرزقية في بلدنا بالمصري الليلة
يسعد مساكم وحلقة جديدة من بلدنا بالمصري.. هنبداها كالعادة باخر اخبار بلدنا وهنختمها مع السريحة الارزقية من البياعين الجائلين باللي ليهم واللي عليهم.. لا هم ملايكة ولا هم شياطين.. هم مواطنين مصريين، نظرياً المفروض ان ليهم حقوق وعليهم واجبات.. عملياً: حقوق مافيش.. وبديهي فاقد الشئ لا يعطيه وبالتالي اللي مالوش حق هنطالبه ازاي بالواجب.. لكن الحقيقة وعلى الرغم من ان البياعين الجائلين يمكن واخدين مننا راقات في الشوارع والميادين، الا انهم هم نفسهم اللي قرروا ينظموا نفسهم ويكون لهم نقابة تجيب لهم حقوقهم لكن كمان تضمن انهم هيعملوا الواجب وزيادة كمان.. هم عارفين فين المشكلة وعندهم الحل، فايدينا كدة على كتفهم وكل مشكلة وليها الف حلال..
بلدنا بالمصري: ضباط الثورة على الأسفلت
اخر اخبار بلدنا هنبداها بخبر حلو من نفسنا.. لانه بس زي ما فيه اخبار مرة فيه كمان احياناً اخبار حلوة، واحلى خبر النهاردة، انه اخيراً والحمد لله اتفك اسر اخر ٥ من الظباط المشهورين بظباط ٨ ابريل.. اللي هم: النقيب محمد وديع من ضباط 8 إبريل والرائد فؤاد الدسوقى من ضباط 27 مايو والرائد احمد شومان والرائد تامر بدر والنقيب عمرو متولى من ضباط 20 نوفمبر.
بلدنا بالمصري: رئيس الجمهورية يقاضي أ. جمال فهمي
نرجع بقة للاخبار المرة معلش.. ومن امرهم اللي صاير واللي صايب الصحافة والصحفيين في بلدنا على اخر الزمن ما بين بلاغات نازلة ترف عليهم اشي من مواطنين شرفاء واخرة المتمة من مؤسسة الرياسة ومن رئيس الجمهورية شخصياً.. غير المحاكمات العسكرية اللي بقت كمان من نصيب الصحفيين..
اخر البلاغات ضد الصحفيين، فكانت النهاردة من نصيب الاستاذ جمال فهمي، وكيل نقابة الصحفيين.. والبلاغ المرة ديه مش من مواطنين شرفاء ولا حاجة لا سمح الله.. صاحب البلاغ المرة ديه هو رئيس الجمهورية شخصياً من خلال الإدارة المركزية للشئون القانونية لرئاسة الجمهورية
بلدنا - كارم محمود: الاتهامات الموجهة لجمال فهمي مجهولة
اخر البلاغات ضد الصحفيين، فكانت النهاردة من نصيب الاستاذ جمال فهمي، وكيل نقابة الصحفيين.. والبلاغ المرة ديه مش من مواطنين شرفاء ولا حاجة لا سمح الله.. صاحب البلاغ المرة ديه هو رئيس الجمهورية شخصياً من خلال الإدارة المركزية للشئون القانونية لرئاسة الجمهورية
معنا على الهاتف
كارم محمود - سكرتير عام نقابة الصحفيين
بلدنا بالمصري: صحفي بيتحاكم عسكرياً علشان بيشتغل
اما اخر المحاكمات العسكرية للصحفيين فمن نصيب الصحفي محمد صبري، اللي قبض عليه حرس الحدود اثناء القيام بمهام عمله واعداد تقرير لوكالة رويترز عن قرار وزير الدفاع الخاص بتملك الاراضي الحدودية.. واتوجهت له تهمة التواجد في منطقة عسكرية وتصوير مواقع عسكرية في منطقة حدودية.. النهاردة كانت تاني جلسة من جلسات محاكمته قدام المحكمة العسكرية في الاسماعيلية.. وكالعادة في الحالات اللي زي ديه، قدام المحكمة، وتحديداً النهاردة قدام قيادة الحيش التاني الميداني في الاسماعيلية كان فيه وقفة احتجاجية ضد محاكمة المدنيين عسكرياً، شارك فيها ائتلاف شباب الثورة في الاسماعيلية ومجموعة لا للمحاكمات العسكرية، اللي محمد صبري عضو فيها، وعدد من الحركات والقوى الوطنية.. واصدروا بيان قالوا فيه الاتي
بلدنا بالمصري: وزير الإخوان بيتكلم عن حرية الإعلام
من سخرية الاقدار، ان خبر الرياسة اللي بتقدم بلاغ ضد صحفي، انتشر كالنار في الهشيم، في عز ما وزير الاعلام، بيقول كلمته اللي لا يمكن تنزل الارض ابداً قدام مؤتمر اتحاد الصحفيين العرب، وبياكد انه لا مساس بحرية الصحافة والاعلام وبيشيد بقرار رئيس الجمهورية بالغاء الحبس الاحتياطي للصحفيين، وبيبصم بالعشرة انه لن يحبس صحفي في قضية نشر، ولن يحبس إعلامي في قضية رأي.
بلدنا بالمصري: القرصاية .. نموذج مصغر لنضال الوطن
في نفس الوقت، لكن من ناحية تانية خالص صدر بيان مشترك من مجموعة من المنظمات والحركات، تحت عنوان: القرصاية: نموذج مصغر لنضال الوطن.. ودعوة عامة لمشاركة اهالي الجزيرة في مؤتمرهم يوم الجمعة اللي جاية على ارض الجزيرة لعرض شهادات تفصيلية حوالين قضية الجزيرة اللي وصفها البيان بانها تقاوم منذ سنوات محاولات الاستيلاء على أراضيها وشواطئها.. الموقعين على البيان هم:
معنا على الهاتف
مالك عدلي - المحامي بالمركز المصري للحقوق الاقتصادية والاجتماعية
بلدنا بالمصري: الصحة تؤكد رفع أسعار ٥٧٢ دواء
في حلقة امبارح كنا اتكلمنا عن اخبار متنتورة وغير مؤكدة عن قرار لوزارة الصحة برفع اسعار ٥٧٢ دوا.. ٣٠ منهم انتاج حكومي والباقي انتاج شركات خاصة.. الخبر اللي كان امبارح مش مؤكد، النهاردة وزارة الصحة قطعت الشك باليقين
بلدنا: الشورى يوافق مبدئياً على قانون الانتخابات
بعد موافقة اللحنة التشريعية في محلس الشورى امبارح من حيث المبدا على مشروع تعديل قانون انتخابات مجلس الشعب وقانون مباشرة الحقوق السياسية، النهاردة وافق محلس الشورى في جلسته العامة برده من حيث المبدا.. اخر خطوة قبل ما يرجع مرة تانية للجنة التشريعية لمناقشته مادة مادة.. تمت الموافقة النهاردة من حيث المبدا وسط مطالبات من عدد من اعضاء مجلس الشورى المنتخبين والمعينين الممثلين لاحزاب المعارضة، بعدم الاستعجال في اقرار القانون وطرحه للمناقشة المجتمعية.. في نفس الوقت اللي اعلنت فيه إن إجراءات انتخابات مجلس النواب ستبدأ في 25 فبراير اللي جاي بحسب نص الدستور اللي بيتص علي بدء إجراءات انتخاب مجلس نواب جديد بعد موافقة الشعب علي الدستور بشهرين. ودة معناه بداية الإجراءات مش تحديد معاد التصويت حسب البيان الصادر من رياسة الجمهورية
معنا على الهاتف
أ/ عبد الشكور عبد المجيد
بلدنا: جبهة الإنقاذ في الانتخابات .. قائمة ولا قائمتين؟
جبهة الانقاذ هتشارك في انتخابات مجلس الشعب بقايمة واحدة ولا بقايمتين.. سؤال لسة اجابته حايرة ومش راسية على بر
معنا على الهاتف
أ/ أحمد فوزي - الأمين العام لحزب المصري الديمقراطي
أ/ أحمد كامل - عضو المكتب التنفيذي للتيار الشعبي
بلدنا بالمصري: اعتقال طبيب مصري في خلية الإمارات
اخر تطورات اعتقالات المصريين في الامارات والتحقيق معاهم.. اولاً السلطات الاماراتية قبضت على طبيب جديد ضمن اللي سمته قضية الخلية الاسلامية او الاخوانية المتهمة بقلب نظام الحكم.. وقبضت على مجموعة من السيدات في اكار نفس القضية وبدات فعلاً التحقيق معاهم واطلقت عليهم العناصر القيادية في التنظيم النسائي..
معنا على الهاتف
عبد المنعم عبد المقصود - محامي جماعة الإخوان المسلمين
بلدنا بالمصري: لجنة الدفاع تدافع عن القضاة المحتجين
أعلنت اللجنة القانونية الدائمة للدفاع عن القضاة وأعضاء النيابة العامة وسيادة القانون، في بيان ليها النهاردة أنها هتقاضي اللي اقاموا الدعوى القضائية اللي بتتطالب بإعتبار القضاة والمستشارين اللي علقوا العمل بالمحاكم المختلفة مستقيلين، ووقف صرف رواتبهم.. واكدوا في بيانهم ان البي اقاموا الدعوى ضد القضاة أساءوا استخدام حق التقاضي.
بلدنا بالمصري: ترحيل المستشار فؤاد راشد من الإمارات
من ناخية تانية، السلطات الاماراتية امرت بترحيل المستشار فؤاد راشد، رئيس محكمة استئناف القاهرة، اللي كان معار لمحكمة الاستئناف في امارة راس الخيمة
منصور: السفارة تتابع المصريين بالسجون الإماراتية
معنا على الهاتف
السفير/ كامل منصور - سفير مصر في الإمارات
بلدنا بالمصري: حفل تأبين الشهيد جابر صلاح جيكا
خلونا بقة نروح لحد نقابة الصحفيين، نحضر جزء من حفل تابين الشهيد جابر صلاح، الشهير جداً بجيكا الله يرحمه
بلدنا بالمصري: الفن ميدان على حس الشهدا
لكن قبل الفاصل خلونا نروح نطل طلة على الفن ميدان شرح وبرح ويساع الكل في منطقة من اكتر المناطق الشعبية بنت البلد المجدع، عشان نتاكد ان لسة مصر بخير ولساها عمار.. اول احتفال للفن الميدان في السنة الجديدة كان على حس الشهدا وذكراهم الحلوة
عبد الرحمن: مبارك محبسناش ومرسي هيحبسنا بعد الثورة
محمد عبد الرحمن: مبارك محبسناش ومرسي هيحبسنا بعد الثورة
سريحة وعلى باب الله .. الداء والدوا في بلدنا بالمصري
سريحة وارزقية وعلى باب الله، بيجروا على لقمة العيش ورزق العيال، وماحدش بياكلها بالساهل.. ديه صورة البياعين الجائلين لو بنبص عليهم من ناحيتهم او على الاقل بنحط نفسنا في مكانهم او بنبذل شوية مجهود يمكن نفهم ان العلة مش بس فيهم، وان بيهم ومعاهم نقدر نلاقي للمشكلة الف حلال.. لكن لو بصينا عليهم من اي ناحية تانية، هتلاقينا متضررين اوي من وقفتهم على الارصفة وقي نص الشارع ومضيقين الدنيا في وشنا وقالبين الشوارع والميادين سويقة وموالد صاحبها غايب.. ومش بعيد نشوفهم صيع وشبيحة وبلطجية.. ويمكن كمان نتمنى الارض تنشق وتبلعهم، مع اننا سبحان الله في الرايحة وفي الجاية لو ما بنقفش على فرشتهم نشتري، ادينا بنتفرج.. ومع ذلك اللي ما يشوفش من الغربال ان البياعين الجائلين مشكلة، يبقى بياخدها من قاصرها وبيحط راسه في الرملة.. لكن كمان كل مشكلة وليها حلال وكل داء وليه دوا.. وهم اللي عندهم الدوا.. فخلونا نرحب بيهم اولاً
احمد حسين: نقيب الباعة الجائلين فى القاهرة
محمد عبد المنعم: نقيب الباعة الجائلين فى الاسكندرية
الدكتور عمرو عدلى: مدير القسم الاقتصادى بالمبادرة المصرية للحقوق الشخصية
ليست هناك تعليقات:
إرسال تعليق