نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاثنين 7 يناير 2013 تقديم ريم ماجد على قناة ONTV حلقة يوتيوب كاملة
بلدنا بالمصري: احتفالاً بعيد ميلاد السيد المسيح
يسعد مساكم وحلقة جديدة من بلدنا بالمصري.. هنبداها بشوية اخبار من بلدنا، بس على قد ما قسم.. عشان يكون عندنا براح نعيد ونحتفل احتفال يليق بمقام يوم مفترج زي النهاردة بيعدي علينا فيه عيد ميلاد سيدنا المسيح عليه السلام، رسول السلام "ووجيهاً في الدنيا والاخرة ومن المقربين".. الاحتفال بيوم ميلاده هيكون على حس الانشاد والترتيل لما يلموا الشمل وينادوا بحلو الصوت على اجمل ما فينا.. على الخير والمحبة والسلام والسكينة والبراح اللي يساع كل خلق الله.. مسك الختام هيكون على حس فرقة سماع هتنشد وترتل لوجه الله والوطن..
بلدنا بالمصري: الجيش يحبط محاولة تفجير كنيسة رفح
اخر اخبار بلدنا، هنداها من رفح.. المتحدث العسكري اعلن النهاردة على صفحته الرسمية ان عناصر من القوات المسلحة نجحت في احباط محاولة لتفجير كنيسة رفح المهجورة اصلاً من ايام الثورة.. بيان المتحدث العسكري بيقول الاتي
بلدنا بالمصري: كنيسة رفح لم تكن المقصودة بالتفجير
لكن على الموقع الالكتروني لجريدة الدستور، مصدر امني رفيع حسب الموقع، صرح بانه غالباً مش الكنيسة اللي كانت مقصودة بالتفجير
بلدنا بالمصري: كنيسة رفح مهجورة منذ عامين
لكن على الموقع الالكتروني لجريدة الدستور، مصدر امني رفيع حسب الموقع، صرح بانه غالباً مش الكنيسة اللي كانت مقصودة بالتفجير
بلدنا بالمصري: استئناف مفاوضات قرض صندوق النقد
قرض صندوق النقد الدولي اللي الحكومة شايفاه املة او على الاقل شر لابد منه، وشايفاه قطاعات مش بطالة ابداً من المعارضة ومن الخبرا والمتخصصين، لا منه ولا كفاية شره، دخل النهاردة في جولة جديدة من جولات المفاوضات بين الحكومة المصرية وبين وفد من الصندوق، برئاسة مسعود أحمد، مدير منطقة الشرق الأوسط وأفريقيا.. قابلوا رئيس الوزرا والمجموعة الوزارية الاقتصادية في حضور محافظ البنك المركزي، قبل ما يخطوا عتبة رئيس الجمهورية اللي طمنهم على الاخر والحمد لله على تحسن حالة الاقتصاد المصري.. وعقبال ما يطمن الشعب المصري الشقيق
بلدنا بالمصري - وهبة: الصندوق يشترط برنامج حكومي للتقشف
معنا على الهاتف
عبد اللطيف وهبة - مراسل وكالة بلومبرج بالقاهرة
بلدنا بالمصري: النيابة ترجئ تعليق العمل الكلي بالمحاكم
حسب الخطوات التصعيدية اللي كان سبق واعلن عنها اعضاء النيابة العامة لمطالبة النائب العام المستشار طلعت عبد الله التخلي عن منصبه، كان المفروض يبداوا من بكرة ولمدة تلات ايام تعليق كلي للعمل في كل التيابات على مستوى الجمهورية.. لكن على ما يبدو انه يمكن يكون جد في الامور، لانهم قرروا تاجيل التعليق الكلي للعمل لحد يوم ١٤ يناير معاد الجمعية العمومية للنيابة العامة.. لكن اكدوا في بيان ليهم الاستمرار في التعليق الجزئي للعمل ولحين اشعار اخر
معنا على الهاتف
المستشار/ شادي خليفة
بلدنا: إهانات أبو إسماعيل للداخلية والوزير مرفوضة
من يوم ما وقف الشيخ حازم ابو اسماعيل يشخط وينطر ويمرمط في الداخلية وظباط الداخلية ووزير الداخلية- اللي اصبح سابق من امبارح- من ساعتها ولحد النهاردة والداخلية ما اتهزلتهاش شعرة ولا خدت اي اجراء قانوني ولا حتى موقف.. وكل الحكاية، ان بعد ما انتشر الفيديو على المواقع وبقى على عينك يا تاجر، صرح مصدر امني ان "ما تتعرض له الوزارة ورجال الشرطة من انتقادات وتطاول أو تجاوزات من البعض .. لن يتم التعامل معها بالمثل، ولن يُثنى ذلك رجال الشرطة عن الاستمرار فى أداء رسالتهم السامية.. وان الاجهزة الأمنية تحتفظ بكافة حقوقها المشروعة تجاه مثل تلك الوقائع ومرتكبيها".. وادي وش الضيف لحد ما راح في التعديل الوزاري الاخير، وزير الداخلية السابق اللي كان تم التطاول عليه.. وان جيتوا للحق، الكلام والصوصوة على فيس بوك وعلى تويتر، كتير منه بيخمن او حتى بيبصم بالعشرة ان اقالة وزير الداخلية، عليها بصمات الشيخ ابو اسماعيل، ويمكن بصماته وبصمات المهندس خيرت الشاطر في ساعة واحدة وبالمرة والله اعلم.. لكن تغيير وزير الداخلية، ما منعش النهاردة ظباط المطار من انهم يقفوا وقفتهم ضد اللي وصفوه باهانة وزارة الداخلية ووزير الداخلية
بلدنا: أعضاء بالدستور يعتصمون ضد قرارات البرادعي
الظاهر ان فيه عين وصابت حزب الدستور.. الحزب اعلن عن قرارات جديدة لرئيس الحزب الدكتور محمد البرادعي، متعلقة بتعيينات جديدة، واعادة تشكيل لجنة تسيير الاعمال و تشكيل لجنة للاعداد للانتخابات البرلمانية.. فما كان من مجموعة من اعضاء الحزب الا انهم اصدروا بيان، اكدوا فيه على تقديرهم للدكتور البرادعي لكن اكدوا كمان على رفضهم لقراراته الاخيرة واعلنوا عن الدخول في اعتصام مفتوح في مقر الحزب
بلدنا بالمصري: وقفة للتضامن مع محاكمي القرصاية عسكرياً
طبعاً وزي ما احنا عارفين، ان الكلام عن ان المحاكمات العسكرية للمدنيين اصبحت فعل ماضي ونسيبه في حاله، دة كلام فارغ.. لان المحاكمات العسكرية للمدنيين لسة فيها الرمق وعلى قدم وساق ٢٤ قيراط وبنص الدستور كمان.. والامارات كتير.. بامارة مثلاً ال٢٦ مواطن مصري من اهالي جزيرة القرصاية او من العمال اللي على باب الله واللي بيشتغلوا في الجزيرة باليومية، واللي بيتحاكموا عسكرياً لان الخناقة على الارض من بختهم الاغبر طرفها التاني القوات المسلحة.. ١٤ يناير جلسة محاكمتهم اللي جاية.. وبكرة الساعة ٦ بعد الضهر وقفة قدام دار القضاء العالي للتضامن معاهم
شريف الحصري وليه اتحاكم عسكرياً .. في بلدنا بالمصري
طبعاً وزي ما احنا عارفين، ان الكلام عن ان المحاكمات العسكرية للمدنيين اصبحت فعل ماضي ونسيبه في حاله، دة كلام فارغ.. لان المحاكمات العسكرية للمدنيين لسة فيها الرمق وعلى قدم وساق ٢٤ قيراط وبنص الدستور كمان.. والامارات كتير.. بامارة مثلاً ال٢٦ مواطن مصري من اهالي جزيرة القرصاية او من العمال اللي على باب الله واللي بيشتغلوا في الجزيرة باليومية، واللي بيتحاكموا عسكرياً لان الخناقة على الارض من بختهم الاغبر طرفها التاني القوات المسلحة.. ١٤ يناير جلسة محاكمتهم اللي جاية.. وبكرة الساعة ٦ بعد الضهر وقفة قدام دار القضاء العالي للتضامن معاهم.. اما شريف الحصري، اللي هو كمان عينة بينة لضحايا المحاكمات العسكرية للمدنيين، كان تم اخلاء سبيله لكن المفروض انه عنده جلسة بكرة قدام المحكمة العسكرية
بلدنا بالمصري: طلبة جامعة النيل وازاي الحق ينداس
صحيح انه على راي المثل"بعد العيد ما يتفتلش كحك".. بس دة لما يبقى عيد، وساعتها هنوزع كحك وشربات ونبارك ونهني طلبة جامعة النيل بدخولهم مبانيهم ورجوع الحق لاصحابه وتنفيذ حكم المحكمة.. لكن لحد دة ما يحصل، وطول ما ما طلبة جامعة النيل لسة على الرصيف، طول ما احنا وراهم وهنفضل نعيد ونزيد في قصتهم لحد ما يبان لهم صاحب في البلد ديه.. اللي حصل يوم الخميس في حرم الجامعة واثناء زيارة الدكتور احمد زويل والوفد المرافق ليه للاحتفال بالمرسوم الجمهوري بانشاء مدينة زويل على نفس الارض وفي نفس المكان، في كل الحالات واياً كان اللي حصل فهو مؤسف ويجيب الغم انه يكون حاصل بين اهل العلم وطلابه.. لكن اللي حصل وكالعادة بيختلف باختلاف زاوية الرؤية.. من زاوية ادارة جامعة النيل: بلاغ ضد رئيس مجلس الوزراء ووزير التعليم العالى ود.أحمد زويل حمل رقم 25 لسنة 2013 بيتهمهم بالسماح للدكتور عصام شرف والدكتورة فايزة ابو النجا والدكتور على جمعة وبعض الشخصيات العامة بوضع حجر الأساس داخل مبنى الجامعة لتأسيس جامعة زويل العلمية بالرغم من صدور حكم قضائى لصالح جامعة النيل وان الطعن المقدم من الدكتور زويل ما يوقفش تنفيذ الحكم الصادر لصالح الطلبة.. من زاوية مدينة زويل: الطلبة اتجمهروا واعتدوا لفظياً على علماء المدينة وضيوفها وكسروا عربيات.. اما لو بصينا من زاوية الطلبة هنشوف اللي حصل كالاتي
بلدنا بالمصري: سليمان خاطر .. لا نسينا ولا هننسى
احنا من بعد الفاصل ولحد الختام معانا رسالة سلام مصرية، سماعي وبعلم الوصول لاي مكان على وش الدنيا.. لكن قبل الفاصل، نعيش ونفتكر سليمان خاطر ومهما طال الزمن لابد من يوم معلوم تظهر فيه الحقيقة وتبان وكل حي وشهيد ياخد حقه او جزاءه
بلدنا بالمصري: الذكرى الثانية لقتل سيد بلال .. وحقه ؟!
النهاردة بتعدي علينا ذكرى اتنين شهدا، واحد مر على استشهاده سنتين والتاني ٢٧ سنة بالتمام والكمال.. والاتنين لسة دمهم رايح هدر ولسة مش عارفين في رقبة مين.. او على الاقل اللي دمهم في رقابيهم لسة ما خدوش جزاءهم ولا حد داس لهم على طرف.. نعيش ونفتكر سليمان خاطر وسيد بلال واللي زيهم.. وما ننساش ان لو دمهم في رقبة الجلادين فحقهم في رقبتنا احنا..
ديه الناس اللي لسة فاكرة سيد بلال ولسة بتطالب بحقه اللي مش هيضيع طول ما هم وراه والزمن طويل..
سماع .. الإنشاد والموسيقى الروحية .. في بلدنا بالمصري
ديه كانت مجرد تصبيرة كدة على قد ما قسم من شوية مغنى هيكونوا مسك الختام.. توليفة مصرية اصيلة ومعتبرة تنشد وترنم وترتل لوجه الله والوطن.. على حس سماع هنحتفل بعيد ميلاد سيدنا المسيح ابن ستنا مريم العدرا عليهم هم الاتنين السلام.. بس بعد ما نعرف اصل وفصل فرقة سماع من
مؤسس الفرقة شخصياً: الدكتور/ انتصار عبد الفتاح: رئيس المركز القومي للمسرح والموسيقى والالات الشعبية
بلدنا بالمصري: رسالة سلام يحملها إنشاد وموسيقى روحية
مع شوية مغنى من القلب للقلب، رسول يبشر بان الله محبة.. هو السلام ومنه السلام وليه المجد في الاعالي وعلى الارض السلام وبالناس المسرة .. نحتفل احتفال يليق بمقام يوم مفترج زي النهاردة بيعدي علينا فيه عيد ميلاد سيدنا المسيح عليه السلام، رسول السلام "ووجيهاً في الدنيا والاخرة ومن المقربين".. الاحتفال بيوم ميلاده هيكون على حس الانشاد والترتيل لما يلموا الشمل وينادوا بحلو الصوت على اجمل ما فينا.. على الخير والمحبة والسلام والسكينة والبراح اللي يساع كل خلق الله.. مسك الختام على حس فرقة سماع هتنشد وترتل لوجه الله والوطن
ليست هناك تعليقات:
إرسال تعليق