نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الثلاثاء 29 يناير 2013 من قناة ONTV يوتيوب كاملة
من جديد: غرق الباخرة ملك النيل بأسوان
غرق الباخرة "ملك النيل" بمنطقة الاعقاب قبل مدينة أسوان بحوالي 20 كم بسبب اصطدامها ببعض الصخور مما أدى لحدوث ثقب بها وارتفاع منسوب المياة بداخلها وكان على متنها 112 نزيل مصري جاري انقاذهم قبل غرق باقي الباخرة بالكامل .. معانا اللواء حسن عبد الحي مدير أمن السويس
من جديد: إشتباكات المتظاهرين وقوات الأمن لا تتوقف
لم يتغير شيء من امبارح للنهاردة، الناس لسه في الشارع، وقرار حظر التجول ضرب بيه عرض الحائط ونزل المصريين في محافظات القناة التلاتة وكأنهم نازلين يشوفوا قرار الحظر .. من خلال متابعتنا امبارح للأحداث كان واضح حجم الرفض الشعبي لقرار الرئيس مرسي برفض حظر التجول، وبالرغم من الحالة الموجودة إلا ان الرئاسة مكملة في الحوار الوطني اللي دعت ليه وحضره أحزاب وقوى سياسية غالبيتها من المنتمين للتيار الإسلامي إلا تقريبا الدكتور أيمن نور من حزب غد الثورة واللي كان شارك قبل كدة في الحوار الوطني اللي فات وبعد كدة رجع واعلن مقاطعته للحوار مع الرئاسة وكان حتى شرح الاسباب في حوار ليه معانا هنا لكنه راح، وبناء على الحوار ده ابتدت موجة من القرارات المتأخرة تصدر ومش عارفين هل الاستجابة جت في وقتها ولا زي ما كان بيحصل ايام مبارك الاستجابة للشارع بعد ما يكون سقف المطالب ارتفع ، طبعا ده حيكون موضوعنا النهاردة مع ضيفنا الدكتور عمرو الشوبكي الباحث السياسي بعد ما نخلص اخبارنا النهاردة .. واللي حنبتديها من ساعة ما سيبناكوا امبارح بعد حصلت مواجهات استمرت طول الليل بين متظاهرين وبين قوات الأمن عند منطقة الكورنيش .. المظاهرات شهدت محاولات لاقتحام فندق سميراميس اللي اتمكن المتظاهرين خلالها من صد الماولة ديه، خلينا نشوف ايه اللي حصل من ليلة امبارح لحد قبل ما نبتدي معاكوا من شوية.
مدنيين في صفوف الأمن المركزي يواجهون المتظاهرين
يا ترى الوضع عامل ازاي دلوقتي خصوصا وان وزارة الداخلية ناشدت المواطنين في بيان ليه من شوية الإضطلاع بمسئولياتها الوطنية والقيام بدورها فى إيجاد حلول فاعلة للأزمة الراهنة اللي بتضع على عاتق رجال الأمن أعباء فوق طاقة البشر .. تفاصيل اكتر معانا مراسلنا بهاء الطويل من التحرير .
من جديد: النائب العام يأمر بضبط وإحضار البلاك بلوك
كلف النائب العام المستشار طلعت إبراهيم عبد الله، جهات الضبط القضائى، سواء أفراد القوات المسلحة أو وزارة الداخلية، بضبط وإحضار كل عناصر منظمة "بلاك بلوك" التخريبية، وإلقاء القبض على كل من يثبت تورطه أو انتمائه لتلك المجموعة التى اعتادت ممارسة التخريب المنظم ضد منشات الدولة والمواطنين , وأمر النائب العام، الأجهزة الأمنية المختصة والجهات السيادية كقطاع الأمن الوطنى، والمخابرات العامة، والمخابرات الحربية، بضرورة تقديم كل ما تمتلك من أدلة وتسجيلات لأعمال الشغب والتخريب التى شهدتها البلاد خلال الفترة الماضية بداية من 25 يناير الذكرى الثانية للثورة حتى الآن، والتى تورطت فيها عناصر المنظمة التخريبية لمساعدة جهات التحقيق .. معانا محمود المملوك الصحفي باليوم السابع .
من جديد: مدن القناة في الشوارع تندد بقرار حظر التجول
زي ما قلت لحضراتكوا جماهير بورسعيد والسويس والاسماعيلية خرجت كلها تقريبا عشان تحتفل بحظر التجول يا ترى هل القناة قضوا ليلة امبارح ازاي ده اللي حنعرفه في التقرير اللي جاي.
من جديد: بورسعيد تتحدى قرار حظر تجوال الرئيس
عشان نطمن على الوضع النهاردة في بوسعيد معانا محسن عشري مراسل اون تي في في بورسعيد
دورة خماسية لكرة القدم بالسويس أثناء حظر التجوال
عشان نطمن على الوضع النهاردة في السويس معانا محمد كمال مراسل اون تي في في السويس .
من جديد: الإسماعيلية تستعد لمظاهرات لكسر قرار الحظر
عشان نطمن على الوضع النهاردة في الإسماعيلية معانا هاني عبد الرحمن مراسل اون تي في في الإسماعيلية .
من جديد: السيسي يحذر من الصراع السياسي في البلاد
في وسط المشهد ده النهاردة وفي أكبر تحذير من نوعه في الأزمة اللي احنا فيها واللي مبتدية بقالها فترة من ساعة كتابة الدستور التحذير جه من المؤسسة العسكرية من الفريق اول عبد الفتاح السيسي واللي حذر من الصراع السياسي في البلاد يدفعها إلى حافة الانهيار .. هذه التصريحات ربما البعض يكون شايفها انها قد تكون لعودة للجيش في المشهد ولبعض الاخر شايف ان التصريحات ديه بيتجي للتعبير بس عن حالة القلق الموجودة داخل البلد كلها ومن ضمنها المؤسسة العسكرية .. يا ترى دلالات التصريحات ديه ايه ده اللي حنعرفه من اللواء سامح سيف اليزل المحلل الإستراتيجي .
من جديد: الرئاسة تعلن نتائج الحوار الوطني
إمبارح زي ما حضراتكوا عارفين الرئيس مرسي التقى بمجموعة من قادة الاحزاب اللي اغلبها منتمين للتيار الإسلامي والنهاردة عقدت مؤسسة رئاسة الجمهورية مؤتمراً صحفياً، لإعلان نتائج الاجتماع الأول للحوار الوطني، اعلنوا فيه اهم ما تم التوصل إليه في الحوار الوطني .. وأكدوا كمان أن تغيير حكومة هشام قنديل في الوقت الحالي أمر مستبعد، بسبب ضيق الوقت الفاصل بيننا وبين الموعد المحدد لإجراء الانتخابات التشريعية المقبلة.
من جديد: إستجابة مطالب الشعب بين مرسي ومبارك
من جديد أهلاً بحضراتكو.. النهاردة مؤسسة الرئاسة أعلنت عن الاتفاق اللى توصل إليه الرئيس مع القوى السياسية اللي حضرت الحوار الوطني امبارح، وكانت أغلبها من تيار الإسلام السياسي، والاحزاب الدينية ود. أبو الفتوح وأيمن نور وحزب الوسط.. الرئاسة اتكلمت عن تشكيل لجنة تقصي حقائق فى الأحداث الأخيرة وإعادة تعديل قانون الانتخابات اللى الإخوان المسلمين عدلوه أًصلا بعد ماتوافقوا عليه فى الحوار الوطني السابق وعملوا فيه اللي هوه عاوزينه، وكمان هيشكل لجنة لتعديل المواد الدستورية المختلف حولها لطرحها على أول جلسة لمجلس الشعب القادم، و قال انه بعد أسبوع ممكن ينظر فى قانون الطوارئ اللي أعلنه فى مدن القناة إذا استقرت الأوضاع الأمنية هناك.. المعارضة الرئيسية ممثلة فى جبهة الإنقاذ علقت قياداتها إن النتيجة اللى خرج بيها الحوار أقل بكتير من المأمول، وأنهم كان عندهم حق إنهم محضروش الحوار.. خاصة إن الرئيس ماردش علي طلب إقالة حكومة هشام قنديل وتشيكل حكومة كفاءات متخصصة وتكون محايدة،، وأنه يعلن التزامه بأي قرار يصدر عن الحوار الوطني.. تأثير نتائج الحوار ده فى الشارع إيه؟ وهل ممكن يؤدي لهدوء شوية عن المعارضة ويخفف حدة الاحتقان ويدى أمل جديد للمعارضة لتحقيق مطالبها اللى كان منها برضو تعديل قانون الانتخابات وتعديل مواد الدستور.. وهل بصفة عامة طريقة الاستجابة لمؤسسة الرئاسة لمطالب المعارضة او الشارع مختلفة ما بين ايام مبارك وايام مرسي.
ده اللى هنحاول نفهمه من الدكتور عمرو الشوبكي الباحث السياسي بمركز الأهرام للدراسات الاستراتيجية والسياسية ومدير منتدى البدائل .. أهلاً بيك يا دكتور..
ليست هناك تعليقات:
إرسال تعليق