نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الثلاثاء 22 يناير 2013 من قناة ONTV يوتيوب كاملة
من جديد - سكان المقابر: الثورة مخدمتش غير الكراسي
عدت اكتر من سنة على إصابة معوض طالب الصيدلة، ويوم الجمعة هيكون عدا سنتين على ثورة 25 يناير ... الثورة اللي قامت من أجل العيش والحرية والعدالة الإجتماعية والكرامة الإنسانية للمصريين ... المصريين اللي لحد دلوقتي في كتير منهم مش عارفين يجيبوا لقمة العيش وكتير منهم بيدور على 4 حيطان تحميه ويعيش فيها واسرته ... النهاردة مثلا سكان المقابر واللي ديما الإعلام كان ومازال بيعرض مشكلتهم سواء قبل الثورة او بعدها .. عقدوا مؤتمر صحفي قالوا فيه إن الثورة مخدمتش غير الكراسي ... سواء كراسي البرلمان او كرسي الرئاسة او كراسي الحكومة ووزارئها وكبار الموظفين .. اكتر حاجة كانت مضايقة سكان المقابر انهم شايفين انهم أحياء بالإسم فقط .. لكنهم في الحقيقة هم ميتين ومدفونين في المقابر اللي ساكنين فيها وطالبوا الحكومة بتسليمهم وحدات سكنية .
من جديد: المنظمة المصرية تعقد مؤتمر مواطنون بلا حقوق
الشعب ما زال يلهث وراء لقمة العيش" ورصد 165 حالة تعذيب بأقسام الشرطة " دا اللي اكدت عليه المنظمة المصرية لحقوق الإنسان في مؤتمر صحفي عقدته النهاردة لعر تقريرها تحت عنوان مواطنون بلا حقوق بعد عامين من ثورة 25 يناير " .. كمان المنظمة انتهت في تقريرها إلى ارتفاع معدلات البطالة وانخفاض فرص العمل ، وتقييد الحريات .. وأنه لم يحدث أى تطور بعد الثورة سواء فى منظومة الحقوق المدنية والسياسية أو الاقتصادية والاجتماعية.
من جديد: وقفة أهالي النهضة أمام ديوان محافظة القاهرة
غير سكان المقابر كمان النهاردة نظم عدد من أهالي منطقة النهضة التابعة لحي السلام وقفة احتجاجية امام ديوان محافظة القاهرة للمطالبة بتسليمهم وحدات سكنية ... الأهالي قاموا بقطع الطريق لعدة مرات .. واكدوا على ان المحافظة دونت اسمائهم لتسليمهم وحدات سكنية لكنهم مستلموش حاجة حتى الآن.
من جديد: الحالة الصحية للمصاب معوض عادل
السلام والتحية على حضراتكو واهلا بيكو معانا ... يومين بتفصلنا عن ذكرى المولد النبوي الشريف ... كل سنة وحضراتكو طيبين ... و3 ايام بتفصلنا عن الذكرى الثانية للثورة المصرية ثورة 25 يناير ... 4 أيام عن الحكم في قضية مذبحة بورسعيد واللي ظهر فيها جديد إمبارح بإعلان النائب العام تقدمه بطلب لفتح باب المرافعة في القضية تاني بعد ورود أدلة جديدة في تقرير تقصي الحقائق، من اللجنة اللي شكلها الدكتور مرسي، هل اعادة طلب فتح باب المرافعة مرتبط بالتخوفات من اللي ممكن يحصل في يوم 25 وبعديها يوم 26 لو كان صدر الحم، عموما ده حيكون موضوع فقرتنا الأخيرة في لقاءنا مع الاستاذ محسن بهنسي عضو لجنة تقصي الحقائق، لكن بعد ما نخلص اخر اخبارنا واللي مش حتكون بعيد عن أحداث الثورة، واللي بعدها من احداث زي احداث محمد محمود واللي كان راح فيها شباب وبسببها اتحط معاد لتسليم السلطة، عموما كان في الأحداث ديه اصيب شاب اسمه معوض عادل معوض وهو طالب هندسة، ولغاية دلوقتي هو في مستشى القصر العيني وعلاجه لازم بره إلا ان حكومة الثورة وريس الثورة وقت ما قرروا انهم يسفروه اعتمدوا بس لعلاجه تكلفة اسبوعين يعني حوالي 12 ألأف جنيه استرليني رغم إن علاجه حيتكلف أكتر من كدة وحياخد 3 شهور والمستشفى بره مصمم على اعتماد 24 ألأف استرليني قبل سفره خلينا في الاول نطمن من والدة معوض على حالته وايه المطلوب لعلاجه .. معنا نجاة والدة معوض عادل المصاب بأحداث محمد محمود .
من جديد: مؤتمر صحفي لتدشين إتحاد طلاب الجامعات الخاصة
النهاردة عدد من الإتحادات الطلابية بالجامعات الخاصة بمصر عقدوا مؤتمر صحفي بمقر الجامعة الأمريكية بالتجمع الخامس اعلنوا فيه عن تدشين اتحاد طلاب الجامعات الخاصة بعد ما تم رفض تمثيلهم في اتحاد طلاب مصر ... تعالوا نشوف تفاصيل المؤتمر في التقرير اللي جاي.
وزير الإتصالات: جشع التجار وراء زيادة أسعار كروت الشحن
نروح لأزمة حصلت في سلعة اصبحت مهمة جدا في حياة المصريين وهي أزمة كروت شحن الموبيلات اللي حصلت بقالها كذا يوم .. واللي المواطنين فوجئوا بزيادة اسعارها بنسبة 15 % من غير ما يعرفوا السبب اية ... لكن المسئولين والحكومة خروجوا علينا واكدوا انه لا زيادة في اسعار كروت الشحن وان كان واحدة من شركات المحمول التلاتة اللي مصر ... وتم القبض على عدد كبير من التجار اللي وزعوا الكروت بأسعار غالية للمواطنين واحالتهم للتحقيق ... والنهاردة وزير الإتصالات المهندس عاطف حلمي عقد اجتماع مع ممثلي شبكات المحمول التلاتة فودافوان وموبينيل واتصالات لمناقشة الأزمة .. ياترى اية اللي حصل والأسباب اية .. معانا المهندس عاطف حلمي وزير الإتصالات .
من جديد: مؤتمر صحفي لشباب القضاة والنيابة العامة
نروح لازمة النائب العام والنهاردة لجنة شباب القضاة والنيابة العامة اللي تم تشكلها لإدارة ملف أزمة النائب العام الجديد عقدت مؤتمر صحفي اعلنت فيه عن الإجراءات اللي حيتم اتخاذها الأيام المقبلة حولين هذا الملف ومطالبة النائب العام بالإستقالة.
من جديد: لقاء جبهة الإنقاذ بممثلات المنظمات النسائية
من جديد أهلا بحضراتكو .. إلنهارده جبهة الإنقاذ الوطني اجتمعت مع عدد من القيادات النسائية، وحضرته مجموعة من القيادات المهمة واللي كتير منها بقوا رموزا للمرأة المصرية زي المستشار تهاني الجبالي..
لقاء النهاردة جه بعد ما مجلس الشوري ألغي فكرة وضع المرأة ضمن أول أربع أسماء بالقوائم الانتخابية، وألغي فكرة التمييز الإيجابي خالص.. رغم أن ده كان جزء من الاتفاق اللى حصل فى رئاسة الجمهورية برعاية الرئيس مع الأحزاب اللى راحت وحضرت الحوار الوطني.. لكن زي ما حضراتكوا عارين فيه حاجات كتير بيتم الاتفاق عليه وبتتنسي وقت الجد ..
عموما خلونا في لقاء النهاردة وهل لقاء النهاردة حيمهد لوضع خاص للمرأة في قوايم جبهة الانقاذ وإيه الوعود اللى حصلت عليها المرأة من جبهة الإنقاذ بدل من الرئاسة ده اللي حنعرفه مع ضيفتنا إنهارده الاستاذة وفاء المصري عضو اللجنة القانونية بالتيار الشعبي ونائب رئيس حزب الكرامة.. أهلاً وسهلا بيكي..
هل تؤثر الأدلة الجديدة في قضية مذبحة بورسعيد على الحكم
من جديد أهلا بحضراتكوا.. زي ما قولنا في مقدمة الحلقة احنا في انتظار 25 يناير اللي نازل فيه القوى السياسة المختلفة بطالب كتيرة وبعدها بيوم مصر كلها مستنية الحكم في قضية مجزرة بورسعيد اللي راح فيها 73 شاب.. شباب الألتراس مستنيين، والخوف هو صدور اي حكم بالتأكيد مش حيرضي الطرفين والحكم ده جاي في وقت حساس جاي بعد يوم واحد من الاحتفالات بـ25 يناير والعيد التاني للثورة، وفي وسط كل ده النائب العام يقول أنا عندى أدلة جديدة فى قضية الألتراس وطالب فتح باب المرافعة مرة تانية .. يعني لو استجابت المحكمة لطلبه يبقى مافيش حكم، هل فعلا عند النيابة جديد في القضية ولا ممكن تكون محاولة لكسب وقت وابعاد وقت الحكم عن 25 يناير زي ما كتير من الاراء بتتكلم، عموما النائب العام استند في ادلته الجديدة لتقرير لجنة تقصي الحقائق اللي كان شكلها الدكتور مرسي ، يا ترى التقرير فيه ادلة جديدة ممكن تغير القضية وغيرها من القضايا ده اللي حنعرفه من الاستاذ محسن بهنسي عضو لجنة تقصي الحقائق عن أحداث الثورة .. أهلاً وسهلا بيك ..
ليست هناك تعليقات:
إرسال تعليق