نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الخميس 17 يناير 2013 تقديم شريهان ابو حسن من قناة ONTV يوتيوب كاملة
من جديد: التحقيقات في حادث قطار أرض اللواء
السلام والتحية على حضراتكو وهلا بيكو معانا ... من حادث لحادث ومن ارقام لأرقام ... من حادث انهيار عقار لحادث اصطدام قطارات لحوادث طرق وحرائق ... لموت طالب تحت عجلات المترو ... ومن أرقام لأرقام ... من 18 حالة وفاة لــ28 حالة اخرى في انهيار عقار .. لــ4 في قطار أرض اللوا ...وعشرات المصابين دا غير الحوادث الفردية ... بالتأكيد محدش يقدر يتدخل في شئون القدر لكن بالتأكيد ايضا محدش يقدر ينكر ان في اهمال وفي مسئولية وفي دروس وعبر كان لازم نتعلمها من الأول عشان الخطأ ميكتررش تاني وعشان منرمنيش انفسنا ونرمي المصريين في التهلكة ... الناس كلها حاسة بحالة احباط وحاسين انه دمهم بقى رخيص اوي وان الموت موجود حوليهم في أي حتة في المواصلات سواء لو ركب مترو او قطر او حتى تاكسي .. حتى لو قعدوا في بيوتهم ... بردوا بقت تقع على رؤسهم ... عموما النهاردة النيابات هيا كانت بطل الأحداث حققت في الحوادث اللي شوفناها خلال الأيام اللي فاتت والنهاردة نيابة العجوزة باشرت التحقيقات في حادث اصطدام قطار بتاكسي بمزلقان ارض اللواءواللي اسفر عن موت 4 اشخاص ... ياترى التحقيقات وصلت لأية .. معانا عمر حسانين مساعد رئيس تحرير جريدة المصري اليوم .
من جديد: الأطباء يطالبون بتحسين أوضاع المنظومة الصحية
اما الأطباء ورجال الإسعاف اللي شاركوا في نقل جثث واسعاف مصابي قطار البدرشين فعقدوا النهاردة مؤتمر صحفي لتوثيق شهادتهم في الحادث ، وأكدوا انهم قاموا بدورهم على أكمل وجه دون أي تقصير وطالبوا بتحسين الأوضاع في المنظومة الصحية بشكل كامل .
من جديد: 26 حالة وفاة في إنهيار عقار الأسكندرية
نروح لإسكندرية واللي شهدت نكبة متقلش اهميتها عن نكبة قطار البدرشين وارض اللواء ... وهيا نكبة انهيار عقار اسفر عن موت حتى الآن ما يقرب من 28 شخص واصابة 11 من ساكنيه والنهاردة نيابة شرق الإسكندرية أمرت بحبس مالكي العقار وامرت بسرعة ضبط مقاول العقار للتحقيق معاه ...تفاصيل اكتر معانا مراسلنا وائل ثابت .
من جديد: رد فعل محمد مرسي على إنهيار العقارات
بمناسبة الحديث عن العقارات اللي بتنهار على راس سكنها ... فزي ما عرضنا على حضراتكو قبل كدا مقطع فيديو للدكتور محمد مرسي رئيس الجمهورية وهو بيستجوب الحكومة في حادث قطار الصعيد لما كان عضو مجلس شعب ... حنعرض على حضراتكو دلوقتي فيديو ليه وهو ايضا عضو مجلس شعب وهو بيعلق عن انهيار العقارات ... تعالوا نشوف الفيديو ونعرف الدكتور محمد مرسي عضو مجلس الشعب عاوز يقول اية للدكتور محمد مرسي رئيس الجمهورية الحالي ... ونقارن بين الموقفين ونسأل هو اية اللي حصل ؟ واية اللي اتغير ؟
محمد مرسي: إنهيارات العقارات .. لابد من محاسبة المسئول
بمناسبة الحديث عن العقارات اللي بتنهار على راس سكنها ... فزي ما عرضنا على حضراتكو قبل كدا مقطع فيديو للدكتور محمد مرسي رئيس الجمهورية وهو بيستجوب الحكومة في حادث قطار الصعيد لما كان عضو مجلس شعب ... حنعرض على حضراتكو دلوقتي فيديو ليه وهو ايضا عضو مجلس شعب وهو بيعلق عن انهيار العقارات ... تعالوا نشوف الفيديو ونعرف الدكتور محمد مرسي عضو مجلس الشعب عاوز يقول اية للدكتور محمد مرسي رئيس الجمهورية الحالي ... ونقارن بين الموقفين ونسأل هو اية اللي حصل ؟ واية اللي اتغير ؟
الله طب يا دكتور مرسي ما حضرتك حاطط ايدك على مشاكل البلد طيب امال فيه إيه بقة .. مش حاسين ان حاجة بتحصل ليه .. مش بنلاقي ليه مفسدين بيتم محاكمتهم .. اه طبعا في رموز النظام بس النظام ما كانشي بيبقى فاسد لوحده .. فيه ناس كتير بتساعده لازم تتحاسب مش نلاقيها برضوة ممكن تحاول ان يبقى ليها دور بعد الثورة بعد ما جه رئيس منتخب، زي ما شفنا الدكتور مرسي قال ناخد دروس واقعية في المستقبل ونحاسب المسئول ... الكلمة ديه اتقالت لما كان الدكتور مرسي عضو مجلس الشعب .. في حضور وزير الإسكان وقتها محمد ابراهيم سليمان .... وقيادات الحزب الوطني زي كمال الشاذلي وفتحي سرور... تحول المشهد واتغير .. واتغير الأشخاص واماكن تواجدهم ... الي كان في السجن اعتلى المنصة واللي كان على المنصة ويقود البلاد اصبح الآن في السجن ... لكن اللي ثابت هو مشهد موت المصري سواء تحت في القطر او تحت العمارات ... ياريت الدكتور مرسي رئيس الجمهورية يسمع كويس كلام الدكتور مرسي عضو مجلس الشعب وياخد دروس ويحاسب المسئول ... لأن للأسف مفيش دورس اتخدت ومفيش محاسبات للمسولين رغم تكرار الحوادث !
من جديد: خطة لتطوير السكة الحديد في مصر
اما تحت قبة البرلمان الحالي.. فالنهاردة لجنة النقل والمواصلات بمجلس الشورى عقدت جلسة لمناقضة حوادث قطارات السكة الحديد بحضور وزير النقل الدكتور حاتم عبد اللطيف واللي قال ان الوزارة اعدت خطة لتطوير السكة الحديد في مصر هتتقدم بيها للدكتور مرسي يوم السبت الجاي وقال ان مجلس الوزراء وافق على توفير اعتمادات مالية للخطة العاجلة تشمل تطوير 900 مزلقان بنهاية 2013 .. معانا محمد حمدي الصحفي البرلماني بجريدة الوطن .
من جديد: رد فعل المواطنين على الحوادث المتكررة
تعالوا نشوف بقة الناس شايفة كتر الحوادث والمصايب ديه ازاي زمليتنا سارة فؤاد راحت وسعمت للناس وعملتلنا التقرير.
من جديد: مقتل ضابطي شرطة بمركز الفتح بأسيوط
نروح لأسيوط واللي النهاردة شهدت مقتل ضابطي شرطة واصابة أخرين ومقتل 8 من العناصر الإجرامية بمركز اثناء مداهمة الشرطة ليهم بمركز الفتح بأسيوط ... كانت الصراحة مواجهات عنيفة من الصبحية والصراحة حجم الاسلحة المضبوطة ونوعها يدينا مؤشر لحجم وانواع الاسلحة اللي دخلت لمصر ايام الانفلات الأمني .. معانا هيثم البدري الصحفي بجريدة اليوم السابع .
من جديد: تسليم شيكات التعويضات لمصابي الثورة
من ناحية تانية بدأ النهاردة الإحتفال بتكريم مصابي الثورة .. ثورة 25 يناير وتسليم الشيكات الخاصة بصرف معااشات للمصابين ... وشهد الأحتفال حالة من الهرج والمرج ومشادات الكلامية بين عدد من المصابين من جانب وخالد بدوي الأمين العام لصندوق رعاية أسر الشهداء ومصابين 25 يناير من جانب آخر ..
من جديد: حملة الماجستير والدكتوراه أمام منزل قنديل
قوات الأمن النهاردة بردوا دهمت مكان اخر بالقوة .. بس المرة دي مش عناصر خطرة ... لأ .. دول متظاهرين من حملة الماجستير والدكتوراه واللي كانوا متظاهرين امام منزل الدكتور هشام قنديل رئيس مجلس الوزراء للمطالبة بتعينهم في الجهاز الإداري للدولة ... ياترى اية اللي حصل معانا الدكتور أحمد كمال المنسق الإعلامي لائتلاف حملة الماجستير والدكتوراه .
غد الثورة يرفض قانون الانتخابات - د. أيمن نور في من جديد
من جديد أهلا بحضراتكوا .. بعد أسابيع كتير دعا فيها الرئيس مرسي القوى السياسية والأحزاب لجلسات الحوار الوطني للاتفاق والتوافق وإزابة الخلافات، وبعض الأحزاب قبلت الجلوس والحوار، زى الأحزاب الدينية النور والفضيلة والبناء والتنيمة وحزب الوسط وكذلك حزب غد الثورة.. على الجانب الأخر باقي القوى المدنية رفضت الحوار ووضعت شروط أهمها أن يكون فى ضمانات إن اللى هيتم الاتفاق عليه مع الرئيس يتم تنفيذه لأنهم "التلسعوا" قبل كده من وعود الرئيس فى اتفاق فيرمونت.. إنهارده حزب غد الثورة أعلن تجميد مشاركته فى جلسات الحوار الوطني اللى بيرعاه رئيس الجمهورية..وقال إن فى اتفاق ماتمش تنفيذه .. وأن الرئيس المفروض يدافع عن نتائج الحوار.. واللى أهمها قوانون انتخابات مجلس النواب .. الحزب قال إن القانون اللى تم مناقشته انهارده والأيام اللى فاتت أتغير فيه مواد كتير.. وأن مش ده القانون اللى تم التوافق عليه فى وجود حزب الحرية والعدالة فى الحوار الوطني..هو إيه اللي بيحصل .. الرئيس بيدعو لحوار وطني .. وناس تروح .. ويتفقوا.. وبعد كده الأتفاق يتم تعديله بدون الرجوع لأطراف الحوار ! أممممم .. مش عارفة هي مؤسسة الرئاسة بتعمل كده إزاى .. وازاى الناس هتثق فيها بعد كده وتروح تقعد تاني إزى كان الحوار مع أكبر مؤسسة فى البلد وهي رئاسة الجمهورية ورئيس الجمهورية بيتم الالتفاف حوليها وكأن مفيش أتفاق ولا توافق.. ما علينا .. خلينا نعرف أكتر من تجربة حزب غد الثورة فى الحوار الوطني من زعيم الحزب الدكتور أيمن نور .. أهلاً بيك يا دكتور ..
ليست هناك تعليقات:
إرسال تعليق