نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الاثنين 14 يناير 2013 تقديم شريهان ابو حسن من قناة ONTV يوتيوب كاملة
وزير الأوقاف يرفض لقاء مع مذيعة لعدم إرتدائها الحجاب
السلام والتحية على حضراتكو واهلا بيكو معانا في من جديد... خونة الدولة بدأت في التحول من السلوك الخفيي واللي بيحصل من تحت لتحت للسلوك العلني والرافض لكل ما هو ليس اخوان ، ديما احنا هنا اتكلمنا عن محاولات اخونة الدولة واتكلمنا عن نماذج بتحصل وبتكون بتتم بطريقة واحدة واحدة لكن على ما يبدو ان الاهل والعشيرة .. قرروا خلاص انهم .. اتمكنوا .. وبقى التعامل مع كل ما هو مخالف ليهم بالرفض.. الكلام ده بيتقال ليه النهاردة ..الكلام ده بيتقال بعد ما رفض وزير الأوقاف، الدكتور طلعت عفيفى، إجراء لقاء مع التلفيزيون المصرى، لعدم ارتداء المذيعة الحجاب، الكلام ده حصل فين حصل خلال حضور الوزير لفعاليات مبادرة "وزارات بلا أسوار". وقال الوزير للمذيعة: "لا يصح أن أكون مرتدياً جلبابا وعمة وأقف معك وأنتِ بهذه الهيئة".
المذيعة وحسب موقع اليوم السابع علقت وقالت ديه حرية شخصية من حق كل مواطن أنه يرتدى ما يشاء دون تدخل الغير .. معانا جمال فهمي عضو مجلس نقابة الصحفيين .
لما دلوقتي نلاقي وزير داخل الحكومة المصرية في 2013 ، بيرفض عقد لقاء مع المذيعات الغير محجبات، هل ده موقف الحكومة المصرية ، بصفة عامة من الاعلاميين الغير مرتدين للحجاب، وهل ده موقف الحكومة المصرية من المواطنين الغير محجبين .
من جديد: إحتجاج السلفيين على حكم وقف بث قناة الحافظ
من جديد رجع تاني التظاهر اما مدينة الإنتاج الإعلامي والنهاردة تظاهر عدد من السلفيين أمام المدينة للإحتجاج على الحكم الصادر أول امبارح بوقف بث قناة الحافظ لمدة 30 يوم ومنع الشيخ عبد الله بدر والدكتور عاطف عبد الرشيد مقدم برنامج في الميزان من الظهور في الإعلام لمدة 30 يوم ... في الحقيقة احنا مش عارفين هما لية جايين يتظاهروا هنا ادام مدينة الإنتاج الإعلامي رغم ان الجهة اللي امرت بوقف بث القناة هيا القضاء المصري الشامخ اللي أشادوا بيه في اوقات وحصروه كمان في أوقات اخرى .
من جديد: وقفة تضامنية مع قضاة مصر أمام الدستورية
بمناسبة الحديث عن الحصار فبكرة المفروض ان المحكمة الدستورية العليا هتبدأ تستأنف عملها بعد ما كانت علقته منذ أن تم محاصرة المحكمة ومنع قضاتها من ممارسة عملهم زي ما حضراتكو عارفين ... على العكس تمام عدد من الأحزاب والقوى السياسية دعت للتظاهر امام المحكمة الدستورية لتامين دخول قضاتها أثناء نظر قضيتي بطلان وحل مجلس الشورى وبطلان الجمعية التأسيسية اللي اعدت الدستور الجديد ... وبدؤا بالفعل في المبيت من النهاردة امام المحكمة .
من جديد: إحالة المتهمين في حادث قطار أسيوط
النهاردة المستشار طلعت عبد الله النائب العام أمر بإحالة المتهمين في حادث قطار أسيوط اللي اسفر عن وفاة 52 تمليذ وتلميذة من طلاب المعهد الأزهري .. المتهمين هم عامل المزلقات وملاحظ البلوك ووجهت لهم تهم التسبب خطا في موت واصابة أطفال ... تفاصبل أكتر معانا عمر حسانين مساعد رئيس تحرير جريدة المصري اليوم .
من جديد: نيابة الثورة تبدء التحقيق مع حبيب العادلي
سمعنا إن في فريق نيابة حماية توجه لسجن طره لمواجهة حبيب العادلي بعد إحضار أدلة جديدة .. معانا عمر حسانين مساعد رئيس تحرير جريدة المصري اليوم .
من جديد: أزمة النائب العام مع قضاة مصر .. إلى أين؟
من قرارات النائب العام لأزمته مع أعضاء النيابة العامة والنهاردة وفد قضائي مكون من رؤساء أندية القضاة قابلوا المستشار أحمد مكي وزير العدل للوقوف على اخر المستجدات في هذا الملف ... ملف المطالبة بإستقالة النائب العام ... ياترى وصلوا لأية .. والنهاردة عقد رجال النيابة اجتماع في نادي القضاة تفاصيل اكتر في التقرير اللي جاي
من جديد: الإخوان يعلنون عدم التظاهر في ذكرى الثورة
خلاص كلها ايام ويجيي يوم 25 يناير .. الذكرى الثانية للثورة ووسط دعوات معظ الأحزاب والقوى السياسية بتنظيم مليونية في هذا اليوم للتأكيد على مطالب الثورة ومطالب أخرى ... النهاردة جماعة الإخوان المسلمين أعلنت عن عدم تنظيمها اي تظاهرات يوم 25 يناير والأكتفاء بتقديم ما وصفوه بالمليونيات الخدمة وتقديم خدمات للمواطنين في مختلف المحافظات .. معانا محمد عادل المتحدث الإعلامي بحركة 6 إبريل .
من جديد: الموافقة على قانون الانتخابات بعد التعديلات
النهاردة اللجنة التشريعية بمجلس الشورى انتهت من الموافقة على قانون الإنتخابات المقبلة وقامت بإجراء بعض التعديلات على القانون واللي حيتم عرضه على المجلس بأكمله للموافقة عليه وإرسالة للمحكمة الدستورية العليا لأخذ رأيها ... لأن زي ما حضراتكو عارفين ان الدستور الجديد قال ان رقابة المحكمة الدستورية حتكون سابقة على قانون الإنتخابات تفاديا للي كان حصل قبل كدا بحل مجلس الشعب بسبب بطلان قانون انتخابه ...ياترى اي هيا التعديلات والمسار الأيام الجاية حيكون اية معانا محمد عبد القادر الصحفي البرلماني بجريدة المصري اليوم .
من جديد: نساء مصر تعترض على قانون الانتخابات
من ناحية تانية نظم عدد من أعضاء الجبهة الوطنية لنساء مصر وقفة احتجاجية امام مجلس الشورى للاعتراض على قانون الانتخابات وأعلنوا رفضهم لهذا القانون لأن من وجهة نظرهم لا يعبر عن امال وطموحات المرأة المصرية وبيكرس لأستبعاد المرأة من الحياة السياسية .
من جديد: إنقسام داخل جبهة الإنقاذ بسبب حزب الوفد
نروح لأخبار جبهة الإنقاذ واللي في كلام بيتقال انها بتشهد انقاسم حاد بسبب وجود حزب الوفد داخل الجبهة وبعض المنتميين للنظام السابق ومطالبة البعض بإبعادهم عن الجبهة .. وف يالوقت اللي الدكتور أحمد البرعي الأمين العام لجبهة الإنقاذ الوطنى والمتحدث الرسمى نفى ما تردد عن وجود أى انشقاقات أو تصدع فى صفوف جبهة الإنقاذ وقال في تصريحات له ان ن حزب الوفد حزب عريق ولا يمكن لجبهة الإنقاذ أن تخوض الانتخابات البرلمانية القادمة بدونه وان ما تردد عن رفض وجود حزب الوفد بالجبهة غير صحيح ... في نفس الوقت دا .. حزب الوفد نفسه طلع بيان هاجم فيه الجبهة وقال لعلهم نسوا أو تناسوا أن الجبهة ما كان لها أن تولد بهذه القوة لولا أنها تأسست ببيت الأمة اللي هو حزب الوفد والدكتور السيد البدوى رئيس الحزب يدعو لاجتماع طارئ يوم الجمعة .حقيقة الموقف اية معانا عبدالله المغازي المتحدث الإعلامي لحزب الوفد ، وأيضاً أحمد فوزي القيادي بجبهة الإنقاذ الوطني .
من جديد: وقفة إحتجاجية لموظفي البنك الأهلي المصري
النهاردة نظم مئات الموظفين في البنك الأهلي المصري من العاملين بالمركز الرئيسي للبنك بكورنيش النيل، الآن، وقفة احتجاجية اعتراضاً منهم على استقالة طارق عامر رئيس مجلس إدارة البنك التي تقدم بها اليوم لمجلس الوزراء .. معانا مصباح قطب المستشار الاقتصادي بجريدة المصري اليوم .
من جديد: العثور على جثة صياد ثان من طاقم المركب زمزم
النهاردة تمكنت قوات مخابرات حرس الحدود من انتشال الجثمان الثاني لأحد الصيادين الذين غرقوا على متن مركب الصيد المنكوب "زمزم" من ميناء الحمرة بساحل مدينة العلمين، حيث عثرت إحدى المراكب على جثمان يطفو على سطح المياه وقامت بالتقاطة وتوجهت به إلى قوات حرس الحدود بالنقطة 10 لتسليمها وتم إخراجها .. معانا حسن مشالي مراسلنا من مرسى مطروح .
من جديد: المرحلون من الكويت يوجهون رسالة للرئيس
من جديد: المرحلون من الكويت يتقدمون ببلاغ للنائب العام
من جديد أهلا بحضراتكوا .. النهارده بيكون مر عامين على الثورة التونسية.. والشعب التونسي مقسم زى مصر تقريباً والتغيير المنشود لسه ماحصلش هناك .. وواضح إن برضو التغيير لسه ماوصلش مصر.. المواطن لسه حاسس أنه مش فى بلده .. لازم يكون مسنود عشان يحمي نفسه.. وحتي لو مسنود هيكون مسنود من مين يحميه من اعتداء دولة عليه ؟ .. فى 19 مصري حصل معاهم كده دولة الكويت خلتهم يسيبوا شغلهم هناك ورحلوهم على مصر ، الأسباب إيه مش عارفين .. استنوا الرئاسة تتدخل وتجيب لهم حقهم وترجعهم شغلهم تاني ، أخدوا شوية وعود من مستشار رئيس الجمهورية وسمعوا كلمتين حلوين من بتوع "مصر مش زى الأول" "مصر خلاص اتغيرت ومفيش مصري حقه هيضيع" وفعلا "مفيش مصري حقه هيضيع.. لأنه مش هيبقي ليه حق أصلاً عشان يضيع" ..
المهم الـ19 مصر دول فضلوا مستنيين الفرج .. إن الرئاسة تدخل .. تبعت حد يتكلم مع الكويتيين.. يرفعوا سماعة التليفون حتي .. مفيش .. المهم فجئة مصر الدولة بتبعت مساعد وزير الخارجية ومدير المخابرات للإمارات .. ليه ؟ عشان فى 11 إخواني هناك تم القبض عليهم بتهمة مش عارف إيه .. ومؤسسات الدولة اشتغلت على ودنه.. إشي تصريحات وشوية تهديدات وحبة تطمينات .. وبقينا نسمع أن مصر مش هتسمح بإهانة المصريين فى الخارج.. حلو الكلام .. طب فين مصر من المرحلين من الكويت.. طب فين مصر من قضية أحمد الجيزاوي اللى بقاله سنة مسجون فى السعودية .. دى الأسئلة اللى سألها الـ19 مصر لنفسهم .. ولقوا الإجابة إن مصر لسه ماتغيرتش .. عملوا إيه ؟ راحوا أنهارده قدموا بلاغ للنائب العام ضد الرئيس محمد مرسي ووزير الخارجية عشان يتعاملوا بالمثل.. واتهموا فيه مؤسسة الرئاسة بالكيل بمكيالين فى قضية المحتجزين فى الأمارات وبين المرحلون من الكويت.. إنهارده معانا أتنين من المرحلين واللى قدموا بلاغ أنهارده هما رياض حداد ومحمد الحفني أهلاً بيكم وسهلاً ..
ليست هناك تعليقات:
إرسال تعليق