نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الخميس 10 يناير 2013 تقديم شريهان ابو حسن من قناة ONTV يوتيوب كاملة
من جديد: فتح باب الترشح للانتخابات البرلمانية 25 فبراير
ده كان الوضع في مجلس الشورى، يا ترى، اللجنة العيا للانتخابات ، بتستعد ازاي ، ليوم 25 فبراير اللي اعلنت الرئاسة انه حيكون معاد فتح باب الترشيح للانتخابات، وبدء الخطوات التانية الخاصة بإجراء الانتخابات يا ترى اللجنة العليا استعدت ولا لأ ده اللي حنعرفه من محمد السنهوري الصحفي بالمصري اليوم .
من جديد: هشام رامز رئيساً للبنك المركزي
تم تعيين هشام رامز ليكون رئيساً للبنك المركزي خلفاً لفاروق العقدة .. معانا مصباح قطب المستشار الاقتصادي بالمصري اليوم.
من جديد: تشريعية الشورى تناقش قانون الانتخابات
أقل من شهر ونص يعني حوالي 45 يوم وتبتدي عملية انتخاب مجلس النواب عشان يبقى اول برلمان منتخب بعد الدستور الجديد، 45 يوم ولسه مش عارفين ايه اللبي بيحصل في مجلس الشورى وهل انتهوا من القانون ولا لا ، وحيعملوا ايه في الفترة اللي باقية خصوصا مع الالزام اللي في الدستور اللي بينص على ان المحكمة الدستورية لازم تراجع القانون قبل اقراره، وفي وسط كل ده مطلوب من القوى السياسية انها تستعد للانتخابات عشان تنافس الحرية والعدالة اللي هو بيعمل القانون وحسب وصف استاذ حسين عبدالرازق معانا امبارح انه بيتم سلقه، وووسط كل ده من المفترض برضوة ان اللجنة العليا للانتخابات تستعد وما نواجهشي نفس الأخطاء اللي حصلت في الاستفتاءات اللي فاتت وفي الانتخابات، يا ترى احنا رايحين على فين، وايه اللي بيحصل في مجلس الشورى عشان القانون ده اللي حنعرفه من محمد عبد القادر المحرر البرلماني بالمصري اليوم .
من جديد: رأي المواطن في مواجهة الحكومة للطقس السيئ
لسه موجه البرد والطقس السيء بنعاني منها بجميع محافظات الجمهورية ... ربنا يعدي اليومين دول على خير ونحس بتحسن حالة الجو ووفقا لهيئة الارصاد الجوية فمن بكرة هنحس بتحسن ملحوظ ... لكن للاسف بيزيد من معاناة المواطنين خصوصا بسبب عجز الحكومة عن مواجهة الأزمات الطبيعية زي اللي بنواجها دلوقتي رغم انه الحمد لله طبعا اننا الجو عندنا لا يقارن بالعواصف والفيضابات والإعصارات اللي بنشوفها في دول تانية لكن عندنا للأسف الحكومة بتغرق في شبر مية زي ما قلنا امبارح وبيتاكد كلامنا في كل أزمة .. بسبب شوية امطار الشوارع بتقف والمترو بيتعطل والطلاب بتأخروا عن امتحانتهم وغيرها .. ياترى رأي الناس اية حولين مدى نجاح او فشل الحكومة في مواجهة الطقس اللي بنعاني منه اليومين دول تعالوا نشوف التقرير اللي جاي
من جديد: قنديل يؤكد أهمية قرض صندوق النقد الدولي
زي ما شفنا في التقرير، كانت الناس بتنتقد الحكومة، وشايفين انها ودن من طين وودن من عجين، لكن الدكتور هشام قنديل رئيس مجلس الوزراء بيأكد ان الحكومة شغالة والنهاردة افتتح مرحلة توسعات بمحطة مياة منطقة المعادي بالقاهرة لتحسين خدمة المياة للمواطنين في منطقة المعادي والمناطق المجاورة ليها ... خطوة كويسة طبعا لكن بالتأكيد كلنا بنقول لدكتور هشام قنديل والنبي متنسوش بقيت المناطق اللي محدش بصلها قبل كدا من المسئولين ولسة لحد دولقتي معندهمش مياة تصلح للشرب أو لأي استخدام ادامي ... واحنا كنا عرضنا على حضراتكو في حلقة سابقة قبل كدا شكل المية في منطقة من المناطق دي .... طبعا حضور الدكتور هشام قنديل كان فرصة انه يتكلم عن قرض صندوق النقد الدولي ويا ترى القرض وصل لايه وهل حناخده ولا لأ تعالوا نشوف التقرير.
من جديد: شكاوى الأطباء لغياب الأمن في المستشفيات
مشكلة تانية ليها علاقة بالأمن وهي أمن المستشفيات، واللي بقت مشكلة مالهاش حل وصلت لان الدكاترة بقوا محرومين من دورهم في انقاذ الناس لانه خايفين على نفسهم وحقهم، لان الهجوم بقى على المستشفيات والدكاترة بقى ظاهرة ولازم يبقى ليها حل، زمليتنا كريستين رياض، راحت سمعت للدكاترة ومشاكلهم، وعاوزين ايه ، ده اللي حنشوفه في التقرير .
المنشقون عن الإخوان يؤسسون جمعية الإحياء والتجديد
من جديد أهلا بحضراتكوا، الإخوان المسلمين حاضرين وبقوة في المشهد مش بس عشان هما الحزب الحاكم دلوقتي، ولكن عشان الازدواجية اللي حاصلة ، وخلط ما بين السياسي والدعوي فيه ناس من المنتمين للجماعة خرجوا منها عشان اهدفها هي بعدت عنها ومابقتشي الجماعة اللي اتربوا على اهدافها ومبادئها ومابقتشي الجماعة اللي كان عاوزها الامام حسن البنا، و.. ده كان السبب فى خروج عدد من قيادات الإخوان من الجماعة، ويمكن ده سبب اللي خلاهم يأسسوا جمعية جديدة موازية يكون أساسها الدعوة والتربية لتعويض الفراغ اللى تركته الجماعة فى الجانب الدعوي، مؤسسي الجمعية دي شخصيات مرموقة وكبيرة وكان ليها دور مهم داخل جماعة الإخوان المسلمين زى الدكتور محمد حبيب النائب الأول لمرشد الإخوان السابق، والدكتور كمال الهلباوي مسئول التنظيم الدولي، والمحامي الكبير مختار نوح وغيرهم من قيادات الإخوان وشباب الإخوان المستقيلين من الجماعة.. أسئلة كتير عن الجمعية الجديدة للخارجين من الإخوان، ومنه هنفهم كانت أهداف الجماعة إيه عند إنشائها.. ده اللى هنعرفه من الدكتور كمال الهلباي أحد مؤسسي جمعية "الإحياء والتجديد" الموازية لجماعة الإخوان المسلمين وهل حيخشوا في السياسة ولا لأ؟ ده اللي حنعرفه من الدكتور كمال الهلباوي
ليست هناك تعليقات:
إرسال تعليق