نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الثلاثاء 25 ديسمبر 2012 يوتيوب كاملة
ريم ماجد: كل سنة وبلدنا حصيرتها واسعة تساع ولادها
يسعد مساكم وحلقة جديدة من بلدنا بالمصري.. وقبل ما نقول يا هادي يارب لازم نعيد على الكل بمناسبة عيد ميلاد السيد المسيح عليه السلام، حسب التقويم الغربي.. كل سنة واحنا كلنا طيبين وبلدنا بخير وسلامة وحصيرتها واسعة تساع من الحبايب ملايين وربنا يكتر اعيادنا ويعوضنا خير عن تعبنا وشقانا وعن الاتمان اللي دفعناها وبندفعها وعن الغاليين اللي فقدناهم ويدينا على قد نيتنا ويدينا اللي يليق بمقامنا ومقام بلدنا.. وبعودة علينا الايام واحنا في احسن كتيييير من اللي احنا فيه.. قولوا امين
بلدنا: عفريت من المستخبيين لنا بين سطور اتفاقية
حلقة النهاردة من بلدنا بالمصري هنختمها بعفريت جديد من العفاريت اللي مستخبيين لبلدنا الظاهر في كل خرابة واحنا مش داريانين.. العفريت المرة ديه مستخبي بين سطور اتفاقية
الشراكة المصرية الاوروبية واللي زاد الطين بلة كمان، كام مادة من مواد الدستور الجديد، اللي اتقال عليه نعم.. دة على عهدة وعلى راي مجموعة من اساتذة القانون الدولي وعدد من الحقوقيين المرموقين اللي ليهم شنة ورنة.. لكن كمان في المقابل فيه اراء تانية لمتخصصين وحقوقيين بتاكد ان الاتفاقية ديه مافيهاش لا عفريت ولا حفرة ولا دحديرة ولا يحزنون وانها بالعكس صاغ سليم وفيها الخير.. مع الوضع في الاعتبار ان الاتفاقية ديه دخلت حيز التنفيذ وسارية على ما احنا فاهمين من ٨ سنين على الاقل ان ماكانش اكتر.. اصل وفصل الاتفاقية ديه وايه اللي لينا وايه اللي علينا من ضمن موادها من وجهات النظر المختلفة وايه اللي فكرنا بعد الهنا ب٨ سنين ان فيها مواد ممكن تبقى مؤذية؟! وايه علاقتها بالدستور الجديد؟! كل دة شرحه يطول في فقرتنا اللي جاية بعد اخر اخبار بلدنا اللي هنبداها باعلان النتيجة الرسمية للاستفتاء على دستور مصر
بلدنا: إحالة دعاوى بطلان الاستفتاء لمفوضي الدولة
اللحنة العليا المشرفة على الاستفتاء اعلنت النتيجة واللي كان كان.. واللي كانت زي ما توقع الجميع، مجرد تحضيل للحاصل.. وهنرجع لها بس كمان في نفس الوقت، قررت محكمة القضاء الإداري إحالة الدعاوى اللي بتطالب بوقف إعلان نتيجة الاستفتاء على الدستور، وبطلان إجراء عملية الاقتراع سواء في المرحلة الاولى او التانية وإعادة الاستفتاء لهيئة المفوضين لإعداد التقرير بالرأي.
بلدنا بالمصري: إعلان نتيجة الاستفتاء على الدستور
اللحنة العليا المشرفة على الاستفتاء اعلنت النتيجة بنعم
بلدنا بالمصري: ماذا لو حكم القضاء ببطلان الاستفتاء
سؤال بقى .. ماذا لو حكم القضاء ببطلان الاستفتاء
معنا على الهاتف
المستشار/ محمد حامد الجمل - رئيس مجلس الدولة الأسبق
بلدنا بالمصري: القومي لحقوق الإنسان يرفض الانتقادات
اما عن الانتهاكات والتجاوزات والمخالفات حسب زاوية الرؤية فحدث عنها ولا حرج .. الائتلاف الديمقراطي اللي بيضم حوالي ١٥ منظمة حقوقية من المنظمات اللي شاركت في المراقبة ولها خبرة طويلة في مجال مراقبة الانتخابات والاستفتاءات.. لكن اتكلم عنها كمان النهاردة يادوب كام ساعة قبل اعلان النتيجة المجلس القومي للحقوق الانسان وطالب في مؤتمره الصحفي باتخاذ الإجراءات القانونية والإدارية اللازمة نحو ما تم رصده من انتهاكات ومخالفات خلال الاستفتاء، ورفض كل الانتقادات الموجهة للمجلس
ناصر أمين: مشاركة هيئة قضايا الدولة يبطل الاستفتاء
معنا على الهاتف
أ/ ناصر أمين - مدير المركز العربي لإستقلال القضاء
بلدنا - حسن نافعة: نحن مقبلون على مرحلة شديدة الخطورة
معنا على الهاتف
د. حسن نافعة - أستاذ العلوم السياسية
غادة شهبندر: الانتهاكات تؤثر على النتيجة بشكل كبير
معنا على الهاتف
أ/ غادة شهبندر - عضو مجلس إدارة المنظمة المصرية لحقوق الإنسان
بلدنا بالمصري: ستات مصر قصوا شعرهم رفضاً للدستور
اما اخر صيحة في عالم رفض الدستور، فالبركة فيها في الستات ولاد البلد الجدعان.. بس المرة ديه بقة لا طلعوا في مظاهرة ولا مشيوا في مسيرة ولا اعتصموا ولا اي حاجة.. كل ما فيها انهم قرروا يقصوا شعرهم احتجاجاً وتيمناً بجدتهم بنت الملك اخناتون اللي حلقت شعرها احتجاحاً على ظلم الكهنة
معنا على الهاتف
فاطمة الشريف - ناشطة نسائية
بلدنا بالمصري: الداخلية تنفي طلبات ترخيص سلاح الإخوان
وزارة الداخلية نفت النهاردة في بيانات رسمية خبرين اتنشروا في عدد من الصحف الصادرة النهاردة وعدد من المواقع الاخبارية.. خبر منهم عن تصريحات منسوبة لوزير الداخلية من بينها وجود تعليمات لدى وزارة الداخلية بعدم التعرض لأحد قيادات التيار الإسلامى أو أياً من أنصاره أو أى فصيل إسلامى آخر".. والخبر التاني والمنسوب لمصدر امني هو خبر ان فيه عدد من شباب الاخوان حوالي ٧٤٠ واحد اتقدموا بطلبات ترخيص سلاح
بلدنا بالمصري: اقتحام وتدمير مقر جمعية صحارى الثقافية
بس وزارة الداخلية اللي المفروض انها بتقوم بأداء واجبها وفقاً للقانون وليس وفقاً لأية إنتماءات سياسية، يمكن تكون ما شافتش شغلها كويس لحماية مقر جمعية صحاري الثقافية في الهرم من الاعتداء عليه اللي حاب عليه واطيه وطربقه على اللي فيه
معنا على الهاتف
سمية عامر - مدير جمعية صحارى الثقافية
بلدنا بالمصري: دفاع المتهمين بالاعتداء على الزند
دلوقتي احنا في اليومين اللي فاتوا ومن ساعة ما تم الاعتداء على المستشار احمد الزند رئيس نادي القضاة قدام النادي يوم الحد واحنا بنسمع رواية النادي واعضاء النادي من القضاة الافاضل.. لكن على ما يبدو ان من طرف المتهمين التلاتة في رواية تانية هنعرفها من محاميهم وعلى ما احنا فاهمين الرواية ديه من واقع تحقيقات النيابة.. لكن في النهاية هي على عهدة
معنا على الهاتف
أ/ محمد الريس - محامي المتهمين بالإعتداء على الزند
بلدنا بالمصري: ولسة طلبة جامعة النيل على الرصيف يا ريس
تعالوا بقة نروح نطل طلة على طلبة جامعة النيل بعد غيبة طويلة عليهم وهم لسة بحطة ايدكم معتصمين في الشارع على الرصيف في الطل.. بيدرسوا وبيذاكروا وبيمتحنوا وبيطالبوا بحقهم في الدراسة في مباني جامعتهم.. ولو ان مرادهم من رب العباد لسة مش باين له اي امارة خصوصاً بعد قرار رئيس الجمهورية المنشور امبارح في الجريدة الرسمية بانشاء مدينة زويل للعلوم والتكنولوجيا
وبالتالي ما بين حكم المحكمة اللي كل طرف بيفسره تفسير شكل والحكومة اللي نفذتش الحكم الصادر من اكتر من شهر وما بين قرار جمهوري برده مش مفهوم اوي فيما يخص مقر مدينة زويل.. يبقى حال الطلبة على ما هو عليه في الطل
رفيق جندي: القضية مازالت ماثلة أمام هيئة مفوضي الدولة
تعالوا بقة نروح نطل طلة على طلبة جامعة النيل بعد غيبة طويلة عليهم وهم لسة بحطة ايدكم معتصمين في الشارع على الرصيف في الطل.. بيدرسوا وبيذاكروا وبيمتحنوا وبيطالبوا بحقهم في الدراسة في مباني جامعتهم.. ولو ان مرادهم من رب العباد لسة مش باين له اي امارة خصوصاً بعد قرار رئيس الجمهورية المنشور امبارح في الجريدة الرسمية بانشاء مدينة زويل للعلوم والتكنولوجيا
وبالتالي ما بين حكم المحكمة اللي كل طرف بيفسره تفسير شكل والحكومة اللي نفذتش الحكم الصادر من اكتر من شهر وما بين قرار جمهوري برده مش مفهوم اوي فيما يخص مقر مدينة زويل.. يبقى حال الطلبة على ما هو عليه في الطل
معنا على الهاتف
رفيق جندي - أستاذ بجامعة النيل
الخير في قلب صلاح جاهين .. دور ع الناس في بلدنا بالمصري
بس قبل الفاصل، خلونا نرجع ندور عالناس وعلى الخير اللي في قلوب الناس.. ومافيش اجمل من اننا نرجع ندور عالناس على حس العزيز الغالي صلاح جاهين.. بمناسبة عيد ميلاده.. كل سنة وكل حبايبه طيبين وجدعان وولاد بلد وما يتخيوش عنه.. ونعيش ونفتكر
بلدنا: انقذ مصر .. عفريت الشراكة المصرية الأوروبية
الحكاية وما فيها ان اتفاجئنا امبارح بس بموقع جديد على الانترنت وباين من عنوانه: "انقذ مصر" ... العنوان يوغوش فوجب ندور على الاصل، لقينا ان مؤسسين الموقع والمسؤولين عنه اتنين من اساتذة مصر المرموقين كل واحد في مجاله: الدكتور علي الغتيت استاذ القانون الدولي والاقتصادي المقارن ونائب رئيس الجمعية المصرية للقانون الدولي.. والدكتورة مجد قطب استاذ طب الاطفال بجامعة القاهرة..
لا بقة ما بدهاش ايه اللي لم الشامي على المغربي والقانون الدولي على طب الاطفال على قولة "انقذ مصر"؟! ومن ايه كفالله الشر؟! قالوا من اتفاقية الشراكة المصرية الاوروبية وتحديداً من اربع او خمس مواد بعينهم كفيلين حسب الموقع والقائمين عليه بالاتي
تحويل الصحة و التعليم والمواصلات وغيرها من الخدمات لسلع تجارية عرضة للعرض و الطلب،،،،
السماح بخصخصة او بيع او التنازل عن قناة السويس، او محطة مصر ، او شركة الكهرباء او شركة مياة القاهرة الكبري، او مبني الاذاعة و التليفزيون مثلاً،لانها بتضمن ان مصر لا تستطيع امتلاك مؤسسة او شركة عامة بعد خمس سنين من ٢٠١٣،،،
بتفرض على توطين ابناء دول ثالثة وتنتقص من سيادتها علي اراضيها،،
ايه كل دة ويعني ايه وازاي ومن امتى؟! وقعنا خلاص في الدحديرة ديه ولا لسة يا دوب في الحفرة ولسة فيه صرفة نطلع منها؟! وايه علاقة الدحديرة ديه بعفاريت تانية مستخبية بين سطور الدستور؟! كل ديه اسئلة وغيرها هنطرحها على ضيوفنا النهاردة.. وكان بودنا يكون من ضمنهم الدكتور علي الغتيت لكن للاسف انه النهاردة عنده التزامات منعته من انه يكون معانا، لكن بالتاكيد البركة في ضيوفنا
د. عبد الله النمر: استاذ القانون الدولي بجامعة عين شمس
أ. عبد الله خليل : الخبير الدولي في مجال حقوق الإنسان
ليست هناك تعليقات:
إرسال تعليق