نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاثنين 10 ديسمبر 2012 يوتيوب كاملة
بلدنا بالمصري: شهود على ليلة الاتحادية السوداء
بنمسي على حضراتكوا وحلقة جديدة من بلدنا بالمصري.. بالشرع وبالدين.. اي شرع واي دين وبكل اللغات الحية والميتة: الدم كله حرام ومافيش دم اغلى ولا دم اعز من دم.. الدم كله غالي والدم كله حرام.. ومع ان المفروض ان غير الدم ماحدش صادق، الا ان الدم كمان وعلى اخر الزمن بقى جايز نكدبه ونبيع ونشتري فيه.. وبالتالي فاحنا ما باليد حيلة غير اننا يوماتي على الله وقبل ما نقول يا هادي يارب، نسمع بوداننا ونشوف بعينينا، اكبر قدر ممكن من الشهادات على ليلة سودة عشناها لحد ما تظهر الحقيقة وتبان
بلدنا: الرجل المجدع الحسيني أبو ضيف .. تقوم بالسلامة
الزميل العزيز والراجل المجدع والثائر الحق، الحسيني ابو ضيف الصحفي في جريدة الفجر، كمان غير دمه ماحدش صادق.. الحسيني بين الحياة والموت وربنا يقومه بالسلامة ويمد في عمره ويشهد على اللي شافه بعينيه .. الحسيني لا كان معاه مولوتوف ولا خرطوش ولا قنابل مسيلة للدموع ولا سلاح ابيض ولا اسود ولا حتى طوبة ولا حتة خشبة .. ما كانش حيلته غير حتة كاميرا شافت من قريب وسجلت اللي كان لازم الحسيني يدفع تمنه من دمه ويمكن من عمره لا قدر الله..
بلدنا بالمصري: محمد كان بينقل المصابين .. ومش إخوان
محمد عبد المنعم، شاب زي الورد.. وغير دمه ماحدش صادق.. محمد لا كان بيقتل ولا كان بيضرب ولا كان بيعذب ويقرر ولا حتى كان بيحدف طوب.. محمد كان بيساعد في نقل المصابين فانتهى واحد منهم ربنا يشفيه ويقومه بالسلامة
بلدنا بالمصري: وزير الإعلام بيكذب حتى في الدم
امبارح، وزير الاعلام كتر الف خيره راح زار الحسيني في مستشفى القصر العيني واتطمن عليه وعلى مستوى الرعاية اللي بيتلقاها.. ودعاله بالشفاء العاجل.. واضاف في تصريحات صحفية منشورة على موقع السوم السابع ومواقع اخبارية تانية ان: علم بان ابو ضيف كان يؤدي عمله بالناحية التي يتظاهر بها المؤيدون امام الاتحادية مصوباً عدسته ناحية البلطجية والقتلة
معنا على الهاتف
أ/ محمود عبد القادر - صديق الحسيني - والفنان التشكيلي
بلدنا: النيابة تكذب سيادة الرئيس وجماعته والمرشد
اما عن اخر تطورات تحقيقات النيابة العامة في موقعة الاتحادية.. فاخر النتايج اللي كشفت عنها التحقيقات امبارح، انه مش بس النيابة اخلت سبيل كل المتهمين اللي اتهمهم رئيس الجمهورية علناً في خطابه يوم الخميس واكد انهم اعترفوا على نفسهم قدام النيابة بتلقي اموال للقتل والتخريب، في حين ان النيابة في اللحظة ديه ماكانتش بدات اصلاً تحقيقاتها.. لكن تحقيقات النيابة كشفت كمان ان
معنا على الهاتف
مالك عدلي - المحامي بالمركز المصري للحقوق الإقتصادية والإجتماعية
بلدنا بالمصري: الرئيس سحب القرار اللي أصدره بعد ساعات
اخر اخبار بلدنا هنبداها بالقرار اللي اتاخد امبارح في انصاص الليالي.. ومش عارفة ايه حكاية القرارات المصيرية في البلد ديه بنص الليل.. بعد اقل من ٢٤ ساعة على نشر القانون الخاص بالزيادات الضريبية على عدد من السلع والخدمات في الجريدة الرسمية، اصدرت الرياسة في نص الليل البيان التالي
بلدنا بالمصري: الرئيس اللي طلع القرار وسحبه يا سادة
بيان النتحدث باسم الرئاسة بيقول أن الرئيس أوقف قرارات بما يوحي أن وزارة الملية هي من أصدرت تلك القرارات
ولكن المسئولية تقع على رئيس الجمهورية
بلدنا بالمصري: الحرية والعدالة يرفض قرار الرئيس
بيان الرئاسة وقرار الرئيس، كان سبقه موجة من الرفض والاستنكار ما كانتش لسة لحقت تاخد حدها لا في الاعلام ولا في الشارع ولا بين الخبرا واهل الاقتصاد ولا بين الاحزاب والقوى السياسية.. لكن المؤكد والمعلن ان حزب الحرية والعدالة كان من اوائل الاحزاب اللي رفضت القانون والقرارات والزيادات واصرت البيان التالي قبل ما يصدر طبعاً قرار الرئاسة بالتراجع
بلدنا - العجاتي: النظام الحالي يمارس سياسات نظام مبارك
عشان نعرف أكتر عن القرارات اللي أصدرها الرئيس امبارح وليه تم الغائها
معنا على الهاتف
أ/ محمد العجاتي - الرئيس التنفيذي لمنتدى البدائل
بلدنا: مرروا العقوبات على الباعة الجائلين في الزحمة
لكن فيه قرار تاني بقانون صدر من رئيس الجمهورية وبرده في عز الازمة ومازال ساري.. القرار بقانون رقم ١٠٥ لسنة ٢٠١٢ بتعديل قانون الباعة المتجولين رقم ٣٣ لسنة ٥٧ صدر يوم الخميس ٦ نوفمبر ولسة الدم سايح قدام الاتحادية واتنشر امبارح في الجريدة الرسمية.. النهاردة رفضته المبادرة المصرية للحقوق الشخصية لاسباب هنعرفها من
أ/ عمرو عدلي - مدير قسم العدالة الإجتماعية للمبادرة المصرية للحقوق الشخصية
لجنة الاستفتاء تطلب إلغاء تصويت المواطنين بغير لجانهم
بما ان الجواب النهائي لحد دلوقتي هو ان الاستفتاء على الدستور في معاده.. المصريين في الخارج هم السابقون ابتداءاً من يوم الاربع واحنا اللاحقون يوم السبت ١٥، يبقى وجب، وبعيداً عن كل الجدل السياسي نطمن على ضمانات نزاهة الاستفتاء دة وايه اللي يضمن ان نتيجته تكون معبرة فعلاً وبحق وحقيقي عن ارادة المصريين في مصر وبرة مصر.. وهو دة تحديداً اللي هنناقشه مع ضيوفنا في فقرتنا اللي جاية بعد اخر اخبار بلدنا.. خاصةً بعد التطورات اللي حصلت النهاردة واولها الطلب اللي تقدمت بيه النهاردة اللجنة العليا للانتخابات المشرفة على الاستفتاء على مشروع الدستور الجديد لمجلس الوزرا باصدار قرار بقانون من رئيس الجمهورية بإلغاء الفقرة الثانية من المادة 32 من قانون مباشرة الحقوق السياسية واللي بتسمح بأن يصوت الناخبون في حالات الاستفتاء في غير دوائرهم الانتخابية.. ايه الحكمة من الطلب دة وايه مزاياه وايه عيوبه والي اي مدى هو في ضالح نزاهة عملية الاستفتاء من عدمه.. دة كمان هيكون من ضمن الاسئلة المطروحة في فقرتنا اللي جاية.
موافقة مشروطة لمجلس الدولة للإشراف على الاستفتاء
اما التطور التاني النهاردة والخاص بالاشراف القضائي على الاستفتاء، كان اعلان نادي قضاة مجلس الدولة موافقته المشروطة على الاشراف على الاستفتاء
بلدنا بالمصري - حسن: شروطنا بهدف حقن الدماء
اما التطور التاني النهاردة والخاص بالاشراف القضائي على الاستفتاء، كان اعلان نادي قضاة مجلس الدولة موافقته المشروطة على الاشراف على الاستفتاء
معنا على الهاتف
بلدنا: مؤشرات موقف قضاة مصر من الإشراف على الاستفتاء
اما نادي قضاة مصر فهيعلن موقفه النهائي بكرة في مؤتمر صحفي بعد اجتماع طارئ لمجلس ادارة النادي بحضور رؤساء نوادي الاقاليم ونوادي الهيئات القضائية المختلفة.. وهيتحدد الموقف النهائي بناءاً على القرارات اللي هتنتهي ليها الجمعيات العمومية الطارئة لاندية الاقاليم واللي بدات فعلاً من امبارح وبمجرد صدور الاعلان الدستوري الجديد
بلدنا: قضاة الاستقلال يقبلون الإشراف على الاستفتاء
في المقابل اعلنت النهاردة مجموعة من القضاة، المعروفة اعلامياً بقضاة الاستقلال، موافقتها على الاشراف على الاستفتاء واصدرت البيان التالي
بلدنا بالمصري: خريطة مسيرات رفض الاستفتاء - ١١ ديسمبر
على المستوى الشعبي، خريطة المسيرات اللي هتتحرك بكرة من اكتر من نقطة انطلاق وكلها باتجاه قصر الاتحادية تم الاعلان عنها في مؤتمر صحفي في مقر حركة شباب من اجل العدالة والحرية
بلدنا: موقف جبهة الإنقاذ الوطني من الاستفتاء غداً
على المستوى السياسي ، جبهة الانقاذ الوطني اعلنت امبارح رفضها الكامل للاستفتاءالمقرر يوم 15 ديسمبر الجاري، وتؤكد رفضها لإضفاء الشرعية علي استفتاء سيؤدى إلى مزيد من الفتنة والانقسام.. حسب بيانها ، الموقف اللي اتفهم منه ان جبهة الانقاذ بتدعو لمقاطعة الاستفتاء.. لكن تصريحات السيد عمرو موسى النهاردة للمصري اليوم وهو واحد من اعضاء القيادة الجماعية لجبهة الانقاذ، بتاكد ان الموقف النهائي للجبهة بالمقاطعة او بالتصويت بلا هيصدر بكرة عن اجتماع الجبهة المقرر عقده بعد المليونية
بلدنا بالمصري: بيتنا ليلة مع المعتصمين عند الاتحادية
اللي يشوف المسيرات والاعتصامات من اعلى نقطة بتبص عليهم متثبتة عليها كاميرات القنوات الفضائية، مش زي اللي يمشي على رجليه بالساعات ولا زي اللي يقضي ولو ليلة من ليالي الاعتصام في الطل في عز البرد لكن كمان في عز الونس..الزميل العزيز احمد عبد الجواد بات ليلة مع المعتصمين عند الاتحادية واتونس بيهم
بلدنا بالمصري: ممارسات فاشية وإعلام تحت الحصار
من ناحية تانية، اعتصام انصار الشيخ حازم صلاح ابو اسماعيل لسة مستمر قدام مدينة الانتاج الاعلامي. الهدف المعلن منه هو تطهير الاعلام اللي بيوصفوه بالمضلل والهتافات والشعارات المرفوعة كلها بالمعنى دة والامر ما يسلمش برده من شوية تحريض على شوية اتهامات بالعمالة وبالخيانة على شويتين تهديد ووعيد.. فما كان من الجبهة الوطنية للدفاع عن حرية الراي والتعبير الا انها اصدرت البيان التالي
بلدنا: القوى الإسلامية تنظم مليونتين دعم للاستفتاء
في مقابل الدعوة الموجهة من جبهة الانقاذ الوطني وعدد من القوى الثورية لمليونية رفض الاعلان الدستوري الجديد ورفض الاستفتاء على الدستور، دعا ائتلاف القوى الاسلامية لمليونية نعم للشرعية بكرة قدام مساجد رابعة العدوية وال رشدان والرحمن الرحيم مع التاكيد على سلمية المظاهرات
اما حزب النور فالتصريحات الصادرة عن قياداته متباينة فيما يخص المشاركة او عدم المشاركة في مليونية نعم للشرعية
بلدنا بالمصري: ضمانات نزاهة الاستفتاء على الدستور
بما ان لحد دلوقتي الاستفتاء على الدستور هيتم في معاده يعني هيتم ولا يمكن هينزل الارض ابداً على الاقل لحين اشعار اخر.. فاحنا محتاجين نطمن على ضمانات النزاهة، مكفولة ومتوفرة ولا بعافية حبتين
بعيداً عن كل الجدل السياسي والشعبي حوالين الدستور واللي كتبوه واللي بيتشددوله او حوالين الطريقة اللي اتصوت عليه بيها في انصاص الليالي ودعوة رئيس الجمهورية للناخبين للتصويت عليه في الاستفتاء اوام اوام.. وبعيداً عن مين هيقاطع ومين هيقول نعم ومين هيقول لاء وكل واحد وحجته اللي معاه.. بعيداً عن كل دة من حقنا نعرف ايه اللي يضمن نزاهة الاستفتاء وايه اللي يضمن ان النتيجة هتكون معبرة فعلاً عن ارادة المصريين
سؤال هنستعين على اجابته بضيوفنا النهاردة
د/ علي الصاوي: استاذ العلوم السياسية بجامعة القاهرة
ماجد سرور: مدير مؤسسة عالم واحد للتنمية
ليست هناك تعليقات:
إرسال تعليق