نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الاحد 9 ديسمبر 2012 تقديم شريهان ابو حسن من قناة ONTV يوتيوب كاملة
من جديد: جبهة الإنقاذ الوطني قررت لا للدستور
السلام والتحية على حضراتكوا، أهلا بيكو معانا، اعلان دستوري أجدد يلغي الإعلان الدستوري الجديد ويضع الكل في حيرة، ده عنوان عريض لو حبينا نلخص نتيجة لقاءات امبارح اللي وصفها البعض بأنها لقاءات مرسي مع مرسي لان تقريبا معظم اللي كانوا قاعدين من المحسوبين على تيار الإسلام السياسي أو من أعضاء الجمعية التأسيسية أو من ما تبقى من الفريق الرئاسي، وبالطبع فيه قامات حضرت محدش يختلف عليها.
على أية حال الإعلان الدستوري واللي ليه واللي عليه حيكون معانا النهاردة في الفقرتين اللي جايين بعد ما نخلص اخبارنا، واللي معظمها حيكون حوالين ردود الافعال على الاعلان الجديد وهل الناس حتلجأ للصندوق في النهاية ولا لأ ويمكن ده اللي انتهتله النهاردة جبهة الانقاذ الوطني في اجتماعها النهاردة لمناقشة تداعيات الاعلان الدستوري الجديد واللي انتهوا فيه لانهم حيصوتوا بلا في الاستفتاء.
من جديد: رأي المواطنين في الإعلان الدستوري الجديد
في وسط كل المواقف بتاعة القوى السياسية ديه يا ترى ايه رأي الناس التحرير أو في الاتحادية في القرارات الأخيرة اللي اخدها الرئيس هل كدة كفاية ولا شايفين القرارات ديه ازاي تعالوا نروح نشوف الناس قالت ايه.
نادي القضاة يعلن موقفه من الإستفتاء الثلاثاء المقبل
طيب يا ترى ايه موقف القضاة لان كتير شايفين ان الإعلان الدستوري ده طلع لتحييد القضاة لانه ألغى الجزء بتاع التحصين واللي في الأساس كان معترض عليه القضاة وبالتالي هما مالهمشي حجة لرفض الإشراف بعد الإعلان الدستوري الجديد، على أية حال المستشار أحمد الزند رئيس نادى قضاة مصر، حيعقد مؤتمرا صحفيا بعد بكرة عشان يعلن خلاله الموقف النهائى لقضاة مصر من الإعلان الدستورى الذى صدر مساء أمس السبت ولكن يا ترى ايه حيكون موقف القضاة من الاشراف على الاستفتاء.
زغلول البلشي: 60% من القضاة سيشرفون على الإستفتاء
معانا المستشار زغلول البلشي أمين عام اللجنة المشرفة على الإستفتاء , حيث يؤكد أن لا يجوز للقضاة الإمتناع عن الإشراف على الإستفتاء , 60% من القضاة سيشرفون على الإستفتاء .
م. أشرف ندا: الإعلان الدستوري الجديد .. محصلش لسه
معانا المستشار أشرف ندا رئيس محكمة جنايات القاهرة , حيث يقول أن الإعلان الدستوري محصلش لسه.
من جديد: زيادة الضرائب على العديد من السلع
الملاحظة المهمة جدا في قرارات واعلانات الرئيس مرسي انها ديما بتبقى فيها نقط معينة يتم استخدمها لمهاجمة اي واحد معترض على القرارات زي مثلا الإعلان الدستوري اللي قالوا انهم لغوه فيه العبر وفيه نقطة بتاعة الشهداء والمصابين بحيث ان اي حد يتكلم يقولوا شوفوا الفلول ولاد الفلول مش عاوزين حق الشهدا يرجع ونخش في قضية احنا عاوزين حق الشهدا ولا لأ .. ده برضوة حصل النهاردة في قرار الرئيس بفرض ضرايب على كل حاجة ومن ضمن الحاجات اللي اتفرض عليها الخمور والبيرة وهو ده الكمين لو اي حد اعترض حيتقالوا انتوا متضايقين عشان الخمور والبيرة رغم ان اللي مضايقين مضايقين عشان حاجات تانية كتير حنعرفها من مداخلة مع مصباح قطب مدير تحرير المصري اليوم
من جديد: مؤتمر صحفي لتوثيق جريمة الإعتداء على الحسيني
النهاردة زار وزير الإعلام صلاح عبد المقصود الحسينى أبو ضيف المصور بجريدة الفجر واللى أصيب بطلقات خرطوش أثناء تواجده فى محيط قصر الاتحادية يوم الأربعاء الماضى، من ناحية تانية النهاردة عقدت نقابة الصحفيين مؤتمر صحفي لتوثيق جريمة الاعتداء على الحسيني احنا حنسيب حضراتكوا مع التقرير وبعدها فاصل وبعد الفاصل حنرجع ونكشف كواليس لقاء الرئيس امبارح.
من جديد: سيناريو الإستفتاء .. نعم للجنة ولا للنار
ده كان موقف جبهة الانقاذ الوطني وكل اللي خايفين منه نرجع تاني لنعم بتاعة الجنة ولا بتاعة النار واللي شوفناها في استفتاء مارس وظهرت فعلا بوادر الدعوة للتصويت بنعم، وزي ما حضراتكوا شايفين المنشور اللي وزعه حزب النور للدعوة بالتصويت بنعم على الدستور وشارحين حتى نعم معناها ايه ولا معناها ايه
من جديد: هل من حق الرئيس إصدار إعلانات دستورية
من جديد اهلا بحضراتكوا ... لسه مكملين معاكم والحديث عن الاعلان الدستوري الجديد اللى اصدره الرئيس مرسي امبارح بعد لقائه مع قوى المعارضة او مجموعة ال40 زي ما بيسموهم نشطاء مواقع التواصل الاجتماعي .. كتير بيسأل هو من حق الرئيس انه يصدر اعلانات دستورية ، ولا مش من حقه ، ولحد امتي هتفضل الاعلانات الدستورية هي الحاكمة لادارة شئون البلاد، يعني منذ الثورة ولحد دلوقتي صدر حوالي 5 اعلانات دستورية ، 2 ايام حكم المجلس العسكري خلال المرحة الانتقالية، و3 خلال فترة تولى الدكتور مرسي .. كل دي تساؤلات مطروحة على ضيفنا الدكتور محمد حامد الجمل الفقيه الدستوري ورئيس مجلس الدولة الاسبق .. اهلا بيك في من جديد .
من جديد: كواليس لقاء الرئيس مرسي مع قوى المعارضة
من جديد اهلا بحضراتكوا .. اخيراً تخلت مؤسسة الرئاسة عن حالة العناد اللي كانت السمة الاساسية لها خلال ادارتها للأزمة الراهنة، اخيرا الرئاسة قررت الغاء الاعلان الدستوري ،اللي طالب العديد من المصريين وممثلي القوى السياسية بالغائه، صحيح بعض القوى السياسية وصفت قرار الالغاء بأنه التفاف حولين الازمة، وصحيح الرئاسة خالفت تصريحات رئيس ديوان الجمهورية السفير محمد رفاعة الطهطاوي، وتحركت عن الاعلان قيد انملة ،.. لكن في النهاية ممكن تكون القرارت دي بادرة لأنهاء الازمة اللى قسمت المصريين وكانت سبب في اقتتالهم بالشكل اللى حضرتكوا شوفتوه على مدار اليومين اللي فاتو ..
تفاصيل لقاء الرئيس بالقوى السياسية امبارح ، وهل نتائج اللقاء مرضية للمعارضة ام ، وهل القوى المقاطعة للحوار هتغير موقفها وتجلس على مائدة التفاوض مرة تانية .. دا اللى هنعرفه من ضيوفنا الدكتور حسن نافعة استاذ العلوم السياسية ، والدكتور محمد محي احد الحاضرين في لقاء الرئيس امس بالقوى السياسية ، وعضو الجمعية التأسيسية للدستور .. اهلا بيكم معانا
ليست هناك تعليقات:
إرسال تعليق