نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الثلاثاء 11 ديسمبر 2012 تقديم شريهان ابو حسن من قناة ONTV يوتيوب كاملة
من جديد: ضابط بالجيش يهدد الناخبين المصوتين بـ لا
السلام والتحية على حضراتكو أهلا بيكوا معانا، ليه بيتم الزج تاني بالجيش المصري في الخلافات السياسية، للأسف جماعة الإخوان المسلمين ماكفهاش المتاجرة باللي ماتوا، عايزة كمان تتاجر بالجيش وتدخله في مواجهة مع الشعب، الصورة اللي قدام حضرتكوا ديه اتنشرت الصبح،على مواقع التواصل الاجتماعي وهي لظابط جيش بيقول انا طالع تأمين انتخابات بإذن الله ومعايا ضبطية قضائية أي حد أشوفه يقول لا للدستور هياخد على قفاة اللهم بلغت، اسم هذا الظابط اسلام محمد فتحي سعيد العرجاوي، عرفنا منين اسمه عرفناه من كارنيه الحرية والعدالة بتاعة، حتسألنوني ازاي ظابط ويكون في حزب رغم ان ده ممنوع، سيبكوا من النقطة ديه، يعني ايه ظابط في الجيش يهدد المواطنين على صفحته وبلبسه الميري اللي المفروض يحترمه، ازاي يهدد المواطنين بالضرب على قفاهم، لو قالوا لا، ازاي كدة الناس تأمن انها تروح تصوت في الاستفتاء وهما معرضين انهم يتضربوا بالقفا من حضرة الظابط اللي محمي بالضبطية القضائية اللي منحاهاله الرئيس محمد مرسي.
ازاي المواطنين يأمنوا على أنفسهم من انهم ينزلوا، نضمن منين ان ده مش موقف للجيش هل كدة الجيش بيأيد الدستور، امال فين الكلام بتاع الحيادية، لما نلاقي كلام زي ده منشور لظابط جيش المفروض انه بيحمي المصريين بعيدا عن آراؤهم، ولا حنلاقي الجيش بعد كدة ظباطه يعلنوا انهم بيحموا بس الأهل والعشيرة..
احنا عشان نحسم الأمر اتكلمنا مع الشئون المعنوية للقوات المسلحة، وسألناهم هل الرأي ده هو موقف القوات المسلحة، أجابونا بكل شفافية لا، و الظابط ده بيتحقق معاه، والمتحدث باسم الجيش أكد برضوة في تصريحات لفريق إعداد برنامجنا ان الجيش حريص على تأمين المواطنين لتعبير عن رأيهم في صندوق الاقتراع بغض النظر عن رأيهم المؤيد أو المعارض.
معانا حافظ أبوسعدة رئيس المنظمة المصرية لحقوق الإنسان
من جديد: جدل حول دعوة السيسي لإجتماع مع القوى السياسية
من ناحية تانية وجه الفريق أول عبد الفتاح السيسي وزير الدفاع، مبادرة إلى جميع القوى السياسية لدعوة طوائف المجتمع المصري والقوى السياسية وجماعة الإخوان المسلمين والسلفيين، لجمع شمل الأمة.
ودعا السيسي للتجمع غدًا بالقرية الأولمبية بمدينة نصر، في الساعة الثانية ظهرًا؛ لسرعة لم الشمل والتفاهم حول الدستور.
تصريحات السيسي جت عقب الاجتماع الذي عقده السيسي مع اللواء أحمد جمال الدين وزير الداخلية وعدد من ضباط الجيش والشرطة؛ للتنسيق حول تامين الاستقتاء على الدستور. يا ترى لقاء زي ده معناه ايه
د. أيمن سلامة: دعوة السيسي هي مبادرة الفرصة الأخيرة
مبادرة إلى جميع القوى السياسية لدعوة طوائف المجتمع المصري والقوى السياسية وجماعة الإخوان المسلمين والسلفيين، لجمع شمل الأمة.
معانا الدكتور أيمن سلامة عضو المجلس المصري للشئون الخارجية
من جديد: مبادرة السيسي بالأسرة المصرية .. عيش وملح
منذ قليل تمت مداخلة مع اللواء محمد العصار مساعد وزير الدفاع والحديث عن مبادرة السيسي .
من جديد: وزير الداخلية يلتقي بالعاملين بمديريات الأمن
من ناحية تانية النهاردة التقى اللواء احمد جمال الدين وزير الداخلية مع الأمناء والأفراد والخفراء العاملين بكافة مديريات الأمن والإدارات والمصالح على مستوى الجمهورية .. وأكد أن جهاز الشرطة لم ولن يكن لدية خصومة مع أىٍ من شرائح أو أطياف المجتمع، وشدد على أن دور الداخلية حيقتصر على تأمين الاستفتاء، وتأمين المواطنين لابداء رأيهم.
من جديد: حالة إنقسام بين مؤيدي ومعارضي الإستفتاء
بالرغم من حالة الانقسام اللي احنا عايشينها إلا ان اجراءات الاستفتاء ماشية وبكرة حيبدأ المصريين في التصويت على مشروع الدستور في الوقت اللي فيه 3 مظاهرات كبيرة حوالين مدينة الانتاج وواحد لتأييد الرئيس مرسي عند جامع رابعة العدوية ومظاهرة كمان لرفض الإعلان عند قصر الاتحادية غير اعتصام ميدان التحرير.
من جديد: متظاهري الإتحادية ضد الغلاء والإستفتاء
ياترى الوضع عامل ايه عند الاتحادية حنعرفه من محمد غريب الصحفي بالمصري اليوم
من جديد: الموقف النهائي لقضاة مصر بشأن الإستفتاء
النهاردة عقد المستشار أحمد الزند رئيس نادي قضاة مصر مؤتمر صحفي لإعلان موقف القضاة النهائي من الاستفتاء .. الزند أكد خلال المؤتمر ان 90 % من القضاة بيرفضوا الدستور.
الموقف النهائي لمستشاري قضايا الدولة بشأن الإستفتاء
أما مستشاري قضايا الدولة فهما كمان حسموا موقفهم من الاشراف على الاستفتاء وأكدوا انهم حيشاركوا في الاشراف على الاستفتاء.
محكمة القضاء الإداري تقضى بعدم إختصاصها ببعض الطعون
قضت محكمة القضاء الإداري بعدم اختصاصها بنظر بطلان دعاوى الإعلان الدستوري والطعن على قرار الدعوة للاستفتاء.. معانا محمد أسعد الصحفي باليوم السابع .
من جديد: حالة إنقسام بين نعم و لا للدستور
من جديد أهلا بحضراتكوا خلاص باقي من الزمن 3 أيام ويتم إجراء الاستفتاء.. حالة انقسام حاد فى المجتمع حولين الاستفتاء .. نقول نعم و ولا لا.. نروح ولا نقاطع.. مسيرات بالألاف فى شوارع القاهرة والمحافظات لرفض الإعلان ومسيرات لتأييد الاستفتاء.. عند الاتحادية احتشد الرافضين وعندهم أمل الرئيس يعلن تأجيل الاستفتاء وفتح حوار وطني حول الدستور ، وبعضهم بيطالب بإسقاط النظام .. وفى ميدان رابعة العدوية ألاف من التيار الإسلامي نازل يأيد الاستفتاء وكل قرارات الرئيس حتي اللى أخدها واللي رجع فيها.. يارب الأيام دى تمر علي خير .. ولكن لو مرت علي خير هيكون الاستفتاء نهاية المطاف ولا الاحداث هتفضل مشتعلة.. حنحاول نفهم الوضع الداخلي هيأدي لأيه .. مع الدكتور سعد الدين إبراهيم أستاذ علم الاجتماع السياسي بالجامعة الأمريكية ومدير مركز أبن خلدون للدراسات الانمائية.. أهلاً بيك يا دكتور ..
ليست هناك تعليقات:
إرسال تعليق