نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاثنين 26 نوفمبر 2012 يوتيوب كاملة
ريم ماجد: تفرق إيه إخوان ولا مش إخوان
اللهم اننا لا نسالك رد القضاء ولكن نسالك اللطف فيه..
اما العركة المنصوبة على تويتر وفيس بوك حوالين اسلام اخوان ولا مش اخوان، فبصراحة عشان اوصفها لازم اخرج عن وقاري وانا متعودتش اخرج عن وقاري ابداً مهما كان السبب حتى لو السبب اننا على اخر الزمن بنتخانق على الشهيد؟!!! تفرق في ايه اخوان ولا مش اخوان.. اسلام طفل مصري فطر قلبنا كلنا.. نقطة ومافيش حتى من اول السطر في القصة الخايبة ديه
بلدنا بالمصري: خرطوش الداخلية من نوع جديد المرة دي
طيب.. دلوقتي وزارة الداخلية في بيانها الصادر امبارح بس اكدت ان ماعندهاش خرطوش
ماشي .. هنصدق.. بس هنصدق الداخلية ولا هنصدق تصريحات وكيل النيابة المكلف المنسوبة ليه في بيان حركة شباب ٦ ابريل.. حسب البيان: وكيل النيابه المكلف ذكر أن نوع الخرطوش التي تستخدمه قوات اﻷمن من نوع جديد لم يتم استخدامه من قبل اكبر حجما و غير متداول بين الأشخاص العاديين
بلدنا - همام: البلي المستخرج لا يحدد نوع السلاح
معنا على الهاتف د. ماجد همام - مدير عام ادارة التشريح .. حول نوع الخرطوش الجديد الاكبر حجماً والذي لم ستخدم من قبل من الشرطة
بلدنا بالمصري: جنازة جيكا وإسلام .. والثمن؟
ان الدم واحد وان الوجع واحد وان الحرقة واحدة.. وان دمنا غالي علينا اوي مش من حقنا ندفعه ببلاش او حتى بالرخيص ومش من حقنا نسيبه يروح هدر.. وان دمنا على بعض حرام حرام حرام.. لو الرسالة لسة ما وصلتش يبقى احنا بالتاكيد مش من اولي الالباب وتنطبق علينا الاية الكريمة: باسم الله الرحمن الرحيم:" افلم يسيروا في الارض فتكون لهم قلوب يعقلون بها او اذان يسمعون بها فانها لا تعمى الابصار ولكن تعمى القلوب التي في الصدور" صدق الله العظيم
بلدنا بالمصري: شهيد جديد بنفس طريقة جيكا
اوحش خبر بقة النهاردة، والاوحش من ان فقدنا جيكا واسلام في ساعة واحدة.. هو انهم للاسف الشديد مش اخر الاحزان.. وعلى ما فهمنا من الدكتورة منى مينا عضو مجلس نقابة الاطباء وعضو حركة اطباء بلا حقوق ان فيه حالة كمان على الاقل صورة طبق الاصل من حالة جيكا الله يرحمه.. موت اكلينيكي نتيجة للاصابة بنفس نوع الخرطوش الجديد الاكبر حجماً والذي لم ستخدم من قبل
بلدنا بالمصري: تستحملوا تشوفوا قتلوا جيكا وغيره بإيه
لو عايزين تشوفوا البلي دة شكله ايه بشكل اوضح، جمدوا قلبكوا وشوفوا الفيديو دة.. الفيديو قاسي شوية ومتعب الى حد ما، هو عبارة عن طبيب من اطباء المستشفى الميداني وهو بيخرج ٣ بليات من دراع طفل.. فاللي يستحمل يقدر يشوف الفيديو واللي ما يستحملش انصحه بلاش وفي كل الحالات مش لازم الاطفال تشوف ابداً
ريم ماجد: دمنا على بعضنا حرام حرام حرام
بنمسي على حضراتكوا.. وبنعزيكوا وبنعزي نفسنا في شهيدين من زينة شباب البلد ديه واطفالها، شاء السميع العليم ان ارواحهم تطلع عند اللي خلقهم تقريباً في نفس الوقت.. ونصلي عليهم هم الاتنين في نفس الوقت بعد صلاة العصر.. ونودعهم الوداع الاخير في نفس الوقت.. وكان ربنا سبحان الله باعت لنا رسالة مكتوبة بدمهم : ان الدم واحد وان الوجع واحد وان الحرقة واحدة.. وان دمنا غالي علينا اوي مش من حقنا ندفعه ببلاش او حتى بالرخيص ومش من حقنا نسيبه يروح هدر.. وان دمنا على بعض حرام حرام حرام.. لو الرسالة لسة ما وصلتش يبقى احنا بالتاكيد مش من اولي الالباب وتنطبق علينا الاية الكريمة: باسم الله الرحمن الرحيم:" افلم يسيروا في الارض فتكون لهم قلوب يعقلون بها او اذان يسمعون بها فانها لا تعمى الابصار ولكن تعمى القلوب التي في الصدور" صدق الله العظيم
اللهم اننا لا نسالك رد القضاء ولكن نسالك اللطف فيه..
بلدنا بالمصري: والمتظاهرين ملهمش إلا نفسهم وكفاياهم
دة هيبقى الحال بكرة على سنجة عشرة قدام جامعة القاهرة في استقبال مؤيدي الرئيس.. اما المتظاهرين الرافضين في بقية شوارع القاهرة الشقيقة وميدان التحرير الشقيق فمالهمش بققة الا بعض ورب اسمه الكريم.. هم اللي هيامنوا الميدان وهم اللي هينظموا المرور وهيحولوه لو استدعى الامر قفل الميدان.. ولوحصل وطفوا النور على الميدان هم اللي هيلاقوا صرفة ينوروه وهكذا.. كالعادة يعني مافيش جديد هم متعودين على كده
بلدنا بالمصري: الجيزة تستعد لاستقبال مليونية الإخوان
دة مش كدة وبس.. ديه محافظة الجيزة كمان فيها استعدادات مهمة
معنا على الهاتف
محافظ الجيزة - د. علي عبد الرحمن
بلدنا: مسيرات جامعة القاهرة قبل ما ييجي الإخوان
مسيرات طلابية هتخرج من الجامعات ومن ضمنها جامعة القاهرة الساعة اتنين.. المسيرات ديه للاسف مش مؤيدة وخط سيرها ينتهي في ميدان التحرير الشقيق..
معنا على الهاتف
سيد محمود - مسئول طلاب 6 أبريل الجبهة الديمقراطية
بلدنا بالمصري: وزير الداخلية قبل مليونيات الثلاثاء
على اي حال، ديه تصريحات وزير الداخلية بخصوص مليونيات بكرة الثلاثاء ٢٧ نوفمبر ٢٠١٢
بلدنا بالمصري: خط سير المسيرات المتجهه للتحرير
حول خط سير المسيرات المتجهه للتحرير معنا على الهاتف
أ/ أحمد البحيري - عضو المكتب التنفيذي بالتيار الشعبي
بلدنا بالمصري: مطالب اللي نازلين التحرير بكرة
بعد الفاصل: هنناقش القانون اللي اصدره رئيس الجمهورية في عز اللي احنا فيه بتعديل بعض مواد قانون النقابات العمالية.. فقامت الدنيا وما قعدتش اكتر ما هي قامة ومش قاعدة في اوساط العمال.. هنناقش تعديلات رئيس الجمهورية ما بين مؤيد ومعارض.. لكن قبل الفاصل خلونا نعرف بالتفصيل مطالب الناس اللي نازلة بكرة رفضاً للاعلان الدستوري واللي هينضم ليهم اعداد كبيرة من العمال رفضاً للاعلان الدستوري وللتعديلات الاخيرة على قانون النقابات العمالية اللي اصدره رئيس الجمهورية والناس ملهية في الاعلان الدستوري.. شوفتوا ازاي؟!!!
بلدنا: استعدادات ميدان التحرير لمليونية الثلاثاء
حول استعدادات ميدان التحرير لمليونية الثلاثاء .. هنعرفها من
مراسلنا محمد الخولي
بلدنا بالمصري - عرفات: مظاهرات غداً سلمية
عن تحركات الأحزاب لميدان التحرير .. معنا على الهاتف
أ/ محمد عرفات - الحزب المصري الديمقراطي
بلدنا - سبيع: تم تأجيل مليونية المؤيدين وليس إلغاء
حول تأجيل مليونية مؤيدي قرارات مرسي الي أجل غير مسمى معنا على الهاتف
أ/ أحمد سبيع - المستشار الإعلامي لحزب الحرية والعدالة
بلدنا بالمصري: تأجيل مليونية مؤيدي قرارات مرسي
خبر عاجل وهو تأجيل مليونية مؤيدي قرارات مرسي الي أجل غير مسمى
بلدنا بالمصري: تعديلات مرسي لصالح العمال ولا ضدهم
يوم السبت اللي فات وفي عز ما الدنيا قايمة ومش قاعدة على المدعو الاعلان الدستوري.. وفي عز ما الدنيا والعة في شوارع مصر فعلاً مش مبالغة ومش مجازاً .. وفي عز ما دم المصريين سايح على ايدين بعض، رئيس الجمهورية وبموجب السلطة التشريعية اللي في ايده واللي اكد في يوم من ذات الايام انه مش هيستخدمها الا في اضيق الحدود للضرورة القصوى، قرر اصدار قانون بالغاء وتعديل بعض مواد قانون النقابات العمالية فقامت الدنيا وما قعدتش في الاوساط العمالية ويمكن لاول مرة لو انا مش غلطانة ، اتحاد النقابات المستقلة والاتحاد العام لعمال مصر ياخدوا نفس الموقف: الا وهو الرفض القاطع للتعديلات الاخيرة اللي وصفها وزير القوى العاملة والهجرة في مؤتمر صحفي النهاردة ان الهدف منها: إفراز قيادات عمالية جديدة وتفعيل العمل النقابي وإتاحة الفرصة للعامل لاختيار التنظيم النقابي الفعال.. ولا تهدف مطلقا كما تردد لتصفية حسابات مع القيادات العمالية الجديدة أو أخونة إتحاد العمال أو إشاعة الفوضى في المجتمع.. فنسمع كلامه نصدقه نشوف موقف العمال نضرب كف بكف ونسال: التعديلات ديه ايه الحكمة منها؟! وليه في التوقت دة؟! والاهم من كدة هي للعمال ولا عليهم؟! كل ديه اسئلة هنطرحها على ضيوفنا النهاردة
كمال عباس: منسق دار الخدمات النقابية وعضو مؤتمر عمال مصر الديمقراطي
علاء عوض : المتحدث الرسمي باسم وزارة القوى العاملة
طلعت المنسي : عضو اتحاد العمال
ليست هناك تعليقات:
إرسال تعليق