برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاربعاء 14 نوفمبر 2012 يوتيوب كاملة
بلدنا بالمصري: حريق أول عربية في مترو الميرغني
لكن بعد اخر اخبار بلدنا اللي هنبداها باحوال المترو في بلدنا، تحت الارض وفوق الارض.. لكن حيث ان ازمة اضراب سواقين مترو الانفاق اتحلت ولو مؤقتاً، فخلونا نبدا بمترو الميرغني في مصر الجديدة ومتابعة لاخر تطورات الحريقة اللي اشتعلت في اول عربية من عربيات المترو وهو ماشي فوق كوبري الميرغني.. لكن الحمد لله عدت على خير ولحد دلوقتي مافيش اي اعلان عن اي اصابات نتيجة الحريقة
بلدنا بالمصري: انتصار عمال مترو الأنفاق وفض إضرابهم
اما بالنسبة لمترو الانفاق، دلوقتي العاملين في الشركة المصرية لادارة وتشغيل المترو كان ريقهم نشف يطالبوا بتلات مطالب اولهم اقالة رئيس مجلس ادارة الشركة المهندس علي حسين وتانيهم صرف بدل وجبات وتالتهم تخصيص كادر خاص لسائقين.. ولما ريقهم نشف حذروا انه لو ماتمتش الاستجابة لمطالبهم هيضربوا عن العمل على الخطوط التلاتة للمترو لحد ما تتم الاستجابة.. وبما ان الاستجابة ماكانتش تمت لحد النهاردة الصبح، فقد كان واضربوا عن العمل وامتنعوا عن تشغيل المترو على الخطوط التلاتة لمدة حوالي ٤ ساعات ، لحد ما تمت الاستجابة اخيراً لاول مطالبهم.. وزير النقل استدعى المهندس علي حسين واتفق معاه على الاستقالة اللي قبلها فوراً وزير النقل.. وبعدها فض العمال اضرابهم ورجعت الحركة لطبيعتها على وعد بمناقشة مطالبهم التانية وبحث امكانية تنفيذها.. ومن دواعي الفخر والسرور طبعاً بعد نجاح العمال في الوصول لتنفيذ على الاقل اول مطلب من مطالبهم، وعقبال الباقي.. هو ان قناة اون تي في وتحديداً برنامج صباح اون تقديم الزملاء الاعزاء جداً يوسف الحسيني ودينا عصمت ، كان طرف في حل الازمة على الهواء مباشرةً
خالد علي: مطالب عمال المترو تصب في مصلحة المواطن
\ المشكلة ان النقابة العامة الرسمية للمترو اعلنت انها هتحاسب كل نقابي شارك في التحريض على الاضراب أو لم يقم بتوعية العمال من الفئة الصغيرة التي تدير النقابة المستقلة وسيكون الحساب، وفقًا للقانون، وقف أو تجميد عضوية».
معنا على الهاتف
أ/ خالد علي - المحامي
بلدنا بالمصري: ٢٥ عضواً بالتأسيسية يجمدون عضوياتهم
نروح بقة لاخر اخبار الجمعية التاسيسية لكتابة الدستور ولسة الخلاف سيد الموقف وصل النهاردة لحد ان ربع اعضاء الجمعية، ٢٥ عضو من اصل ١٠٠ اعلنوا تجميد عضويتهم وهددوا بالانسحاب نهائياً يوم الحد اللي جاي لو ما تمتش الاستجابة لمطالبهم واصدروا البيان التالي
أيمن نور: الغرياني يطرح أفكاره الخاصة بالتأسيسية
نروح بقة لاخر اخبار الجمعية التاسيسية لكتابة الدستور ولسة الخلاف سيد الموقف وصل النهاردة لحد ان ربع اعضاء الجمعية، ٢٥ عضو من اصل ١٠٠ اعلنوا تجميد عضويتهم وهددوا بالانسحاب نهائياً يوم الحد اللي جاي لو ما تمتش الاستجابة لمطالبهم واصدروا البيان التالي
معنا على الهاتف
د. أيمن نور - رئيس حزب غد الثورة
بلدنا بالمصري: نقابة عمال المترو هتعاقبهم على الإضراب
صحيح ان الازمة الاساسية اتحلت وحركة المرور اللي وقفت محلك سر رجعت تاني لطبيعتها.. وعلى الرغم منواستجابة وزير النقل لمطلب العمال وقبوله لاستقالة رئيس اشركة- صحيح عينه مستشار فني لوزير النقل- لكن مش هي ديه المشكلة، المشكلة ان النقابة العامة الرسمية للمترو اعلنت انها هتحاسب كل نقابي شارك في التحريض على الاضراب أو لم يقم بتوعية العمال من الفئة الصغيرة التي تدير النقابة المستقلة وسيكون الحساب، وفقًا للقانون، وقف أو تجميد عضوية».
بلدنا بالمصري: تقرير اللجنة الشعبية لتقصي حقائق سيناء
الاحوال في سينا اكيد ما تسرش الحبيب اما العدو فهنياله.. واكيد ان مع كل اللي بيوصلنا من هناك وبنتابعه يوم بيوم في صورة بيانات رسمية وتحليلات سياسية وامنية الا ان الحقيقة لسة تايهة ومش باين لها راس من رجل.. النهاردة تم الاعلان عن تقرير جديد عن الاحوال في سينا فيه خلاصة الزيارة اللي قامت بيها الجبهة الشعبية لتقصي الحقائق في شمال سينا يمكن يكون فيه اللي ينور لنا الطريق وسكة السلامة
بلدنا بالمصري: مرسي بدل عبدالناصر .. امحي كل اللي فات
قال على راي المثل: من فات قديمه تاه.. ولو دخلنا في متاهة امحي كل اللي فات وكانه ما كان وسيبك منهم دة مافيش غيري، يبقى عليه العوض ومنه العوض في اللي بيتهياله ان السكة ديه سكة السلامة وهي في الحقيقة سكة اللي يروح ما يرجعش.. كل دة في حالة لو صحت الواقعة اللي حزب الكرامة النهاردة قايل فيها ما قال مالك في خمر.. ولو صحت يبقى دة اقل واجب بصراحة
بلدنا بالمصري: مصر تقرر سحب سفيرها في تل أبيب
لسه حالاً جايلنا خبر من التليفزيون المصري وهو مصر تقرر سحب سفيرها في تل أبيب
بلدنا بالمصري: ماذا أهم من صحة المصريين ؟!
من المصابين للاطباء اللي مازالوا مستبسلين في اضرابهم الجزئي عن العمل للمطالبة بحقوقهم وحقوق المواطن المصري المريض.. انضم لتاييد مطالبهم عدد كبير من الشخصيات العامة ولسة العدد في زيادة واصدروا البيان التالي تحت عنوان ماذا اهم من صحة المصريين
بلدنا: استغاثة الحجاج المصريين المرضى بالسعودية
: استغاثة الحجاج المصريين المرضى في السعودية هنعرفها من أ/ عماد قطري - إعلامي مصري مقيك بمكة المكرمة
بلدنا: نتائج زيارة أول وفد عربي للاجئين السوريين
اول الغيث عن نتايج الزيارة القصيرة المتاخرة اللي قام بيها اول وفد عربي لمخيمات اللاجئين السوريين على الحدود ما بين سوريا وتركيا واللي كنا جزء منه. تم الاعلان عنه النهاردة في مؤتمر صحفي في مقر مؤسسة المورد الثقافي والبقية تاتي
ياسر المناوهلي وأغنية ايه الجديد .. في بلدنا بالمصري
ايه الجديد .. الطير جناحه بيتربط لسه في حديد .. لسه العبيد عايشين عبيد ..
ايه الجديد .. الطير جناحه بيتربط لسه في حديد .. لسه العبيد عايشين عبيد ..
بالاقتناع , كل اللي فاضل يعلنوها .. عالمشاع ..
ان اللي خان كان مشتري .. وان اللي مات هو اللي باع ..
بالذمه مين المستفيد ؟ .. فرعون جديد ..
واللا القديم لساه ملك .. واللا احنا شعب بزمبلك .. يؤمر نطيع ..
يشخط نبيع .. معقول يكون لسه القطيع .. عايشين قطيع ..
وفرحانين .. بالمألسه والابلسه والملعنه ..
معقول تكون لسه الاماني .. رغم اللي كان مش ممكنة ..
بعد اللي فات .. بعد اللي مات ..
لسة السكات هو السكات .. رغم اللي كان ..
الحق مش محتاج بيان .. علشان يبان ..
الحق مش هايعود لواحد عاش جبان ..
يا شعب حر .. الحق يرجع بالميدان .. الحق يرجع بالميدان ...
الموكب .. ياسر المناوهلي في بلدنا بالمصري
ياصاحب المنصب . يامعدي بالموكب . دايس فخلق الله . فينا الحرس ترهب
ياحارس الموكب حامي حمى المنصب . ارحم عبيد الله . ياكتر مابترهب
بترهب اللي عايش . مطاطي الريح . بترهب اللي . منه وفيه بتزيح . بترهب اللى . حر وسكاته فصيح
عايش مطاطي الريح
منه وفيه بتزيح . تسحل كرامة شعب . حر وسكاته فصيح . يركب معاها الصعب
وقلبه منها جريح . ومربياله الرعب . وقراره برة كسيح
يامعلق الدبورة والنسر للتجريح . ابعد تشوف الصورة . فيها الجتت تلاقيح
كافي عليكم بقة . بكل نجمة ضريح . كافي عليه الشقى . من قلة اللحاليح
يامصر امتى تردي . انو شرع ده اللي يبيح . لاجل الوزير مايعدي . الأمن فينا يطيح
أسد علي وعلى اليهود نعامة . سلملي على مدريد وأوسلو وكامب ديفيد . وعلى الكرامة
يا أمة قومي . ازاري أو حتى زومي . عدوي بيأكلني وبيصنع هدومي
الوش شاحب ليه . والقمح دبلان ليه . والساقية عطلت ليه . محتاجة لتصريح
من جنابه للي . عايش مطاطي الريح . من سعادته للي عايش مطاطي الريح .
من فخامته للي عايش مطاطي الريح
سلح سلح سلح عدو وكوموه .. سلح سلح سلح بس اوعو تستخدموه
سلح سلح سلح عالشعب وصوبوه
ده الكرسي مريح . والوزير سريح . والبطانة حولايا . شغلالي مديح
معدلات تنمية . واهي أرقام للتسلية .. واهو شعب عايش عايش مطاطي الريح
من غلبه عايش عايش مطاطي الريح .. من قهره عايش عايش مطاطي الريح
قلة مندسة .. ياسر المناوهلي في بلدنا بالمصري
أنا رحت أنضم في مرة أنضم في مرة .. لقلة مندسة .. بالتهميش والظلم عمرها ماكانت حاسة .. لأنا رحت أنضم في مرة أنضم في مرة لقلة مندسة .. بالتهميش والظلم عمرها ماكانت حاسة .. لقيت خلق كتيرة تقول مصر بناسها .. بتاع يجي مليون وبيزيدوا لسة .. ياعيني على القلة يالليلي على المندسة .. فتشوني وأنا داخل فتشوني وأنا داخل .. بأيادي خارجية أيادي متلطخة بالفول والطعمية .. قلت في نفسي أكيد دي عجينة دولية لمحت بنت بعيد لمحت بنت بعيد ماشية بيافطة في الميدان .. ياتري مكتوب بالفارسي ولا مترجمة في لبنان .. تلاقي كاتبة عليها الحلوة دي من طهران .. ولا هاشوف في إيديها ألوان علم إيران .. قربت لقيت مصرية وكاتبة إحنا ليه بنتهان شاب بيعزف عود شاب بيعزف عود بأصابع خارجية .. تلاقي كاتب النوتة في أجندة دولية .. قربت لقيته بيعزف أغاني الشيخ إمام .. ويرودوا عليه الشعب يريد إسقاط النظام ..
بقى هيا دي القلة آه ياعرة الإعلام .. آه يابوق النظام يابوق النظام .. ياساقط الإبتدائية.. فيه إختراع إسمه قنوات فضائية .. يعني ماسمعتوش عن حاجة إسمها دش .. ولا مازهتوش من التضليل والغش .. وبعد ده كله لسه المذيع له وش ،
آه ياعم الإعلامي ياعم الإعلامي .. يابو الكلام شفاف طلتك على الشاشة توحي بالإسفاف .. بطل بعقولنا كدب وإستخفاف ..
أنا رحت أنضم في مرة أنضم في مرة لقلة مندسة .. بالتهميش والظلم عمرها ماكانت حاسة المنظومة فاسدة من ساسها لراسها ...
أفرفش نفسي .. ياسر المناوهلي في بلدنا بالمصري
ساعات أفرفش نفسي .. وأطلع من مودي
باسترجع أمسي .. وأحلم بوجوي
أحلم وأتمنى .. يامصر تعودي
خاطفينك عسكر وأللا حرامية .. وأللا جماعة انتهازية
وزهرة شبابك .. صبحو معدية
ترا را رات .. ترا را رات .. ترا را رات
في ناس في حيرة أنا شايف .. مالهاش معنى
عايزين ينتخبو الأخ .. وخايفين ليبيعنا
وناسيين رقص الخيل .. وميدان جمعنا
نفسي نتصالح .. وننسى المصالح
وربك بيسامح .. وان عادو عدنا
اسلامو فوبيا .. عاملاه الميديا
يشربو كروديا .. ونشرق بيه احنا
قال عزل سياسي .. أتاريه كان ناسي
يستثني منهم .. مرشح رياسي
مبعوت في مهمة .. تاني يحني راسي
واحد اتنين .. صوت الحق فين
ازاي يساوي .. عقلك بين اتنين
اللي عليه ليك دم .. واللي عليه ليك دين
ترا را رات .. ترا را رات .. ترا را رات
ساعات أفرفش نفسي .. وأطلع من مودي
باسترجع أمسي .. وأحلم بوجوي
أحلم وأتمنى .. يامصر تعودي
ردي وقوليلي مين دول يابهية .. اتهد حيلي مالرباطية
من طول ليلي .. امتى الفجرية
ترا را رات .. ترا را رات .. ترا را رات
بلدنا: الثورة واللي يتشددلها على حس ياسر المناوهلي
بنمسي على اللي طول عمر الجيتار صاحبه وعمره ما كان له كار.. لا قبل الثورة ولا بعدها غيرش بس ان الثورة لما ندهت بعلو الصوت كان رده هو وصاحب عمره: شبيكي لبيكي.. انضموا للقلة المندسة عن طيب خاطر ومن ساعتها وهم في صف الثورة .. معاها ووراها مهما كان الزمن طويل
ليست هناك تعليقات:
إرسال تعليق