برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الاثنين 19 نوفمبر 2012 من قناة ONTV يوتيوب كاملة
ON Tube: توابع القصف علي غزة
البدايه من غزة. واول فيديو هنشوف فيه لقطات مختلفة من داخل القطاع .. لاثار القصف الاسرائيلي عليه .. واللي تعدت اعداد الصواريخ اللي استخدمها الكيان الصهيوني 200 صاروخ .. وتعدا عدد الشهداء ال90 شهيد.
والفيديو ده بيعد دليل واضح على وحشية الكيان الصهيوني في هجماته .. وضربه لكل القواعد والمقاييس الدولية لحقوق الانسان .. وتاكيدا على تجاهله ردود الأفعال الدولية والعربية.
ON Tube: لقطات للقذف من داخل إسرائيل
واحنا بنبحث عن مقاطع تبين المأساة اللي بيعاني منها اهالي غزة .. وبنحاول نحصر اثار الدمار ومشاهد القصف الاسرائيلي الغاشم على القطاع .. اتضح ان الكيان الصهيوني بيحاول يستغل اي فيديو بيظهر فيه صاروخ من كتائب عز الدين القسام الموجهة لاحدى المدن الاسرائيلية ..عشان يقولوا للعالم انهم مظلومين و بيدافعوا عن انفسهم .. رغم الفارق الهائل بين الدمار اللي بيحصل في غزة واعداد الشهداء هناك .. وما يحدث للمدن الاسرائيلية من اصابات طفيفة لا تقارن بما يفعلوه في غزة.
الفيديو التالي من إحدى المدن في جنوب اسرائيل .. وبنشوف فيه بعض الصواريخ الموجهة للمدينة من غزة .. واصوات مواطنين اسرائيليين خائفين. لكن اللي كان مكتوب على الفيديو انهم بيواجهوا الموت .. ولابد انهم يدافعوا عن انفسهم من الفلسطينيين الاشرار على حد وصفهم. وأعتقد إن الحقيقة لوغابت عن أي حد .. لا يمكن تغيب عننا .. لأنها واضحه وبينة وضوج الشمس.
ON Tube: فرنسا تتضامن مع غزة
الازمة في غزة بتشهد حالة من التعاطف والتضامن من قبل مجتمعات دولية و عربية كتير. فالعديد من الانجليزواليونانيين والفرنسيين وغيرهم خرجوا في شوارع بلادهم في مسيرات تضامنية مع اهالي وشهداء غزة. واعلنوا في هتافاتهم ولافتاتهم اعتراضهم الشديد على سياسات الكيان الصهيوني.
الفيديو اللي جاي من مدينة تولوز جنوب فرنسا .. وبنشوف فيه اعداد من الفرنسيين و العرب في المدينة وهم بيحملوا اعلام الدولة الفلسطينية .. وبيهتفوا مطالبين بوقف العدوان على غزة.
ONTube: جولة في أخبار تويتر وفيسبوك اليوم 19/11/2012
هانروح للمحمد مرعي عشان نشوف معاه أخر التويتس والهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير محمد إيه الجديد عندك؟
ON Tube: إشتباكات في شارع يوسف الجندي
معنا عبر الهاتف محمد الخولي - مراسل أون تي في لايف - شارع محمد محمود توجد إشتباكات في شارع يوسف الجندي بين الأمن و المتظاهرين والعديد من الإصابات تخرج من شارع الجندي
ON Tube: ذكريات محمد محود
تاني يوم .. زي النهارده 19 نوفمبر ٢٠١١.. قامت قوات الأمن بفض الاعتصام بالقوة ..بحجة إن العشرات اللي كانو في الصينية بتاعت ميدان التحرير ..معطلين المرور. وكالعادة قوات الأمن استخدمت العنف المفرط .. مما ادي إلى اصابة اتنين من المعتصمين واعتقال اربعة .. وكالعادة برضه .. العنف المفرط من جانب قوات الأمن .. ادي إلى تدفق اعداد من المتظاهرين إلى الميدان
ON Tube: لقطات مجمعة لأحداث محمد محمود
وبدأت المعركة .. على مدار خمس آيام مش بس في القاهرة .. لكن في محافظات تانية زي اسكندرية والسويس و غيرهم .. كلهم كان وجعهم واحد و ..هدفهم واحد. وزي ماكان كل المتظاهرين هدفهم واحد .. تعامل الأمن كان برضو واحد. سيل من القنابل المسيلة للدموع اللي موقفش. طلقات الخرطوش اللي كانت بتتنشن على العنين بلا رحمة .. وفي المقابل كان فيه بطولات للمتظاهرين.. يمكن تحتاج سنين لحكيها
ON Tube: لقطات من داخل المستشفي الميداني بمحمد محمود
الشهر اللي فات كنا بنتابع احياء ذكرى مذبحة ماسبيرو .. والنهارده بنتابع احياء ذكرى أيام محمد محمود .. والشهر اللي جاي عندنا ذكرى احداث مجلس الوزراء. هل احياء الذكرى بيطفي الألم؟ هل اعادة احياء الأيام الصعبة واللحظات الموجعة .. ممكن تكون بتقلل الوجع ؟ هـل التذكير بالدم اللي سال .. هيجيب حقه ؟
ON Tube: عودة النشطاء المصريين من غزة
بعد سنة لسة سؤالنا كلنا مختلفش .. مين الجاني؟ ياترى هنوصله؟ ولا هنفضل في سيناريو فقدان أرواح المصريين .. شباب وأطفال وشيوخ وسيدات .. لو مش في مظاهرة يبقى في ماتش ولا قطر ولا أتوبيس ولا عمارة توقع ولا ولا .. ربنا يسترها على بلدنا.
من احياء ذكرى واحدة من أهم محطات ثورة مصر وأطول مواقعها .. ماينفعش ننسى إن النضال واحد. ويمكن أكبر دليل على ده كانت القافلة الشعبية اللي اتجهت لغزة بالأمس .. وبالفعل عبروا إلى الاراضي الفلسطينية .. ورجعوا بالسلامه منذ قليل إلى أرض الوطن.
هتكون معانا حالا الناشطة جي جي ابراهيم .. وهي كانت من ضمن النشطاء اللي كانوا هناك.
مساء الخير وأهلا بيك معانا على أون تيوب وحمد الله على السلامة
ON Tube: ما هو سبب إحياء ذكري محمد محمود
دكتور سعيد مساء الخير واهلا بحضرتك معانا مرة تانية على أون تيوب
في البداية إيه سبب حرصنا على احياء الذكريات المؤلمة؟ ده ممكن يفيد بإيه؟
الدكتور سعيد عبد العظيم أستاذ الطب النفسي بـجامعة القاهرة هل اعادة احياء ذكريات موجعة .. ومحاولة إننا نعيشها مرة تانية .. ده بيعالج من أثارها؟
حضرتك كطبيب نفسي بتشوف المحطات الدموية في الثورة زي ماسبيرو , محمد محمود مثلا إزاي؟ وتأثيرها على الناس اللي عاشوها .. بيكون سلبي الى أي مدى؟ وهل لي أي جتنب إيجابي؟
ON Tube: ضد التقشف في سلوفينيا
من اوروبا ايضا .. اللي بتشهد حاليا موجة قوية من الاحتجاجات الشعبية في عدد من دول الاتحاد الاوروبي .. بسبب الازمة الاقتصادية اللي اجتاحت العديد من الدول الاوروبية .. وسياسات التقشف اللي هتطبق من حكوماتهم.
الفيديو اللي جاي من سلوفينيا .. وبنشوف فيه تظاهر حوالي 30 ألف شخص .. احتجاجا على خطط الحكومة التقشفية اللى بتهدف إلى خفض النفقات .. حيث تضررت سلوفينيا ايضا وبشكل كبير .. من الأزمة المالية.
و تضمنت هذه الإجراءات خفض أجور عمال القطاع العام لكى لا تحتاج البلاد إلى طلب مساعدات .. وهى الإجراءات اللى بيصفها رئيس الوزراء السلوفينى المحافظ (يانيز يانسا) بالضرورية.
لكن الجميل في الفيديو ده .. هو ان السلوفينيين خرجوا بشكل محترم وسلمي جدا ليعبروا عن رفضهم لسياسات حكومتهم التقشفية .. والشرطة ايضا تعاملت بشكل حضاري جدا معاهم وكانت متواجدة فقط لحماية المتظاهرين .. لا لقمعهم او منعهم من ممارسة حقهم في التظاهر
ليست هناك تعليقات:
إرسال تعليق