نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاثنين 19 نوفمبر 2012 من قناة ONTV يوتيوب كاملة
من جديد: إعلان عن مليونية يوم الجمعة القادمة 23 نوفمبر
من ناحية تانية أعلن عدد من الأحزاب السياسية والقوى الثورية عن تنظيم مليونية يوم الجمعة القادمة 23 نوفمبر تحمل اسم عيون الحرية لإحياء الذكرى ... ذكرى أحداث محمد محمود .
من جديد: إشتباكات في ذكري محمد محمود
النهاردة نظم الالاف من المتظاهرين مسيرات عديدة لإحياء الذكرى الأولي لأحداث محمد محمود واللي اسفرت عن وفاة العشرات وإصابة المئات من المتظاهرين المظاهرات خرجت من عدد من الجامعات والمناطق والأحياء واتجمعت عند ميدان التحرير وبالأخص شارع محمد محمد اللي شهد الآحداث
من جديد: صرف 50 ألف جنيه لكل حالة وفاة و12 ألف لكل مصاب
بعد 3 تيام من جريمة أسيوط اللي راح ضحيتها أكتر من 50 طفل .. خرج رئيس الوزرا يتكلم عن مسألة التعويضات .. الدكتور هشام قنديل أعلن انه حيتم صرف 50 ألف جنيه لكل حالة وفاة و12 ألف لكل مصاب.. الغريب ان الدكتور قنديل
استنكر ماتردد حول رصد الحكومة 4 آلاف جنيه لكل أسرة فقيد، في حادث القطار.. اولا احنا قولنا 5 مش 4 .. ثانيا كل وسائل الاعلام نشرت مسألة التعويضات على لسان مسئولين ومنهم الدكتورة نجوى خليل، وزيرة التأمينات والشئون الاجتماعية اللي أكدت انه حيتم صرف 5 آلاف جنيه لأسرة كل طفل متوفٍ فى حادث أسيوط، و1000 جنيه لأسرة الطفل المصاب،برضوة يا دكتور قنديل اهالي الضحايا مش مستنينين تعويض.. والمصريين كلهم مش مستنيين انك تطلع عليهم وتقول التعويض بقى كذا.. المصريين كانوا مستنيين ان اي مسئول يطلع او يطلع عليهم الريس ويقولهم .. احنا عندنا كذا مزلقان .. حنبتدي في تطويرهم في اد كذا وده حيتكلف اد كذا مش الكل عمال يطلع ويقول حنعمل وحنسوي ومحدش بيتكلم في حاجة محددة .. الكل يقولك التركة القديمة .. لا دلوقتي الشيلة شيلتكو.. ما تعمليش لجنة تقصي الحقائق وفي الآخر تتحط تقاريرها في الدرج.. زي اللي عمله الدكتور يحيى كشك محافظ أسيوط وقرر تشكيل لجنة لتقصي الحقائق .. هي المزلقنات محتاجة لجنة يا سياد المحافظ.. هو انت كنت فين قبل كدة .. ليه ما تطلعشي وتقول احنا حنبتدي نظبط المزلقنات عشان ولادنا غاليين علينا.. ومش عاوزين يحصل الكلام ده تاني.. ليه كل محافظ بيبتدي يتحرك .. بعد ما المصيبة تحصل.. ليه ما يقومشي كل محافظ.. غير محافظ أسيوط ويشوف المزلقنات عنده قبل ما مصيبة تانية تحصل.. للتذكرة برضوة احنا حنناقش تقرير لجنة تقصي الحقائق اللي راحت ورجعت وعملت تقريرها قبل ما يقرر محافظ أسيوط .. عمل لجنة عنده.. وحنشوف أبرز ما توصلت ليه.. لعل وعسى انها تلاقي حد يسمعها.. من ناحية تانية فنيابة أستئناف القاهرة استأنفت التحقيق مع وزير النقل المستقيل المهندس محمد رشاد المتيني وعدد آخر من المسئولين ومنعا عبر الهاتف
مداخلة مع عمر حسانين مساعد رئيس تحرير جريدة المصري اليوم
من جديد: مسؤولية وزارتي النقل والصحة في حادث أسيوط
في الحقيقة كتير شايف ان المسئولية لم تقع على عاتق وزير النقل وحدة لكن أيضا بتقع على وزير الصحة أيضا ومساعديه ومن بينهم حركة أطباء بلا حقوق واللي اكدت انه يجب اقالة وزير الصحة ومساعديه بسبب التأخر في نقل المصابين إلى المستشفيات وسرعة علاجهم والتسبب في وفاة أخرين بسبب التأخر في انقاذهم خصوصا بسببب عجز المستشفيات في استقبال المصابيين ...
هنعرف تفاصيل أكتر من أطباء بلا حقوق د. عمرو الشوري عضو حركة أطباء بلا حقوق وينضم معنا أيضاً محمد سلطان رئيس هيئة الإسعاف المصرية
بيان الداخلية حول الإشتباكات في ذكري محمد محمود
هنرجع تاني في محمد محمود وهناك بيان من وزارة الداخلية حول إحياء ذكري محمد محمود حيث صرح مسؤل أن المظاهرات أتسمت بالسلمية ومساء اليوم تواجد العديد في المنطقة إطلاق بعض المتظاهرين بالرشق بالحجارة مماد إدي إلي إصابة 3 ضباط و 5 مجندين بجروح و حروق متفرقة
من جديد: مؤتمر لرؤساء الأقسام بمستشفيات أسيوط الجامعي
من جانبهم عقد عدد من رؤساء الأقسام بمستشفيات أسيوط الجامعي مؤتمر صحفي أكدوا فيه ان جميع الحالات المصابة في الحادث وصلت إلى وحدة الطوارىء والإصابات خلال الفترة ما بين الساعة 8 إلا ربع و8 صباحا وأكدوا ان 17 من المصابيين كانوا هيموتوا في الحال لولا اسعافتهم اللي اجروها للمصابين وسرعة انقاذهم ... ووجهوا اللوم لوسائل الإعلام لإنها رصدت السلبيات فقط دون التركيز على مجهودتهم .
تجدد الإشتباكات بالقصر العيني في ذكري محمد محمود
مداخلة مع محمد الخولي مراسل او تي في من شارح محمد محمود تجدد الإشتباكات بين المتظاهرين و الأمن في شارع القصر العيني من شباب ملثمين
من جديد: مؤتمر للتأسيسية للرد علي الأعضاء المنسحبين
النهاردة الجمعية التأسيسية لوضع الدستور عقدت مؤتمر صحفي للرد على اعضاء الجمعية اللي اعلنوا انسحابهم ... وللدفاع عن الجمعية وعملها وعرض جهدها في كتابة الدستور الجديد .. كمان عرضوا وثائق تكشف التوافق اللي تم ما بين القوى الإسلامية والمدنية على المواد الخلافية داخل الجمعية التأسييسة قبل ما القوى المدنية تعلن انسحابها .. وأكدوا ان الجمعية لا تريد سلق الدستور الجديد كما يدعى البعض وقال انهم استهلكوا اكتر من 60 ألف ساعة حتى الآن في مناقشة الدستور الجديد يعني كل مادة استغرقت حوالي 300 ساعة في المناقشة والإستعداد ...
بعد عودة لجنة تقصي حقائق كارثة أسيوط .. في من جديد
من جديد اهلا بحضراتكو .. لسه أحداث كارثة قطار اسيوط فارضه نفسها على الساحة السياسية وكمان الشعبية، كل الناس بتتكلم عن الحادثة، ما بين مشاعر حزن وغضب ،كل الجهات بتتحرك وبتحاول تعمل حاجة، .. النيابة بتحقق مع المتهمين .. الحكومة رفعت سقف التعويضات الى 50 الف للمتوفي بدل 5 ألاف ، و12 الف لكل مصاب " صحيح فولس الدنيا مش هتعوض ضفر طفل من اللي راحوا، لكل أهو اجراء جديد" .. الشخصيات العامة هي كمان بتزور مكان الحادث وبيلتقوا مع اسر الضحايا ويوسوهم .. منظمات المجتمع المدني وحقوق الانسان بتتحرك هي كمان، وأخر تحركاتها هو قيام لجنة الشكاوى بالمجلس القومي لحقوق الانسان، بارسل بعثة تقصي حقائق لاسيوط علشان يقييم الموقف ويعرف ايه هي اسباب الكارثة دي .. البعثة توصلت لنتائج وحقائق هنعرفها من ضيفنا الاستاذ محمد زارع رئيس مكتب الشكاوى بالمجلس القومي لحقوق الانسان .. اهلا بيك معانا في من جديد
بعيون المصورين .. أحداث محمد محمود في من جديد
من جديد أهلا بحضراتكو.. أنهارده بيكون مر سنة علي أحداث محمد محمود .. سنة على وفاة حوالي 47 شاب أضيفوا لشهداء الثورة.. سنة على اليوم الأحداث اللى أطاحت بوزارة الدكتور عصام شرف وأسقطت وثيقة الإعلان الدستوري المكمل اللي كانت معروفه وقتها بوثيقة علي السلمي.. سنة على أحداث أجبرت المجلس العسكري أنه يعلن جدول زمني محدد لتسليم السلطة وإجراء الانتخابات الرئاسية، سنة على أحداث شهدت أكبر عملية إصابة لعيون المتظاهرين بسبب استخدام الشرطة للخراطيش لتفريقهم، واللى اتسببت فى أن أحمد حرارة يفقد عينه التانية فى أحداث الثورة..بالتأكيد في ناس لولاهم..ما كنا عمرنا ما حنشوف اللي حصل أو اللي جرى.. وهما زمايلنا المصورين الصحفيين، مصورين كتيير اتصابوا فى الأحداث دى .. المصري اليوم اصيب منها 3 مصورين والأهرام 2 واليوم السابع 5 مصورين..
معانا إنهاردة ضيوفنا عمرو صلاح وأحمد جمعة المصوريين الصحفيين والمصابيين أيضاً فى أحداث محمد محمود. هيكون معانا كمان عدد من الصور اللى محتفظين بيها عن أحداث محمد محمود وذكرياتهم معها
ليست هناك تعليقات:
إرسال تعليق