نشاهد اليوم
برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الاحد 18 نوفمبر 2012 من قناة ONTV يوتيوب كاملة
ONTube: جزيرة القرصاية .. أصبحت محل نزاع
خلونا نبدأ من أخر المواضيع المثارة على المواقع الاجتماعية. النهاردة الصبح بدا المستخدمين يتداولوا اخبار لها علاقة ب(جزيرة القرصاية) بالقرب من منطقة المنيب.
الجزيرة دي للي ميعرفش عنها حاجة .. هي الان محل نزاع بين مجلس الوزراء واهالي الجزيرة. جذور الموضوع هو إن الجزيرة دي كانت وقعت في مشكلة سابقة مع مجلس الوزراء .. وحسمت المحكمة الإدارية العليا في عام 2010 الخلاف بين مجلس الوزراء وسكان جزيرة القرصاية .. بإصدارها حكم نهائي يقضي بأحقية سكان الجزيرة في البقاء بمساكنهم .. حفاظا علي استقرارهم وضمانا لأمنهم .. وحماية للسلم الاجتماعي. وأكدت المحكمة أن هذا الحكم يستند إلي بنود الدستور المصري الذي يحمي حق المواطن في السكن والعمل .. باعتبارهما من الحقوق الأساسية له. سبب النزاع ده كان بدء في عام ٢٠٠٧ .. لما مجلس الوزراء أصدر قرارا بإخلاء الجزيرة .. ليجعلها محمية طبيعية.
الفيديو اللي أمام حضراتكم دلوقتي من عام 2007 .. وبنشوف فيه اهالي الجزيرة واعتراضهم على محاولات اخلاء الجزيرة.
دلوقتي .. بعد عامين من حكم المحكمة .. يبدو إن في محاولات جديدة لأخلاء الجزيرة. للأسف وقعت بعض الاشتباكات .. مات على اثرها مواطنين من أهل جزيرة القرصاية .. واصيب 5 مجندين. مش مفهوم بصراحة إيه سبب محاولة الإخلاء هذه المرة .. خصوصا بعد حكم المحكمة الصادر في ٢٠١٠. وبخصوص الموضوع ده .. اصدرت القوات المسلحة البيان التالي صباح اليوم :
في إطار متابعة حادث قيام بعض الأفراد بغلق طريق البحر الأعظم وإثارة بعض أعمال الشغب والفوضى في المنطقة عقب قيام عناصر من القوات المسلحة بإخلاء جزيرة القرصاية ( أسفل الطريق الدائري من المنيب -- على النيل ) والتي تعرضت للتعدي عليها بواسطة بعض الأفراد والأهالي فجر يوم الجمعة (16-11-2012)
ONTube: جولة في أخبار تويتر وفيسبوك اليوم 18/11/2012
هانروح لزياد سالم عشان نشوف معاه أخر التويتس والهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير زياد إيه الجديد عندك؟
ONTube: غزة .. مسلسل من التوتر والقصف والقتل
من مصر و كوارثها نروح لغزة والقصف اللي بتشهده. إنهارده دخل القطاع يومه الخامس منذ تصعيد الكيان الصهيوني لهجماته عليه .. واستشهاد ما يزيد عن 50 فلسطيني حتى الان .. وسط صرخات دولية منددة بالظلم اللي بتتعرضله غزة .. ومطالبات بوقف العمليات العسكرية الصهيونية عليه. وفي نفس الوقت بتحاول كتائب عز الدين القسام الرد على هجمات اسرائيل الشرسة .. بتوجيه صواريخ في مناطق مختلفة بجنوب اسرائيل وحتي تل ابيب.
معانا على سكايب من القدس المحتلة الناشط الفلسطيني معاذ مصلح
ONTube: حادث قطار أسيوط .. مشهد مؤلم لمصر
فخامة الرئيس الدكتور محمد مرسي .. بعد التحية
بالأمس فقدت مصر أكتر من 126 ابن من أبنائها في حوادث سير .. مابين حوادث عربيات وقطارات. سيدي الرئيس النزول من البيت والرجوع ليه بقي هدف في حد ذاته و مغامرة ..بقى المواطن بيصحى من النوم يروح شغله أو جامعته أو حتى مدرسته ..وبيحمد ربنا لما يرجع بيته في آخر اليومسليم . إن البنت تنزل و ترجع من غير ماحد يتعرضلها بـلفظ أو فعل منغير .. ماحد يقص شعرها في المترو.. و إن الراجل ينزل و يرجع منغير ماحد يسرقه في الشارع .. أو يقاسمه في قوته وقوت ولاده .. تخيل سيادتك إن ده بقي بالنسبة لناس كتير حلم بعيد المنال . ده حتى بقة المواطن بيحلم إن لوابنه لاقدر الله اتصاب في حادثة .. يلاقي مستشفى فيها قسم طوارئ مجهز يقدر ينقذ حياة إبنه .
احنا عارفين إن كل شيء قضاء وقدر .. بس ربنا قال خدوا بـالأسباب. فهل إن المستشفيات متبقاش مجهزة بأساسيات الطوارئ .. وإن ولاد مصر هم اللي ينزلوا امبارح يلموا مستلزمات طبية من الصيدليات ويروحوا أسيوط بنفسهم عشان يودوها .. ده اخذ بالاسباب ؟ هـل إن مزلقانات القطورة ميبقاش فيها جرس إنذار أو حتى لمبة .. مش بس كده ده مايبقاش فيها عامل مؤهل يؤدي وظيفته .. ده اخذ بالأسباب ؟ إن يبقى في طلبة بيدرسوا في الشارع بقالهم أكتر من شهرين ده اخذ بالاسباب ؟ إن الاطباء وعُمال السكة الحديد اللي اضربوا واعتصموا عشان ماكانش عندهم حل تاني إنهم يوصلوا صوتهم إنهم مش قادرين يقوموا بواجبهم عشان نقص الامكانيات ويتم تجاهلهم .. ده اخذ بالاسباب ؟
سيدي الرئيس
إل ٥٠ طفل أكيد دلوقتي في مكان أفضل - بس كام واحد فيهم اتألم بشدة وهو بيموت؟ كام واحد نزف إلى الموت؟ كام واحد كان حاسس بكل لحظة من اللحظات الأخيرة في حياته .. وكان بيصرخ وبيتمنى ان أمه تيجي تحضنه؟ كام واحد قبل ما يموت جسديا مات من الخوف .. كام واحد شاف أخوه ولا أخته مفرومين قبل ما هو كمان يموت؟ كام واحد مصاب اتنقل المستشفى وملقاش فيها حتى البنج ؟ كام اب وأم فقدوا ولادهم للابد ؟
يمكن الناس تنسى واحنا ننسى .. بس سرايرهم هتفضل فاضية ولعبهم على الأرض عشان تفكرنا إن عدل ربنا لازم يتنفذ. اللي غلط واهمل لازم يعترف بغلطته ويتحاكم مهما كان منصبه. كفانا دماء مهدرة .. كفانا ترخيص لقيمة المواطن المصري .
طبعا من امبارح وفي كم فيديوهات والأخبار و صور إتنشرت عن الحادث المأسوي اللي شهدته محافظة اسيوط على مزلقان في منفلوط. وانتشرت ايضا التسؤلات عن المسئول عن هذه الكارثة. هيكون معانا عبر سكايب المخرج (مازن سعيد) .. اللي توجه الى أسيوط أمس بعد وقوع الحادث. ويمكن مازن قدر في الفيديو اللي هنشوف جزء منه دلوقت .. انه يكون عين لينا كلنا في موقع الحادث .. لانه قام بتصوير المزلقان وعمل لقائات مع شهود عيان واقارب الضحايا .. وراح المستشفى .. عشان في النهاية يدينا فيديو خالي من أي تلاعب أو تجميل .. وبيلخص المشهد في منفلوط. نشوف الفيديو ونرجع نتكلم مع مازن.
ليست هناك تعليقات:
إرسال تعليق