نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الخميس 15 نوفمبر 2012 من قناة ONTV يوتيوب كاملة
من جديد: مرسي يحذر إسرائيل بشأن العدوان على غزة
السلام والتحية على حضراتكو واهلا بيكو معانا كل سنة وحضرتكو طيبين بمناسبة العام الهجري الجديد..وفي وسط الأيام المفترجة اللي احنا فيها إسرائيل بتصعد عدوانها وجرايمها على قطاع غزة واللي أدت إلى سقوط 13 شهيدا و115 جريح لغاي دلوقتي، وعلى الناحية التانية في تصعيد في المواقف ضد العداون من جانب مصر.. سحب السفير المصري من اسرائيل ومغادرة السفير الإسرائيلي مصر .. اجتماعات طارئة للرئيس مرسي مع رئيس الحكومة ووزير الدفاع وتصريحات نارية، ومسيرات، والدكتور مرسي بيحذر اسرائيل وتحرك مصري على أكتر من صعيد.. وبكرة الدكتور هشام قنديل حيتوجه لقطاع غزة في زيارة هي الأولى.. من نوعها..خلال أزمة زي ديه.. معانا الدكتور محمد فتحي رئيس اللجنة الإعلامية بنقابة الصيادلة .
سمير غطاس: مصر كانت على علم بالغارة الإسرائيلية على غزة
ما المشهد في غزة .. كل شوية بنتفاجئ بتصريحات جديدة وهناك العديد من التحركات .. معانا الأستاذ سمير غطاس مدير مركز مقدس للدراسات الإستراتيجية .
من جديد: مظاهرة غداً لمساندة الشعب الفلسطيني
من ناحية تانية قوى وتيارات سياسية على رأسهم جماعة الإخوان السملين دعت للتظاهر غدا الجمعة لمساندة الشعب الفلسطيني والتنديد بالعدوان الإسرائيلي على قطاع غزة ... ومن النهاردة بالفعل نظمت عدد من التيارات السياسية مسيرات للتنديد بالعدوان .. معانا الدكتور خالد سعيد المتحدث بإسم الجبهة السلفية .
من جديد: العريان يطالب بإستفتاء شعبي لعودة البرلمان
الغريب وسط اللي احنا فيه نلاقي تعليق غريب جدا من الدكتور عصام العريان وهو طلبه من الدكتور مرسي اجراء استفتاء شعبي لعودة مجلس الشعب المنحل ودا لية لأنه قال " هل يتصور وطنى أن تكون حدودنا الشرقية تشهد بداية حرب وليس لدينا برلمان!! لماذا ﻻ يستفتى الرئيس الشعب على عودة البرلمان الذى انتخبه 32 مليون مصرى... هو احنا في ايه ولا احنا في ايه .. ليه ديما يتم استخدام المصايب في أهداف سياسية .. زي جريمة رفح اللي استهدفت اخوتنا ساعة الفطار.. معانا أحمد خيري المتحدث بإسم حزب المصريين الأحرار
من جديد: مؤسس 6 إبريل يعلن تجميد عضويته من التأسيسية
نروح لملف التأسيسية واللي نقشناه مع حضراتكم امبارح مع ضيفنا الإعلامي حمدي قنديل ... الانسحابات تتواللى في الجمعية والنهاردة أحمد ماهر مؤسس حركة 6 أبريل وعضو الجمعية التأسيسية أعلن تجميد عضويته بالتأسيسية بسبب تجاهل الجميعة لمطالب القوى المدنية .. معانا أحمد ماهر مؤسس حركة 6 ابريل .
من جديد: الكنيسة تدرس سحب ممثليها من التأسيسية
هناك أيضاً الحديث عن أن الكنيسة تفكر في إنسحابها من الجمعية التأسيسية .. معنا جون طلعت الناشط السياسي.
من جديد: مطالب الباعة الجائلين في الأسكندرية
اخر حاجة معانا النهاردة في اسكندرية .. وهي أزمة الباعة الجائلين.. اللي ديما بيوجهوا مشاكل عشان عدم تقنين أوضاعهم.. وكل فترة تحصل مشكلة كبير في اسكندرية زي اللي حصلت لبياعين الكتب في النبي دنيال.. احنا سمعنا لمطالب الباعة الجائلين في الاسكندرية من اتنين من ممثليهم.
من جديد: عمال المترو يلوحون بالإضراب للمرة الثانية
امبارح كان اضراب سائقي وعمال المترو واللي وصل لمدة 6 ساعات وانتهى بعد استبعاد رئيس الشركة المصرية لإدارة وتشغيل مترو الأنفاق ... والنهاردة النيابة العامة أمرت بضبط وإحضار عدد من العاملين المحرضين على الإضراب واللي كان تسبب طبعا في شلل تمام بمحافظات القاهرة والقاهرة الكبرى ... من ناحيتهم هدد عدد من العاملين بالإضراب مرة أخرى في حالة احالة زملاءهم للتحقيق ... معانا ميساء فهمي الصحفية بجريدة الشروق .
من جديد: مشاكل ومطالب سائقي التاكسي الأبيض
غير مشكلة العاملين في المترو، فيه مشكلة مستمرة لغاية دلوقتي وهي أزمة سواقين التاكسي الابيض اللي كل وزير مالية يرمي مشكلتهم لحد ما يمشي ويجي اللي بعده، ويبتدي الوزير الجديد الحكاية من الأول ويقولهم ادوني فرصة عشان اشوف المشاكل التانية، وفي الآخر محدش ساعمهم ولا حساسس بيهم..بس احنا رحنالهم، وشوفنا مشاكلهم وصلت لفين
في حب النبي .. المنشد حسام صقر في من جديد
من جديد اهلا بحضراتكو .. النهاردة رأس السنة الهجرية كل سنة وحضراتكوا طيبين .. وعلشان المناسبة دي قررنا تكون حلقة النهاردة لها طابع خاص بيتناسب مع روحانيات المناسبة الدينية دي .. فقرتنا النهارده هيكون ضيفنا فيها منشد ديني نشأ فى أسرة صوفية، ودرس آلة العود والموسيقى الشرقية وبعدها التحق بفرقة الإنشاد الدينى التابعة لدار الأوبرا المصرية، واعتمد فى الإذاعة المصرية ، وبعدها أسس فرقته الخاصة اللي احيا من خلالها العديد من الحفلات الدينية بمختلف الدول العربية.. بنرحب المنشد الديني الاستاذ حسام صقر .. اهلا بيك في من جديد
ليست هناك تعليقات:
إرسال تعليق