نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاحد 30 سبتمبر 2012 يوتيوب كاملة
بلدنا بالمصري: كتر الكلام خيبة والعيب على الدولة
يسعد مساكم وحلقة جديدة من بلدنا بالمصري.. من بعد اخر اخبار بلدنا ولحد اخر الحلقة هنحاول على قد ما نقدر نسمي الحاجات باسماءها فيما يخص اللي صار واللي كان لاهالي رفح من الاقباط في اليومين اللي فاتوا ما بين تهديد كدة على الماشي وعلى قد ما اوسم ما اتخدش بجد فقلب بضرب نار على دكانة بقال من الاقباط .. خاف وخافوا اللي زيه من اقباط رفح.. منهم اللي صمم يقعد في داره مهما حصل ومنهم اللي خاف عياله فخد حاله ومحتاله وطلع على العريش لحين ميسرة ولحين ما يكون عندنا دولة اولاً ودولة قانون ثانياً، تملى مركزها كدة وتعرف ازاي تحمي مواطنيها.. اللي قعد قعد واللي رحل رحل واللي رجع رجع.. واللي قال تهجير قال واللي نفى نفى واللي ادان واللي استنكر واللي دق اجراس الخطر اللي ياما دقت قبل كدة ولا حياة لمن تنادي اللهم الا شوية كلام لا يودوا ولا يجيبوا عن المواطنة والاخوة والمصري كريم عنصرين ونسيج الوطن الواحد.. وشكراً على كدة لحد ما الفاس تقع تاني في الراس نفس الوقعة واخطر وتقلب كل المواجع وتوجع اكتر.. والعيب مش في المصري هو فعلاً كريم العنصرين دة ان ماكانش عنصر واحد مش اتنين وكريم برده وزي البرلنت.. ولا العيب في النسيج ولا هو عيب خلقي.. العيب على الدولة اللي بتتكلم كتير - وزي ما احنا عارفين كدة ان كتر الكلام خيبة- خاصةً لما نكون محلك سر والدولة بترجع الي الخلف.
بعد اخر اخبار بلدنا هنسمي اللي صار واللي كان باساميه وبالفم المليان ومن غير لف ولا دوران..
بلدنا بالمصري: مناقشة أول رسالة ماجيستير في الطل
دايماً مع العسر يسر ومع الضيق فرج ومع الغم فرح.. صحيح ان طلبة جامعة النيل لسة مش راسيين على بر غير بر اعتصامهم اللي مصممين وراسهم الف سيف ما يروحوا بيوتهم الا وهم عارفين انه هيصبح عليهم الصباح في مباني جامعتهم.. لكن فرحتهم النهاردة بمناقشة اول رسالة ماجيستير في الطل هونت عليهم كتير من المر.
بلدنا بالمصري: أولى جلسات محاكمة أبو إسلام
نروح للقضايا والمحاكم والنهاردة كان فيه اكتر من قضية معظمها شاغل الراي العام بدرجات متفاوتة من اهمها اول جسلة من جلسات محاكمة ابو اسلام ومتهمين اخرين بتهمة ازدراء الاديان..
بلدنا بالمصري: إضراب الأطباء غداً والناس ؟
بكرة الاتنين الموافق ١ اكتوبر هو اليوم اللي تم الاعلان عنه كبداية للاضراب الجزئي للاطباء.. وعلى الرغم من تاكيدات الاطباء في بيانهم الاخير على حرصهم على صحة المرضى وحياتهم الا ان الناس لسة قلقانة على صحتها وحياتها والقلق دة اما عن نقص في المعلومات.. يمكن او بفعل فاعل الله اعلم..
تفاصيل أكتر معانا على الهاتف
د. منى مينا - عضو مجلس نقابة الأطباء
بلدنا بالمصري: إحالة شفيق للجنايات للتربح
النهاردة اصدر المستشار هشام رؤوف، قاضي التحقيقات المنتدب من وزارة العدل، بإحالة الفريق أحمد شفيق، و10 مسؤولين سابقين في وزارة الطيران المدني لمحكمة الجنايات، بعد اتهامهم بـ«التربح وتسهيل الاستيلاء على المال العام».
معنا على الهاتف
عمر حسانين - مساعد رئيس تحرير المصري اليوم
يحي قدري - عضو هيئة الدفاع عن الفريق أحمد شفيق
بلدنا بالمصري: إخلاء سبيل ٥٧ متهماً في أحداث السفارة
النهاردة تم اخلاء سبيل ٥٧ من المتهمين في احداث السفارة الامريكية
تفاصيل أكتر معنا على الهاتف
أ/ أحمد مصيلحي - المستشار القانوني للإتلاف المصري لحقوق الطفل
بلدنا بالمصري: تخفيف العقوبة على ٢١ من ضباط ٨ أبريل
امبارح اصدر الفريق أول عبدالفتاح السيسى، القائد العام للقوات المسلحة ووزير الدفاع، قرار بتخفيف العقوبة على 21 ضابطا من القوات المسلحة، اللي شاركوا في ثورة 25 يناير، والمعروفين بظباط 8 أبريل، لمدة سنة مع إيقاف التنفيذ.
بلدنا بالمصري: أهالي ضباط ٨ أبريل وتخفيف العقوبة
خلونا اولاً نتابع ردود فعل اهالي الظباط على قرار وزير الدفاع وبعدها هيكون لنا كلام تاتي
بلدنا بالمصري: ١٢ عاماً على قتل محمد الدرة
عمر الورد ما بطل يفتح في جناين الوطن العربي وعمر الغدر ما بطل يقطفها. زي النهاردة قطف السلاح الاسرائيلي على خوانة وقبل الاوان وردة كانت لسة يا دوب بتفتح في جناين فلسطين المحتلة
بلدنا بالمصري: كريم خزام .. كل سنة وانت طيب
يمكن الغدر يقدر على الورد بس لا يمكن يقدر على الشوك.. ديه من اجمل الكلمات اللي سمعتها عن ثورتنا وشهداءها.. سمعتها على لسان مواطنة لبنانية وكانت بتعلق على جرافيتي الشهدا في محمد محمود اللي اتمسح برده غدر في انصاص الليالي ومسافة ما طلع النهار كان الورد بيفتح تاني على الحيطان.. فقالت الورد اللي فتح في جناين مصر لسة له شوك.. والشوك دة هيفضل يجرح اللي يستجري يضيع حقهم او يمحي ذكراهم .. ولا عشنا ولا كنا لو نسيناهم او نسينا حقهم.. فخلونا نعيش ونفتكر شهيد الغدر والوردة اللي اتقطفت برده قبل الاوان كريم خزام.. يا كريم كل سنة وانت طيب ما كان ما تكون وكل سنة وانت عايش في قلوبنا انت واللي زيك ويقدرنا نجيب حقكم ونحقق حلمكم
بلدنا: المحكمة العسكرية تنظر غداً قضية 5 ضباط أخرين
امبارح اصدر الفريق أول عبدالفتاح السيسى، القائد العام للقوات المسلحة ووزير الدفاع، قرار بتخفيف العقوبة على 21 ضابطا من القوات المسلحة، اللي شاركوا في ثورة 25 يناير، والمعروفين بظباط 8 أبريل، لمدة سنة مع إيقاف التنفيذ.
لكن قايمة الظباط اللي شملهم القرار ما حبتش اي سيرة عن الظابط محمد طارق الوديع اللي مازال محبوس على ذمة قضية من قضايا النزول للتحرير دوناً عن غيره من الظباط اللي كانوا متهمين في نفس القضية وتم الافراج عنهم
تفاصيل أكتر معنا
أ/ محمد الريس - محامي ضباط 8 أبريل
بلدنا بالمصري: المواطنة وهيبة الدولة .. اللي صار وهيصير
ادي اللي صار وادي اللي كان.. الي صار دة بقة اسمه ايه؟!وهنترمخ عليه زي كل مرة وقال يعني يا دار ما دخلك شر لحد الشر ما يعشش جوة الدار ويصيب اهلها واحد ولا هنطلع راسنا من الرملة مرة من نفسنا ونبص في المراية ونحط ايدينا على العلة؟! والجماعة اللي بيكلمونا عن هيبة الدولة ليل نهار على الفاضية والمليانة لما خلوها قد السمسمة يادوب على قد حتة ماتش كورة.. دستور يا اهل الله يا بتوع هيبة الدولة؟! هي فين بقة هيبة الدولة في اللي صار واللي كان دة؟! وايه اخرتها؟! وايه اخرتها لو اللي صار دة لسة هيصير تاني زي ما صار اولاني؟!
اسئلة كلها ذات شجون هنستعين عليها بضيوفنا النهاردة
د. عمار علي حسن: المفكر السياسي والباحث في شؤون الجماعات الاسلامية
ا. حسام بهجت: مدير المبادرة المصرية للحقوق الشخصية
د. عمرو عبد الرحمن: الباحث في العلوم السياسية
ليست هناك تعليقات:
إرسال تعليق