نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الثلاثاء 23 اكتوبر 2012 يوتيوب كاملة
ريم ماجد: جمدوا قلبكم عشان المواجع ماهياش هينة
يسعد مساكم وحلقة جديدة من بلدنا بالمصري.. هنختمها على حس مهند سمير اخر متهم تم اخلاء سبيله اخيراً على ذمة قضية احداث مجلس الوزرا.. بس الحقيقة ان مهند هيكون حجتنا اللي معانا عشان نفكر اللي ناسي بشوية مواجع ما يصحش تتنسي ولا تهون.. ومن ضمنها مواجع هند نافع اللي اتاخرنا عليها سنة بحالها وحقها على راسنا.. ايام مجلس الوزرا، كانت هند معيدة قد الدنيا وكان مهند طالب شاطر في الثانوية العامة.. وفي ظرف اربعة ايام من ١٦ ديسمبر ل٢٠ ديسمبر ٢٠١١ هند ومهند اتحولوا بقدرة قادر من متظاهرين سلميين لمصابين وشهود عيان.. وبقدرة قادر اتحولوا من شهود عيان لمتهمين على ذمة قضية.. دة في نظر القانون.. لكن في نظر جزء معتبر من المجتمع يمكن يكونوا شايلين لقب: بلطجية.. او على احسن الفروض: يستاهلوا هو ايه اللي كان وداهم هناك؟!!! هند ومهند مجرد عينة بينة لكتير من زينة الشباب اللي زي الورد اللي زي حالاتهم كدة.. هنكون النهاردة في حضرتهم وجمدوا قلبكم عشان المواجع ماهياش هينة
بلدنا بالمصري: إحالة بطلان التأسيسية للدستورية العليا
لكن مبدئياً وعلى ما تجمدوا قلبكم خلونا نبدا باخر اخبار بلدنا.. واولنا طبعاً حكم محكمة القضاء الاداري في دعاوى حل التاسيسية اللي استناه الجميع مهما اختلفوا بفارغ الصبر.. فحكمت المحكمة بوقف دعاوى البطلان واحالتها للمحكمة الدستورية العليا للفصل في دستورية المادة الاولى من القانون ٧٩ لسنة ٢٠١٢
بلدنا: بيان الحركات الشبابية بعد مقابلة نائب الرئيس
بيان الحركات الشبابية بعد مقابلة نائب الرئيس المستشار/ محمود مكي
بلدنا - محسوب: على القوى الوطنية أن تتحد لأجل الدستور
حول حكم المحكمة بوقف دعاوى البطلان واحالتها للمحكمة الدستورية العليا للفصل في دستورية المادة الاولى من القانون ٧٩ لسنة ٢٠١٢
معنا على الهاتف
د. محمد محسوب - وزير الدولة للشئون البرلمانية والقانونية
بلدنا بالمصري: الحرية والعدالة وحكم التأسيسية
اما عن ردود افعال القوى السياسية فكانت مختلفة ومتباينة.. حزب الحرية والعدالة اصدر البيان التالي
بلدنا بالمصري - نور فرحات: أحكام اليوم تصيب بالمرارة
حول حكم المحكمة بوقف دعاوى البطلان واحالتها للمحكمة الدستورية العليا للفصل في دستورية المادة الاولى من القانون ٧٩ لسنة ٢٠١٢
معنا على الهاتف
د. محمد نور فرحات - أستاذ فلسفة القانون بجامعة الزقازيق
بلدنا بالمصري: جبهة وطنية لكتابة دستور لكل المصريين
من ناحية تانية وبمجرد صدور الحكم ومن قبل حتى ما يبدا اجتماع القوى الوطنية في نقابة الصحفيين لاعلان جبهة وطنية لضمان كتابة دستور لكل المصريين.. نفس القوى الوطنية اصدرت البيان التالي واللي اعتبرته القوى الوطنية خارطة طريق للتعامل مع اللي وصفته بالواقع المرتبك
بلدنا بالمصري: الأحزاب المدنية لم تدعى لمقابلة مرسي
اما الاجتماع نفسه فبدا من حوالي ساعة ومعانا من قلب الاجتماع من نقابة الصحفيين الزميلة اماني الخياط
بلدنا: بيان أعضاء التأسيسية بعد إحالتها للدستورية
اما فيما يخص مسودة الدستور اللي تم طرحها مؤخراً ومن ساعتها والجدل حواليها مالوش اول من اخر، لكن النهاردة اصدر عدد من اعضاء الجمعية التاسيسية البيان التالي بخصوص المسودة الاولى
تفاصيل أكار معنا
د. وحيد عبد المجيد
بلدنا بالمصري: النظام السياسي في مسودة الدستور
بما ان الدستور والجمعية التاسيسية لكتابة الدستور والمسودة الاولى للدستور هم الشغل الشاغل في بلدنا اليومين دول وبالذات النهاردة فليهم نصيب الاسد في حلقة النهاردة.. معظم المناقشات والتحفظات على المسودة الاولى للدستور لحد دلوقتي منصبة على مواد الحقوق والحريات بشكل اساسي يليها المواد الخاصة بالسلطة القضائية، اما المواد الخاصة بالنظام السياسي فمالهاش سيرة مع انها في منتهى الاهمية والخطورة.. منتدى البدائل العربي قرر يناقش النهاردة النظام السياسي في المسودة الاولى للدستور
بلدنا: وقفة طلاب الجامعات لرفض اللائحة الطلابية
حال اللايحة الطلابية للجامعات ما يختلفش كتير عن حال الدستور ويكاد يكون هذا الشبل من ذاك الاسد ان جاز التعبير.. النهاردة وقفت مجموعة من طلاب الجامعات المختلفة قدام وزارة التعليم العالي احتجاحاً على اللايحة الطلابية الجديدة اللي اعدها اتحاد طلاب مصر ووافق عليها المجلس الاعلى للجامعات اذ فجاةً يوم الخميس اللي فات
ان كنتوا نسيتوا .. مهند سمير و هند نافع في بلدنا بالمصري
مين دة اللي يقدر ينسى كل المواجع ديه وتهون عليه.. مين دة اللي يقدر يفرط في دم وعرض وشرف؟! على اي حال نحن هنا عشان لما علة النسيان تتمكن يبقى العلاج بالصدمة هو الدوا، قبل التفريط ما يبقى عاهة مستديمة ، ويفضل حايلله عرض زايل ان عاجلاً او اجلاً.. بس اللي احنا شفناه وسمعناه دة ماهواش كل المواجع اللي هنقلبها النهاردة لان اللي يسمع غير اللي يشوف واللي يشوف مواجع غيره مهما حس بيها ما تجيش نقطة في بحر مواجع اصحاب المواجع.. هند نافع ومهند سمير عينة بينة لاصحاب المواجع: هند ومهند الاتنين من مصابين احداث مجلس الوزرا والاتنين زيهم زي كتير زيهم اتحولوا بقدرة قادر لمتهمين على ذمة القضية.. وما يغركوش انهم معانا النهاردة فتفتكروا انهم خلاص كفارة والحمد لله.. لا خالص.. هند ومهند و٢٦٧ مواطن تانيين لسة متهمين في القضية اللي قررت المحكمة في جلستها الاخيرة تاجيلها لجلسة ٢٩ نوفمبر واخلاء سبيل كل المتهمين
مهند سمير
هند نافع
تامر جمعة: المحامي
احمد حشمت: المحامي وعضووجبهة الدفاع عن متظاهري مصر
ليست هناك تعليقات:
إرسال تعليق