نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الثلاثاء 2 اكتوبر 2012 يوتيوب كاملة
بلدنا بالمصري: حقيقة موقف أبو إسماعيل من مناظرة صباحي
قبل ما نبدا اخر اخبار بلدنا.. ولان فيه لبس ما حاصل احنا مش قادرين نحدد اسبابه فيما يخص المناظرة اللي تم الموافقة والاعلان عنها من هنا من بلدنا بالمصري بين الشيخ حازم ابو اسماعيل والاستاذ حمدين صباحي، في حضور الشيخ حازم عندنا هنا وعلى الهواء مباشرةً.. صحيح ان الشيخ حازم وبعد ما الاستاذ حسام مؤنس عضو التيار الشعبي اعلن في مداخلته التليفونية عن قبول الاستاذ حمدين لدعوة الشيخ ابو اسماعيل لمناظرته، الشيخ حازم طلب توسيع الحكاية ووجه الدعوة لقيادات التحالفات المختلفة وسماهم بالاسم الدكتور محمد البرادعي والسيد عمرو موسى والدكتور ايمن نور بالاضافة للاستاذ حمدين.. لكن الاتفاق على الهوا وعلى ايد الجميع كان انه اللي هيوافق منهم خير وبركة -وحتى الان احنا ما تلقناش اي رد على دعوة الشيخ لا من الدكتور البرادعي ولا من السد عمرو موسى ولا من الدكتور ايمن نور- لكن على حد فهمنا ان دة ما يغيرش في الاتفاق شئ فيما يخص المناظرة بين اشيخ ابو اسماعيل والاستاذ حمدين بما انه الوحيد اللي لبى الدعوة حتى الان.
لحد امبارح كانت اخرالتطورات فيما يخص محاولاتنا للتنسيق بين المتناظرين ان مدير مكتب الشيخ ابو اسماعيل طلب نمرة الاستاذ حسام مؤنس للتنسيق معاه مباشرةً واحنا عملنا علينا وادناله النمرة سعداء ومستبشرين خير.. بعدها على طول اتفاجئنا بحوار للشيخ ابو اسماعيل مع وكالة انباء الاناضول التركية بيقول فيها الاتي بالنص:
اتصلنا بالشيخ عشان نتاكد من صحة المنسوب ليه فقال انه ما طلبش مناظرة مع الاستاذ حمدين وانه طلب لقاء موسع مع القيادات الاربعة وانه جاهز للقاءهم اول ما يكونوا هم كلهم جاهزين.. فشكينا في نفسنا وفي فهمنا للاتفاق اللي تم على الهوا.. فرجعنا للحلقة فلقينا انه الاتفاق كان كدة بالظبط
بلدنا بالمصري: حمدين صباحي يقبل مناظرة أبو إسماعيل
بعد ما رجعنا لحلقتنا رجعنا للشيخ تاني ناكد له ان الاتفاق اللي تم كان انه لو انتهى الامر بان حمدين صباحي هو بس اللي موافق على الدعوة هتكون المناظرة بينهم هم الاتنين.. ففاجئنا بالرد انه نما الى علمه ان الاستاذ حمدين صباحي نفى هو كمان انه يكون وافق على المناظرة او انه تراجع عن الموافقة.. فاتصلنا بالاستاذ حسام مؤنس عشان نستفهم منه فشرح لنا ان الاستاذ حمدين صرح تصريح من تلات ايام في نقابة الصحفيين ربما اتفهم منه خطا ان الاستاذ حمدين بيتراجع.. دة التصريح صوت وصورة
وبالرجوع للشخ ابو اسماعيل بعد مشاهدة الفيديو وبعد ما وضحناله تصريح الاستاذ حمدين زي ما قاله بالظبط بما انه ماكانش شافه او سمعه لكن سمع عنه.. وعدنا خير ان هو شخصياً هيتصل بالاستاذ حمدين في القريب العاجل وهينسق معاه مباشرةً .. واحنا مازلنا في انتظار الرد.. فوجب التنويه عن كل ما سبق
بلدنا بالمصري: أبو إسماعيل: سنناظر حمدين صباحي
إحنا معانا على الهاتف أ/ محمد مرسي - المحامي وعضو حملة حازم صلاح أبو إسماعيل
بلدنا بالمصري: صباحي: أبو إسماعيل يتهرب من المناظرة
معنا على الهاتف أ/ حسام مؤنس - عضو مؤسس بالتيار الشعبي للتعليق على المناظرة المحتملة بين حمدين صباحي وحازم صلاح أبو إسماعيل
بلدنا بالمصري: تأجيل النظر في طعن حل التأسيسية
من ناحية تانية، محكمة القضاء الإداري اجلت النهاردة النظر في الطعن في قضية "حل الجمعية التأسيسية للدستور"، إلى جلسة 9 أكتوبر للاطلاع.. اما الجمعية التاسيسية فوافقت النهاردة على راي لجنة نظام الحكم باستحداث المفوضية العليا للانتخابات..
معنا على الهاتف - أ/ خلد علي - المحامي
بلدنا بالمصري: الاحتجاجات على أعمال الجمعية التأسيسية
هنروح لرصيف مجلس الشورى اللي ساع النهاردة من الوقفات تلاتة والتلاتة تعددت اسبابهم لكن الاحتجاج على بعض اعمال الجمعية التاسيسية لكتابة الدستور كان واحد
وحيد: الغاء الإشراف القضائي على الانتخابات لازالت فكرة
معنا على الهاتف د. وحيد عبد المجيد حول إستحداث أنظمة جديدة في الإشراف القضائي في الإنتخابات
بلدنا: الألتراس وأهالي الشهداء أمام وزارة الرياضة
نروح بقة لاخر اخبار بلدنا وبما اننا هنتكلم كتير بعدها عن انتهاكات الجيش والشرطة في الفترة الانتقالية ومن ضمنها مجزرة استاد بورسعيد وبما اننا هنتكلم عن الحق في القصاص العادل في عز ما مسطرة العدالة ماسلة، فخلونا نبدا بالوقفة اللي نظمتها النهاردة مجموعة التراس اهلاوي قدام وزارة الرياضة وشارك فيها حوالي ٣ الاف شخص وعلى راسهم عدد من اهالي شهداء بورسعيد
معنا على الهاتف شريف حسن - محرر بموقع في الجول
بلدنا بالمصري: إضراب الأطباء وتناقض الوزارة والنقابة
الاضراب الحزئي المفتوح للاطباء دخل النهاردة يومه التاني ومازال مستمر.. لكن اللي مازال مستمر كمان هو التناقض الصارخ ما بين بيانات وزارة الصحة عن نسب الاضراب وبيانات اللجنة العليا للاضراب عن نفس الاضراب سبحان الله..
بلدنا: رسالة الي اللجنة العليا لَلإضراب بنقابة الأطباء
رسالة الي اللجنة العليا لَلإضراب بنقابة الأطباء لإجراء اللازم بعد شطب كلمة لحين إنتهاء الإضراب في وثيقة خروج والدة تامر إسحق من المستشفى والعثور على من تسبب في هذا العمل إذا كان هناك أي قصور
بلدنا بالمصري: وقفة بالأوتوبيسات أمام الهيئة
من اضراب الاطباء لوقفة عمال هيئة النقل العام النهاردة بالاوتوبيسات قدام الهيئة.. وقفتهم النهاردة سببها الرئيسي ان الهيئة ضحكت عليهم على حد قولهم
بلدنا بالمصري: إضراب سواقين الميكروباصات والسيرفيس
اما عن اضراب سواقين الميكروباسات والسرفيس، فبرده فيه تناقض ما بين البيان الرسمي وما بين تصريحات المضربين والداعين للاضراب.. البيان الرسمي على عهدة الاستاذ مصطفى نفادى، رئيس الجهاز التنفيذى لمشروع النقل الجماعى في الجيزة بياكد عدم استجابة سائقى النقل الجماعى بالمحافظة والسرفيس للإضراب، الذى دعا إليه بعض السائقين فى عدد من المحافظات. اما اللي احنا رصدناه على الارض فكان كالتالي
بلدنا: ضرب وسحل في اعتصام المدينة الجامعية بأسيوط
لمعرفة المزيد حول اعتصام طالبات المدينة الجامعية بأسيوط معنا على الهاتف
إسلام البدري - أحد الطلاب المفرج عنهم
بلدنا بالمصري: مطالب الطالبات المعتصمات بجامعة أسيوط
لمعرفة المزيد حول اعتصام طالبات المدينة الجامعية بأسيوط معنا على الهاتف
ألاء طارق
عادل ريان - نائب رئيس جامعة أسيوط
بلدنا: انتهاكات الجيش والشرطة خلال الفترة الانتقالية
دة خلاصة القول بشهادة منظمة العفو الدولية عن الايام العصيبة اللي عشناها طول السنة ونص اللي فاتوا تحت حكم العسكر وعن مسطرة العدالة اللي لسة مايلة ولسة مش لاقية مين يعدلها ولا حتى الرئيس المنتخب اللي الناس اتعشمت فيه خير لكن يمكن يكون بيضيع فرصته الذهبية في معالجة التركة الدموية للجيش والشرطة والتاكيد على انه في بلدنا ماعادش فيه حد فوق القانون.. عن اللي جرى لنا واللي عشناه واللي شوفناه بالعين.. وعن الفرق بين اللي حاصل واللي المفروض يكون بعد كل اللي جرى لنا هتكون مناقشتنا مع ضيوفنا
د.محمد لطفي
احمد راغب: مدير مركز هشام مبارك للقانون وعضو مجموعة لا للمحاكمات العسكرية للمدنيين وجبهة الدفاع عن متظاهري مصر ولجنة جمع الادلة والمعلومات وتقصي الحقائق
ليست هناك تعليقات:
إرسال تعليق