نشاهد اليوم
برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الاحد 14 اكتوبر 2012 من قناة ONTV يوتيوب كاملة
ONTube: رسالة شفيق لشعب مصر
اول فيديو من مصر .. وهو للمرشح السابق لرئاسة الجمهورية أحمد شفيق. الفيديو ده تم تحميله إنهاردة على موقع اليوتيوب .. و بيتداوله العديد من مستخدمي المواقع الإجتماعية مع إختلاف أرائهم على محتواه.
الفيديو عبار عن بيان للمرشح السابق .. بيوجه من خلاله كلمة لانصاره بشكل خاص .. ولجموع الشعب المصري بشكل عام. وبيتكلم عن المرحلة الحالية اللي بتمر بيها مصر .. منتقدا اسلوب الحكم .. خاصة بعد الازمة اللي أثيرت بين النائب العام والرئاسة. وقال شفيق ان مصر بتمر الأن بمرحلة خطيرة في تاريخها .. وان المطالب اللي خرج عشانها جموع الشعب المصري في ثورة 25 يناير .. لم تتحقق حتي الان.
وطبعا إتسبب بيان المرشح السابق في جدل كبير جدا بين المستخدمين. فمنهم اللي كان معاه و منهم اللي كان ضده .. ومنهم اللي أصيب بالاحباط .. وده كله كان باين في معركة التعليقات اللي موجوده على الفيديو.
طبعا كعادتنا في أون تيوب .. إحنا بنحاول نعرض كل اللي بيتم تداوله على المواقع الإجتماعية .. مهما إتفقنا أو إختلفنا مع المحتوه .. طالما لا يسئ لأحد و بيلتزم بالأداب العامة.
وبعيدا عن المحتوه .. بيأتي الفيديو ده زي غيره كتير من الفيديوهات .. عشان يؤكد قوة الإعلام الإجتماعي .. اللي بيستخدمه الفنانين و السياسيين و العديد من الرموز الإجتماعية بغرض الوصول الى أكبر عدد من المشاهدين.
هنشوف جزء من بيان المرشح السابق .. أحمد شفيق .. و تقدروا تشوفوا البيان كامل على صفحتنا على فيس بوك.
ONTube: مظاهرة ضد الإستعمار
نروح لفلسطين المحتلة .. وفيديو لمسيرة احتجاجية خرجت في منطقة بيت عمر بالضفة الغربية إمبارح العصر .. وشارك فيها مجموعة من النشطاء والحقوقيين العرب والاجانب .. وهتفوا جميعا ضد الاحتلا الاسرائيلي .. والممارسات الي بيقوم بيها المستوطنين اليهود في الضفة الغربية. وبتظهر كمان في الفيديو قوات الامن الاسرائيلية اثناء تصديها للمسيرة .. ومحاولة منع المشاركين فيها من الاستمرار في طريقهم .. عن طريق تكوين حائط بشري او كردون علي الطريق.
جدير بالذكر ان إنهاردة أعلن مصدر طبى فلسطينى عن مقتل فلسطينى وإصابة أخر بجروح .. بسبب غارة جوية إسرائيلية نفذت صباح اليوم على غزة. وده بيرفع أعداد الفلسطينيين اللي قتلوا فى هجمات غير مببرة على القطاع خلال اسبوع واحد .. إلى 3 أشخاص.
ONTube: الجيش الحر يتصدي لطيران الأسد
الي سوريا .. اللي ما زالت فيها الاشتباكات بين الجيش الحر و الجيش النظامي التابع لبشار الاسد .. متواصلة بعنف في جميع انحائها. ومازالت كتائب الجيش الحر بتحاول ضرب و تعطيل السلاح الجوي .. اللي بتستخدمه القوات الأسدية لقصف الاحياء و المدن المعارضة للنظام. فقد افاد المرصد السورى لحقوق الإنسان .. إن مقاتلين تابعين للجيش الحر أسقطوا طائرة حربية تابعة لقوات الأسد .. كانت بتشارك فى قصف بلدة (خان العسل) .. اللى بتشهد اشتباكات عنيفة .. كما هو الحال فى كل بلدات حلب.
والحال لا يختلف في باقي المدن السورية. ففي الفيديو التالي .. اللي تم تصويره بمنطقة (البو كمال ) بمحافظة دير الزور .. بتظهر قوات الجيش الحر وهي بتطلق نيران المدافع المضادة للطائرات .. في محاولة لاسقاط المزيد من الطائرات الاسدية.
ONTube: هجمات ثوار البحرين
من سوريا نروح للبحرين عشان نتابع اخر مستجدات الأوضاع هناك .. واللي كل مدي أزامتها بتدخل مرحلة جديدة او منعطف اخر.
استجوبت إدارة التحقيقات الجنائية فى وزارة الداخلية البحرينية .. أحد زعماء المعارضة الشيعية .. وهو الشيخ (على سلمان ) .. على خلفية زيارته لمصر وتصريحاته اللي أدلى بيها هناك .. حسب ما أفاد محامى جمعية الوفاق .. اللى بيرأسها سلمان.
وذكر المحامى (محسن العلوى) عبر حسابه على تويتر .. إن إدارة التحقيقات استجوبت الأمين العام لجمعية الوفاق .. اللى بتمثل أكبر تيار شيعى فى البحرين .. بخصوص زيارته الأخيرة إلى القاهرة .. و إتهامه الحكومة البحرينية بانها مازالت بتقيد الحريات في البحرين.
و زاد هذا الموقف حالة الاحتقان في البحرين .. وده بيظهر بوضوح في رد فعل المعارضين تجاه النظام .. اللي بنشوفه في الفيديوهات القادمة من البحرين. الفيديو التالي من بلدة الدراز .. وبنشوف فيه مجموعة من المعارضين وهم بيتحركوا في اتجاه احد ميادين البلدة .. وبيقوموا برمي العديد من زجاجات المولوتوف علي مجموعة من السيارات التابعة للشرطة البحرينية.
ONTube: من أمام مستشفى ولد عبد العزيز
الي موريتانيا. أصيب الرئيس الموريتاني محمد ولد عبد العزيز بجروح .. بعد ما أطلقت دورية عسكرية موريتانية النار على موكبه بطريق الخطأ .. حسب ما أفادت وسائل الاعلام الموريتانية.
وقال وزير الاتصالات (حمدى ولد محجوب) .. أن الموكب الرئاسى أثناء عودته إلى نواكشوط .. تعرض لإطلاق نار من قبل دورية موريتانية .. لأنها لم تتعرف على الموكب. وأضاف أن الرئيس أصيب بجروح بسيطة وإن حالته ليست خطيرة.
و تضاربت الاراء حول هذا الحادث .. فالبعض قال انه محاولة اغتيال .. لكن الحكومة مش عايزة تصرح بكدة .. في حين قال البعض الاخر انه مش اكتر من حادث وقع بطريق الخطا.
الفيديو اللي جاي من امام المستشفي العسكري اللي اتنقل اليها ولد عبد العزيز عقب اصابته مساء امس .. وبيظهر في الفيديو تجمع العديد من انصار ولد عبد العزيز .. اللي راحوا الي مقر المستشفي للاطمئنان على حالته الصحية.
يذكر ان ولد عبد العزيز تم نقله إنهارده الصبح الي فرنسا .. لاستكمال علاجه في احد المراكز الطبية هناك.
ONTube: رداً على طلاب إيطاليا
نروح لايطاليا .. وبالتحديد مدينة فينيسيا .. اللي بتعد من اروع المدن في الاوروبية. لكن علي ما يبدو ان السياسات التقشفية اللي قررت تنفذها بعض دول الاتحاد الاوروبي .. اثارت موجة غضب في هذه المدينة.
الفيديو التالي بنشوف فيه جانب من الاشتباكات اللي وقعت بين مجموعات من الطلاب هناك و قوات الشرطة الايطالية .. علي خلفية الاحتفالات ببدء العام الدراسي الجديد في ايطاليا. و بنشوف الطلاب المحتجين اثناء محاولاتهم إجتياز الكردون اللي نصبتوا قوات الشرطة .. و هتافاتهم الغاضبة اللي اطلقوها ضد الحكومة والسياسات التقشفية اللي فرضتها.
ONTube: جولة في أخبار تويتر وفيسبوك اليوم 14/10/2012
ده كان أخر فيديو معانا .. قبل مانروح لفاصل .. هنروح لإسلام القاضي عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير إسلام إيه الجديد عندك؟
ONTube: قفزة فيليكس من الفضاء
المغامر النمساوي يستعد للقفز من حدود الغلاف الجوي
ONTube: زرع القنابل الخضراء .. حملة بذور بلدي
القنابل أنواع .. نوع بيهد ونوع بيبني .. نوع بينهي حياة ونوع بيبدأها.
طول عمرنا بيتقالنا من أجدادنا وأقاربنا الأكبر سنا .. إن فاكهة وخضار اليومين دول مابقاش ليهم طعم ولا لون .. ويقعدوا يحكلنا عن فاكهة زمان وإزاي كان طعمها أحلى والوانها أجمل و ريحتها بتتشم من على أول الشارع. وكبرنا احنا شخصيا وابتدينا نحس إن طعم الفاكهة بيقل و يختفي كل سنة فعلا .. وإن فيه أنواع مابقاش ليها أي طعم .. مع إننا اتربينا على قد إيه الأرض الزراعية المصرية خصبة .. وقد إيه فاكهتنا وخضارنا مالهمش زي. وفجأة اكتشفنا إن احنا بقينا بنستورد البذور الزراعية .. لأنواع معدلة وراثيا .. بتنتجها حوالي عشر شركات بس في العالم .. هما اللي محتكريين الإنتاج الزراعي.
بذور بلدي هي مبادرة شبابية .. بتهدف إلى رفع مستوى الوعي بمشاكل الإنتاج الغذائي في مصر .. وتعزيز دور البذور المحلية. ومن ضمن الطرق اللي بينفذا بيها هدفهم ده .. هي صنع قنابل البذور.
هيكون معانا حالا هدى بركة المتحدث الإعلامي لمبادرة بذور بلدي ..
ليست هناك تعليقات:
إرسال تعليق