نشاهد اليوم
برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الاثنين 10 سبتمبر 2012 من قناة ONTV يوتيوب كاملة
ONTube: حادث الطريق الدائري
نبدا الحلقة النهاردة من مصر ..و فيديو من اعلي الطريق الدائري بعد وقوع حادثة النهاردة مروع علي الطريق بالقرب من كمين المرج..و تسبب في موت 8 اشخاص و اصابة عشرة و اشتعال 5 عربيات.
الحادثة حصلت بعد تصادم عربية نقل مع مجموعة عربيات تانية ..و التحقيقات الاولية اثبتت انه أثناء قيام جميع السيارات بالتهدئة فوجئوا جميعا بالسيارة الأولى تصطدم بالسيارة الثانية من الخلف بشدة..وده لاختلال عجلة القيادة بيد السائق بسبب السرعة الجنونية ونتج عن الحادث مصرع غادة يسرى عبد الشكور 28 سنة وزوجها وطفليهما و4 آخرين وتولت النيابة التحقيق.
و احنا بنطلب دايما من سائقي العربيات النقل انهم يلتزموا بالسرعات المحددة لانهم دايما بيسوقوا بسرعات جنونية بتؤدي لحوادث زي دي..و حادثة النهاردة دي مش اول حادثة تحصل بسبب السرعة الجنونية لسائقي العربيات النقل.
ONTube: لرد كرامة الدين
من مصر كمان .. نروح لامام وزارة الاوقاف في منطقة وسط البلد .. التقط أحد المواطنين اجزاء من الوقفة اللي نظمها أعضاء نقابة الأئمة والدعاة المستقلة .. والحركة الشعبية لاستقلال الأزهر .. والجبهة الحرة للتغيير السلمى .. و اللي كانت صباح امس الاحد و حملت عنوان( منهج الأزهر ووسطيته قضية وطنية). و هتف المشاركين خلال الوقفة (نعم للحفاظ على وسطية الأزهر.. لا لاستيراد المذاهب الأخرى).
وطالب المئات من المتظاهرين بعدم تسييس الدعوة الإسلامي .. وانتقدوا ما أسموه بـ(أسلفة الوزارة). وردد المشاركين فى المسيرة هتافات عديدة .. من بينها (مدنية.. مدنية والأزهر هو المرجعية).. وحاول بعض مسئولى وزارة الأوقاف التفاوض مع الأئمة .. لكنهم رفضوا .. مطالبين الوزير بالنزول إليهم.
ONTube: إحتجاجاً على أحداث النبي دانيال
من مصر ايضا .. لكن من محافظة الاسكندرية .. فيديو بيظهر فيه اجزاء من الوقفة اللي نظمها العشرات من نشطاء ومثقفي الإسكندرية .. في شارع النبي دانيال بمنطقة محطة الرمل .. احتجاجا علي قيام الأمن بإزاله عدد من الأكشاك الخاصة ببيع الكتب في هذا الشارع التاريخي.
الحملة اللي قامت مديرية أمن الإسكندرية بيها علي الباعة الجائلين بمحطة الرمل نهاية الأسبوع الماضي .. كانت قد شملت إزاله عدد من أكشاك بيع الكتب بشارع النبي دنيال .. المتفرع من ميدان الشهداء في منطقة المحطة وسط الإسكندرية.
وحمل المشاركين لافتات كتبوا عليها عبارات مندده بهدم أكشاك الكتب .. زي ( لا لمذبحة الثقافة بالإسكندرية)و( لا للتعدي علي شارع حراس التاريخ).
وحرر عدد من الباعة الجائلين محاضر ضد محافظة الإسكندرية .. لقيامها بإزاله أكشاكهم بدون وجه حق .. خصوصا إن الأكشاك ديه مرخصة .. وحمل محضر لأحد الباعة الجائلين رقم الرخصة الصادرة له.
ONTube: تونس تريد القضاء على الفساد
من مصر نروح لتونس .. و بالتحديد ساحة القصبة .. و فيديو بيظهر فيه الاف التونسيين اللي اتجمعوا من انحاء البلاد تلبية لدعوة التنسيقية الوطنية .. للمطالبة بتفعيل العفو العام .. في ما سموه (جمعة تطهير البلاد و القضاء علي الفساد).
و بيظهر في الفيديو جموع التونسيين و هما بيهتفوا بالقضاء علي بقايا النظام الفاسد .. وحملوا لافتات بتطالب بتطهير العديد من مؤسسات الدولة .. اللي بحسب وجهة نظرهم بيعتبروها لم تتطهر بعد.
وحضر هذه المظاهرة الحاشدة اللي دعت إليها التنسيقية الوطنية .. مختلف القوي الوطنية و السياسية الليبرالية.
ONTube: ثورة البحرين مستمرة
والي البحرين اللي صرحت فيها جمعية الوفاق الشيعية البحرينية .. إن قوات الأمن فتحت النار فى وقت متأخر امس الأحد على تظاهرة بقرية سترة .. الأمر اللي أسفر عن إصابة عضو فى المجلس البلدى للقرية بجروح .. ده غير إنه تم اعتقاله.
وذكر البيان أن الشرطة أطلقت على (متظاهرين سلميين) فى قرية سترة جنوب المنامة .. طلقات سلاح الشوزن الخاص بصيد الطيور والحيوانات .. واللى بتستخدمه القوى الأمنية فى البحرين للتعامل مع الاحتجاجات. وأشارت الجمعية إلى أن أحد أعضائها .. وهو أيضا عضو فى المجلس البلدى للقرية .. أصيب فى الظهر قبل اعتقاله.
الفيديو اللي هنشوف دلوقتي هو لقطات من المسيرة اللي بنتكلم عنها .. بس للحظة ما قبل الاشتباك مع الشرطة البحرينية. المسيرة حملت عنوان (بقصرك انت المسجون) .. و كانت لتايد رموز المعارضة المعتقلين في السجون البحرينية.
ONTube: من أجل أطفال سوريا
ومن الشان البحريني نروح للشان السوري الماساوي .. فلا تزال القوات الاسدية بتقصف .. ولايزال الشعب السوري بينزف دمائه علي ارضه.
ذكر المرصد السورى لحقوق الإنسان أن الجيش السورى بيقوم بقصف جوي اليوم .. على عدة أحياء فى حلب .. كبرى مدن الشمال .. ده بعد ما قتل 27 شخص وأصاب عشرات آخرين بجروح فى التفجيرات اللي نفذها امس الأحد.
وقال المرصد .. إن خمس مدنيين على الأقل .. من بينهم امرأة وناشط .. قتلوا فى هذه الغارات الجوية .. اللى استهدفت العديد من الأحياء .. خصوصا أحياء المرجة (جنوب) والصاخور وهنانو وطريق الباب في الشرق .. و الشيخ خضر في وسط المدينة . و مازال الراي العام العالمي بيقف ضد ما يمارسه بشار الاسد مع شعبه .. و قتله للاطفال و الامهات. فيه مسيرات كتير اتنظمت لاعلان الموقف الدولي من مجازر الاسد .. زي اللي هنشوفه الفيديو اللي جاي .. اللي تم تصويره من حي بروكلين بمدينة نيو يورك بالولايات المتحدة. بيظهر فيه اهالي الحي من الجالية السورية و مؤيدين امريكان .. في مسيرته ضد ما اسموه قتل الاطفال و الابرياء في سوريا .. معلنين تضامنهم مع اطفال سوريا.
ONTube: نهر الصين الدموي
و الي بعض الشئون العالمية .. فمن الصين .. وفجأة وبدون أي مقدمات .. قبل أيام وتحديدا في السادس من الشهر الحالي .. تحول لون نهر يانغتسي بالصين .. أطول نهر في آسيا وثالث أطول أنهار العالم .. إلى اللون الأحمر كالدم.
هذه الظاهرة الغريبة جذبت أنظار العالم كله .. وخصوصا أنه لا يوجد أي تفسير معلن للظاهرة الغريبة دي .. ومازالت الأسباب اللي أدت بهذا النهر العملاق إلى اللون ده .. تحت التحقيق والبحث من قبل الحكومة الصينية. و الفيديو اللي جاي بيظهر في النهر بعد ما تحول من اللون الطبيعي لأي نهر .. إلى اللون الأحمر.
ONTube: جولة في أخبار تويتر وفيسبوك اليوم 10/9/2012
ده كان أخر فيديو معانا في الفقرة الإخبارية .. قبل مانروح لفاصل .. هنروح لزميلي إسلام القاضي عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير إسلام .. إيه الجديد عندك؟
ONTube: أبطال الأوليمبياد
في وقت زي اللي بنمر بيه في مصر اليومين دول .. الأخبار الحلوة بقت نادرة. ويوم ماحد بيعمل حاجة كويسة بنبقى بنتلكك عشان نفرح. فـمابالك بابطال مصر البارا أوليمبين اللي رفعوا راسنا .. مش بس السنة دي .. لكن اللي كتير ميعرفهوش .. إن من بداية مشاركة مصر في الباراوليمبيات .. واللي كانت سنة 1976 .. و الي يومنا هذا .. حصدنا 50 ميدالية ذهب 40 فضة و56 ميدالية برونزية. وللاسف التغطية الاعلامية ليهم ة لإنجازاتهم قليله جدا .. مع إن السنة دي بعثه مصر البارا أوليمبية .. اللي المفروض إنها على وصول بمشيئة الله خلال ساعات قليلة .. حصدت 4 ميداليات دهب, 4 فضة و7 ميداليات برونزية .. يعني مجموع 15 ميدالية.
هيكون معانا تغطية حيه لحشود اللي موجودين دلوقتي في مطار القاهرة لاستقبال ابطالنا. لكن في البداية هنتكلم مع بطل من ابطال مصر في الدورة الأوليمبية .. وهو علاء أبوالقاسم .. بطل سلاح الشيش .. اللي حصل علي أول ميدالية لمصر في أولمبيات لندن 2012 .. وهي الميدالية الفضية .. وهو أول مصري وعربي وإفريقي .. يحقق ميدالية أوليمبية في لعبة المبارزة. ودي مش أول ميدالية يحصل علاء عليها .. فهو حصل في 2008 على الميدالية البرونزية في بطوله العالم تحت 20 سنة .. وذهبية 2010 تحت-20 سنة ايضا. علاء هيكون معانا على سكايب.
ONTube: قرض صندوق النقد الدولي
حسب تقديرات البنك المركزي المصري .. الدين الخارجي المصري بيقدر بحوالي 35 مليار دولار .. وده بيكلف الاقتصاد المصري كل سنة 18 مليار جنيه .. كمصاريف خدمة الدين ده. ومؤخرا عرفنا إن احنا بصدد إقتراض جديد من صندوق النقد الدولي. وعلى حسب الأخبار المتداولة على مواقع التواصل الاجتماعي .. ان شروط القرض بتتمثل في رفع الدعم عن كافة المواد الأساسية زي الدقيق والقمح والوقود ومصادر الطاقة .. و ده معناه إن هيكون في ارتفاع في أسعار الخبز وغيره من السلع الاساسية.. الى جانب أسعار الوقود. في نفس الوقت قامت مجموعة بتنظيم مسيرة ووقفات احتجاجية .. لرفض هذا القرض. وعلى الجانب الاخر في خبراء شايفيين إن القرض ده ضروري في الوقت الحالي .. ولا بديل عنه.
يعني إيه أصلا قرض صندوق النقد الدولي .. و إيه شروطه .. وهل احنا فعلا محتاجينه .. طب ليه في ناس كتير رافضاه ... كل الاسئلة دي وأكتر هيجاوبنا عليها الدكتور فخري الفقي ..
ONTube: مطار القاهرة في إنتظار أبطال الأوليمبياد
معنا مراسلنا محمد الخولي من مطار القاهرة يجري لقاءاً مع إسلام أشرف من حزب الدستور ليوضح لنا ردود الأفعال داخل المطار .
ليست هناك تعليقات:
إرسال تعليق