نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الخميس 14 يونيو 2012 من قناة ONTV يوتيوب كاملة
من جديد: هي دي بقى حسبة برما
السلام والتحية على حضراتكو واهلا بيكو معانا ... انا مش لاقية تعبير غير اللي احنا قولناه هنا من يومين بالظبط .. وهو زي ما بيقول العسكريين .. كما كنت .. كما كنت هي افضل وصف للوضع اللي احنا فيه النهاردة بعد حوالي 500 يوم من 12 فبراير 2011 .
كما كنت بعد بطلان ثلث أعضاء البرلمان واللى بيترتب عليه بطلان المجلس كله ، واللي حيدخلنا في اقل حاجة ممكن نقولها اننا بقينا في حسبة برما.. طيب مين اللي حيبقى مسئول عن الجانب التشريعي في مصر حترجع للمجلس العسكري .. طيب هل معنى كدة الرئيس حيحلف اليمين قدامه ولا حيحلفه قدام رئيس المحكمة الدستورية ولا ايه بالظبط ؟
طيب مستقبل الجمعية التأسيسية .. يعني الحاجة الوحيدة اللي نقدر نقول اننا قدامها واتغيرت بعد الثورة هو اننا حنروح يوم السبت والحد حننتخب الرئيس ومحدش ينكر اننا أمام خيارين كلاهما مر من وجهة نظر كتير.
وبعد الخيارين حنرجع تاني .. لسؤال دستور اولا ولا الانتخابات اولا .. حاجات كتير حتتفتح الايام اللي جاية .. بس السؤال الأهم هل الكل استفاد من الدرس .. ادينا كلنا بنتعلم .. على اية حال خلونا نشوف مصر حصل فيها ايه النهاردة ونرجع نبتدي من جديد.
من جديد: تفسير وتداعيات أحكام الدستورية
تفاصيل اكتر عن احكام الدستورية وتداعياتها هناقشها مع ضيفنا الدكتور عمرو الشوبكي .. عضو مجلس الشعب والخبير بمركز الاهرام للدراسات السياسية والاستراتيجية .. اهلا بيك معانا
من جديد: الرابحين والخاسرين من أحكام الدستورية
من جديد اهلا بحضرتكوا .. قنبلة سياسية جديدة فجرتها المحكمة الدستورية العليا في حكمها النهاردة ببطلان الثلث الفردي في مجلس الشعب ، وعدم دستورية قانون العزل السياسي وبالتالي استمرار الفريق شفيق بالسباق الرئاسي ...
الحكم بمجرد الاعلان عنه لقى ردود افعال كبيرة في الشارع السياسي .. البعض اعتبرة عودة لنقطة البداية والمربع صفر .. والبعض الاخر شايفة انقلاب كامل الاركان وده رأي الاخوان .. وفيه ناس تانيه شايفة ان الحكم فرصة لتصحيح الاوضاع والبدايه من اول وجديد ولكن في المسار الصحيح ...
احنا النهارده هنحاول مع ضيوفنا نشوف : مين الرابحين ومين الخاسرين من حكم الدستورية .. مين اللى استفاد من الحكم ومين اللي خسر .. وبين دول ودول .. يا ترى ايه موقف الشعب اللى لسه بيجني ثمار حالة الارتباك السياسية اللى اتسببت فيها النخب السياسية والقوى الطامعه في السلطه ..
بنرحب بضيوفنا الاستاذ محمد عجاتي المدير التنفيذي لمنتدى البدائل , الدكتور صلاح حسب الله رئيس حزب المواطن المصري
ليست هناك تعليقات:
إرسال تعليق