نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الثلاثاء 1 مايو 2012 من قناة ONTV يوتيوب كاملة
من جديد: تغيير الحكومة طلع كذبة أبريل
لسلام والتحية على حضراتكوا اهلا بيكم معانا .. تصريحات المسئولين في بلدنا ينطبق عليها المثل كلام مدهون بزبدة يطلع عليه النهار . يسيح .. بعد الجدل حوالين تغير الحكومة وبعد كدة نفي للتعديل وبعد كدة تأكيد للتعديل .. وبعدها نفي من فايزة ابوالنجا وبعدها تأكيد من وكيل مجلس الشعب وتحديد 48 ساعة لتنفيذه .. اتحسم الامر .. وتم تأكيد ان الحكومة باقية حتى نهاية الفترة الانتقالية سواء بتصريحات اللوا الفنجري اللي ادا كتف قانوني للإخوان اللي اعلنوا عن التعديل .. فقال اللي اعلن مسئول عن كلامه ..أو بالكلام اللي منشور في اليوم السابع والتأكيد على أن المشير طنطاوي لم يجر أى اتصالات هاتفية بالدكتور الكتاتنى رئيس يخطره فيها بوجود تعديلات وزارية، كل ده عادي ، لكن اللي مش عادي ان الدكتور سعد الكتاتني يطلع هو كمان ويسحب الكلام اللي اتقال عن التعديل الوزاري .. لو ما كناش خلاص دخلنا في شهر مايو كنت قلت ان ديه كدبة ابريل بس متأخرة شوية.
على أية حال خلونا نشوف أهم أخبار النهاردة ونرج نبتدي من جديد
من جديد: حكومة الجنزوري .. بنط العسكري على الإخوان
بنرحب بيك دكتور عمار علي حسن الكاتب الصحفي .. وحنبتدي باول حاجة حاجة كنا اتكلمنا عنها وهي التعديل الوزاري ثم سحب الكلام اللي عنه ، هل كدة نقدر نقول ان المجلس العسكري خد بنط على حساب الإخوان بانه تركهم يعلنوا ان فيه تعديل ثم بعد ذلك سحب الكلام ونفيه من الأساس؟
من جديد: الهجوم على مؤتمرات عمرو موسى
النهاردة السيد عمرو موسى عقد مؤتمر جماهيري بمركز مالاوى بمحافظة المنيا حضره الآف من المواطنين وزير امبارح نظم شباب حركة 6 ابريل وقفة أمام المؤتمر وقاموا بتوزيع منشورات ضد موسى اللي استكمل المؤتمر .
تفسيرك اية لكثرة الاعتداءات والهجوم على عمرو موسى في حملاتة الانتخابية ؟
تفتكر مين اللى واقف وارا الانتقادات اللى وجهت امباراح من طلاب جامعة أسيوط والنهارده في المنيا ضد عمرو موسى..؟
من جديد: خالد علي وصباحي مع العمال في عيدهم
النهاردة طبعا زي ما حضراتكو عارفين عيد العمال وبالتأكيد ديه كانت فرصة لكتير من المرشحين عشان يختلطوا بالناس في يوم زي ده .. تفاصيل اكتر في التقرير اللي جاي.
من جديد: هل يدعم غد الثورة عمرو موسى للرئاسة
هل ممكن حزب غد الثورة يدعم عمر موسى خاصة واننا بنسمع كلام ان ايمن نور بيبذل قصارى جهده لاقناع اعضاء الحزب بدعم موسى في حين الهيئة العليا متمسكة بالمفاضلة بين خالد على وصباحي ؟
من جديد: من المرشح الأقرب للقوى الثورية
اخبار لجنة المائة اية .. هل هنسمع قريب عن توافق على مرشح ثوري .. خاصة بعد ما شفنا حمدين صباحى وخالد على المرشحان لرئاسة الجمهورية رفعا ايدهما سويا خلال الاحتفال بعيد العمال أمام مجمع التحرير ؟
تفسيرك اية لرفض المرشحين الثورين التوافق على مرشح واحد .. ولية كل واحد منهم متخيل انه ممكن يفوز بالمنصب مع ان فرصة قد تكون ضعيفة ؟
من المرشح الاقرب للقوى الثورية من وجهة نظرك ؟
من جديد: عمرو موسى وبطحة النظام السابق
هل نقدر نقول ان عمر موسي في وقت من الاوقات ممكن يكون الرئيس التوافقي ؟
هل بطحة الانتماء للنظام السابق مازال بيعاني منها موسى حتى الان ؟
لماذا اختار الوفد دعم موسي بدل من اي مرشح اخر محسوب على القوى الثورية ؟
من جديد: مواجهات في مؤتمر محمد مرسي بالغربية
النهاردة زار مرشح الإخوان الدكتور محمد مرسي محافظة الغربية واللي بتعد احد معاقل الإخوان بالتأكيد كان فيه استقبال حافل من جانب اعضاء الجماعة لكن الامر ما خلاش من المواجهات بين المؤيديين والرافضين لمرسي التفاصيل حنعرفها من الأستاذ عادل درة مدير مكتب اليوم السابع بالغربية
من جديد: التصدي لهيمنة الإخوان على اللجنة التأسيسية
النهاردة عقد الدكتور محمد أبو الغار مؤتمر للقوى السياسية لبحث امكانية التصدي للإخوان المسلمين لعدم استحواذهم على الجمعية التأسيسة تفاصيل اكتر في التقرير اللي جاي وكل الشكر والتقدير ليك يا دكتور عمار وبعد التقرير حنطلع فاصل وبعد الفاصل حيكون معانا المرشح لرئاسة الجمهورية الفريق حسام خيرالله.
من جديد: أجازة البرلمان مساندة للإخوان !!
الكلام المنشور النهاردة عن ان الكتاتني ادى اجازة للبرلمان لمساندة مرسي في الانتخابات ومش عشان الحكومة ؟
الفريق حسام خير الله وبرنامجه الانتخابي في من جديد
اهلا بيكم مرة تانية في من جديد .. ضيفنا النهارده المرشح الرئاسي الفريق حسام خير الله .. وكيل جهاز المخابرات العامة الأسبق، والمرشح لرئاسة الجمهورية عن حزب السلام الديمقراطي .
الفريق خير الله من مواليد 22 يوليو 1945 وينتمي لأسرة لها جذور كبيرة في المجال الأمني ، أبوه اللواء « أحمد حسام خير الله »، مؤسس الأمن المركزي المصري والنائب السابق لرئيس الوزراء... اما جده من والده هو القائد « محمد حامد خير الله »، مدير أمن محافظة الجيزة والذي أصبح المحافظ العسكري لبيروت أثناء الحرب العالمية الثانية.
المرشح الرئاسي خدم في القوات المسلحة المصرية وانتقل لجهاز المخابرات العامة، لحد ما وصل إلى منصب يعادل المدير التنفيذي للجهاز ثم تقاعد سنة 2005.
ليست هناك تعليقات:
إرسال تعليق