شارك مع اصدقائك

20 أكتوبر 2011

برنامج بلدنا بالمصرى تقديم ريم ماجد على قناة ONTV حلقة الاربعاء 19/10/2011 يوتيوب كاملة

برنامج بلدنا بالمصرى تقديم ريم ماجد على قناة ONTV حلقة الاربعاء 19/10/2011 يوتيوب كاملة






بلدنا بالمصري: خط سير حرز رصاصة ماسبيرو



يسعد مساكم وحلقة جديدة من بلدنا بالمصري.. هنبدأها بمتابعة سريعة لخط سير الرصاصة اللي تم استخراجها أول امبارح بالليل في المستشفى القبطي من جسم عماد عبد العزيز أحد المصابين في أحداث ماسبيرو.. لحد امبارح وعلى عهدة، الدكتور/ هشام شيحة: مساعد وزير الصحة للطب العلاجي، إن الرصاصة موجودة ومحرزة في مكتب مدير المستشفى الدكتور/ محب إبراهيم في انتظار بقية الإحراءات القانونية اللي لازم تبدأ بتسليمها للنيابة العامة ثم مصلحة الطب الشرعي. الرصاصة وصلت لحد فين بالظبط، دة اللي هنعرفه من:





بلدنا: عنان يلتقي خمسة من قيادات الكنيسة الأرثوذكسية



نروح لاخر أخبار بلدنا وبرده على خلفية أحداث ماسبيرو اللي راح ضحيتها 27 شهيد من المواطنين المصريين وإصابة اكتر من 300 تانيين، دة غير الشهداء والمصابين في صفوف الجيش اللي حتى الان المجلس العسكري مصر على عدم الإعلان عن عددهم.. على خلفية الأحداث ديه، الفريق سامى عنان، نائب رئيس المجلس الأعلى للقوات المسلحة ورئيس أركان حرب القوات المسلحة، قابل النهاردة في مقر وزارة الدفاع، وفد كنسي ضم خمسة من قيادات الكنيسة الأورثوذكسي، في حضور عدد من أعضاء المجلس العسكري.





بلدنا بالمصري: مصير الـ 12 المفرج عنهم في أحداث السفارة



قبل ما نكمل آخر أخبار بلدنا، خلونا بس نطمن على ال12 شاب اللي كانوا متهمين في أحداث السفارة الإسرائيلية. نيابة أمن الدولة العليا طوارئ قررت أول امبارح اخلاء سبيلهم على ذمة القضية والقرار تم ارساله فعلاً لإدارة سجن طرة لتنفيذه، وترحيلهم تمهيداً لإخلاء سبيلهم.. لكن لحد امبارح بالليل وزي ما تابعنا مع حضراتكوا، أهالي الشباب ما كانوش عارفين هم فين وكانوا متشحططتين مابين مديرية أمن الجيزة وأقسام الشرطة اللي اتقال لهم إن ولادهم، يمكن يكونوا اترحلوا عليها.. الولاد ديه فين ولقيناهم ولا لسة دة اللي هنعرفه من:






بلدنا بالمصري: تسوية أوضاع عمال غزل المحلة



النهاردة وزي ما اكد لنا يوم الاتنين الدكتور/ أحمد البرعي وزير القوى العاملة، تم توقيع الاتفاقية الخاصة بتسوية اوضاع عمال شركة غزل المحلة وكل العمال في شركات النسيج التابعة للشركة القابضة، قبل 24 ساعة من تنظيمهم اضراب شامل.





بلدنا بالمصري: 24 أكتوبر .. يوم الكرامة لأفراد الشرطة



الائتلاف العام لأمناء وأفراد الشرطة، أصدر بيان النهاردة دعا فيه كل أفراد الشرطة على مستوى الجمهورية للإضراب عن العمل يوم 24 أكتوبر، اللي سماه البيان " يوم الكرامة لأفراد الشرطة"





بلدنا: وقفة احتجاجية لطلبة أكاديمية أخبار اليوم



طلبة أكاديمية أخبار اليوم وبعد ما فاض بيهم خاصة بعد قرار مجلس إدارة الأكاديمية بفصل عشرة من الطلبة والطالبات ما بين سنة وسنتين، عقاباً ليهم على احتجاجهم، نظموا النهاردة وقفة احتجاجية مش في مقر الأكاديمية بقة، لكن في شارع الجلاء قدام المبنى القديم لجريدة أخبار اليوم شخصياً.





احتجاجات المحامين على مشروع قانون السلطة القضائية



على الرغم من إن مجلس القضاء الأعلى وجه الدعوة لجموع المحامين عشان يتقدموا بملاحظاتهم ومقترحاتهم لأمانة المجلس حوالين مشروع قانون السلطة القضائية أو بمعنى أدق " جدول اقتراحات وملاحظات لمسودة أولي لمشروع السلطة القضائية"، ودة العنوان بالحرف الواحد اللي اطلقته لجنة المستشار أحمد مكي على مشروعها المبدئي، لكن على الرغم من الدعوة ديه إلا إن احتجاجات المحامين ضد المشروع وضد تأجيل انتخابات نقابة المحامين لأجل غير مسمى، لسة مستمرة على مستوى الجمهورية من اسكندرية لأسوان وبتاخد أشكال مختلفة من أول الوقفات الاحتجاجية والاعتصامات قدام المحاكم لحد اغلاق المحاكم بالحبال والجنازير ومنع القضاة من ممارسة عملهم، دة غير التهديد بافضراب الكامل عن العمل





بلدنا بالمصري: أحوال النيل في بلدنا .. وأشياء أخرى


صحيح إن مصر هبة النيل، لكن يمكن هي ديه المشكلة، لإن لو النيل بعافية وميته على قده وكل من هب ودب يدوس له على طرف مرة تعدي ومرة تلوث وما خفي كان أعظم، يبقى سلامة بلدنا هي وأهلها وناسها وألف سلامة عليهم وربنا يشفيهم ويشفي شريان حياتهم.. عن العلل وعن الدوا وعن احتمالات الشفا هيكون حوارنا بصريح العبارة مع وزير الموارد المائية والري، الدكتور هشام قنديل.
الدكتور/ هشام قنديل: وزير الموارد المائية والري

ليست هناك تعليقات:

إرسال تعليق