برنامج مانشيت مع الاعلامى جابر القرموطى على قناة ONTV حلقة الاربعاء 19/10/2011 يوتيوب كاملة
مانشيت: الصحافة المصرية النهاردة 19/10/2011
قراءة في الصحافة المصرية المطبوعة والإلكترونية مع جابر القرموطي
مانشيت: محمد العزبي .. المعادي حدوتة
استاذنا محمد العزبي بينصحنا بقرأت تفاصيل وشخصيات روآيات المعادي حدوتة لزميلنا الاستاذ محمد غزلان اللي بيتكلم فيها عن شخصيات سكنا منطقة المعادي باسلوب يراه العزبي راعا .
مانشيت: الانتخابات المقبلة .. والكارثة المنتظرة
بيؤكد زميلنا فهمي السيد في الاهرام اننا مقبولين علي كارثة ومن ثم قبل التفكير في اجراء انتخابات لابد من اصدار قرارات رادعه تضمن عودة الامن واستقرار الشارع المصري في اولها اجراء تغير جوهري في فكر قيادات الشرطه بالتعامل بمنظور مختلف مع الشعب المصري يتناسب فكر الثورة العظيم .
مانشيت: لحد امتى هنعتمد أنصاف الحلول
لحد أمتى هنعتمد أنصاف الحلول ... لحد امتى هنتعامل مع الكوارث اللي بتحصل في البلد على إنها مجرد أرقام لضحايا ... الدكتور عمرو الشوبكي بيقول في المصصري اليوم إن ناس كتيرة اهتمت بالغناء للوحدة الوطنية بعد الأحداث وتجاهلت تخفيف آلام أهالي الضحايا وتعزية البابا شنودة علشان يلتقطوا الصور معاه والوحيد اللي اهتم بزيارة مقابر الضحايا كان الدكتور البرادعي ... الشوبكي بيشيد بتصرف البرادعي وشايف إنه الوحيد اللي ما تجرش بدماء الضحايا.
مانشيت: ضابط صغير بيدي درس للواءات
زميلنا كارم الديسطي في جريدة التحرير بيحكي لنا قصة دارت بين مدير مباحث الدقهلية وضابط كمين كفر برج العرب .. القصة اللى بدات لما الضابط الصغير اللى برتبة نقيب كان بيشوف شغلة على الكمين وفجأة شاف عربية موديلها حديث ومفيش فيها لوحات امامية ، قام الضابط وقفها وسأل قائدها عن رخصة القيادة والسير ، لكن اللى سايق العربية رد علية وقالة انا ابن لواء شرطة كبير انت متعرفش انا اين مين .. انا ابن اللواء فلان الفلاني وعلى فكرة كمان انا مش معايا رخصة قيادة .... الضباط الصغير اصر انة ينفذ القانون ويفتش العربية خاصة وانة ريحة الحشيش كانت بتفوح من العربية ، تطور الامر لدرجة ان الشاب حاول الاعتداء على القوة المصاحبة للضابط واتصل بوالدة سيادة اللواء اللى حضر للواقعه بعد نص ساعه وعمل طبعا اتصالاتة علشان يعدي المخالفة ... بس النقيب احمد رضا اللى مسك العربية رفض كل المحاولات ، رفض تهديد رئيسة العميد سعيد عمارة مدير المباحث الجنائية ، اللى هددة بالتحويل للتحقيق لو ماسبش العربية تمشي من غير تفتيش .. بصراحة نموذج مشرف ، ضابط ضغير بيدي درس في القانون للواءات ورتب كبيرة عاشت وكبرت في الفساد .. تحية لهذا الضابط ولازم نكرمة ونعرف المجتمع ان فية نماذج محترمة في الشرطة زى ما فية كمان نماذج سيئة ...
مانشيت: أيها الوطن الجريح .. عذراً
طارق رضوان بيقول في مقالة بمجلة صباح الخير اللي بعنوان رساله الى الوطن : يا ايها الوطن الجريح عذرا ، فنحن الجاهلون حقا ، نحن الحمقى في وطن مثلك لا يستحق امثالنا ، قد جرحت كثيرا ودمعت عينك كثيرا وسالت دماؤك على الاسفلت وعلى الجدران ونحن ها هنا متفرجون يا ايها الوطن الغالي ... لطخنا صورتك وسمعتك وبعناك في سوق النخاسة ببضعه دراهم وريالات ودولارات ويورهات ...
وبيختم المقال : انك وطن عظيم لا نستحق الحياه على ارضك الطاهرة فكثير علينا وكبير علينا وطن كمصر العظيمة لاننا لسنا عظماء نحن اقزام ندوس بأقدامنا اجمل ما فينا .. عزاء يا وطن فيك وفي شهدائك وشبابك عزاء لجنود جيشك ولشباب اقباطك ، عزاء لدينك السمح ولا عزاء علينا فالعار حقنا نتجرعة راضين .. عذرا يا وطن عذرا يا مصر
مانشيت: مأساة أم وطفلتيها ضحايا بلطجي
مباحث الجيزة مكبرة دماغها على بلطجي المنيب اللى تسبب ان طفلة صغيرة تفقد نور عينها .. القصة بدأت ان فتوة المنيب سيد سعيد الشهير بسيد الليبي فرض سطوتة على سكان شارع عمر مكرم .. الاخ البلطجي كان عامل خناقة مع احد الجيران بالمنطقة وعلشان يرهب ويخوف سكان المنطقة قام ضارب كام طلقة في البلكونات الموجودة، وللاسف الطلقات دي استقرت في عين طفلة اسمها سلمي كانت واقفة في البلكونة تتفرج ، وحصلها انفجار في العينين ونزيف موقفش لحد ما نقلوها لمستشفي القصر العيني، وكان النتيجة ان الطفلة فقدت بصارها تماما ومازالت الطلقات داخل الراس بين المراكز العصبية مش عارفين الاطباء يطلوعها .. الغريب بقا زي ما بتقول والدة الطفلة ان المجرم والبلطجي دة لسة حر طليق محدش قادر يقرب لة وعمال يوزع شرة على الناس بالرغم من علم الاجهزة الامنية بجميع تحركاتة ولم يتم القبض علية لحد دلوقتي .
ليست هناك تعليقات:
إرسال تعليق