شارك مع اصدقائك

23 أكتوبر 2011

برنامج مصر فى اسبوع حلقة الجمعة 21/10/2011 من قناة ONTV يوتيوب كاملة

برنامج مصر فى اسبوع حلقة الجمعة 21/10/2011 من قناة ONTV يوتيوب كاملة


البابا شنودة يعزي أسر شهداء ماسبيرو

امبارح البابا شنودة التقى اسر شهداء احداث ماسبيرو وقدم ليهم واجب العزاء فى وفاة ابنائهم تفاصيل اكتر عن اللى حصل فى المقابلة فى التقرير اللى جاي




وزير الداخلية يشارك في جنازة النقيب عمرو مسعد


النهاردة تم تشيع جنازة شهيد الشرطة النقيب عمرو مسعد من مسجد الشرطة بالدراسة واللى استشهد فجر الخميس وهو بيقضى واجبه على يد مجموعة من البلطجية ربنا يصبر اهله ويلهمهم الصبر والسلوان تفاصيل اكتر عن الجنازة فى التقرير اللى جاي




مصير المصريين المتهمين باغتيال مبارك في إثيوبيا


فيه ثلاثة مصريين كان تم اعتقالهم فى اثيوبيا بتهمة محاولة اغتيال الرئيس المخلوع ولحد الوقت ده اهاليم ميعرفوش عنهم اى حاجة واهاليهم مش عارفين ان كانوا معتقلين ولا عليهم حكم وايه ايه ظروفهم هناك لمزيد من التفاصيل معانا




رأي الشارع في إضراب المحامين


من ابرز الحاجات اللى حصلت الاسبوع اللى فات غضب المحامين بسبب قانون السلطة القضائية ...لكن المواطنين مصالحهم مطلعة بسبب اغلاق المحاكم فتعالو نشوف راى الناس فى اضراب المحامين فى التقرير الى جاى




رأي الناس في غموض الانتخابات القادمة


الترشيح للانتخابات مجلس الشعب ماشى على اشده بعد ما التحالف الديمقراطى قدم القوائم بتاعته امبارح ...بس فيه احساس فى الشارع عند جزء من الناس انهم مش فاهمين اللى بيحصل فى الانتخابات واكمان ميعرفوش شكل الانتخابات هيكون ايه وايه شكل النظام الانتخابى ...فتعالو نروح نستطلع راى الناس حوالين سير العملية الانتخابي ورؤيتهم ليها ايه




وفاة الكاتب الكبير أنيس منصور


توفى صباح اليوم الجمعة، الكاتب الكبير أنيس منصور عن عمر يناهز 87 عاما، وذلك إثر إصابته مؤخراً بالتهاب رئوى حاد وآلام فى الظهر، تم على إثرها نقله إلى غرفة العناية المركزة، نظراً لتدهور حالته الصحية....تعالو نشوف تقرير حوالين مسيرة الكاتب الراحل




م ف أ: حوار مع محافظ المنوفية المستشار أشرف هلال

زى ما احنا متعودين مع حضراتكم كل اسبوع اننا هيكون معانا محافظ اقليم نغوص معاه بعمق فى مشاكل المحافظة وسكانها ...ضيفنا النهاردة محافظ غير تقليدى لكونه اصغر المحافظين سنا ...ولكونه اول محافظ ينزل بنفسه يبيع انابيب البوتاجاز فى الشارع ايام ازمة الانانبيب ...ده غير ان محافظته من اكتر المحافظات ازالة للتعديات على الاراضى الزراعية اللى حصل عليها تعدى بعد الثورة ...فعلا احنا قدام محافظ بيضرب بيد من حديد على كل مفاتيح الفساد فى المحافظة...بيحاول يصلح كل الاخطاء ويرجع الامور الى نصبها الطبيعى ...لكن ده ميمنعش ان لسه المحافظة فيها مشاكل كتيرة زيها زى المحافظات اللى بتعانى نقص من الخدمات ...هنحاول النهاردة نفتح معاه ملف محافظة المنوفية وهنحاول نلاقى حل للمشاكل دى ومستنيىن تليفونات حضراتكم لعرض المشاكل العامة اللى عايشنها .- المستشار اشرف هلال محافظ المنوفية





م ف أ: غضب المحامين بسبب قانون السلطة القضائية



قانون السلطة القضائة اول ما علن عنه وعن تشكيل لجنة لوضع القانون حصلت خلافات بين القضاه وبعضهم على القانون وبنوده ...لكن اللى ذود الموضوع حالة الغضب اللى عند المحامين من القانون وخصاة المادة 18 منه ...وده طبعا خلى المحامين يعملوا اضراب عن العمل وهيصعدوا الامر لحد عقد جمعية عمومية للمحامين يوم الاتين اللى جاى ....والازمة شغالة بقالها اسبوعين والحكومة بتاعتنا كعادتها ودن من طين والتانية من عجين ...وايه بقى ذذنب المواطن البسيط ان مصالحه تتعطل وهو مالوش ذنب ومالوش علاقة بالقانون واكيد ميعرفش القانون ده فيه ايه ...عن الخلاف بين جناحى العدالة هتكون فقرتنا النهاردة مع ضيوفنا- المستشار احمد الفقى رئيس محكمة استئناف القاهرة .- الاستاذ مختار نوح المرشح لمنصب نقيب المحامين - الاستاذ على حسن نائب رئيس تحرير وكالة انباء الشرق الاوسط والمحرر القضائى





مصر في أسبوع: تيد إكس طنطا TEDxTanta


يمكن يكون فى ناس كتير ما سمعتش عن مؤتمرات تيد ، وفى ناس سمعوا عنها لكن ما يعرفوش عنها حاجة احنا النهاردة وبمناسبة المؤتمر اللى هتعمله تيد فى طنطا هنتكلم عن مؤتمرات تيد اللى بدأت فى 1984 وكانت فكرتها تدور حول "نشر الافكار التى تستحق النشر" ..
استخدمت مؤتمرات تيد TEDx فى نشر العديد من الافكار التقنية والحياتية زى الاعمال التطوعية وغيرها من الافكار التى تبحث عن مكان لتنشر خلاله ..

ده بالاضافة الى الخبرات اللى بيتعلمها الفريق المنظم لاى مؤتمر من مؤتمرات تيد TEDx..
واى شخص على مستوى العالم يمكنه ان ينظم مؤتمر لتيد TEDx فى بلده .. طالما انه لا يستخدم المؤتمر لعمل دعاية تسويقية او لاى هدف تجارى
هنتكلم دلوقتى بالتفصيل عن مؤتمرات تيد وايه اللى بتهدف ليه ومنهجها وعن المؤتمر الجاى اللى هيتعمل فى طنطا
- كريم عبيد
- عمرو الشيخ
- نها جمال

ليست هناك تعليقات:

إرسال تعليق